طلبات نوتة أ / عادل صموئيل الجزء الثانى

**نور الصباح** · #1 29/05/2014, 21h05

الأخ الحبيب
وأســــــــــتاذنا الجليل الفنان
والمايسترو العظيم
الأســـــــــــــــــــتاذ
عـــــــــــــــــــــــــــــــــــــــــــــــاد ل باشـــــــــا صموئيــــــــــــــــــــــــــــــــــــل
سلام الله عليكم ورحمته وبركاته
وبعـــــــــــــــــــد :
ما رأيكـــــــــــم دام عزكــــــــــــم
فى تدوين الأغنية الرومانسية
رائعــــــــــــة الفنانة الكبيرة
{مها صـــــــــــــــــبرى }
أغنية
-{علمــــــــــــــوك يـــا أبو قلب طيب }-
وكلام فى سرك : لم يتم تدوين أى أغنية للفنانة
{ مها صبرى }
فى هذا المنتدى ولا أى منتدى آخر
ومرفق طيه الملف الصوتى للأغنية
وشكرررررررررررررررررررررا
أخوكم
نور الصباح

**eagleeast** · #2 31/05/2014, 15h47

مسا ء الجمال على اجمل منتدى واحلى صحبه .... مساء الخير على الهرم والمايسترو
انا بس حبيت امر وابلغ سلامى للجميع واشكر الهرم على الروائع اللى بتتدون واللى مش عارف اشكره ازاى بس بجد ..... تسلم ايديك......
ابنك ..... نسر الشرق

**عادل صموئيل** · #3 31/05/2014, 19h21

احبائى

اقدم لكم اغنية مها صبرى

علموك يابو قلب طيب

فيه ملحوظة الاغنية ناقصة الكوبليه الاخير لأن انا ابتديت اكتب فيها ووصلت للكوبليه الثالث لقيتها مقطوعة , يعنى انا احترت انزلها ولا امسحها ... يعنى لاخ العزيز نور الصباح مش المفروض ان لما ننزل ملف صوتى نتأكد من سلامته من اوله لآخره ولا نختار اى اغنية وخلاص .. فيه ساعات ملفات بتبقى عطلانة او نصها فاضى او فيها اى عيب
بس خلاص ماحدش ينزل لى باقيها لنى زهقت منها

مع اطيب تحياتى

**نور الصباح** · #4 31/05/2014, 19h34

احبائى
اقدم لكم اغنية مها صبرى
علموك يابو قلب طيب
فيه ملحوظة الاغنية ناقصة الكوبليه الاخير لأن انا ابتديت اكتب فيها ووصلت للكوبليه الثالث لقيتها مقطوعة , يعنى انا احترت انزلها ولا امسحها ... يعنى لاخ العزيز نور الصباح مش المفروض ان لما ننزل ملف صوتى نتأكد من سلامته من اوله لآخره ولا نختار اى اغنية وخلاص .. فيه ساعات ملفات بتبقى عطلانة او نصها فاضى او فيها اى عيب
بس خلاص ماحدش ينزل لى باقيها لنى زهقت منها
مع اطيب تحياتى
SSSSSSSSSSSSSSSSSSSSSSSSSSSSSSSSSSSS
أنا آسف أشد الأسف
لهــــــذا الخطأ الغير مقصود
وأهى غلطة : ومش حا تعود ولوإن الشوق موجود
وحنينى إليك موجود
وأهى غلطة
وشكررررررررررررررررررررررررررررا
أخوكم
نور الصباح

**جميل خ** · #5 02/06/2014, 21h13

مرحبا استاذ عادل اتمنى انك تساعدني لو سمحت بنوتة اغنية سلامات سلامات للفنانة نادية مصطفى , ومشكور على هذا الموضوع الرائع ...

الاخ العزيز
اهلا بك فى المنتدى
ماشى بس الاول نتأكد انى مش كاتبها قبل كده يعنى حد من الاخوة الاعضاء يتاكد
مع اطيب تحياتى

**عاصم المنشاوى** · #6 03/06/2014, 05h14

كل اللى يجرالى .......فى الحب يهنالى
عشان عينيك ياجميل......يرخصلك الغالى ....

الأصدقاء الأعزاء
استاذنا الكريم /عادل بك ....مش معروف عن محمد قنديل أنه بيلحن أغانى ....لكن هو ملحن "أبو سمرة السكرة"...وأغنيتنا الرقيقة "يرخصلك الغالى ..."وده نابع انه من أسرة فنية ...لأن والده كان عازفا للعود والقانون ...فى الأغنية دى هو واحد فعلا بيلحن لنفسه .....لحن هادى رقيق ...طبعا فى ابو سمرة السكرة واغنيتنا "يرخصلك الغالى "هو مش بيستعرض ولا عنده عضلات فنية كل مرة مذهب وكوبليه ومقدمة مكررة .....وبالتالى دى تندرج تحت نوت موسيقية اللى تصنيفها كوباية شاى ....فللأستاذ /عادل تصنيفات جميلة ...فالنوت عنده : أما انها من العيار التقيل قوى ...أو ...أنها متكعبلة متخلبطة متخربطة بتوزيع عبارة عن خبط حلل مع كلاكسات سيارات ...أو مذهب وكوبليه مابتاخدش اكتر من خمس دقايق...
الأصدقاء ....والنبى تسمعوا كورال البنات وهم ...أقصد وهن بيقولوا "اللى يجرالى "...أسمعوها بيقولوها أزاى...تحس اانه فعلا واحدة بتتعذب فى الحب ...بس على قلبها زى العسل..ولاّ قنديل وهو بيقول فى الكوبليه التانى "يفرح معايا الليل"...شوفوا بيغنيها ازاى .

**ahmad_alahlawy** · #7 03/06/2014, 21h43

كل الشكر استاذ عادل على تدوين نوتة ليالينا و لكن كان لدى استفسار حول سبب عدم تدوين الكوبليه الأول ( عينى علينا يا ) بالنوتة ؟
و شكرا

اخى العزيز
انا التسجيل اللى كتبت منو كتبتو زى ماهو يعنى ممكن الكوبليه اللى بتقول عليه يكون محذوف منه
يعنى انا بفتح الملف الصوتى على برنامج كول ايديت بتبقى الاغنية كلها مرسومة ع الشاشة وطول ما انا بكتب بحرك المؤشر بتاع البرنامج ع المكان اللى بكتب منه اقصد يعنى كل ما اخلص جملة ببحط المؤشر على الجملة اللى بدعها عشان ماتقعش منى جملة ومعنى ان كوبليه بحاله زى ما انت بتقول يبقى محذوف من الملف اللى كتبت منو
المشكلة انا مسجل مع وردة الاغنية دى بس زمان اوى ومش فاكرها خالص لأنها اتسجلت مرة وماعملناهاش فى حفلات
يعنى دخلنا لاستوديو وسجلناها وخرجنا وبالطبع الاغانى اللى زى كده بتتمسح من ذاكرتى
مع اطيب تحياتى

**ahmad_alahlawy** · #8 05/06/2014, 06h05

أستاذ عادل

اليك رابط لتسجيل ليالينا كامل

http://www.sama3y.net/forum/showthread.php?p=107550

اخى العزيز
اشكرك تخيل الملف الصوتى اللى انا كتبتها منو الكوبليه الاول ده محذوف منها بالكامل يعنى مش مقطوع كنت طبعا حسيت لأنو حايبقى لو ديل او حتة تبين ان فيه حاجة مقطوعة ولكن محذوف بالكامل ودى كارثة ان فيه تسجيلات متداولة للأغانى حد لاعب فيها لأن الكوبليه محذوف مونتاج باحتراف يعنى
واساس المشكلة انى زى ماقلت الاغنية دى انا عازف فيها لكن مافيهاش شغل يستاهل بروفات وماعملناهاش فى حفلات يعنى دخلنا الاستدويو الورق اتحط ساعة كنا مسجلينها وخارجين وبالطبع الاغانى دى ومئات غيرها بتتمسح من ذاكرتى وحتى مش بتتذاع اصلا بحيث انى اكون سمعتها كذا مرة احس ان فيه حاجة ناقصة
انا حاكتب الكوبليه بس هو المشكلة المحتاجة انى ازاى ازرع الكوبليه وسط النوتة لأن فيه بعدها شغل فى نص بيمول كتير وده بيبقى مضاف مش من صمصم البرنامج يعنى بيحصل لحفنة تحتاج مراجعة وتصليح بس مش على عادل طبعا
ان شاء الله ابتدى فيها النهاردة
مع اطيب تحياتى عادل صموئيل