قشطة وحليب وزبادي

[علاء طه ياسين]

بـ احلم بـ عنيكي تاخدني
لبلاد كلها بساتين
نجري نلعب نتنطط
وكأننا جوز مجانين
وننادي علي أحلامنا
نلقي الأحلام جايين

مشاوير الهوا نمشيها
علي زي الهوا مايعوز
وتكون أيامنا الجاية
ياحبيبتي بمبي و روز
وامسح بـ إيديا دموعك
وازرع فـ جناينك موز

لو تلبسي أبيض تبقِي
ليلة أحلام بتنادي
لو تلبسي أحمر تبقي
حلوة أكتر م العادي
لو تلبسي أسود إوعي
قشطة وحليب وزبادي

قلبك دا بياض ياسمينة
طيب أكتر م الطيبة
لو أي ظروف بعدوكي
هـ تعيشي فـ قلبي حبيبة
وهـ اعيش بعدك كما قالو
أسحب أذيال الخيبة

[حمدى شبانة]

أنت كتبت فأبدعت
وأنا قرأت فاستمتعت
والله زمان ياعم علاء
صحيح مسير الحى يتلاقى

شكراً أستاذ علاء طه ياسين
على قشطتك وحليبك وزباديك

[علاء طه ياسين]

يااااااه ياعم حمدي
فعلا والله زماااااااااان
وحشتني يا أدباتي
لساك زي ماانت رقيق في ردودك ..
استعمت بالطلة الحلوة بتاعتك يا صاحبي
و ......
ربنا يخليك ياغالي

[وليد عمار]

عندي ملاحظة بسيطة إذا سمحت ليا بيها


مثل هذه الأشياء لا يصح أن تبقى في المنتدى







لازم تتنشر يا فندم دي زي العسل وخفيفة الظل ذكرتني أول ما ذكرتني بأغاني الراحل العظيم محمد فوزي إلى الأماااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااام

[سعدالشرقاوى]

يااااه ياعم علاء
صدقني كنت زعلان
يا راجل حرام عليك وحشتنا
كل عام وانتم بخير
يا حبيب قلبي
ودمت شاعرا تلامس كلماته الوجدان
لكم كل تحية وتقدير

[عبد القادر محمد]

السلام عليكم
كيف حالك استاذ علاء
انا حقيقة استأذنت منك من فترة الحن قصيدتك بكذب عليك ولكن انا جديد بالموقع وردودي تحتاج موافقة الاشراف ولم يوافقوا عليها لا اعرف هل الإدارة نائمة ام ماذا
عموما انا قمت بتلحين قصيدتك وغنيتها بصوتي واتمنى تعجبك
وانتظر انتقادك
تفضل اخي علاء
‫ط¨ظƒط°ط¨ ط¹ظ„ظٹظƒ ط§ظ„ط*ط§ظ† ظˆطھظˆط²ظٹط¹ ط¹ط¨ط¯ ط§ظ„ظ‚ط§ط¯ط± ظ…ط*ظ…ط¯‬â€ژ - YouTube

[عبد القادر محمد]

عموما اخي علاء انا قمت بتلحين احدى قصائدك وكنت قد استأذنتك بوقت سابق على تلحينها ولكن نظرا لان مشاركاتي لم يتم الموافقة عليها بعد فلربما لم تقرأ الاذن بتلحين قصيدتك ..

[ليلى ابو مدين]

المشاركة الأصلية كتبت بواسطة علاء طه ياسين

بـ احلم بـ عنيكي تاخدني
لبلاد كلها بساتين
نجري نلعب نتنطط
وكأننا جوز مجانين
وننادي علي أحلامنا
نلقي الأحلام جايين

مشاوير الهوا نمشيها
علي زي الهوا مايعوز
وتكون أيامنا الجاية
ياحبيبتي بمبي و روز
وامسح بـ إيديا دموعك
وازرع فـ جناينك موز

لو تلبسي أبيض تبقِي
ليلة أحلام بتنادي
لو تلبسي أحمر تبقي
حلوة أكتر م العادي
لو تلبسي أسود إوعي
قشطة وحليب وزبادي

قلبك دا بياض ياسمينة
طيب أكتر م الطيبة
لو أي ظروف بعدوكي
هـ تعيشي فـ قلبي حبيبة
وهـ اعيش بعدك كما قالو
أسحب أذيال الخيبة

أ

أخي العزيز أستاذ علاء طه ياسين
عايزة أقولك يا شاعرنا الهمام إن ده مش كلام عادي مكتوب في قصيدة
ولكن سلاسل من ذهب وحبات من اللؤلؤ منظومه ومنسقه لتلامس الوجدان
قصيدتك يا أستاذ علاء مفرحة جداً وتبعث على التفاؤل والأمل
ووصف رائع للحبيبة وبالأخص هذين البيتين :
قلبك دا بياض ياسمينة
طيب أكتر من الطيبة
ذكرني هذا الشطر بأغنية جميلة للمطربة السعودية إبتسام لطفي تقول فيها
الله يا قليبه ....أطيب من الطيبه
كِنه نبع صافي...مثله أبد مافي
تسلم الأيادي يا شاعرنا الكبير
تحياتي
ليلى ابو مدين

[علاء طه ياسين]

سيدتي الفاضلة الجميلة
ليلي أبو مدين

ياللي انتي دايما أهل الكرم والرقة في كلامك ..
كلامك بيخليني اتغر بقا ههههههههههههههه
الله يخليكي
ويمتعك بالصحة والعافية والعمر الطويل ..

.....................
وحبيبتي لما بتتكلم
فـ موسيقا وأشعار وغناوي
فـ بـ أرد عليها بكام كلمة
وانا طبعي مشاكس غلباوي
...
بنعبر عن حاجة جوانا
وما بينا أشياء مشتركة
ولا عارف ايه اللي باقوله
أصلها كده ماشية بالبركة
....................

علاء