طلبات نوتة أ / عادل صموئيل الجزء الثانى

[عادل صموئيل]

احبائى
اقدم لكم مقدمة ومذهب اغنية فايزة احمد

احبه كثيرا

انا ليه ما كملتهاش ... لأنها موزعة من اولها لاخرها .. يعنى بعكس اغانى احمد التانية واللى بكتبها كلها وساعات بتبقى 15 صفحة .. لأن الاغنية لما تكون عادية مش موزعة بكتب اللى انا سماعه لكن مشكلة الموزعة انى بكون سامع كذا حاجة وبكتب منهم حاجة بحس انى مش مقتنع باللى بكتبه يعنى النوتة دى قدام الفرقة كان بيبقى فيه نوتة قدام الكمنجات غير اللى بتغنيه فايزة .. والمشكلة كمان فى الاغنية دى ان اتوزيع متداخل من اللن الاساسى كأنه ضفيرة اى حاجة بكتبها بتبقى ناقصة .. واقول لكم على سر ... اى مطرب لو كان عايز بيعيد اغنية قديمة من النوع ده ( اقصد الموزع اوى ) كان لو النوت الاصلية اللى اتسجل منها اول مرة مش موجودة ما ينفعش نقدمه تانى .. واكرر قصة اهواك لما عبد الحليم حب يعيدها تانى عملناها سماعى لأن النوت الاصلية توزيع اندريا رايدر كان بياخدها معاها وتوقفنا عند الجمل الموزعة فى اواخر الاغنية وقعدنا نألف فيها طلعت مش بطالة لكن تفرق كتير اوى عن الاصل
مع اطيب تحياتى وانا كتبت الجزء ده فقط عشان الاخت العزيزة وهى من اعضاء المنتدى الجدد تحس انى ما اهملتش طلبها