طلبات نوتة أ / عادل صموئيل الجزء الثانى

**عادل صموئيل** · #1 17/10/2014, 12h08

الاخ العزيز نسر الشرق اقدم لك اغنية

الى رحاب يثرب

بس انا عندى ملحوظة مهمة رجاء خاص اى حد ينزل ملف صوتى يتأكد انو من اول حرف يعنى مش ناقص حاجة وبالذات اذا كانت الجملة لاولى مش بتتكرر ... يعنى لما تكون بتتكرر انا باخد الجملة من تانى مرة ... الملف الصوتى ده ناقص كذا مازورة يعنى بادىء من المازورة الخامسة والجملة مش متكررة وعشان ندون المازورة الخامسة لازم تكون مبنية على الموازير اللى قبلها اضطريت دخلت على جوجل وكتبت اسم الاغنية طلع لى كذا موقع واخترت منهم موقع كان فيه خمس دقائق حاجات من الفيلم قبل الاغنية المهم اخدت الاغنية طبعا اتعطلت شوية ... الحاجة التانية رجاء اغانى المناسبات اطلبوها قبلها بوقت كافى ... اولا عشان الحق ادونها وثانيا عندنا فى مصر دلوقتى مشاكل فى الكهربا والسنترالات بالعربى مستهدفة يعنى انا اتقطعت عنى الحرارة بتاعة التليفون وبالتالى النت 4 ايام ولو كان عطل شديد عندهم كان يعلم الله ممكن تشتغل .. وبالتالى ممكن كنت افتح اشوف طلبك بعد ما الحفلة تخلص ... انا هنا عملت لك الاغنية
انا سمعت بتاعة سعاد محمد بس انصحك ماتعملهاش لنها تتسمع فقط يعنى الايقاع فيها ملخفن ومدربك يعنى محتاج محترفين حايلخفن التلاميذ يعنى اقصد انك بتتعلم منى لو انا مدرس ومعايا تلاميذ لازم الاغنية تكون مافيهاش مشكال م النوع ده وماتحتارش اى اغنية وخلاص يعنى لو عندك حاجة تانية نزلها لى بسرعة وتحت امرك
مع اطيب تحياتى

**muhamadibra** · #2 17/10/2014, 15h06

لا أجد ردا علي المايسترو - ليقابل مجهوده واخلاصه لمن يطلب مساعدة غير الدعاء له بالصحة وطول العمر - وربنا يديم عليك نعمة النت والكهربا
د محمد ابراهيم

اخى العزيز اشكرك امبارح حصل حريق كبير فى محطة كهرباء شمال القاهرة واكيد حاتعمل تأثير على توزيع الكهربا بس اتمنى اننا مايتقطعش عننا اكهربا كتير
مع اطيب تحياتى عادل صموئيل

**عادل صموئيل** · #3 17/10/2014, 15h13

احبائى
اقدم لكم موشح

ياوحيد الغيد

مع اطيب تحياتى

**muhamadibra** · #4 17/10/2014, 15h17

اقتباس:

المشاركة الأصلية كتبت بواسطة عادل صموئيل

احبائى
اقدم لكم موشح

ياوحيد الغيد

مع اطيب تحياتى

مشكور كتير يا مايسترو - وانا متابع اخبار مصر كويس جدا وشفت فيديو الحريق - ربنا يبعد عنكم اي شر
د محمد ابراهيم

**خليل سليم** · #5 22/05/2015, 04h55

سلامي وتحياتي للاستاذ القدير الي اللة مايحرمنا من عطاءه المستمر والذي سيبقى خالدا في حفظ موسيقانا العربية الاصيلة المايسترو عادل ارجو ان لاتنسى طلبي الذي طلبته من حظرتك قبل عدة اشهر بتدوين اغنية العندليب الاسمر عبد الحليم حافظ ضي القنادل واغنية الراحلة فائزة احمد على باب الحب وشكرا جزيلا وحفظك الرب

**عادل صموئيل** · #6 23/05/2015, 19h18

احبائى

اقدم لكم من احلى اغانى الفنانة صباح

محتار ياقلبى

انا ابتديت ادونها من امبارح وخلصتها النهاردة وفوجئت ان حد فى نفس الوقت طالبها هنا بعدين طلبها فى نفس الوقت من الأخ العزيز الاستاذ نزيه وهو نزلها فعلا
انا احترت اعمل ايه يعنى قلت طيب امسحها وخلاص .. ولا انزلها وقلت خسارة يروح مجهودى على الفاضى
رجاء اى حد لما يطلب اغنية فى صفحتى ينتظر لو انا بعد فترة مادونتهاش يطلبها من حد تانى لأن فيه اغانى كتير بتبقى حلوة وسهلة مافيهاش مشاكل ممكن انت لو طلبتها من كذا حد يدونوها كلهم
مع اطيب تحياتى

**سامى امين** · #7 23/05/2015, 20h01

عادى يا مستر المثل بيقول الاعمى لما يسعد تيجى لة قوفة عيون

بليز يا مستر عادل اكتب نوتة ليلى مراد مليش امل فى الدنيا دى غير انى اشوفك كتبت النوتة دية

هى تقريبا بتاعت عبد الوهاب مش عارف ان كان عاملنا تريكات انت اشرح لنا

**علي ثلاثة** · #8 24/05/2015, 01h10

أستاذ عادل
شكرا على مدونة
محتار ياقلبي
للفنانة صباح
ولقد جاءت كغيرها من أعمالك
في غاية الإتقان كما هي عادتك
وهذا يغني رصيدك من الأعمال الجميلة
التي تقدمها لنا بكل سخاء
ويضاعف عددها على توالي الأيام
وهي تشكل كما ضخما وبديعا
فشكرا ثم شكرا ثم شكرا

**eagleeast** · #9 20/10/2014, 16h10

اقتباس:

المشاركة الأصلية كتبت بواسطة عادل صموئيل

الاخ العزيز نسر الشرق اقدم لك اغنية

الى رحاب يثرب

بس انا عندى ملحوظة مهمة رجاء خاص اى حد ينزل ملف صوتى يتأكد انو من اول حرف يعنى مش ناقص حاجة وبالذات اذا كانت الجملة لاولى مش بتتكرر ... يعنى لما تكون بتتكرر انا باخد الجملة من تانى مرة ... الملف الصوتى ده ناقص كذا مازورة يعنى بادىء من المازورة الخامسة والجملة مش متكررة وعشان ندون المازورة الخامسة لازم تكون مبنية على الموازير اللى قبلها اضطريت دخلت على جوجل وكتبت اسم الاغنية طلع لى كذا موقع واخترت منهم موقع كان فيه خمس دقائق حاجات من الفيلم قبل الاغنية المهم اخدت الاغنية طبعا اتعطلت شوية ... الحاجة التانية رجاء اغانى المناسبات اطلبوها قبلها بوقت كافى ... اولا عشان الحق ادونها وثانيا عندنا فى مصر دلوقتى مشاكل فى الكهربا والسنترالات بالعربى مستهدفة يعنى انا اتقطعت عنى الحرارة بتاعة التليفون وبالتالى النت 4 ايام ولو كان عطل شديد عندهم كان يعلم الله ممكن تشتغل .. وبالتالى ممكن كنت افتح اشوف طلبك بعد ما الحفلة تخلص ... انا هنا عملت لك الاغنية
انا سمعت بتاعة سعاد محمد بس انصحك ماتعملهاش لنها تتسمع فقط يعنى الايقاع فيها ملخفن ومدربك يعنى محتاج محترفين حايلخفن التلاميذ يعنى اقصد انك بتتعلم منى لو انا مدرس ومعايا تلاميذ لازم الاغنية تكون مافيهاش مشكال م النوع ده وماتحتارش اى اغنية وخلاص يعنى لو عندك حاجة تانية نزلها لى بسرعة وتحت امرك
مع اطيب تحياتى

استاذى العزيز/ انا مش عارف اشكرك ازاى وزى ماقلت ده عشمنا كلنا فى الهرم ... دايما واقف جنب ولادك فى اى طلب ... شكرا
تانيا اسف لانى تعبت حضرتك فى موضوع الملف الصوتى وان شاء الله مش هيتكرر .... وبالنسبه لاغنيه طلع البدر انا اخدت بنصيحه حضرتك ولاغتها من برنامج الحفل وكنت بفكر فى اغنيه ماهر زين ..... يا نبى سلام عليك
https://www.youtube.com/watch?v=SJt6K-rZxME ولو حصل وملحقناش الاغنيه دى فى الحفله متقلقش حضرتك عندى زخيرة من تدوينات المايسترو هبقى اختار حاجه منها بس كنت عايز حاجه جديده تسمع مع الحضور
شكرا جزيلا يا هرم وتسلم تدويناتك .....
ابنك .... نسر الشرق

اخى العزيز
الوقت اتأخر كده يعنى انا منزل لك الاغناية يوم الجمعة عشان تلحق نفسك انت اتأخرت بس الاغنية دى برضو فيها نفس المشكلة الايقاع مش جلو يعنى التلاميذ محتاجين اما 2/4 او 3/4 او 4/4 وده من اهم الدروس اللى تاخدها منى لأن ال 3 ايقاعات دول بيبقى الغنا سهل بالنسبة لهم وتبقى انت لو بتعزف معاهم طول الوقت ماسكهم لكن الايقاع 5/4 او 10/8 غلط جدا يتعمل مع تلاميذ انت عارف انهم بيبقى اصلا متلصمين يعنى فى اى وقت ممكن يعد جملة ولا اتنين الايقاع يفلت منهم وتبقى مشكلة يعنى اختار حاجات تكون تساعدك اكتر فى شغلك وبراحتنا يعنى لقدام واطيب تحياتى عادل صموئيل

**عادل صموئيل** · #10 20/10/2014, 18h51

احبائى
اقدم لكم من اغانى صباح القديمة

ايه معنى الحب

والملحوظ ان اغانى صباح القديمة اقوى من الاحدث
مع اطيب تحياتى