طلبات نوتة أ / عادل صموئيل الجزء الثانى

[داؤد بغدادي]

المشاركة الأصلية كتبت بواسطة عادل صموئيل

احبائى
ونحن على اعتاب الكريسماس يوم 25 يناير

ااقدم لكم ترنيمة فيروز

واحبيبى

وانا اشكر الاخ العزيز سليم العباس انو اختاراللحن الجميل ده واللى انا بعتبره من احلى خمس الحان غنتهم فيروز ... وفيه قيمة فنية كبيرة جدا جدا .. ان لانسان لما يعمل ترنيمة او اغنية دينية لازم تكون احلى ماعنده مش انها اغنية دينية وخلاص .. وده اللى خلا اعمال العمالقة الدينية والوطنية كلها فى نفس قيمة الاغانى العاطفية
الترنيمة الجميلة دى انا عارفها وبعزفها من اكتر من 35 سنة .. بس الناهردة ( وانا شفت الطلب بالظبط من 25 دقيقة بالتحديد ) ال حاجة ماقدرتش امسك نفسى انى ادونها على الفور مع مراعاة الدقة المتناهية .. لنها بتتقال بس مع الاسف بيغيروا فيها حروف او تداولت وفيها تغييرات احيانا بتبقى مش طفيفة .. ومن هنا الامانة بتقضى انى دونتها بدقة متناهية مع انى حافظها بس لما تركز فى الملف الصوتى بتظهر حاجات دقيقة هى قيمة وحلاوة اللحن يعنى الجملة بتتكرر لكن مش كل مرة زى بعض ... ومراعاة ان ناس كتير مممن تاخدها وتعزفها من تدوينى يبقى اعطيتهم اصح فى فى الصح ... انا وانا بدون اللحن ده ما اقدرش اوصف لكم شعورى يعنى حسيت انى فى مكان تانى مش على كوكب الارض اللى بقا مزعج .... اوى
اطيب تحياتى واترككم مع اللحن ارائع

أستاذي العزيز عادل صموئيل

أعتقد ان شعورك الجميل هذا وكانك في عالم أخر ليس محض صدفة لان لحن هذه الترتيلة ليس وليد اليوم أو البارحة ولكن عمره مئات السنين

استاذي العزيز هذا لحن من ألحان الموسيقى السريانية العريقة واسم الترتيلة "كاذ نوفيق" ولايزال يرتل في العراق وسوريا ولبنان وقد أخذته فيروز ورتلت عليه واحبيبي وهي حتى في كلماتها تشبه الترتيلة الأصلية

قد أكون مخطي لاني لست موسيقيا فأرجو السماح ولكن يهمني أن أسمع رأي حضرتك

ولحضرتك ولكل الأخوة أرفع الترتيلة الأصلية وهو تسجل قديم وقد يكون غير واضح جدا فعذرا

أخوكم داؤد
اخى العزيز
اشكرك على المعلومة والتسجيل الرائع ... وهو واضح وجميل جدا
من وجهة نظرى .. فيروز كانت بتحب تقدم اعمال عاليمة وده شىء بيضاف الى قيمتها واعمالها الفنية .. اسبب انها بتقرب للجمهور الحان جميلة وثرية جدا كان من الممكن هم لا يسمعوها ولا يعرفوها إلا عن طريق فيروز .. يعنى اولا الترانيم السريانية دى بيقتصر سماعها على فئة قليلةمن الناس وممكن وسط الكم الهائل والآلاف منها بتضيع فى الزحام ولكن فيروز لما اختارت عدد منها هى كده اوصلته لملايين من البشر ... عندك كمان الموسيقى الكلاسيكية مش كل الناس بتسمعها جت فيروز وخدت منها الجملة الاساسية فى كل من السيمفونية ال 40 لموتزارت وكونشتو الكمان لتشايكوفسكى وهنا هى عرفت ملايين من الانس لموسيقى جميلة لو مكانتش فيروز عمرهم ماكانوا اتعرفوا عليها .. بعدين الاهم ان فيروز بتأديها بإحساس طربى عالى جدا بيقرب اللحن اكتر واكتر مع اطيب تحياتى وكل عام وانت بخير عادل صموئيل

[ملحن مصري]

لينك موسيقي شروق - هاني مهني

https://www.youtube.com/watch?v=9MslGvPFVOQ

[عادل صموئيل]

احيائى
مع موسيقى هانى مهنى

شروق

مع اطيب تحياتى

[feras fathi]

يعطيك الف عافيه استاذنا الغالي عادل صموئيل وكل عام وانت بالف خير بمناسبه العيد اعده الله عليكم بالخير اجمعين


كنت حابب اطلب اغنيه انا وليلى كاظم الساهر بالرغم انها موجوده بالمنتدى ولكنني لم افهم منها شيئا

ما هي الخطوات العمليه للتدريب على كتابه النوته استاذ عادل صموئيل
لك مني كل الحب والاحترام

اخى العزيز
كل 1000 عازف بيبقى فيهم مدون واحد .. اما عشان يتوفر عملية كتابة النوتة لازم يتوفر فى الشخص حاجتين اساسيتين الاولى انو يكون بيعزف سماعى 100% بدون اى اخطاء من اى نوع لا ف الزمن ولا الايقاع .. وثانيا يكون قارىء جيد 100% للنوتة ... لن السماعى يعنى انك بتسمع وتستوعب ماتسمع ثم تعزفه ثم بالتالى ممن نبتدى نكتبه وقراءة النوتة بدقة متناهية لان النوتة مثلها كمثل لغة مش معقول انك تكتب يابانى مثلا وانت لاتجيد اللغة نفسها بكل قواعدها... والخاصيتين معا بيتيحوا لك انك اول ما تسمع اى موسيقى بتحس بالدليل او المقام بس طبعا محتاجة تدريب طويل جدا جد
مع اطيب تحياتى عادل صموئيل

[ملحن مصري]

أغنية بتخاصمني حبه وتصالحني حبة ( هو الحب لعبة )
ألحان محمد الموجي - غناء عزيزة جلال

لينك الأغنية

https://www.youtube.com/watch?v=H4YKGQxbifA

[ملحن مصري]

يا صلاة الزين

ألحان زكريا أحمد
غناء سيد مكاوي

لينك الأغنية

https://www.youtube.com/watch?v=nb_ozBbAtNs

انا عندى ملحوظة واعتراض هنا
الاغنية دى من التراث واللينك ده https://www.youtube.com/watch?v=qWxwfXBO308
للشيخ زكريا احمد نفسه مغنيها مع الفرقة الماسية سنة 1960 وانا حاكتبها منه ... لأن طالما فيه اصل موجود ما ينفعش نقولها او نتداولها بتجويد حد تانى
مع اطيب تحياتى عادل صموئيل

[ملحن مصري]

أغنية داري جمالك - محرم فؤاد

لينك الأغنية

https://www.youtube.com/watch?v=tGdLkZVVeIs

[ملحن مصري]

أغنيه الأماكن - محمد عبده

لينك الأغنيه


https://www.youtube.com/watch?v=6Kzv46Aloto

[عادل صموئيل]

احبائى

اقدم لكم من الحان زكريا احمد




ياصلاة الزين




انتم طلبتوها من غناء سيد مكاوى .. لكن فيه حاجة احب تعرفوها او الامور كانت بتتم ازاى .. طبعا انا عشان اشتغلت فترة طويلة مع العمالقة لازم انى اتعامل مع الاصل يعنى اللحن زى ما الملحن عمله .. ولما اغنية قديمة زى دى يغنيها حد من اتنين اما مطرب فقط زى محرم فؤاد مثلا هنا لازم بيلتزم باللحن الاصلى لكن لما يغنيها ملحن كبير زى سيد مكاوى هنا معناها انو عنده حفلة ومش عامل لحن جديد .. ولما يختار يغنى الاغنية هى قصيرة يعنى 4 دقائق مش معقول حايغنيها ف اقل من عشرين دقيقة وهنا ممكن يجود فيها او يلحن فيها يعنى إختصار هو لو لحن من الحانه وكان مزاجه عالى وقاله فى حفلة وعمل فيه تجويد اسمو ابدع فى اللحن .. لكن لو لحن لملحن آخر وعمل فيه تجويد اسمها خرب اللحن .. وانا عشان المفروض النوتة بتاعتى حايحفظ منها عشرات من العازفين لازم اقدم لهم اللحن الاصلى لنه هو الاساس .. لأن نفس الاغنية لو اتقالت فى كذا دولة من كذا مطرب ممكن يلعبوا فيها والاصل يضيع وانا اهم حاجة عندى الحفاظ على لاصل مع اطيب تحياتى

[waleed_shelly]

استاذ عادل صانع السعاده فى قلوب كل عاشقي الموسيقى فى المنتدى كل سنة وحضرتك طيب ومصر والعالم العربي من المحيط الى الخليج بخير ويارب يكون عام سعيد على الجميع واتمنى بمناسبة العام الجديد ان تدون لنا النوته الموسيقية لرائعة رياض السنباطي (آه لو تدري بحالي) بأسلوبك الجميل فى التدوين الموسيقي وان كنت دونتها من قبل ارجو ان يدلني احد الاعضاء الكرام لهذه النوتة ارجو ان تقبل مروري وطلبي حيث اني طلبت من حضرتك من قبل نوتة اغنية (قد الحروف) ولم تنال اعجابك
https://www.youtube.com/watch?v=hbB7cYHIcfA


الاخ العزيز
الاغنية ماتنفعش تتكتب وهى كده لأنها متسجلة فى مرحلة التلحين يعنى حسب تعاملى مع السنباطى شخصيا لفترة طويلة اللحن كده مايعتبرش مكتمل ... وهو شخصيا لما بيحب يستدى مدون يكتبه بعد الانتهاء بيحدد شكله ... وانا لما سمعتها فيها ادليب كتير اوى وممكن يكون هو قاصد بعد كده يعمله على ايقاع
مع اطيب تحياتى