رد: طلبات نوتة أ / عادل صموئيل الجزء الثانى
انا اشكرك يا اخت رضوى على ذوقك
بما انك اخت جديدة فى المنتدى واحنا هنا كلنا اصدقاء مفيش كبير وصغير ولاقديم وجدي عرفينى بنفسك يعنى انتى بتعزفى آلة ايه ولوحدك ولا مع مجموعة من اصدقائك يعنى فرقة حقول لك ليه وكلمة من خبير يعنى ومدرس موسيقى اصلا طبعا
الفرق بين اغانى عبد الحليم مثلا واغانى عمرو دياب مثلا انبخلاف الالحان زمان احلا 100 مرة وكده ولو عزفتى اغنية من بتوع زمان عندك فى البيت اهلك اول مايمعوا جملة منها على طول يوقولا لك دى اغنية كذا ويتابعوا معاكى ولو لعمرو دياب الجيل القديم مش بيسمع الحاجات دى
الفرق الخطير ان الحان زمان كانت ميلودى فقط يعنى لحن واحد ممكن انتى لو على عود فقط تعزفيه ويبقى يجنن لكن الحان دلوقتى كلها موزعة وفيها ايقاعت كتير يعنى فيها اكتر من 10 حاجات ماشية فوق بعض وانتى لو عزفتى على آلة واحدة بيبقى العزف فقير اوى زى مثلا بيتزا عليها عشر حاجات وانتى عاملة بيتزا مكونة من حاجة واحدة ( اخدتى بالك ) وكمان المشكلة فى التوزيع انى ببقى بسمع مش عارف امسك الحن لاساسى اللى اكتبه زى طبق كشرى وتقولى لى نقى الرز لوحده مثلا
مع اطيب تحياتى عادل صموئيل[/QUOTE]
[B]أنا لسه بتعلم عزف الجيتار و على الرغم من انه اله غربيه إلا انى بحب اعزف عليه حاجات عربى، انا مش بعزف لفرقه انا بعزف لوحدى فى البيت و أحيانا لاصحابى، العزف بالنسبه ليه هوايه مش احتراف فعلشان كده بدور على حاجات انا عرفاها، بس طبعا حضرتك عندك حق الأغانى القديمه ليه سحر خاص و هى ده فعلا الموسيقى
[/B]
|
العرض الشجري