طلبات نوتة أ / عادل صموئيل الجزء الثانى

[salhi_haithem]

السلام عليكم
كل التحية و التقدير للأستاذ عادل على مجهوداته الجبارة و العملاقة في تدوين هذه الروائع الجميلة
ولي طلب أستاذ عادل أغنيتين من تدوينك لصباح "زي العسل" و "ياأنا ياأنا" و الإثنين من ألحان بليغ حمدي و أكون ممنون
شكرخاص لأخي العزيز عاصم على كلمته الطيبة
هيثم

[درأرسلان]

أستاذي الغالي ،

سهرت منه الليالى، كلمات أمير الشعراء أحمد شوقى، تلحين وغناء محمد عبد الوهاب، تدوين أستاذ الأساتذة عادل صموئيل، والله إننا لجد محظوظون لإنتمائنا لمنتدى سماعي ولكوننا تلامذة العملاق الكريم الأستاذ عادل، بارك الله فيك على ما تقدمه من خدمات للثقافة الموسيقية العربية، وأتقدم إليكم أصالة عن نفسي و نيابة عن زملائي الأطباء، أعضاء فرقة عشاق الطرب العربي الأصيل بكامل التحية والتقدير

أخوكم د المصطفى أرسلان

[عادل صموئيل]

احبائى
انا اشكركم على ردودكم على اغنية سهرت منه الليالى
وكلامكم الجميل اغلى عندى من كنوز الدنيا ... يعنى انا لو جهة ما طلبت من مدون كبير انه يدون اغنية بالصعوبة دى ممكن تدفع لو كام ؟ يعنى على الاقل عشر اضعاف ثمن الكتابة عشان الاغنية صعبة جدا وبتاخد وقت
لكن انا كلامكم بالنسبة لى اكتر من المبلغ ده مليون مرة لن الفلوس مهما كانت بتتصرف لكن الشعور الجميل بيبقى

عايز اقول لكم سر ... انا كمدون محترف يعنى كنت زمان شوية التدوين بيمثل لى جانب من حلى ( وجانب مربح ) بس ايام الزمن الجميل او ايام ما كانت الموسيقيى موسيقى يعنى ملحن اما بيجى لى البيت او انا بروح بيته وبكتب موسيقى بتمتع بكتابتها .. لكن اليوم بعد ما بقت الموسيقى تقرف انا بقيت اتهرب منهم يعنى بييجى لى الملحن من دول يملينى جملة زى القرف ومسموعة كتير من قبل انا مش مستسيغها اقول له طيب نخلى كذا بدال كذا واغير منا حرفين واقعد اغير فيها لحد ما تبقى الجملة 90% من عندى والملحن طبعا فرحان لأنى بلحنهالو تانى من عندى .. واذكر انى مرة كنت بكتب للعملاق رياض السنباطى حاجة لقيت حرفين ممكن الفرقة ما يدخلوش مع بعض فى الاستوديو قلت لو نخيلها كذا رافع العود واوشك ينزل بيه على دماغى وقال لى طب ماتلحنها انت بقا
دولوقتى انا الموبايل بيخدمى لن الفرق بينوه وبين التليلفون الارضى ان الارضى لما ترد معناه انك فى البيت لكن الموبايل ممكن تكون فى اى مكان على كوكب الارض او فى المجموعة الشمسية يعنى كذا ملحن يطلبنى ع الموبايل يقول لى عايزين نكتب حاجة اقول له بس انا مش فى القاهرة انا فى الساحل الشمالى او فى الصومال يوقل لى طيب ترجع بكرا اقول لو لأ انا عملت لجوء سياسى وحرجع بعد 9 سنين
يا لا انا بس عايز افرح بيكم يعنى حد يقول انا عزفتها واكرر انا ففكيت الطلاسم اللى فيها يعنى عندك مثلا الجملة اللى بيقفل بيها الكوبليه صعوبتها انها طويلة شوية بس اكيد انا لما فكيت طلاسمها حاتبقى سهلة اوى ان شاء الله

مع اطيب تحياتى

[عمرو الهنداوي]

أستاذ عادل شكرا على سهرت منه الليالي
وارجوك فكر في جفنه علم الغزل وحب الوطن غالي عليا وفي الليل لما خلي والفتيارة... كل دي أغاني مهمة جدا

[عادل صموئيل]

احبائى

عشان مصر وفى حب مصر اقدم لكم

احموا مصر يامصريين

طبعا انا ما اقدرش عن الاخ العزيز eagleeasat اللى طلبها وبالذات عشان محتاجها فى مناسية يوم الاثنين
هو من حسن الحظ يعنى انا قعدت اكتبها عامل حسابى اسهر عليها بس هى طلعت مذهب وكوبليه متكرر هى المقدمة الموسيقية خدت وقت لأن فيها فزلكة شوية بس اكيد لما اتكتبت بتبقى سهلة اوى بس اللى بيغيظنى المطربين اليومين دول شغل الهيد فون والتراكات بيقعوا فى الوحدة وده انا لاحظته ونا بكتب تانى سطر فى الكوبليه
بس المهم انها كلها اخدت اقل من نصف ساعة وده توفيق من ربنا .. بس خلوا بالكم يامدرسين المويسقى لو عندك تلميذ حايغنيها انت حفظ لو اللحن الاساسى زى ما انا كاتب ماتخليهوش يقلد المطرب اوى لأنو ممكن يقع فى الوحدة

مع اطيب تحياتى

[نور الصباح]

احبائى
عشان مصر وفى حب مصر اقدم لكم
احموا مصر يامصريين
طبعا انا ما اقدرش عن الاخ العزيز eagleeasat اللى طلبها وبالذات عشان محتاجها فى مناسية يوم الاثنين
SSSSSSSSSSSSSSSSSSSSSSSSSSSSSSSSSSSSSSSSSS

ونشــــــــكر لكم الأفضال
و شكررررررررررررررررررا
أخوكم
نور الصباح

[muhamadibra]

المشاركة الأصلية كتبت بواسطة عادل صموئيل

احبائى

عشان مصر وفى حب مصر اقدم لكم

احموا مصر يامصريين

طبعا انا ما اقدرش عن الاخ العزيز eagleeasat اللى طلبها وبالذات عشان محتاجها فى مناسية يوم الاثنين
هو من حسن الحظ يعنى انا قعدت اكتبها عامل حسابى اسهر عليها بس هى طلعت مذهب وكوبليه متكرر هى المقدمة الموسيقية خدت وقت لأن فيها فزلكة شوية بس اكيد لما اتكتبت بتبقى سهلة اوى بس اللى بيغيظنى المطربين اليومين دول شغل الهيد فون والتراكات بيقعوا فى الوحدة وده انا لاحظته ونا بكتب تانى سطر فى الكوبليه
بس المهم انها كلها اخدت اقل من نصف ساعة وده توفيق من ربنا .. بس خلوا بالكم يامدرسين المويسقى لو عندك تلميذ حايغنيها انت حفظ لو اللحن الاساسى زى ما انا كاتب ماتخليهوش يقلد المطرب اوى لأنو ممكن يقع فى الوحدة

مع اطيب تحياتى

عطاء وابداع - وتواضع الكبار - هنيئا لك جمهورك الكبير
د محمد ابراهيم

[عادل صموئيل]

احبائى
اقدم لكم من روائع فايزة احمد من اغانى الاسرة

بنتى الامورة

وطلبها الاخ العزيز عاصم المنشاوى

الاغنية دى فيها فى الاول شوية ادليب مالهمش لازمة ومالهمش قيمة فنية وانا ماكتبتهمش لن ظروف الاغنية دى بالذات يعنى انت ممكن تعزفها اوتغنيها لبنت صغيرة او فى عيد ميلاد يعنى يدخل اللحن بالإيقاع على طول ولو انت فى الظروف دى عملت الادليب الاطفال حتنام قبل ماتكمله لكن الجو العام بتاع الاغنية محتاج تبقى تدخل بحيوية مباشرة

الاغنية دى اكتبت فى صفحة واخدت اقل من ربع ساعة يعنى توفيق ربنا اولا وثانيا اقول لكم حاجة مضحكة اللحن بتاع عبد الوهاب هرش مخى يومين وبعدو لازم الواحد محتاج اما نقاهة او اجازة او طبق شوربة كوارع وال 3 حاجات دول بالنسبة لى انى اكتب اغنية او اغنيتين من النوع السهل بمعنى اقعد وجنبى كوب شاى وقبل ماتخلص كوب الشاى تكون الاغنية خلصت وكمان نزلتها فى المنتدى وياسلام لو الاغانى كلها كده كنت اكتب واحدة قبل الفطار وواحدة بعد الفطار وواحدة قبل الغداء وواحدة بعد الغداء وواحدة العصر وواحدة المغرب وواحدة قبل العشا وواحدة بعد العشا
مع اطيب تحياتى

[عادل صموئيل]

احبائى

النهاردة ماسورة نوت وانفجرت

اقدم لكم من روائع فايزة احمد الوطنية

قسما بالنيل وبالثورة

الاغنية دى ماكانتش على بالى ولكن وانا عندى عادة كل يوم او يومين بشوف مواقع موالى واشوف الاغانى وبتلفت نظرى اغانى وبقدم لكم منها الحلو على ذوقى لفتت نظرى الاغنية دى لننا فعلا فى حالة حرب .. والمصريين بالذات فى حالة الحرب لو عددهم عشرين مليون بيبقوا عشرين مليون مقاتل .. ودلوقتى احنا حوالى 95 مليون تلاقيهم 95 مليون مقاتل بإستثناء كام الف هم اللى بيقاتلونا
فيه حاجة قلتها واحب اكررها شوفوا الاغانى الوطنية زمان وبالذات الحماسية تحس انك بتسمع فى الموسيقى طللقات مدافع ودبابات وصواريخ يعنى المضحك انك تسمع نفس المطرب او المطربة وعلى نفس الفرقة ونفس كل حاجة بس سبحان الله تلاقى الاغنية العاطفية فيها رومانسية وتسبيل عينين لكن الوطنية تلاقى مدافع ازاى ؟ ..... معرفش
بعكس الاغانى الوطنية اللى بيعماوها دلوقتى مافيهاش حماس او تحميس بالمرة تحس قوة اللحن هشة اوى
فيه شىء كمان احب اقوله مهم جدا .. كل فنان من اى دولة عربية شقيقة لما بييجى مصر وبيعيش فيها شوية .. مصر فيها سحر او فيها مغناطيس يعنى الفنان ده بتحس ان نص قلبه بقى مصرى وتلاقيهم بيشاركونا فى افراحنا وفى ازماتنا وفى ايامنا السوداء .. وشهادة اقولها للتاريخ ان هؤلاء الفنان العظام ( فايزة سورية ووردة جزائرية وعليا التونسية وشادية تركية وكلهم عشان ما انساش حد ) كانوا فى الازمات بيتسابقوا وشفت بعينى على تقديم الاناشيد والاغانى الوطنية بدون مقابل واحيانا كانوا بيدفعوا المصاريف من جيبهم يعنى يدفعوا اجر الفرقة والملحن والمؤلف على حسابهم ويسجلوا الشريط ويقدموه هدية للإذاعة حبا فى مصر وبالطبع مصر عمرها ماتنساهم وشالتهم فوق راسها الله يرحمهم جميعا
مع اطيب تحياتى

[eagleeast]

المشاركة الأصلية كتبت بواسطة عادل صموئيل

احبائى

عشان مصر وفى حب مصر اقدم لكم

احموا مصر يامصريين

طبعا انا ما اقدرش عن الاخ العزيز eagleeasat اللى طلبها وبالذات عشان محتاجها فى مناسية يوم الاثنين
هو من حسن الحظ يعنى انا قعدت اكتبها عامل حسابى اسهر عليها بس هى طلعت مذهب وكوبليه متكرر هى المقدمة الموسيقية خدت وقت لأن فيها فزلكة شوية بس اكيد لما اتكتبت بتبقى سهلة اوى بس اللى بيغيظنى المطربين اليومين دول شغل الهيد فون والتراكات بيقعوا فى الوحدة وده انا لاحظته ونا بكتب تانى سطر فى الكوبليه
بس المهم انها كلها اخدت اقل من نصف ساعة وده توفيق من ربنا .. بس خلوا بالكم يامدرسين المويسقى لو عندك تلميذ حايغنيها انت حفظ لو اللحن الاساسى زى ما انا كاتب ماتخليهوش يقلد المطرب اوى لأنو ممكن يقع فى الوحدة

مع اطيب تحياتى

انا مش عارف اشكر استاذى الجليل ازاى على المجهود الرائع اللى انت عملته ووقتك الثمين علشان تتطلع اغنيه فى حب مصر وعلشان تسعد بها كل مدرسى التربيه الموسيقيه ومهما قلت من كلمات الشكر مش هعرف اديك حقك على العموم متشكر جدا[/COLOR][/SIZE][/COLOR][/SIZE]

اخى العزيز
لو تعمل مقارنة بينى يعنى اخدت كام ساعة او دقيقة من وقتى فى التدوين فى حب مصر وبين شهيد بيقدم اغلى ما يملك وهى حياته عشان خاطر مصر ابقى انا شىء ضئيل جدا جدا
وانك تدينى حقى انك تعزفها حلو وتخلى الناس تسمع حاجة حلوة ده اكبر اجر انا بتثاضاه انت لما تعزف شىء جميل بيتسبب ان تلاميذ كتير تقول الله ايه الحاجة الحلوة دى ويبقوا نفسهم يتعملوا الموسيقى واكون انا سبب يعنى اجر كبير جدا
مع اطيب تحياتى عادل صموئيل