احبائى
اقدم لكم من اغانى الفنان محمد عبده اغنية
وهــم
هى طبعا صعبة جدا جدا فى التنويت ... وبالذات اهم اسباب صعوبتها بتختلف من مدون لآخر .. اللون الخليجى صعب علينا لننا مش متعودين عليه يعنى لما كنت فى الفرقة الماسية كان اللى متخصص فى التدوين الخليجى الاستاذ الكبير ميشيل المصرى وانا بالطبع عزفت مع كل مطربى الخليج بس كانت علاقى انى اقرأ النوتة فقط لم اكن ادونها .. وصعوبة الخليجى ان الايقاعات بالنسبة لنا مش مألوفة بالذات لأن مش ايقاع واحد وتنويعاته زى المصرى ولكنها ايقاع عليها تداخلات يعنى كان المطربين الخليجيين وبالذات محمد عبده بيجيب معاه من السعودية 3 عازفين ايقاع واحد منهم اسمو راضى وكان بيعزف الطبل السعودى الشهير واتنين تانيين .. كان لما يكون الايقاع عدنى مثلا .. واحد بيعزف العدنى والاتنين التانيين كل واحد منهم بيعزف حاجة تانية والتركيبة الخليجية بتعتمد ع التداخل ده ... احنا كانت مشكلتنا ان التداخل بينقص احساسك بالدوم وهى اخطر واهم شىء عند قراءة النوتة واهم حاجة فى التدوين ... بعكس المصرى الدوم بتبقى واضحة جدا ... كمان من ضمن المشاكل اختلاف اللهجة يعنى انا بفهم الشامى جيدا لكن الخليجى مش متعود عليه لأن كلمات كتير وانا بدون بيكون لحنها صعب وهنا لازم انا اغنيها عشان استوعب لحنها لما بكون عارف الكلمة من اول مرة بيبقى سهل استوعبها بسرعة ... المهم انا دونت اللحن الصعب ده واتمنى يحوز رضاكم .. وان الاخ العزيز الطايفى يخلى اصدقاءه اللى قالوا انو صعب جدا فى التنويت يشوفوه واحب اسمع رأيهم .. واقصد لو هم خليجيين جايز يعجبهم تدوينى او يحسوا ان فيه حاجة احب انا طبعا اصلح معلوماتى ... وانا سنى 64 سنة لكن مازلت اتعلم لأن الخبرة مش بتقف عند سن معين ... يعنى بصراحة اقول لكم سر .. انا لما بكتب اغنية مصرية طبعا بكون عارف انا كاتب ايه وبجودة انا عارفها .. لكن اليوم يعنى اقدمها وانا اتوجس خيفة ان تدوينى ما يعجبش الاخوة الخليجيين
مع اطيب تحياتى
رد: طلبات نوتة أ / عادل صموئيل الجزء الثانى
العرض الشجري