هاشم الهوني

**abuaseem** · #1 14/04/2007, 13h50

بساط الشوق
كلمات احمد الحريري
لحن و غناء هاشم الهوني

طير بيا يا بساط الشوق لديار الغالي و ارميني

لا نهدا ولا القلب يتوب لين نوصل و تشوفه عيني
طير طير طير طير بيا بساط الشوق

ارفعني قداه يضمد جرحي من فرقاه
نا ريدي مشتاق رضاه
وهو من قلبه يبيني

لازم نمشيله وعلي في قلبي نحكيله
قلبي اللي ما رتاحش ليليه
من طول الليل يهنيني

بني نرتاح ونبدا نملا حياتي فراح
نعوض هاللي مني راح
وبايام الفرقه ينسيني

**abuaseem** · #2 30/05/2007, 20h26

اغنية مش كيف ما تصبح
هاشم الهوني

مش كيف ما تصبح لنارك تمسى
فيه فرق في صوابع ايديك الخمسة

اللي خانك انساه
ما تعدي وراه زمانك
فيه من يساوي غيتك و حنانك
ويبادلك حبك الهمسه بهمسه

عدابك ريته
في وقت من عمري تعدى نسيته
بنيت الامل ع الولف اللي لقيته
اللي شاف ما شفته و حبي ليك لمسه

تعرف حبي
والود اللي نصان ليك في قلبي
داري عدابك و عيش ليا في جنبي
واللي راح قبلي في عمرك انساه

**abuaseem** · #3 12/06/2007, 20h30

علامة
كلمات محمد مخلوف
لحن و غناء هاشم الهوني

عديت باليوم ماضينا ايامه
لقيته ندامه ...
ما فيه من الود يا ظالم علامه

**abuaseem** · #4 15/07/2007, 16h15

شن يعجبني فيك
كلمات احمد الحريري
لحن و اداء هاشم الهوني

شن يعجبني فيك نشقى و نهنيك
الحنية منك مفقودة ياغالي
ولا السية ولا السهد و حيرة بالي
حاجه تحير ناخد من عمري و نعطيك

**abuaseem** · #5 04/08/2007, 19h32

الفنان هاشم الهوني
اغنية ليش يا غالينا

**abuaseem** · #6 09/12/2007, 00h00

يا تشوفلي حل معاك

كلمات احمد الحريري
لحن و اداء هاشم الهوني

يا تشوفلي حل معاك
يا تنسيني في هواك
ما هو مش ممكن تجبرني
طول عمري نجري وراك
قادر نسى و نداري و لكن
مش ممكن تهدى ناري
الا لما تريحني يا تجيني يا نسلاك

**abuaseem** · #7 16/02/2008, 21h29

يوم 4/1/2008 اقامت الفضائية الليبية حفل فني ساهر تم فيه تقديم مجموعة كبيرة من اعمال الفنان الكبير هاشم الهوني باصوات جديدة فكانت لفتة جميلة لتكريم هدا الفنان الرائع ارجو ان تكرر هدة اللفتة الطيبة مع باقي الفنانيين الدين كان لهم دور بارز في اثراء مكتبة الاداعة الليبية
قد اقوم بتقديم بعض هده الاعمال في مناسبة اخرى قريبا انشاءالله

**Edriss** · #8 11/02/2013, 16h22

المُطرب الكبير / هاشم الهوني

من أغاني الصباح

بيك مرحبا ياصُبح

أستـــــــــــــوديو

نسخه نقيه عن المرفوعه

**abuaseem** · #9 18/09/2010, 22h14

اقتباس:

المشاركة الأصلية كتبت بواسطة abuaseem

مش كيف ما تصبح لنهارك تمسى
فيه فرق في صوابع ايديك الخمسة

صوت صورة

هذه الاغنية تسمى احيانا همسة بهمسة