طلبات نوتة أ / عادل صموئيل الجزء الثانى

[eagleeast]

مساء الجمال والسعاده على كل اعضاء المنتدى عامه والهرم أ/ عادل خاصه ...
بصراحه انا بشكرك جدا على الاغانى الروعه اللى انت بتدونه لينا وخاصه اغنيه الى رحاب اليثرب كانت مسمعه جدا فى الحفله والشكر الاول لك بعد ربنا طبعا ومكنتش عارف اشكرك ازاى ..... بس الحقيقه انى حزين علشان الاحداث المؤسفه اللى بتمر بيها مصر بعد حادث يوم الجمعه والشهداء الكتير اللى ماتو من غير ذنب ..... ربنا يرحمهم ويصبر اهاليهم وينتقم من اللى عملو كده بس برده محتاجه رد سريع على الارهاب اللى موجود فى سيناء ... ربنا يحمى مصر وجيشها وشرطه مصر وشعب مصر ويوفق رئيسها للخير ....
على العموم انا متشكر جداعلى النصائح الجميله الخاصه بلاغانى الصعبه وان شاء الله هاحسن الاختيار المرة القادمه
ابنك / نسر الشرق

[عادل صموئيل]

احبائى

مالقيتش حاجة فى ظروفنا اقدمها لكم احلى من نشيد قديم لعبد الوهاب يعنى اعتقد انو فى اوائل الخمسينات

نشيد الشهيد

النشيدده يمكن كتير منكم ما سمعهوش .. عشان كده اقدم الملف الصوتى مع النوتة والحمد لله سهل يعنى ممكن يتنفذ بسهولة
التميز الخطير فى النشيد ده كذا حاجة .. اولا المقدمة المفروض ف الاناشيد الوطنيى الميزان اما بيبقى 2/4 او 4/4 .. لكن عبد الوهاب لازم يخالف المتداول عمله 3/4 بعنى فالس .. وبالطبع الفالس ايقاع راقص ازاى يتعمل ف نشيد ده اسمو عبقرية عبد الوهاب .. اول المقدمة تحس بموسيقى جنائزية ببس عاملها بشكل مختلف يعنى التوزيع تحس انها مش تشييع جنازة عسكرية ولكن زفة عريس الى السماء .. بعدين تدخل المدرعات النحاسية تديك القوة والعزم ... والنشيد لو مضمون معنوى فى منتهى الخطورة .. لما واحد عادى بيموت يعنى اهله واصدقاءه بيحزنوا ويعملوا حداد عليه حسب غلاوته عندهم .. لكن الشهيد موضوع اخطر يعنى لو كتيبة استشهد منها فى معركة شهيد .. لازم انهم يبكوه وقت قليل اوى بعدين واقعة الاستشهاد بتحرك الاسود اللى جواهم للإنتقام وده اللى بيخلى الجيوش تنتصر .. يعنى لو الجزن واليأس تسرب الى قلب المقاتل وابتدا يخاف من الرصاص خلاص يبقى انتهى .. والمضمون ده تحسه طول اللحن يعنى بيديك العظمة والقوة والبأس .. بعدين الصراع بين الموازين واللى فاجأنى كذا مرة وانا بدونه اطيب تحياتى

[سليم العباس]

بداية أحر التعازي لأسر الجنود المصريين الذي قضوا في العمليات الإرهابية ، وأشكر الأستاذ عادل على تدوين هذا النشيد الذي يمزج بين الحزن على من قضى والفخر بهم ، فبأمثالهم تحيا الأوطان و تزدهر .

اسمحوا لي أن أستغل هذه المناسبة الحزينة و أعرج قليلاً على السياسة :

أتعرفون من المسؤول الأول عن هؤلاء الضحايا ، ليس الإرهابيين بالدرجة الأولى ، إنما كتب الأزهر -التي تدعو صراحة إلى القتل و نبذ الآخر- و القنوات الدينية التحريضية التي تمولها بعض البلدان الخليجية (منبع التطرف و الإرهاب ) .

أتمنى أن تبعث من جديد حضارة مصر الفرعونية لتمحو آثار الغزوات الهمجية عليها ...
(أعتقد جازماً أن هذا ليس ببعيد )

[muhamadibra]

الشهيد - كلمات بالفصحي - لحن اوركسترالي موزع - تدوين اكثر من رائع - الاختيار عبقري من المايسترو - رحم الله كل شهدائنا والهم اهلهم الصبر والسلوان
د محمد ابراهيم

[سليم العباس]

تحية أستاذ عادل : أرجو أن تدون هذا الموشح الجميل إن سمح وقتك و راقت الأحوال ...

يا غصن نقا مكللاً بالذهب
أفديك من الردى بأمي وأبي
إن كنت أسـأت في هواكم أدبي
العصمة لا تكون إلا لنبي


يا مالك مهجتي ترفق بالله
لا بد لكل عاشق من زلّة
روحي تلفت ومهجتي في علّة
لا حول ولا قوة الا بالله


الغصن إذا رآك مقبل سجدا
والعين إذا رأتك تخشى الرمد
يا من بوصاله يداوي الكبد
ما تفعله اليوم تلقاه غدا


لو صادف نوح دمع عيني غرقا
أو شاهد لوعتي الخليل احترقا
لو حُمّلت الجبال ما أحمله
صارت دكاً وخر موسى صعقا


يا من سألك عن الهوى كن عادل
احذر تبلى و خلي عقلك عاقل
و اسمع مثلا من منتبه لا غافل
الحب اذى والعشق سم قاتل


تالله لقد سمعت في الأسحار
عن جارية تدق بالأوتار
تالله لقد سمعت من منطقها
من عذب عاشقا جزي بالنار

[نور الصباح]

احبائى
مالقيتش حاجة فى ظروفنا اقدمها لكم احلى من نشيد قديم لعبد الوهاب يعنى اعتقد انو فى اوائل الخمسينات
نشيد الشهيد
النشيدده يمكن كتير منكم ما سمعهوش .. عشان كده اقدم الملف الصوتى مع النوتة والحمد لله سهل يعنى ممكن يتنفذ بسهولة
مع اطيب تحياتى
SSSSSSSSSSSSSSSSSSSSSSSSSSSSSSSSS
سلمت يداك يا أجمل مايســـــــــــترو
وألف شكر لك يا مايســـــــــــترو
وشكررررررررررررررررررررررررررا
أخوكم
نور الصباح

[نور الصباح]

بداية أحر التعازي لأسر الجنود المصريين الذي قضوا في العمليات الإرهابية ، وأشكر الأستاذ عادل على تدوين هذا النشيد الذي يمزج بين الحزن على من قضى والفخر بهم ، فبأمثالهم تحيا الأوطان و تزدهر .
اسمحوا لي أن أستغل هذه المناسبة الحزينة و أعرج قليلاً على السياسة :
أتعرفون من المسؤول الأول عن هؤلاء الضحايا ، ليس الإرهابيين بالدرجة الأولى ، إنما كتب الأزهر -التي تدعو صراحة إلى القتل و نبذ الآخر- و القنوات الدينية التحريضية التي تمولها بعض البلدان الخليجية (منبع التطرف و الإرهاب ) .
أتمنى أن تبعث من جديد حضارة مصر الفرعونية لتمحو آثار الغزوات الهمجية عليها ...
(أعتقد جازماً أن هذا ليس ببعيد )
SSSSSSSSSSSSSSSSSSSSSSSSSSSSSSSSSSSSSSSSS
الأخ العزيز الطبيب الفنان
ســـــــــــــــــــــــــــــــــــــليم العباس
سلام الله عليكم ورحمته وبركاته
وبعد :
ماذا تقصد بأن المسئول عن الإرهاب فى العالم هو الأزهر
وما تحويه الكتب والمناهج الخاصة بالأزهر
والعالم العربى والإسلامى يعلم تمام العلم بأن
جامعة الأزهر هى مرجعية الإسلام الصحيح الوسطى على مستوى العالم
ولولا الأزهر لكان الإسلام مسخا ودينا على هوى كل واحد
فهذا الكلام لا يخرج من فم مسلم أبدا
واعلم أن كل من يتهم الدين الإسلامى بالإرهاب هم الإرهابيون أنفسهم
كالأمريكان ومن على شاكلتهم من دول الغرب وإن كنت لا تقرأ التاريخ فنصيحتى إليك أن تقرأه بتمعن وتدبر ولا تلق الاتهامات جزافا - قبل أن تعرف الحقائق
فكل له رقيب وعتيد
واعلم أن ما يحدث فى مصر والعالم العربى إنما هو
مخطط إرهابى استعمارى غربى لتمزيق الوطن العربى
أكثر مما هو فيه من تفكك وتشرزم
والإسلام برئ من كل ذلك
والله تعالى أعلى وأعلم
أقول قولى هذا وأستغفر الله لى ولكم
وشكررررررررررررررررررررررررا
أخوكم
نور الصباح

[عاصم المنشاوى]

االأصدقاء

الأستاذ الكبير /عادل بك صموئيل....

تسلم ايديك ياباشا على تنويت نشيد "الشهيد" تلحين وغناء الموسيقار / محمد عبد الوهاب...

والكلمات ل الشاعر والسياسى والفلسطينى اللبنانى رئيس وزراء المملكة الأردنية سابقا "عبد المنعم الرفاعى"...وزوج نهلة القدسى (سابقا).....نهلة القدسى زوجة محمد عبد الوهاب (لاحقا )......!!!!!!!!
وبالمناسبة غنى محمد عبد الوهاب من شعره قصيدة رائعة أسمها "نجوى".......


أما مناسبة أغنية "الشهيد"...فكانت عشان الفريق "عبد المنعم رياض"...اللى أستشهد فى سيناء على الجبهة المصرية وسط عساكره فى مارس 1969 ...وده بالمناسبة يوم الشهيد فى القوات المسلحة المصرية ...

لكن هل الكلمات دى كانت عشان أستشهاد عبد المنعم رياض...؟؟؟مش عارف الحقيقة لأنه شايف كلمات زى فلسطين والأقصى ...حاجات مالهاش علاقة بالموقف او المناسبة .....وربما صنعت على عجل ..أو بناءا على أوامر ...أو تضامنا وتفاعلا على الموقف ....أقول ربما....
الغناء كان سنة 1969 عشان كده تلاحظ وجود الأكورديون والأورج ...بجانب الألات النحاسية الحماسية ...وهى كانت سنة صعبة الحقيقة وكانت قمة حروب الأستنزاف لنا وقمة عربدة أسرائيل لأنه بعدها بشهر يقوم الأسرائيليون بضرب مدرسة بحر البقر وتغنى شادية من شعر صلاح جاهين وتلحين سيد مكاوى "لموا الكراريس"...ويغنى عبد الحليم "سكت الكلام والبندقية أتكلمت "..و"فدائى "....لبليغ حمدى وأم كلثوم "الثلاثية المقدسة"..بعد حريق الأقصى ... !