يرتجى في رياح النصرة و الهوى ملكني و الداعي
في بلاد ترشيش الخضرة الحبال قبلي و الراعي
كان كنت عازم في بكرة جبتشي من الريم أمارة يا الفرس
من جفات عني في سفرة زينت الحواجب كحل الوفرة
أش حال عيشة مرباعي
واش حال ست الكاعب ذبل الرمق المحانة
زال خاطري لكحل الحاجب من قصات عليا غضبانة
من غرامها ثلث مصائب من عيون شردة كهانة
هي تقول ما هو شيء غائب من بغى يروح لمكانه
و أنا نقول بإذن الله نغلب نقلب الخليل و الحلانة
و انكويت بنار الحمرة صرت باقص في الضمير جأشي و ضلوعي
و أنا ريتها كيـــــــــــــــــف ما يجري أنا فنيت من طفلة عذرة يا الفارس
من جفات عني في سفرة زينت الحواجب كحل الوفرة
أش حال عيشة مرباعي
واش حال ست ولافي من قست في الضمير عليا
و رداح كاملة الأوصاف شابة عناية الحضرية
من غرامها هاج اريافي وحشها راه زاد عليا
ما دريت من بعد خلافي لا رسول جاني ببرية
تقطعت الأخبار قلبك جافي واش بيك تسهزي بيا
و أنا ذبت و كثر خرافي من عذاب حدة الرمقية
على وصولها نتعب حافي نحمل الدرك عن رجليا
ما نجرح حد خـــــــــلافي ننشد العرب و الحضرية
لو نسير على عودة شقرة نقطع الخنق و وداعي
نقطع الخنق و الحضرية و نموت لا نوجد صبري يا الفرس
من جفات عني في سفرة زينت الحواجب كحل الوفرة
أش حال عيشة مرباعي
__________________
"هَذَا الفَّنْ حَلَفْ : لا يَدْخُلْ لِرَاسْ جْلَفْ ! "
الناس طبايع ,, فيهم وديع و طايع,, و فيهم وضيع و ضايع .... إذا دخلت للبير طول بالك ,,,و إذا دخلت لسوق النساء رد بالك....إلّلي فاتك بالزين فوتو بالنظافة ولي فاتك بالفهامة فوتو بالظرافة ... القمح ازرعو و الريح يجيب غبارو ,,,و القلب الا كان مهموم الوجه يعطيك اخبارو.....و للي راح برضايتو ما يرجع غير برضايتي,, ,ولا تلبس حاجة موش قدك,,, و لا على حاجة فارغة تندب حظّك ,,,و ما يحكلك غير ظفرك ,,,وما يبكيلك غير شفرك
رد: سفينة المالوف...مجموعة قصائد تؤدى في طابع المالوف الجزائري
العرض الشجري