مشاركات خارج موضوع طلبات النوتة

[منذر44]

استاذ عادل اقدم لك اول مشروع نوتة على برنامج انكور وهي اغنية نعم يا حبيبي نعم
لعبد الحليم حافظ وهي موجودة عندي منذ سنوات وهي من تدوين الموسيقي البارز في سوريا
المرحوم عبد الرحمن جبقجي وهو عازف عود بارع وله مؤلفات كثيرة -لونغات-سماعيات-
كتاب شهير في تعليم العود
وقد اخترت هذه النوتة لعدم وجودها في المنتدى ولانها خالية من الربع تون
وبالعربي الفصيح طلعت عيني اسبوع كامل من العذاب والاضافة والحذف والرجوع
المتكرر الى شروحاتك الرائعة--وقد قلت في نفسي كان الله في عون الاستاذ عادل
اذا كتت مجرد انقل النوتة من كتاب الى البرنامج وطلعت روحي فكيف بالاستاذ عادل
الذي يكتب النوتة من سماعه ومخيلته كم يبذل من جهد وسهر ووقت حتى يخرج نوتة
الى النور يسعد بها عشاق الفن فكان الله في عونك
استاذ عادل ارسلت لك ملف به النوتة وايضا مشروع النوتة عى البرنامج كي تحدد لي
اين اخطأت واين اصبت فالاحباط الذي اصبت به بعد طبع النوتة على ملفpdf كبير
فقد ظهرت امور ملخبطة وصفحات فارغة
أرجو منك التصويب والارشاد
مع اجمل تحياتي

http://www.a7ssass.net/download95654.html

اخى العزيز
فيه طبعا غلطات كتير
هواولا فيه غلطات فى التدوين يعنى الحروف نفسها يعنى الاستاذ حبقجى كان احيانا بيكتب جمل زى ماهو حافظها مش بيبقى جنبو شريط بيسمع منو ويكتب ودى مشكلة فى التدوين انك تكون حافظ شىء وتيجى تكتبو او تعزفو وهنا ممكن يطلع اخطاء فى الجمل الموسيقية وفيه ملحوظة انت ناسى علاماتت تحول ونقط يعنى خلى بالك من الحاجات الصغيرة دى
هو اخطر مشكلة الصفحات الفاضية فى الطبع ودى بتيجى من اختلال فى صفحة الاولى بيخلى المدرجات تنزل لتحت والكمبيوتر بيقراها فى الصفحة الاولى لذلك بيترك صفحة فاضية بعدها ولتفادى الخلل ده تاخد بالك من المدرجات فى آخر الصفحة يعنى انا لاحظت انك عامل سطرين فى كل سطر مازورة واحدة 4/4 وبتكمل الادليب فى الصفحة الثانية 4/4 يعنى مش ميزان غريب المفروض لو انا بكتب حاجة زى كده انى بخلى عدد الموازير فى السطر زى ماهى وعند بداية الغناء بكتب غناء فوقها وبعدين فيه خاصية فى انكور انك ممكن تيق اوتوسع المازورة
يعنى مثلا لو فى السطر 4 موازير وفيهم مازورة مزدحمة ممكن تعمل مشكلة فى القراءة انك بالماوس بتمسك بار المازورة من اعلى وتحركو يمين او يسار وهنا المازورة بتتسع او تضيق معاك زى ما تحب وممكن تعمل موازنة بينها وبين اللى جوارها كمان ممكن تسحب المدرج كله تحت اذا كان فيه مدرج فيه نغمات تحت المدرج والمدرج الى تحت نغمات فوق المدرج وحصل بينهم تماس ممكن تمسك المدرج من طرفه العلوى الايمن وتنزله تحت عشان تفصل المدرجات عن بعضها طبعا كمان بنستعمل العلامتيم > و < مع طنترول لسحب مازورة من مدرج الى المدرج السابق له والعكس يعنى فيه ساعات بيكون المدرج بيه 4 موازير وكلها دوبل كروشات بتبقى مزنوقة اوى ممكن تعمل لخبطة فى القراءة بالذات لو عليها علامات تحول وهنا بخلى المدرج 3 موازير انى اطرد منو كازورة ارحلها للمدرج التالى او العكس بس تخلى بالك يستحسن اللعب ده تعملوا وانت اثناء الكتابة يعنى مش لما تخلص كتابة 4 صفحات مثلا وتيجى تلعب فى الصفحة الثانية مثلا .. ليه ؟ لأن اللحن كلو متصل ببعضو انت لو عملت الحركة دى فى الصفحة الثانية حاتترحل كل الموازير فى اللحن كلو وتعمل مشاكل دلوقتى وانت لسه جديد فى البرنامج حاتقع فيها بس بعدين لما تبقى متمكن منو حاتبقى سهلى بمعنى انا مثلا ( عشان شاطر ) لو لحن كاتبو 4 صفحات ( ركز معايا اوى اوى ) وحبيت ازود او العب فى مازورة فى الصفحة الثانية لازم انظ للجمل اللى بعد الجملة اللى حلعب فيه موقعها فين وكمان اهم شىء اوى مازورة فى الصفحة التالية ايه ... وبعد ما اعمل اللعبة بعمل حركة تعيد الموازير اللى بعدها فى مكاناها والمازورة او الشىء اللى فى اول الصفحة التالية مكانها هنايبقى اللحن اتعدل
بس انت تسرعت فى كتابة نعم ياحبييى ليه ؟ لأنها مكتوبة بالقلم مش بالكمبيوتر يعنى اللى كاتبها واخد راحتو بينما فى الكمبيوتر لازم يبقى فى مخك حاجات معينة يعنى هذ النوتة لو انا بنقلها بنقلها حسب طبيعة الكمبيوتر يعنى اقصد مش بصورها تصوير كاميرا محتويات اول صفحة لازم تكون اول صفحة لكن بخرجها او برسمها بطريقة تتماشى مع الكمبيوتر وانت قلت انك كتبتها فى اسبوع انا لو بنقلها انقلها فى ساعة واقصد الاول اتدرب زى ما انا قلت لك على حاجات سهلة بحيث تتعود اكتر على الكتابة وتحت امرك مع اطيب تحياتى عادل صموئيل

[armendo]

الأخ العزيز الأستاذ منذر ...الحقيقه انا سعيد لسعادتك فى الوصول لهذه النتيجه بإستخدام برنامج انكور الذى يستخدمه استاذنا الأستاذ عادل بإمتياز واقتدار ودائما ما يعطينا نوته رائعه شكلا ومضمونا.. اخى العزيز هل لديك كتب اخرى للأستاذ الحبقجى لمطربين آخرين؟

مع ارق تحياتى

احمد ( ارمندو )

[منذر44]

المشاركة الأصلية كتبت بواسطة armendo

الأخ العزيز الأستاذ منذر ...الحقيقه انا سعيد لسعادتك فى الوصول لهذه النتيجه بإستخدام برنامج انكور الذى يستخدمه استاذنا الأستاذ عادل بإمتياز واقتدار ودائما ما يعطينا نوته رائعه شكلا ومضمونا.. اخى العزيز هل لديك كتب اخرى للأستاذ الحبقجى لمطربين آخرين؟

مع ارق تحياتى

احمد ( ارمندو )

الاخ العزيز احمد ارمندو اسعدني كلامك رغم اني لست راضي
عن النتيجة تماما
وبالنسبة لنوت الاستاذ الجبقجي فلدي مجموعة نوت لعبد الحليم وام كلثوم وفريد كما يوجد لدي مجموعة نوت لميادة ووردة مثل اغنية نعمة النسيان الرائعة من تدوين
الاستاذ محمد رجب وهو موسيقي سوري كبير وسوف اقوم
بتنزيل هذه النوت في قسم النوت الموسيقية
وهاانذا اقوم بتنزيل الثلاثية المقدسة لام كلثوم من تدوين الجبقجي ولكن للاسف الكلام غير مدون فقط اللزم الموسيقية
ولكن شيئ افضل من لا شيئ
واليك الرابط
http://www.a7ssass.net/download95661.html

[سليم العباس]

بعد التحية لجميع الأعضاء أود أن ألفت انتباه الأخ العزيز منذر 44 فيما يتعلق بتدوينات الأستاذ عبد الرحمن الجبقجي عازف العود الشهير إلى أنها تنقصها الدقة ما لم نقل الأخطاء و خاصة في تدوينات أغاني فيروز و فريد الأطرش ، و لا يوجد مقارنة بين تدويناته و تدوينات الأستاذ عادل ، و هذا هو رأيي الشخصي حيث أعتقدت سابقاً أنني قارئ غير جيد للتدوين الموسيقي عند محاولة عزف تدوينات الأستاذ عبد الرحمن ، قبل أن أتعرف على تدوينات الأستاذ عادل و بقية المدونين الرائعين في هذا المنتدى ، فقراءة النوتة أصبحت أكثر سهولة و إمتاعاً .

[منذر44]

المشاركة الأصلية كتبت بواسطة sfakhri

بعد التحية لجميع الأعضاء أود أن ألفت انتباه الأخ العزيز منذر 44 فيما يتعلق بتدوينات الأستاذ عبد الرحمن الجبقجي عازف العود الشهير إلى أنها تنقصها الدقة ما لم نقل الأخطاء و خاصة في تدوينات أغاني فيروز و فريد الأطرش ، و لا يوجد مقارنة بين تدويناته و تدوينات الأستاذ عادل ، و هذا هو رأيي الشخصي حيث أعتقدت سابقاً أنني قارئ غير جيد للتدوين الموسيقي عند محاولة عزف تدوينات الأستاذ عبد الرحمن ، قبل أن أتعرف على تدوينات الأستاذ عادل و بقية المدونين الرائعين في هذا المنتدى ، فقراءة النوتة أصبحت أكثر سهولة و إمتاعاً .

اخي العزيز sfakihriمن سوريا الجريحة
انا ليس عندي ادنى شك ان الاستاذ عادل هو ملك تدوين النوتة السهلة وكنا نتمنى ان يدون كل اغاني الزمن
الجميل حتى نتمتع بعزفها ولكن هذا اشبه بالمستحيل بسسب كثرة الاغاني وقلة الوقت
وفي هذه الحالة ما المانع ان نتبادل النوت القديمة وغير الموجودة في المنتدى وشوية سماعي وشوية نوتة معقولة
نتعلم اغنية جديدة نصبر بها انفسنا بانتظار جديد الاستاذ عادل
مع اجمل تحياتي منذر44

[سليم العباس]

بعد التحية أستاذ منذر : ما ذكرته أنا هو على سبيل التنويه لا أكثر ، و بالطبع كما قلت حضرتك لا مانع من تبادل التدوينات كما هي ريثما يتم تدوينها بالشكل الأمثل .
و بالمناسبة شكراً لك على كل ما رفعته سابقاً .
تحياتي لك

[سليم العباس]

بعد التحية لأعضاء المنتدى الكرام أريد أن أطرح قضية للنقاش و إبداء الآراء .
- هل من واجب الفنان أن يقول رأيه السياسي بصراحة كاملة ، أم عليه التزام الحياد ؟
- هل يتعلق إعجابنا بفنان ما مع مواقفه السياسية ؟ على سبيل المثال الفنان المعتزل فضل شاكر انخفض عدد معجبيه بشكل حاد منذ تبنيه أفكاراً سلفية ، أصالة نصري و ميادة الحناوي هما على طرفي نقيض من الأزمة السورية ؟ أيضاً لفتني موقف أحد المعجبين بالفنانة شيرين عبد الوهاب عندما لم يعد يستمع إلى أغانيها كونها تؤيد ترشيح الفريق السيسي لرئاسة مصر .
- بالمختصر هل تستمر بالاستماع إلى فنان خذلك موقفه السياسي ، أم أنك تضع حداً فاصلاً بين شخصية الفنان و فنه .

اخى العزيز
هى المشكلة اخطر من كده بكتير .... السنوات الاخيرة انقلبت الموازين يعنى ظهر مفهوم جديد وهو ادخال الدين فى السياسة ومن وجهة نظرى بعض اقصى درجات الفحص والتمحيص والتجارب ودراسة التاريخ .. كلمة الاسلام السياسى بتتكون من كلمتين ما ينفعش يتخلطوا على بعض او زى ماتدخل بنزينة وفيها طرمبة سولار وطرمبة بنزين انت سيارتك بتمشى بالبنزين لو حطيت فيها سولار حايحصل ايه
احنا عندنا فى مصر مثلا الفرق بين زمان والآن كنا جميعا متحدين كان عدونا واحد فى سنة 1956 العدوان الثلاثى
كان انجلترا وفرنسا واسرائيل وكان دور الفن هو شحذ الشعور الوطنى يعنى اسمع اغانى ام كلثوم وعبد الوهاب وعبد الحليم حتى نجاح سلام وكل الفنانين وكانت اغانيهم تشحذ الشعور مما جعل الشب كلو وراء الجيش نفس الكلام فى نكسة 1967 وفى 1973 كان عدونا هو الصهاينة ولا اختلاف على ذلك اما تدخل الاسلام السياسى فى اللعبة اول شىء تزوير الحقائق والكذب الاخوان بيطلعوا كلام ان الشعب كله معهم والشعب ده 95 مليون وتكل اكبر كذبة اتقالت فى مر من 7000 سنة .. الاخوان عددهم لا يزيد عن 400 الف .. وبيجمعوا حولهم المؤيدين بطرق ملتوية يعنى اما توزيع فلوس ببذخ على الفقراء او استغلال الجهلاء عن طريق الدين انهم بتوع ربنا ... والشعب لما عمل ثورة 25 يناير هم الاول لم يشتركوا ولكن بعد بداية نجاح الثورة ركبوها بمساعدة دول عدوة لمصر وركبوا الحكم ... اللى انتخبوا مرسى ينقسموا ال قسمين نصف من الاخوان والمؤيدين لهم والنصف الآخر كرها فى شفيق لأنهم قالوا انه امتداد لنظام مبارك واعتلى الاخوان الحكم وكانت سنة سوداء على مصر بكل المقاييس
ولما هب الشعب فى ثورة 30 يونيو اللى نزل الميادين 34 مليون ورأينهم بعينى بما لايدع مجال للشك ومتسجلين فى شرائط الفيديو لأن اليوم كلو متسجل صوت وصورة عشان ماحدش يشكك ... طلع الاخوان وقالوا انهم مايزيدوش عن 5000 وان العدد الكبير ده فوتو شوب وهل ممكن نلعب فوتو شوب فى فيديو ؟؟؟ والجيش استجاب لطلب الشعب وعزل مرسى وللعلم لو لمد يتدخل الجيش لحماية الثورة وعزل مرسى كان ال 34 وقفوا فى الميادين ولم يمشوا وهنا كانت حاتطلع عليهم ميلشيات الاخوان وتحصل مذابح يعنى الجيش انقذ الشعب وطلع الاخوان والوا انقلاب عسكرى كذبا وهو لم يكن انقلاب ولكن ثورة شعبية اول ما السيسى اعلن عزل مرسى باقى الشعب المصرى اللى مانزلش الميادين الزغاريد والرقص فى الشوارع والفرق بين الثورة والانقلاب العسكرى لمن يعلمون :::
الانقلاب العسكرى انك تصحى الصبح بدون مقدمات تسمع فى الراديو ان الجيش حاصر القصر الجمهورى واستولى على السلطة وعزل الحاكم وده حصل فى 23 يوليو 1952 ... لكن لما الشعب كلو يتذمر ويهدد الحاكم اما يغير طريقته المتغطرسة الديكتاتورية واما يقوموا بثورة ... الحاكم المتغطرس الذى لايرى مصر ولكن لايرى سوى جماعته ومصلحتها طنش الشعب والشعب نزل الميادين واستغاث بالجيش وهنا تقدم السيسى الى مرسى وقال لو الشعب متذمر وامهله اسبوع ليلغى الاعلان الدستورى الغاشم ولكن بعد الاسبوع مرسى لم يستجب كأن هذا الشعب مالوش لا وجود ولا اهمية راح السيسى امهله 48 ساعة وبرضو مرسى رفض سحب اعلانه الدستورى فتم عزله بناء عن رغبة الشعب فى اكبر ثورة شعبية فى تاريخ مصر ولكن الخاوان لم يستسلموا وهددوا المصريين انهم مش حايشوفوا يوم سلام وكل يوم مظاهرات وشغب وبيستعملوا السلاح ومشكلة الحكومة المصرية انها مش عايزة تعاملهم بعنف واقسم باله العظيم ان الجيش لا يستعمل إلا قنابل الغاز المسيل الدموع وطلقات الصوت وبيضرب نار فى الهوا لإخافتهم لينسحبوا ولكنهم هم بيضربوا الشرطة والجيش بالرصاص وعدد شهداء القوات يعنى بلغ عدد مفزع
المشكلة الخطيرة الكذب يعنى ارجوك تفرج على قناة العربية الشريفة وشوف مايحدث بعدها شوف قناة الجزيرة تشوف عكس الكلام 180 درجة ابسط شىء يوم الاستفتاء نزل 21 مليون الاستفتاء الجزيرة طلعت صور للجان فاضية وقالت ان الشعب ماحدشمنو نزل طيب اكذب اللى بشوفو بعينى واصدق الجزيرة
المهم واخطر ما فى المواضيع ان الحق اختلط مع الباطل يعنى الكلام اللى انا كتبته ممكن يوافقنى عليه ناس ويعترض عليه ناس بس انا والله العظيم واقسم بالله العظيم ان 90% على الاقل من المصريين يتمنون ويصلون الى الله ان يرزقنا بالسيسى رئيسا لأنه امتداد لعبد الناصر .... خلاصة كلامى فيه فنان بيشوف الصورة الصحيحة وفنان بيشوف الصورة المشوهة بالطبع انا اؤيد السيسى واحب كل فنان يؤيده ولن اسمع اى فنان يرفضه ... وللعلم مش حتلاقى فنان فى مصر يرفض السيسى يعنى بالنسبة للفنانين بالذات فيه مادة فى الدستور الجديد بتحمى الفن وتحمى الملكية الفكرية
بعكس الاخوان كانوا بيحاربوا الفن والفنانين يعنى تخيل ان وكيل وزارة التربية والتعليم الاخوانى فى عهد مرسى طلب من وزيره الاخوانى الغاء مادة التربية الموسيقية فى المدارس لأنها تؤدى الى الفجور واسألأك يا اخى العزيز هل التربية الموسيقية فى المداراس تؤدى الى الفجور ؟؟؟ التربية الموسيقة بتخليك كل يوم اول شىء تعملو فى المدرسة انك تحيى العلم وتغنى النشيد الوطنى وتعزفه ولكنهم حبوا قتل الوطنية وارادوا الغاء العلم والسلام الوطنى لأنه حرام
وفى الاوبرا عين وزير ثقافة اخوانى لا يفهم شىء فى الثقافة ومضمون مخو ان الثقافة حرام وكانت مهمته قتل الثقافة واول شىء عمله انه عزل مديرة الاوبرا المصرية الموسيقية الخبيرة وحط مكانها واحد اخوانى مايعرفش الفرق بين الاوبرا وقدرة الفول وكانت مهمته تدمير الاوبرا واوصى بغلق معهد الباليه ... وألاف المصائب
انا آسف للإطالة بس اتمنى مضمون كلامى يكون وصل مع اطيب تحياتى عادل صموئيل

[منذر44]

استاذ عادل انا فعلا اخذت بنصيحتك وكتبت نوتة من تدوينك وهي نوتة احكيلي عن بلدي لفيروز
وقد كتبتها بكل سهولة ويسر ولم اصادف مشاكل معقدة
حيث كتبت صفحتين في اقل من ساعة ولكن عندما طبعت ما كتبته على ملف pdf
عاودت الصفحات الفارغة للظهور فأدركت ان هناك مشكلة ويجب ان احلها فقمت بطبع صفحة
واحدة فقط ولكن المفاجأة ان الصفحة الخالية بقيت موجودة فقمت بعد سطور المدرجات فوجدتهم11
فقمت بحذف سطر حيث اصبح عدد الاسطر10 وفعلا وبعد الطباعة اختفت الصفحة الفارغة
ولكن علامات القرار السي والدو واللا والصول قرار اتمسحو فقمت ثانية وحذفت السطر الاخير
بحيث اصبح عدد المدرجات 9 وطبعت وكانت النتيجة رائعة اختفت الصفحات الفارغة ولم تختفي
اي علامة ويهذا تم حل مشكلة الصفحات الفارغة وهذا تاكيد لكلامك استاذ عادل ان التجربة لا بد ان
تثمر في النهاية
والان ارفع لك نوتة نعم ياحبيبي نعم لترى النتيجة ومعها صفحتين من نوتة فيروز احكيلي عن بلدي
واتمنى ان لا ارسب في الامتحان
مع اجمل تحياتي
http://www.a7ssass.net/download95680.html

اخى العزيز
انا سعيد بيك لأنك شاطر وان شاء الله توصل لنتائج مبهرة
انت بتفكرنى بنفسى فى السنة الاولى مع انكور بس انت حظك احسن منى لأن ماكانش عندى حد يوجهنى او على الاصح كان احتيادات تدوينى ان كانت بتفوق اللى بيعرفه اللى بيفهموا فى انكور
ودى عملت لى مشكلة بس انا فضلت اكتافح واستكشف وافكر كتير جدا واحيانا كنت بقوم بالليل من عز النوم بتجيلى فكرة افتح الجهاز واجربها احيانا بوصل واحيانا لأ.. لحد ما الحمد لله وصلت للى انا مجتاجه وكان عندى هدف مهم انى اكتب كل اللى انا مجتاجه على الجهاز يعنى فيه ناس بعد ماتطبع الولاقة بيمسك قلم ويكتب بالقلم الحاجات اللى ماعرفش يعملها على الجهاز
فيه موضوع خطير جدا جدا انا اكتشفته ومع الاسف لقيت كتير جدا من خبراء الكمبيوتر ما يعروفوهوش ... برنامج انكور بيكون زى ما يكون عليه عفريت يعنى مثلا لو عندك عيب واحد فى الالف فى كفاءة كارت الصوت مثلا يعمل مشكلة فى انكور ما يغنيش علما بأن هذا الكارت فى كل حاجة تانية شغال زى الفل يعنى لو جبت واحد فنى كمبيوتر ما يقدرش يحل المشكلة ( اصلها بالطبع خلال عشر سنوات حصلت معايا وجننتنى طبعا ) لأن الفنى عندو كارت الصوت اما شغال يعنى بيطلع صوت فى الاغانى ولاافلام والالعاب يعنى الحاجات العادية واما عطلان ميت مش بينطق اصلا
فيه من اخطر الحاجات نسخ الويندوز الكتير انا جربت كذا واحدة فيه منهم مش بيشتغل على انكور وطالما انكور هو اهم برنامج عندى لما نسخة بتشتغل بحب خلاص ما اغيرهاش .. فيه احيانا ( زى المشكلة اللى حصلت عندك اول ما تفتح وانا قلت لك عليها
بيكون نسخة الويندوز مع كارت الصوت مش متوافقين مع انكور يبقى لازم نعمل الحركة اللى قلت لك عليها .. انا دلوقتى شفت نوتة فيروز اللى انت عاملها ( عايزين نحل مشكلة الصفحة الفاضية ) انت عندك فيه حاجة فى نسخة الويندوز مع الماذر بورد نفسها الظاهر انها بتعمل صفحة مفتوحة يعنى مساحتها من اعلى الى اسفل واسعة شوية ( انا فى جهازى مضبوطة ) ودى بتخلى لما تعمل 11 سطر بتعمل خلل فى آخر الصفحة من اسفل هو اللى بيعمل كده بدليل لما خليتهم 9 اسطر اتعدلت
فيه حل سرييع من القائمة file ادخل على page set up
خلى الرقم اللى فوق 90 وتحتو فيه قائمة يسار وقائمة يمين
خلى القائمة يمين اضغط على 3/4 2 cmm وجرب كده فى 11 سطر انت فهمت المشكلة ؟ عندك الصفحة مفتوحة من اعلى وافل وده بيخليهااكتر من نطاق الطبع العادى وجرب وشوف
على مانشوف حل تانى
مع اطيب تحياتى عادل صموئيل

[سليم العباس]

أستاذ عادل بعد التحية :
في ردك الكريم فيما يخص علاقة الفن بالسياسة لفت انتباهي بعض الأفكار و أريد أن أناقشها :
أولاً : الدين الإسلامي ليس مجرد عقيدة روحانية مجردة (للأسف ليس كذلك) بل هو منهج سياسي و اجتماعي و اقتصادي ، و بالتالي مصطلح الإسلام السياسي ليس غريباً أو طارئاَ ، فالتاريخ الإسلامي مليء بالحروب و الفتوحات ( الاحتلال ) و المعاهدات و الاتفاقات ذات الطابع السياسي و حتى القرآن الكريم و السنة النبوية مليئة بالأفكار السياسية ، وفي هذا يتقاطع كثيراً مع الدين اليهودي ، أما المسيحية فتكاد تكون منهج أخلاقي مرن أكثر منه عقائدي إذا ما استثنينا بعض المعتقدات و الواجبات الدينية.
ثانياً : فيما يتعلق بقناة العربية فالمسألة نسبية فهي شريفة عند جلّ المصريين و العكس صحيح فيما يتعلق بسوريا مثلاً أو العراق، فهي قناة فتنة عند البعض و قناة حق و عدالة عند الآخرين .لكن بنظرة حيادية لهذه القناة و انطلاقا من حقيقة تمثيلها للأسرة المالكة السعودية و التي تحكم بلداً يعد المنبع الرئيسي للأفكار السلفية المتطرفة ،فهي من حيث المبدأ لا تستحق هذا التوصيف الذي أطلقته عليها .
ثالثاً : اثار استغرابي قولك بأنك لن تستمع إلى فنان لا يحب الفريق عبد الفتاح السيسي ! عندما حصل انقلاب عسكري في مصر 1952هل عزف الناس عن سماع أم كلثوم باعتبارها مطربة العهد الملكي البائد ! هل على السوريين أن يختاروا بين الاستماع إلى ميادة أم أصالة !هل نتهم غيرنا بالتعصب لرأيه و ننسى أنفسنا .
رابعاً : اسمح لي أن أبدي رأيي فيما يتلعق بما يحصل في مصر: الأخوان المسلمون فشلوا فشلاً ذريعاً في قيادة البلاد و من حق الشعب أن يثور عليهم ، و ما فعله الفريق عبد الفتاح السيسي مبررٌ إلى حد ما ، لكن أن يرشح نفسه لرئاسة الجمهورية فهذا انقلاب على الديمقراطية الوليدة في مصر ( انقلاب أبيض ) و أعتقد من الأفضل أن يترشح رئيس مدني فمصر متخمة بالعقول النيرة و الشخصيات القيادية . المشكلة أن شعوب هذه المنطقة لم تصل إلى نضج سياسي كافي لتحديد مصيرها وما زالت محكومة بعقل جمعي لا يرأى رئيس الدولة إلا بزي عسكري أو بزي ديني ...
لكن في النهاية إن كان هناك خيارين لا ثالث لهما فالحكم العسكري أفضل في هذه المرحلة من تاريخ مصر .
عذراً على الإطالة وتقبل تحياتي و أمنياتي للشعب المصري بالخير و الازدهار في كل اختيارته .

[سليم العباس]

أستاذ عادل بعد التحية :
في ردك الكريم فيما يخص علاقة الفن بالسياسة لفت انتباهي بعض الأفكار و أود التعقيب عليها :
أولاً : الدين الإسلامي ليس مجرد عقيدة روحانية مجردة (للأسف ليس كذلك) بل هو منهج سياسي و اجتماعي و اقتصادي ، و بالتالي مصطلح الإسلام السياسي ليس غريباً أو طارئاَ ، فالتاريخ الإسلامي مليء بالحروب و الفتوحات ( الاحتلال ) و المعاهدات و الاتفاقات ذات الطابع السياسي و حتى القرآن الكريم و السنة النبوية مليئة بالأفكار السياسية فهو يتقاطع كثيراً مع الدين اليهودي ، أما المسيحية فتكاد أن تكون منهج أخلاقي أكثر منه عقائدي إذا ما استثنينا بعض المعتقدات و الواجبات الدينية.
ثانياً : فيما يتعلق بقناة العربية فالمسألة نسبية فهي شريفة عند جلّ المصريين وليست كذلك عند جزء من السوريين أو العراقيين،لكن بنظرة حيادية لهذه القناة و انطلاقاً من حقيقة تمثيلها للأسرة المالكة السعودية و التي تحكم بلداً يعدّ المنبع الرئيسي للأفكار الإرهابية السلفية المتطرفة ، فهي من حيث المبدأ لا تستحق هذا التوصيف الذي أطلقته عليها .
ثالثاً : أثار استغرابي قولك بأنك لن تستمع إلى فنان لا يحب الفريق عبد الفتاح السيسي ! عندما حصل انقلاب عسكري في مصر 1952هل عزف الناس عن سماع أم كلثوم باعتبارها مطربة العهد الملكي البائد ! هل على السوريين أن يختاروا بين الاستماع إلى ميادة أم أصالة !هل أقاطع أفلام الفنان حسن يوسف عندما يطيل ذقنه ، و أعود إلى متابعتها حالما يقوم بحلاقتها !...
رابعاً : اسمح لي أن أبدي رأيي فيما يتعلق بما يحصل في مصر: الأخوان المسلمون فشلوا فشلاً ذريعاً في قيادة البلاد و من حق الشعب المصري أن يثور ضدهم ، و ما فعله الفريق عبد الفتاح السيسي كان مبرراً إلى حد ما ، لكن أن يرشح نفسه لرئاسة الجمهورية فهذا انقلاب على الديمقراطية الوليدة في مصر ( انقلاب أبيض ) و من الأفضل أن يترشح رئيس مدني ذو كفاءة فمصر متخمة بالعقول النيرة و الشخصيات القيادية .
المشكلة أن شعوب هذه المنطقة لم تصل بعد إلى نضج سياسي كافٍ لتحديد مصيرها وما زالت محكومة بعقل جمعي لا يرى رئيس الدولة إلا بزي عسكري أو بزي ديني.
لكن في النهاية إن كان هناك خيارين لا ثالث لهما فالحكم العسكري أفضل في هذه المرحلة من تاريخ مصر .
عذراً على الإطالة وتقبل تحياتي و أمنياتي للشعب المصري بالخير و الازدهار في كل خياراته .