طلبات نوتة أ / عادل صموئيل الجزء الثانى

[عاصم المنشاوى]

hGwالأصدقاء الأعزاء...

أغنية "أبنك يقول لك يابطل هات لى نهار ...أبنك يقول لك يابطل هات لى انتصار...

أغنية من ضمن أغنيات كتبها خصيصا "عبد الرحمن الأبنودى"...ولحنها "كمال الطويل"...ويمكن أشهرهم هى أغنية "أحلف بسماها وبترابها"..كتبها خصيصا وبناءا على أوامر.....
كانت الأستعدادات تجرى على قدم وساق للتحضير للأنتصار الكاسح على أسرائيل والغداء فى تل أبيب ...بعد رمى الصهاينة فى البحر...فى يونيو -حزيران 1967...وبالتالى كانت كلمات عبد الرحمن الأبنودى الخارج حديثا من سجون البطل عبد الناصر ...أن طالب نفس البطل بالأنتصار وبالنهار...
وتأتى الرياح بما لاتشتهى الشعوب ..ويحدث كل اللى احنا عارفينه بعدها ...
(أبنك بيقول يابطل لك هات لى أنتصار ...أبنك بيقول أنا حواليا ال100 مليون العربية .)..ده كان تعداد السكان فى الدول العربية عام 1967...حاليا طبعا خمسة وخميسة فى وش العدو داخلين على 400 مليون نسمة ...أكبرهم تعدادا طبعا مصر...فهناك طفل يولد كل 26 ثانية ...يعنى انا على ماكتبت البوست ده كان أتولد فى مصر حاليا تقريبا عشرين طفل...شوية بخور هنا والنبى عشان الحسد...طبعا أصغرنا تعدادا للسكان "جزر القمر"...

سيبك بقى من كل ده ..الجميل ان أستاذنا وحبيبنا "عادل صمويل ...أضاف بعدا جديدا للأغنية ...أنها بالفعل تصلح انه تكون كالآتى : ظابط جيش ..سورى أو مصرى ..عراقى أو ليبى...وأبنه بيقول له ياأبى يابطل ..هات لى أنتصار على قوى الظلام ...هات لى نهار ...عشان كفاية ظلمة وظلام ....الله عليك ياعمنا ...شكرا يأستاذ عادل...