طلبات نوتة أ / عادل صموئيل الجزء الثانى

**نور الصباح** · #1 06/03/2014, 07h31

احبائى
اقدم لكم من روائع عبد الحليم حافظ
انا كل ما اقول التوبة
ودى اول نوتة اكتبها على ويندوز 7 اتمنى تعجبكم
مع اطيب تحياتى
SSSSSSSSSSSSSSSSSSSSSSSSSSSSSSSSSSSSSSSSSSSSSSSSSS
ألف مبروك على ويندوز 7 يامسيو عادل ..

الحمد لله عـــــــــلى كل حــــــــــــــــــــــل كل مشاكل الويندوز
وندعــــــــو الله - العلى القدير - ألا يحرمنا من طلاتكم علينا
وأن يـــديم المحبة الخالصـــــــة
وشكررررررررررررررررررررررررررا
أخوكم
نور الصباح

**وسام اكرم** · #2 06/03/2014, 12h40

اساتذتي الافاضل
سمعت اليوم صباحا ان احد الاساتذة لدية مشكلة في تعريف كارت الصوت على نظام ويندوز 7 . هذا البرنامج المخصص لويندوز 7 و يعمل عليه سوف يعمل مسح لكل مكونات الحاسبة و في حالة وجود دريفر ناقص DRIVER سوف يقوم بعرضه عليك و مكان تحميلة من الشبكة و يمكن من خلاله سحب احدث التعاريف لمكونات حاسبتك مع التقدير
وسام

**الألآتى** · #3 06/03/2014, 15h11

اقتباس:

المشاركة الأصلية كتبت بواسطة وسام اكرم

اساتذتي الافاضل
سمعت اليوم صباحا ان احد الاساتذة لدية مشكلة في تعريف كارت الصوت على نظام ويندوز 7 . هذا البرنامج المخصص لويندوز 7 و يعمل عليه سوف يعمل مسح لكل مكونات الحاسبة و في حالة وجود دريفر ناقص DRIVER سوف يقوم بعرضه عليك و مكان تحميلة من الشبكة و يمكن من خلاله سحب احدث التعاريف لمكونات حاسبتك مع التقدير
وسام

أشكرك بكل جوارحى يادكتور وسام .. سأجرب البرنامج وأخبرك بالنتيجة ..

أصل أنا مركب 2 هارد على الجهاز .. بخلاف الهارد الخارجى

فقررت إنى أنزل ويندوز XP على هارد .. وويندوز 7 على الهارد التانى

وعندما حدثت مشكلة التعريف .. حذفت ويندوز 7 .. ونزلت ويندوز XP

بقى عندى إتنين XP .. وإن شاء الله أإنزل ويندوز 7 مرة أخرى .. وأجرب البرنامج

أشكرك بشدة ومن كل قلبى

**muhamadibra** · #4 06/03/2014, 13h03

احبائى
اقدم لكم من روائع عبد الحليم حافظ
[]انا كل ما اقول التوبة
ودى اول نوتة اكتبها على ويندوز 7 اتمنى تعجبكم
مع اطيب تحياتى
[/]SSSSSSSSSSSSSSSSSSSSSSSSSSSSSSSSSSSSSSSSSSSSSSSSSS
ألف مبروك على ويندوز 7 يامسيو عادل ..

د محمد ابراهيم

**muhamadibra** · #5 06/03/2014, 13h05

من كتر اعجابي بطريقة اخونا نور الصباح في العرض وذوقه الرفيع في التعبير اقتبس ردي منه والجمد لله نفعت جزاه الله كل خير
د محمد ابراهيم

**salhi_haithem** · #6 06/03/2014, 13h17

السلام عليكم
تحية طيبة أستاذ عادل مشكور على أغنية و أنا كل ما قول التوبة و لو سمحت أستاذ عادل ممكن نسخة حجاز كار دوكاه يعني نسخة أعلى بدرجة تون كامل أي من الدوكاه
و شكرا لتعبك معانا و أنا في إنتظار أغنية يانا يانا و أغنية زي العسل
هيثم

**عادل صموئيل** · #7 06/03/2014, 13h47

الأخ العزيز محمد الآلاتى
اولا تحياتى
ثانيا هو مشكلة ويندوز 7 ان فيه شوية عفاريت ومع الاسف مش اى حد من الفنيين اللى ف السوق بيكتشفها لنهم معظمهم اما بياعين فقط يعنى كانوا قبل كده بيبعوا فانلات وشرابات وفلايات وقلبوا على بيع الكمبيوتر والقسم التانى واللى بيفهموا فى الخارد وير والسوفت وير بيتعاملوا مع الزباين التقليديين اللى بيشتروا الكمبيوتر يلعبوا عليه العاب ويشوفوا افلام ويسمعوا اغناى وخلاص لكن لما تحصل مشكلة تقنية مع حد زينا واقصد اللى بيعملوا شغل فنى لما بتحصل معاهم مشكلة الفنيين اولا مش بيفهموا انا عايز ايه بالضبط وثانيا بيحسوا انى محنون يعنى بقول كلام عمرهم ماسمعوه .. يعنى عندك مثلا برنامج انكور ده انا بسميع عفريت الكمبيوتر لن اى عيب المستمعل العلدى ولايحس بيه ابدا وبيستعمل الجهاز عادى ممكن يعطل انكور ونفضل نصوت ( فاكر كان مرة بتظهر مشلكة انو بيطلع نافذة او ماتسطب انكور يعنى بيقول لك مشكلة فى الميدى ) وانت حليتها فاكر ؟ من انك دخلت ع الميدة وضبطت اختيار كارت الصوت ... تخيل سيادتك العيب ده لو سألت فيه واحد فنى يقول لك شيل نسخة الويندوز ويدخلك فى متاهات .. بيبقى الحل بالنسبة لينا اولا نشغل مخنا ونحدد العيب بعدين نعرض العيب عل اصحابنا وحبايبنا الخبراء هنا واللى هم فعلا بيستعموا البرامج الموسيقية زينا و99% بيبقى عندهمالحلول والاخ العزيز وسام اكرم نزل لك برنامج فوق اتمنى انك تنزله وتشوف وتطمننا لن عندهم حلول تانية اكيد
وللعلم من اغلس مشاكل ويندوز 7 مثلا انا عندى طابعة قديمة شوية الوان hp inkjet بنزل تعريفها من الاسطوانة بتاعتها جيت انزلها على ويندوز 7 قال لى دى لحد xp آخرها وبعدين تولع فيها بس بينى وبينك الطابعة رائعة وحمارة شغل ولسه جديدة يعنى من حلاوتها انا كنت شارى اتنين واحدة استعملتها لحد ما اتهرت بعدين رميتها وشغلت التانية وحرام طبعا ارميها وهى لسه بحالة المصنع عملت جميع انواع العفرتة لحج ما خليتها تشتغل على ويندوز 7 بس الكمبيوتر يشغلها يعنى ليها برنامجين خاصين بيها مش بيستغلوا على ويندوز 7 بس المهم انها اشتغلت وللعلم انا عندى طابعة ليزر الوان حكاية ( تمنها 7000 جنيه ) بتشتغل طبعا على ويندوز 7 بس مشكلتها الحبر بتاعها غالى جدا يعنى فيها 4 كاتردج بيتملوا ب 600 جنيه ومش عند اى محل يعنى لازم تدور شوية هو بينى وبينك غالى لما تدفع المبلع لكن بتطبع بيهم 20000 صورة الوان اما الطابعة القديمة انا بملاها حبر بنفسى بشترى زجاجات ربع ليتر لكل لو والملو بيكلفنى ملاليم عشان كده هى المفضلة يعنى ساعات بكون بجرب او بستكشف حاجة وافضل اطبع عدد كبير من الورق تجارب فقط وارميه طبعا فى الطابعة الغالية حرام .. والسكانر نفس المشكلة عندى سكانر كانون يجنن برضو البرنامج بتاعه مايشتغلش على ويندوز 7 وتحايلت عليه والحمد لله شغلته بس برضو فيه برنامج خاص بيه مش بيشاغل وحرام اشترى سكانر جديد ب 600 جنيه والقديم الحمد لله لسه بخيره وحتى لو اشتريت مش حايبقى جام زى القديم وحصلت مشكلة تانية مع انكو اكتشفت انو على ويندوز 7 مش بيقرأ الخطوط العربى وعملت فيلم هندى لحد ماقراهم والحمد لله بقالى شهر تجارب الحم لله امبارح استطعت ترويضه انا لآسف للإطالة بس اكيد ناس كتير زينا حصلت لهم نفس المشاكل واحنا كلنا بنتعلم ونستفيد من بعض طمننى على البرنامج مع اطيب تحياتى

**عادل صموئيل** · #8 06/03/2014, 14h11

احبائى
بناء على طلب اخى الحبيب هيثم الصالحى اقدم لكم

انا كل ما قول التوبة

نسخة من رى

بس ليا عندك طلب ياهيثم راجع فى الفهرس الاغانى الجديدة اللى انا منزلها لفايزة احمد يعنى فيه حاجات انت مانزلتهاش طبعا بنزلهم براحتك لأنى انا قبل ما اكتب اى اغنية بشوفها فى الفهرس بتاعك الاول
مع اطيب تحياتى

**درأرسلان** · #9 06/03/2014, 14h19

أستاذي الغالي عادل صموئيل،
والله لا أجد الكلمات لأتقدم لكم بالشكر وأعبر لكم على مدى اعتزازي و افتخاري لإنتمائي لمدرسة منتدى سماعي، وكوني تلميذ الأستاذ الكريم عادل صموئيل؛
ألف شكرعلى نوتة انا كل ما اقول التوبة

أخوكم د المصطفى أرسلان

**الألآتى** · #10 06/03/2014, 15h21

اقتباس:

المشاركة الأصلية كتبت بواسطة عادل صموئيل

الأخ العزيز محمد الآلاتى
اولا تحياتى
ثانيا هو مشكلة ويندوز 7 ان فيه شوية عفاريت ومع الاسف مش اى حد من الفنيين اللى ف السوق بيكتشفها لنهم معظمهم اما بياعين فقط

ياسلام ياأستاذعادل .. فكرتنى بالذى مضى ..

أنا ليا ذكريات مهببة مع الطابعات والسكانر

أول طابعة كانت زى بتاعتك .. Hp ديسك جيت برضه

قعدت معايا فترة .. وبعدين فيصت .. روحها طلعت

تانى طابعة كانت كانون أربع وظائف .. يعنى سكانر وطابعة وفاكس وماكينة تصوير وطبع صور

شغلانة يعنى .. أول مرة مليتها عند التوكيل .. تانى مرة مليتها .. باظت .. ماشتغلتش تانى

عندما أرسلتها للتوكيل للإصلاح .. وجدت أن تكاليف إصلاحها تقترب من ثمنها .. فركنتها

أنا يظهر مابيعيشليش طابعات

أما كارت الصوت .. فده شغلانه لوحده .. جبته من عشر سنين وكان سعره 250 جنيه

وبصراحة مريحنى جداً .. والمصيبة إنى مش لاقى زيه فى السوق النهارده

لأن شركة كرييتف بطلت تصنع كروت الصوت المتوسطة

بتصنع نوعين .. نوع بتلاتة تعريفة .. للمستخدم العادى

والنوع التانى كروت إحترافية للمحترفين .. ودى طبعاً غالية

وأنا حالياً مابشتغلش مزيكا .. يبقى حاجيب منين الكارت الغالى ؟

أحييك على إصرارك ومحاولاتك الدائبة لحل مشكلات الويندوز

سلام ياصديقى
يا اخى العزيز
انا طول عمرى عندى نسختين ويندوز واحدة على c والتانية على d زمان كنات لاولى ميلينيوم والثانية xp ولما ابتديت احب xp خليتهم الإتنين كده والتميز الخطير بالذات بالنسبة للناس اللى زينا بيعملوا شغل انى بشتغل دايما على النسخة اللى بيتفتح عليها الجهاز وهى التانية اللى ع الدى ولو ضربت احيانا بتضرب ضربة سودة يعنى تمتنع عن الفتح هنا بفتحها من النسخة الاولى واخد ملفاتى منها وامسحها وعامل كده بالنسبة لويندوز 7 امبارح بعد ما سطبته 4 مرات طول الشهر ويعمال مشاكل حلفت عليه انولو ما اشتغلش كما ينبغى حشيلو وارجع xp تانى ويلعن ابو التقدم ده اللى يخرب بيوتنا
المهم هو الظهار خاف واشتغل زى الجزمة زى الفل
اما مصائب الطابعات تخيل سيادتك ان اى طابعة inkjet من اى ماركة فيها خرطوشتين واحدة الوان وواحدة اسود تخيل ان ثمن الخرطوشتين دول بثمن الطابعة وانا مش بنصح بالجهاز اللى فيه سكانر وطابعة لنو لما بتعطل حتة بيعطل كله زى الانتيريال لوب كده انا استعمالى بستعمل كارت الصوت الداخلى بتاع الماذر بورد يعنى عندى سماعات كبيرة لو حبيت اعلى الصوت لكن مش بستعمل حاجات زيك كده ومرة جبت كريتف ده وباظ بعد فترة رميتو وماكررتهاش تانى والشاطرة تغزل برجل حمار اما طالما عندك كذا هارد وخسرانة خسرانة ( او كسبانة كسبانة ) يعنى طالما عندك xp وشغال عليه شغلك جرب البرنامج بتاع الدكتور وسام ولو جاب نتيجة اهو يبقى كسبنا حاجة
مع اطيب تحياتى عادل صموئيل