رد: طلبات نوتة أ / عادل صموئيل الجزء الثانى
تدوين جميل لأغنية شو قولك ،التي يحفظها الجميع على اختلاف أذواقهم الفنية . و توصيفك استاذ عادل بانها من النوع السهل الممتنع دقيق جدا و الاحظ ان الكثير من العازفين يكسرون الايقاع و بالذات دون مصاحبة للغناء . و تعليقا على كلامك الجميل فيما يخص تعدد الجمل اللحنية للمقام ذاته مع الاحتفاظ بخصوصية كل جملة ، استطيع ان اعمل ريميكس لعشرات الأغاني الحديثة دون ان تشعر بتغير اللحن و هذه كارثة كبرى تدل على مدى الانحدار الفني .
شكرا لك .
اخى العزيز اشكرك على التفهم وكلامك بيفتح مواضيع اكتر واكتر بس المهم ان الاعضاء ممكن يستفيدوا
او انا سألتك سؤال ايه الفرق الخطير بانك تدخل متحف .. او انك تروح السوق .. فى السوق اى شىء حتلاقيه بيبقى فيه منه كتير جدا يعنى الملابس المصنع بيعمل ألاف من كل قطعة والموبيليا وخلافه .. لذلك كل قطعة بنستعملها ولما تدوب بنغرها لكن مالهاش اى قيمة فنية ... اما المتحف كل قطعة فيه بيبقى لها قيمة فنية والا لن اللى عملها عمل منها قطعة واحدة فقط وده سر تميزها وثانيا ما اقدرش تعجبنى قطعة ف المتحف وانزل اى سوق اشترى زيها .. داوقتى عشان مفيش تذوق كل الاغانى شبع بعض لكن زمان كان لازم كل اغنية تبقى لها نكهة متميزة .. اما موضوع اغنية شوقولك ليه العازفين بيكسروا الايقاع .. اولا متعودين ع الاغانى السريعة يعنى الاغانى السريعة بتحتاج تكنيك عالى اما الاغانى البطيئة اصعب منها لنها بتحتاج عازف متذوق جدا , يعنى انا مثلا لما بسجل احد معزوفاتى .. مش انا حافظها وممكن اعزفها فى اى وقت .. بطون طبعا عازفها من قبل ممن آلاف المرات لكن عشان اسجلها وتتحسب عليا لازم ابتدى اسمعها من اول وجديد وبكتشف فيها خبايا ماكنتش شايفها من قبل ( وده للعلم بيحصل معابا كتيلا اثناء الدتوين لنى بضع الاغنية على الميكروسكوب ) بعدين ببتدى ادندنها وانا ماشى فى الشارع او اثناء قيادة السيارة وبالذات فى اشارات المرور المزعجة اللى بنقف فيها كتير ... بمسك جزء جزء او كوبليه كوبليه .. بغنيها لازم بعدين لما تكتمل نبدأ فى عملية الاخراج .. يعنى الجملة اللى بتغنيها ام كلثوم ازاى اقولها انا بالكمنجة وتطلع حلوة زى ام كلثوم وايه الحلية اللى ممكن اضعها او طريقة سحب اصبع ... جملة مثلا بيعزفها القانون ازاى اقولها بالكمنجة مع انها معمولة اصلا للقانون وازاى اقولها احلا من القانون ... من هنا فيه جمل بتبقى طويلة بحسبها كويس بحيث تطلع مضبوطة وماتخرجش عن الوحدة اما العازف اللى مش بيعمل كده اكيد لازم اى علامة طويلة يعنى مثلا روند زائد نوار تطلع منه اطول او اقصر ... فيه شىء تانى خطير وهو الفزلكة او ان العازف بيستعرض مهارته ... وهنا بيخرج عن الوحدة وبيشوه الجملة بيخليها هلامية مالهاش معنى .. وكان اهم شىء ايامنا ان العازف لازم يلتزم باللى حفظه عن الملحن مش مسموح لو باكتر من عُربة واحدة يضع فيها بصمته يعنى شوف الحفناوى كان الصولو هو هو زى ماحافظ حتى لو عزفه فى 20 حفلة لأن الناس حافظاه كده ولو قال حاجة تانية الناس مش حاتفهمها .. مشكلة الفزلكة دى موجودة عند اصالة ... وابتدت مع فرقة هانى مهنى لأنه كان مع الماسية وام كلثوم محدد زى ما الملحن عايز .. لما اصبح هو صاحب الفرقة بيعمل زى ماهو عايز يعنى فيه جملة بتقولها الفرقة بتكون ملتزمة بالنوتة بعدين هو يقولها يحط حاجات من عنده انا شخصيا مش بفهمها وهو كده بيضيع اللحن لأن الفرقة بتقولها بعدين الاورج ثم الفرقة ثم الاورج المفروض ان الجمهور سمعها 4 مرات تبتدى تتحفظ يعنى الجمهور يفهما لكن لو قالتها الفرقة بعدين يدخل الاورج ( او الصولو ) يشوهها يبقى مسح اللى قالته الفرقة لما الفرقة تعزفها تانى بيكونخلاص تركيز الجمهور معاها طار وهكذا .. يعنى انا لما بدون اغنية وبيبدأ الاورج ثم الفرقة انا بدونها من الفرقة لنها اضبط .. والكارثة ( وحصلت كذا مرة ) ان بيكون الحملة بيقولها صولو الاورج فقط ماحدش بيعيدها .. طبعا المفروض قدامه نوتة وهو بيقول حاجات تانية هلامية فاكر انها احلا كده انا لابفهمها وماتفعش تتدون بضطر الغى تدوين الاغنية كلها لأنى مش معقول اكتبها ناقصة جملة
مع اطيب تحياتى عادل صموئيل
التعديل الأخير تم بواسطة : عادل صموئيل بتاريخ 19/01/2015 الساعة 18h40
|
العرض المتطور
