طلبات نوتة أ / عادل صموئيل الجزء الثانى

[سليم العباس]

تحية أستاذ عادل و شكراً على ردك الجميل فيما يتعلق بأغنية صعبان عليا .

- أرجو أن لا تتعب نفسك في تدوينها كون الأغنية لم تعجبك ( سأقوم بمحاولة تدوينها مع أن الفرق بين تدويناتك العبقرية و تدويناتي المتواضعة هو كالفرق بين الثريا و الثرى )

- كما تفضلت حضرتك أن الأورغ لم يكن متوافقاً مع جو الأغنية الدرامي و يحوي على تلاعب و فذلكة لا داعي لهما ، و هذا كان رأيي عندما طرحت السؤال على حضرتك .
وأعتقد أن الأغنية كانت ستصبح أجمل لو حظيت بتوزيع أفضل .

أشكرك على الشرح الجميل فيما يتعلق بالإيقاع و دوره في إبراز جمالية اللحن .

تحياتي لحضرتك
اخى العزيز
احب ان انبهكم لحاجة مهمة جدا جدا
فيه ملحوظة ان كل الاغانى بتاعة ام كلثوم وبتاعة المطربين العمالقة ليه كلها حلوة وليه صعب جدا تلاقى اغنية دون المستوى بعكس اغانى نجوم الصف التانى والثالث تلاقى المطرب عامل 100 اغنية منهم 40 اغنية دون المستوى .. السبب بيرجع للعازفين يعنى الفرقة الماسية وهى بالطبع فرقة ام كلثوم كان العازف بخلاف مهارتة ومميزاته المطلوبة كان بيتميز بدذوق عالى جدا فى التذوق , يعنى الملحن كان لما بيجيب اللحن بيبقى اللحن ده كله من اوله لآخره قابل للتغير والحذف على اسا ان الملحن فى البروفات الاولى بيبقى عينه علينا بياخد باله اوى اللحن عاجبنا اوى اوى ولا لأ .. واى جملة بيحس اننا اديناها بدون اعجاب عالى تلاقى تانى يوم الجملة دى اتشالت او اتغيرت يعنى اهم حاجة تذوق العازفين .. ومن هنا تلاقى الالحان كلها ملاقيش فيها اى جملة مش اللى هى .. اما الفرق الموسيقية الاخرى بيبقى العازف رايح يشتغل عشان يقبض فلوس مش يهمه اللحن حلو ولا نص نص ولا زى الزفت بيحس انها مش شغلته هو المهم بيقبض وخلاص ومن هنا الملحن مش بيحس ان اللحن حلو ولا لأ او بيقدمه هو الآخر عشان يقبض فلوس ... وانا كنت بلاحظ ان نفس الملحن لو بيعمل اغنية تتعزف ع الفرقة الماسية لازم ياخد وقت كافى جدا فى تلحينها لكن لو حايعمل انية على فرقة تانية ممكن يخلصها زى ماتاخد يعنى ممكن يوم او اتنين
فيه حاجةمهمة كمان فى التذوق انا لو فاضى دلوقتى وعايز اسمع ايه الاغانى اللى ممكن اسمعها بمنتهى الشغف وكتير بكتشف فيها حاجات عبقرية مع انى سامعها مليون مرة من قبل .. وايه الاغانى اللى ماتستهوينيش انى اسمعها او اسمع منها شوية واقفلها يعنى الاخ العزيز نور الصباح طلب اغنيتين لمها صبرى واحدة منهم حسيت انها مش بطالة ودونتها وحانزلها قريب والتانية لم تجذينى حسيت ان ها نغمات راكبة على كلمات مافيهاش جذب يعنى
مع اطيب تحياتى عادل صموئيل