و تهرب حروفك ماليها الكسوف
و تفرد ستارة من الحمرة خوف
و بعد السؤال اللي فاقد جوابه
و أيه اللي ودَّاه و مين اللي جابه
بيخرج رسول منى بيكى يطوف
و تشهد جوارحى و يشهد ألوف
بأنى ف مشاعرى باتوه ف الحروف
و يفضل حنانك مالوش ف العزوف
واحشنى وجودك يادوب ف الفضا
مراية و إطار و الحوار فضفضة
و بهجة حضورك بتغزل بنورك
جدايل خمايل مشاعر رضا
واحشنى حنانك و عظمة إيمانك
بإن اللي خالقك خلقنى عشانك
و إن اللي حاصل ظروف عارضة
واحشنى وجودك يادوب ف الفضا
__________________
دى فضفضة من قلم رغم الألم ... حسَّاس
مهموم بِهَمْ الناس
يمكن تضيئ كلمته ... العقل جوة الراس
واحشنى وجودك
العرض الشجري