طلبات نوتة أ / عادل صموئيل الجزء الثانى

**عادل صموئيل** · #1 04/05/2014, 01h04

احبائى

اقدم لكم

تتر مسلسل بنت اسمها ذات

طبعا انا كتبت على اد ما اقدر لأن اللحن موزع توزيع كتير وانا حاولت بقدر الإمكان انى اكتب اللحن الاساسى

مع اطيب تحياتى

**عادل صموئيل** · #2 04/05/2014, 01h23

احبائى
اقدم لكم رائعة الروائع

تحفة رياض السنباطى وام كلثوم

اغار من نسمة الجنوب

اللحن ده مش لحن عادى ... يعنى معمول بحيث ان ماحدش غير ام كلثوم يقدر يقوله .. وبعدين فيه حاجة او عناصر معمولة بطريقة انها تخلى الواحد يتلخبط مايعرفش يحفظه الا لو كان ذومقدرة غير عادية على الحفظ ... يعنى انت لو شفت اى اغنية لأم كلثوم بتبقى لو مذهب و3 كوبليهات بتبقى 4 كيانات منفصلة .. لكن اللحن ده معمول بطريقة بجد كانو فزورة مستعصية .. يعنى كل كوبليه فى بدايته تحس انو شبه التانىلكن بالعكس هو بدييك انطباع انو شبه التانى لكنو مختلف احتلاف كلى عشان يلخبطك .. واكتر اللخبطة ان كل كوبليه بيبتدى بكلمة ياليتنى ... بعد كده الكلام بيتغير والمقام بيتغير
يعنى مثلا تحويلة حجاز على النواة ماتعرفش هى فى الكوبليه التانى ولا الثالث ... انا طبعا بسمعو من زمان اوى من وانا طفل وكنت حافظ اجزاء منه ومن كذا سنة فيه صديقة عزيزة هى مش موجودة دلوقتى طلبت منى اعزف اللحن ده .. اللى خلانى افكر انى اعزفه مع انو من الالحان المستبعدة جدا ومش عليا فقط ولكن ماحدش عزفه او حصل لو تهور انه يعزفه من قبل ... اول حاجة ان الصديقة دى كان سنها 24 سنة سنة يعنى من جيل بعيد تماما عن الشعر الصعب ده يعنى صعب جدا تلاقى شباب ممكن يتذوقوا النوعية دى من الاغانى بعد ما اللى حصل بعد التسعينات افسد الذوق والثقافة وثانيا والاهم كانت الصديقة دى حجة فى اللغة العربية وحافظة دواوين شعر يعنى افادتنى كتير جدا فى قصائد من اهمهم همسة حائرة بتاعة عبد الوهاب .. وانا لما بعزف القصائد من النوعية دى مش عملية نغمات وخلاص يعنى لازم اكون فاهم الشعر كويس اوى اوى عشان اعزفه بصدق واكتشفت ان اكتر من 7 كلمات انا سامعهم غلط يعنى مثلا كلمة الرافد هى قالت لى لأ دى الرابض يعنى كلمات كتير كده انت ممكن تسمعها حاجة وهى حاجة تانية خالص ومش مستعملة ابدأ فى قصيدة تانية وتختلف فى المعنى عن ما انت فاهم ... واهم مافى الموضوع مكسبكم انتم .. يعنى لو لا الصديقة دى وهى مش موجودة من زمان اوى ماكنتش اجرؤ انى ادون الاغنية دى ... لأنى ساعة ماعزفتها كنت باخدها كوبليه كوبليه يعنى اسمعه عشرات المرات بعدين اسجله ولما احس انو خلص ادخل فى اللى بعده يعنى تختلف عن كل اغانى ام كلثوم التانية انا ممكن حلا اعزف 100 اغنية فورا لنى حافظهم لكن دى بالذات لازم الواحد ياخدها حتة حتة لأنها بتلخبط زى ماقلت ... ولو لا انى عزفتها يعنى دخلت جوا الشفرات بتاعتها ماكنتش اقدر اكتبها او اخاف منها
بالطبع اهم شىء فى الموضوع انى حاولت اخليها سهلة على قد ما اقدر والحمد لله ربنا وفقنى وشكلها سهلة واتمنى الكل يعزوفوها بس اكيدالاول تسمعوها من ام كلثوم شوية لن ادائها عايز احساس اكتر من قراءة حروف .. وانا اعتذر عن التشويق والاثارة اللى عملتهم عشان تعرفوا اسمها لأنى فعلا تعبت فيها يعنى اخدت اكتر من عشر ايام تدوين ماحبيتش انزلها مرة واحدة وتاخد وقتها وخلاص
مع اطيب تحياتى

**فؤاد العلمي** · #3 07/05/2014, 00h18

أخي العزيز الأستاذ عادل
أغار من نسمة الجنوب، أغنية صعبة جدا، جمل تتداخل بين مواويل، أدليب وإيقاع. تدوين في مستوى عزفك الرائع. جرأة كبيرة لفنان حقيقي. لك مني كل التقدير. وأتمنى أن تنال أغنية (ياللي كان يشجيك أنيني) نفس الحظ والالتفاتة.
مع تحياتي الخالصة- فؤاد.

**عادل صموئيل** · #4 07/05/2014, 03h29

احبائى

اقدم لكم اغنية رجاء عبده الشهيرة

البوسطجية اشتكوا

الاخ العزيز د . محمد ابراهيم انا الحمد لله دونتها ودخلت المنتدى ارفعها لقيتك منزل تسجيل نادية مصطفى
للعلم انا اولا ما سمعتوش وثانيا ما اقدرش اكتب منه لأن اكيد حد لعب فى حاجة فى اللحن وانا مااقدرش اكت غير من الاصل الحاجات القديمة دى مقدسة واقول لك حاجة ممكن تضحك ... انا عشان اشتغلت مع العمالقة دول فتلاة طويلة وحفظتهم وبالطبع حصلت معاهم حوادث كتيرة جدا لازم التزم حرفيا بلحنهم يعنى تخيل انى بكتب اغار وحاسس السنباطى ورايا شايف كل حرف بكتبو وبكتب وانا خايف منه .. لن اقل حاجة لو حاتلعب فى حرف من عندك ممكن يخبطك بالعود ولو تفاديته كان بها ولو ماتفاديتوش عملية تربنة بسيطة ف الجمجمة عشان احرم العب فى اى اى حرف من اللحن لن هو بيبقى واضع كل روحه وفكره فى اللحن .. وموضب ومغير ومصلح فيه واللى انت بتسمعه ف الراديو ده آخر حاجة ما فيش بعدها كلام تانى .. يعنى لو سمع اى فسل من اللى بيغنوا دلوقتى وهم بيبهدلوا الالحان كان اما انتحر او قتلهم

المهم الحمد لله النوتة مضبوطة
مع اطيب تحياتى

**muhamadibra** · #5 07/05/2014, 08h04

اقتباس:

المشاركة الأصلية كتبت بواسطة عادل صموئيل

احبائى

اقدم لكم اغنية رجاء عبده الشهيرة

البوسطجية اشتكوا

الاخ العزيز د . محمد ابراهيم انا الحمد لله دونتها

المهم الحمد لله النوتة مضبوطة
مع اطيب تحياتى

وانا كنت علي احر من الجمر منتظر و دخلت نزلتها قبل ما اذهب للعمل وبعد ما ارجع استمتع بعزفها واسعد بها كالعادة دايما يا مايسترو مغرقنا بجمايلك وذوقك - لا اجد كلمات ويعجز لساني عن الاتيان بما تستحقه من شكر - كثير من زملائي ينتظرون هذه النوتة - شكرررررررررررررررررررررا
د محمد ابراهيم

**نور الصباح** · #6 07/05/2014, 08h18

احبائى
اقدم لكم اغنية رجاء عبده الشهيرة
البوسطجية اشتكوا
الاخ العزيز د . محمد ابراهيم انا الحمد لله دونتها ودخلت المنتدى ارفعها لقيتك منزل تسجيل نادية مصطفى
للعلم انا اولا ما سمعتوش وثانيا ما اقدرش اكتب منه لأن اكيد حد لعب فى حاجة فى اللحن وانا مااقدرش اكت غير من الاصل الحاجات القديمة دى مقدسة واقول لك حاجة ممكن تضحك ... انا عشان اشتغلت مع العمالقة دول فتلاة طويلة وحفظتهم وبالطبع حصلت معاهم حوادث كتيرة جدا لازم التزم حرفيا بلحنهم يعنى تخيل انى بكتب اغار وحاسس السنباطى ورايا شايف كل حرف بكتبو
SSSSSSSSSSSSSSSSSSSSSSSSSSSSSSSSSSSSSSSSSSS
كالعادة دايما يا مايسترو مغرقنا بجمايلك وذوقك - لا اجد كلمات ويعجز لساني عن الاتيان بما تستحقه من شكر - كثير من زملائي ينتظرون هذه النوتة -
( بعد إذنك يا دكتور - محمد إبراهيم - أستلفت تعبيراتك )
ســـــــــــــــــــــامحنى

وشكرررررررررررررررررررررا
أخوكم
نور الصباح

**muhamadibra** · #7 07/05/2014, 10h29

اخي العزيز نور الصباح - انا دايما باقتبس طريقتك المبدعة في الردود - وتحياتي لكل مبدعي المنتدي ورواده ومحبي الفن العربي الاصيل - اخوتي الاعزاء علي نفسي لكم جميعا كل الحب والتحية والتقدير
د محمد ابراهيم

**يوسف قاسمي جمال** · #8 11/05/2014, 22h03

استاذي العزيز هذه نوتة لنفس الاغنية "البسطجية اشتكوا" كما كتبتها و لكن بتفاصيل اكثرللتدقيق ، ارجو ان تنال قبولكم

**نور الصباح** · #9 12/05/2014, 06h33

حبيب قــــــــــلبى وأســــــــــــتاذى وأســـــــــتاذ الأجيال
المايسترو والفنان العظيم
عــــــــــــــــــــــــــــــــــــــــــــــــا دل باشا صموئـــــــــــــــــــــــــــــــيل
سلام الله عليكم
وبعـــــــــــــــــــــــــد :
ما رأيكم فى تدوين رائعة الموسيقار
)محمــــــــــــــــــــــــــــــــــــد عبد الوهــــــــــــــــــــــــــــــــــــــــــاب (
بمناسبة ذكرى رحيله عن عالمنا
}بافــــــــــــــــــــــكر فى إللى ناســـــــــــــــــــــــــــــــينى {
والجميع فى انتظارها
- من أقدم عضو إلى أحدث عضو -
والجميع شاكرون فضلكم
- دام عزكم -

وشكررررررررررررررررررررررررررررررررا
أخوكم
نور الصباح

**armendo** · #10 12/05/2014, 10h58

اقتباس:

المشاركة الأصلية كتبت بواسطة يوسف قاسمي جمال

استاذي العزيز هذه نوتة لنفس الاغنية "البسطجية اشتكوا" كما كتبتها و لكن بتفاصيل اكثرللتدقيق ، ارجو ان تنال قبولكم

الصديق يوسف قاسمى جمال صباح الخير...اشكرك على هذه النوته الجميله اليسيطه فى تدوبنها وقد تصادف اننى عزغت هذه الأغنيه سماعى بنفس هذا التدوين وهذ سر سعادتى بها مع اختلاف واحد فقط وهى جملة (والعمر اهو بيفوت يوم ورا يوم ) فقد عزفتها متل ما دونها الأستاذ عادل اما فى ما عدا ذلك فقد استمتعت بالنوته شكلا ومضمونا.

اتدرى ماهو الفرق بين هذه النوته ونوتة الأستاذ عادل هو ان الأستاذ عادل كعازف محترف لا يستطيع ان يغفل التفاصيل الموجوده بالجمله الموسيقيه والتى احيانا تكون اكثر صعوبه فى العزف وستجد هذا واضا فى المقدمه الموسيقيه فى اغنية البوسطجيه اشتكوا ,اما انا كعازف هاوى فانا استنبط الجمله الموسيقيه فى ابسط صورها واعزفها واسعد بها .

تهنئتى لك على هذا التدوين وارجو منك المزيد.

مع ارق تحياتى

احمد (ارمندو)