طلبات نوتة أ / عادل صموئيل الجزء الثانى

**نور الصباح** · #1 01/07/2014, 21h16

احبائى
اقدم لكم بناء على طلب اخى العزيز وائل علوى
الكوبليه الثالث من اغنية وردة
اكدب عليك
ومع اطيب تحياتى
SSSSSSSSSSSSSSSSSSSSSSSSSSSSSSSSSSSSSSSSSSSSSSSSSS
والله انت اللي جميل يا عمنا - التفاصيل والمجهود والحرفية والحرص علي دقة التدوين - كمان اختيار الاعمال مذهل ورائع - يومك سعيد - ربنا يكرمك ويوفقك دائما
(د محمد ابراهيم )
بعد إذن الدكتور محمد إبراهيم
وشكررررررررررررررررررررررررررررررررررا
أخوكم
نور الصباح

**عادل صموئيل** · #2 02/07/2014, 00h30

اخى العزيز عزت شحاته

اقدم لك اول ترنيمة

العدرا

بس الترانيم التانية انا سمعتهم بسرعة آخد فكرة فيه واحدة زى نونو فى الاول فيه الحاجات العوعوة اللى بيعملوها الاورج والحاجات دى ماتتكتبش انا حاكتها من اول الغناء اصل فيه مشكلة فى الترانيم اللى بتتسجل ف الاستديوهات بيبقى فيها فزلكة مش بيعملوا حسابهم ان الترانيم دى ممكن حد يعزفها .. وا حد يخاول يكتبها لن الفزلكات دى مش بتتكتب

مع اطيب تحياتى

**نور الصباح** · #3 02/07/2014, 08h03

اخى العزيز عزت شحاته
اقدم لك اول ترنيمة
العدرا
بس الترانيم التانية انا سمعتهم بسرعة آخد فكرة فيه واحدة زى نونو فى الاول فيه الحاجات العوعوة اللى بيعملوها الاورج والحاجات دى ماتتكتبش انا حاكتها من اول الغناء اصل فيه مشكلة فى الترانيم اللى بتتسجل ف الاستديوهات بيبقى فيها فزلكة مش بيعملوا حسابهم ان الترانيم دى ممكن حد يعزفها .. وا حد يخاول يكتبها لن الفزلكات دى مش بتتكتب
مع اطيب تحياتى
SSSSSSSSSSSSSSSSSSSSSSSSSSSSSSSSSSSSSSSSSSSSSSSSSS
والله انت جميل يا عمنا جدا يا عمنا
مذهل ورائع
ربنا يكرمك ويوفقك دائما
وكل عام وأنتم بخير
وشكررررررررررررررررررررررررررررررررررا
أخوكم
نور الصباح

**muhamadibra** · #4 02/07/2014, 09h40

شكرا جزيلا للمايسترو علي ما قدم وعلي ما يقدم من روائع - وشكرا جزيلا لاخي نور الصباح الذي يذكرني حتي في غيابي - فأنا مدين له بالكثير - ربنا يكرمكم جميعا ويبارك لكم في صحتكم واولادكم وحياتكم
د محمد ابراهيم

اخى العزيز
كل عام وانت بخير والعائلة الكريمة
مع اطيب تحياتى عادل صموئيل

**عادل صموئيل** · #5 02/07/2014, 16h23

اخى العزيز عزت شحاته
انا منزل لك 3 ترانيم بس فيه ترنيمة فيه واحد بيحبك الملف الصوتى ترنيمة تانية انا فاكر كتبتها من قبل
فيه ملحوظة انت لما بتختار الترانيم دى اكيد بتختار خمسة من خمسين خلى بالك من المقدمات اللى ماينفعش لا تتكتب ولا تتعزف .. يعنى انا كنت مدرس موسيقى وعارف ان الحاجات المفزلكة واللى فيها لعبكة دى التلاميذ مش ممكن يستوعبوها
لن العملية بتتم فى استوديو وواحد عازف اورج شاطر اوى ومتخصص فى الحاجات دى ( اللى مكانتش على ايامانا وانا ماليش فيها اصلا ) وبيقعد يعمل حاجة على تراك بعدين يعمل حاجة على تراك تانى وثالث ودى تتسمع فقط .. انت ممكن تتخيل انها لو اتكبت حاتتفك طلاسمها ( الكلام ده فى اغانى ام كلثوم ) لكن فى الاغانى الحديثة والترانيم اللى معمولة على نفس الطريقة اولا مستحيل تتكبت وثانيا حتى لو حد كتبها حايبقى مستحيل تتقرى لأن العلامات الايقاعية فيه مش منتظمة يعنى حتلاقى نقط كتير وحاجات سريعة اوى اقصد ليه ناس متخصصة فيها .. طبعا انا بقول الكلما ده عشان لما تختار حاجة تكون سهل انى انا اكتبها بعدين تبقى سهل انك تدرب تلاميذك عليها وتطلع حلوة 100% .. لكن لو حاجة ملعبكة حاتتعب جدا وانت بتحفظها لهم وممكن ساعة الحفلة يتلخبطوا وتبوظ كل حاجة ( طبعا كلامى ناتج من خبرتى ) يعنى مثلا لو عندك فرقة بتشتغل بالنوتة اصعب نوتة طالما طلعوها خلاص خلصت المشلكة مش حايغلطوا فيها فى الحفلة لكن لو فرقة بتحقظ من تحفيظك انت وكانت الموسيقى صعبة بيبقوا ملقلقين يعنى اى حاجة تحصل واحد من عشرين اتلخبط يوقهم كلهم

مع اطيب تحياتى

**نور الصباح** · #6 02/07/2014, 16h25

شكرا جزيلا للمايسترو علي ما قدم وعلي ما يقدم من روائع - وشكرا جزيلا لاخي نور الصباح الذي يذكرني حتي في غيابي - فأنا مدين له بالكثير - ربنا يكرمكم جميعا ويبارك لكم في صحتكم واولادكم وحياتكم

د محمد ابراهيم
SSSSSSSSSSSSSSSSSSSSSSSSSSSSSSSSSSSSSSSSSSSSSSS
الأخ الحبيب
الدكتور الفنان
طبيب أول المنتدى
سلام الله عليكم ورحمته وبركاته
وكل عام وأنتم بخير
وشكرا يــا عمنا وما يحرمناش منك ربنا
وشكررررررررررررررررررررررررررررررررا
أخوكم

نور الصباح

**عزت شحاته** · #7 02/07/2014, 18h03

استاذى الجميل / عادل صموئيل
مية مسا
انا فاهم يا باشا ان بعض الموزعين بتطلع منهم جمل مش قادر اقول جمل
اهو اى حاجة كده ملهاش معالم
وده
سببه من وجهة نظرى المتواضعة
ان الملحن الاصلى نفسة قصير عمل اللحن بدون مقدمة موسيقية يعنى ببساطة لحن الكلام فقط
وبما ان مش كل الموزعين شطار ف التأليف الموسيقى ف النتيجة بتكون حاجات زى كده
اعانك الله يا باشا
==========
الف شكر يا باشا على نوتة العدرا

اخى العزيز
انا منزل كمان 3 نوت تانية ماشفتهاش ؟
ايوه انا عارف الملحن بيعمل اى حاجة والموزع بيعمل بس المشكلة ان التوزيع ده ماينفعش يتكتب
فيه ترنيمة اسمها لن ارى حبا انا كتبت المقدمة والكوبليه الاول على اساس ان الكوبليهات كالعادة زى بعض فوجئت انهم 3 مختلفين بس تعبتنى شوية لأن اللى بيغنى مش مضبوط يعنى فيه حروف غامضة عنده وبعدين اللحن بطريقة التلحين دلوقتى يعنى التفيلات مش واضحة مش زى الاغانى اللى انا بكتبها انا حاشوفه تانى بكرا بمزاج جديد لو ريحنى حاكتبه
مع اطيب تحياتى عادل صموئيل

**عزت شحاته** · #8 02/07/2014, 18h27

معلهشى الترنيمة اسمها
( جيتلك وانا مديون )

**عزت شحاته** · #9 02/07/2014, 19h16

الترنيمة ( لما الحمل بيتقل )
دى عايزاها طالبة نفسها تعزفها صولوا
قلت هارفعها وحضرتك وظروفك

**mahmoud feteih** · #10 03/07/2014, 22h17

مساء الجمال يااستاذنا تسلم ايديك وطالما المزاج رايح ناحية ورده فى اغيه من ايام الكاسيت باحاول افتكرها ولسه فاكرها الوقتى من الحان الموجى اسمها لازم نفترق اغنيه غريبه وعجيبه بس حلوه اوى لو عجبتك حطها اللسته وانا لمنتظرون واكيد حاتعجب الاساتذه اللى معانا وشكرا جزيلا