طلبات نوتة أ / عادل صموئيل الجزء الثانى

**عمرو الهنداوي** · #1 17/09/2013, 17h31

أنا مش عارف والله يا أستاذ سيد
الناس فين؟ واستاذ عادل زعلان ليه؟
وكل ما اكلم حد القيه مش عارف برضو السبب
وحاولت اكلم أستاذ عاصم بس هو مشغول في النقل من بيته القديم إلى الجديد
وأستاذ عادل مردش على الرسائل... فا مش عارف السبب ايه الحقيقية

**عادل صموئيل** · #2 17/09/2013, 21h24

احبائى

اولا اشكر كل من سأل عنى فى غيابى وانا مش زعلان
انا متضرر جدا جدا من حال البلد , انا طول عمرى فى الموسيقى كنت بتعامل على انى هاوى مش محترف والفرق ان المحترف بيعمل شغله وخلاص بغض النظر عن ان بيحب اللى بيعمله ولكن بيعمل للمال , اما الهاوى لازم اولايكون بيحب اللى بيعمله وثانيا يبقى فيه المزاج والجو المناسب للعمل
اكتر واخطر مشكلة انا بعانى منها ودى وصلتنى لما يشبه الاكتئاب النفسى والتقوقع حاجتين
الحبس : يعنى انا متعود اخرج بسيارتى اروح مشوار طويل او قصير او اروح اى مكان لما احب اروح وحالة البلد والاضطرابات مش عارف اخرج تقريبا
محاولتهم لتخريب عقول المصريين : مصر حضارة 7000 سنة .. الحضارة دى ما جتش من فراغ او من عقول خاوية ولكن المصريين ناس بتفكر وتفهم والجماعة اياها وانصارها بيحاولوا انهم يخربوا العقول عن طريق تغيير جميع المفاهيم المتعارف عليها فى كل الدنيا ابسط شىء محاولة فرض كلمة غبية علينا اسمها الاسلام السياسى عمرنا ماسمعناها قبل 25 يناير المشؤوم ... الاسلام دين جميل ... والسياسة موضوع تانى وخلص الاتنين على بعض فى وجهة نظرى زى ما يكون عندك سيارة بتشمى بالبنزين وتملا التانك سولار , وحتى لما اخدوا الفرصة الاولى وخلوا واحتلوا مجلس الشعب اكتشفنا انهم عقول خاوية تعقد جلسات للحوار فى توافه الامور .. يعنى ماحدش منهم اتحاور فى اى موضوع يفيد البلد .. ولما مسكوا الرئاسة الاول قالوا مشروع النهضة قلنا نشوف ايه موضوع مشروع النهضة طلع ان مفيش حاجة اسمها مشروع النهضة اصلا ... مصر 92 مليون مواطن والاخوان اقصى عدد ممكن مليون
جانا رئيس بيتعامل فقط مع هذا الميون من الاهل والاقارب والعشيرة .. نعامل ان ال 90 مليون مصرى الى مش اخوان يعنى كائنات مش موجودة اصلا او مش شايفها .. ولما الشعب احس بان البلد لو استمرت اسبوع اكتر من كده استنجد بالجيش المصرى اللى وظيفته اصلا حماية الشعب وعندما يخل رئيس منتخب بواجبه تجاه الشعب هنا بتسقط شرعيته لكنهم تعاملوا معانا اما نحكمكم زى ما احنا عايزن واما نحرق مصر .. ومصر تمثل بالنسبة لهم فندق او اوتيل عايشين فيه ممكن يحرقوه ويروحوا يسكنوا فى فندق تانى لكن مصر بالنسبة لنا وطن وهم كلمة وطن دى مش فى القواميس بتاعتهم ... كلمات بتغيظنى يعنى ونا بكتب فيه مظاهرة تحت بيتى بتهتف اسلامية اسلامية نفسى افهم هى مصر من 1200 دولة اسلامية ولا بوذية ؟؟؟ يعنى مصر فيها اكتر من 70 الف مسلم تبقى دولة ايه .. ساعة الآذان
بتسمع وانت فى اى مكان صوت الله اكبر طالع من ميكروفونات اكتر من 20 مسجد متداخلة فى المكان اللى انت فيه فى وقت واحد تبقى مصر لسه مابقش اسلامية ؟
للخوة الاصدقاء اللى عمرهم مازاروا مصر احنا عندنا بين المسجد والمسجد الكبير مسافات قريبة وفى كل شارع تلاقى صاحب عمارة عامل مسجد صغير فى الدور الارضى وممكن يكون بين كل مسجد والآخر 200 متر
ساعة صلاة الجمعة بتتملأ المساجد بالمصلين وعادة مساحة المسجد مش بتكفيهم تلاقيهم بيفرشوا فى الشوارع اما المسجد عشان العدد يكفى يعنى لو ركبت طيارة وشفت مصر ساعة صلاة الجمعة تلاقى الشعب كله بيصلى يبقى لسه مصر ما بقتش اسلامية ؟؟؟؟ ولا الموضوع انتم جايبين دين جديد غير الدين الاسلامى اللى احنا نعرفه ؟؟ دين بيحض على الكذب والقتل والتكفير وكل اللى بنشوفه عمركم سمعتم انهم فى الصعيد بيرغموا ناس على دفع الجزية فى القرن الواحد والعشرين ؟
انا آسف للأطالة بس كنت مخنوق مع اطيب تحياتى

**عادل صموئيل** · #3 17/09/2013, 21h33

احبائى

اقدم لكم نوتة اغنية

زغروطة حلوة

من اشهر اغانى المطربة احلام

انا للعلم كاتبها من مدة لكن ظروفى النفسية كانت مش سامحة انزلها
انا عندى تحفظ على اللى بيسموا احلام احلام المصرية وبيسموا واحدة طلعت بعدها ب 40 سنة احلام فقط
يعنى النجومية كانت زمان حاجة كبيرة اوى اوى .. النجم بيعمل نفسه بيفحت فى الصخر .. وموهبته هى اللى بتوصله لفوق
واخطر واهم شىء كان الجمهور زمان متذوق جدا جدا يعنى هو اللى بيرفع الفنان او بيخفس بيه الارض
والدليل انك النهاردة بعد 60 سنة لسه قيمة الفنان موجودة وبتزيد
لكن النجومية النهاردة ممكن اى واحد مالوش فى اى حاجة يبقى نجم اما بفلوسه او لعدم الوعى الجماهيرى ,, لكن عمره الافتراضى مش بيزيد عن سنة وبيطلع غيرو وغيرو وبيروحوا فى زوايا النسيان
الاغنية دى فيها تفائل يارب يكون وشها حلو علينا

مع اطيب تحياتى

**عمرو الهنداوي** · #4 17/09/2013, 22h13

نورت البيت من جديد تاني يا أستاذ عادل
حمد لله على السلامة

**نور الصباح** · #5 18/09/2013, 06h51

احبائى
اقدم لكم نوتة اغنية
زغروطة حلوة
من اشهر اغانى المطربة احلام
انا للعلم كاتبها من مدة لكن ظروفى النفسية كانت مش سامحة انزلها
انا عندى تحفظ على اللى بيسموا احلام احلام المصرية وبيسموا واحدة طلعت بعدها ب 40 سنة احلام فقط
يعنى النجومية كانت زمان حاجة كبيرة اوى اوى .. النجم بيعمل نفسه بيفحت فى الصخر .. وموهبته هى اللى بتوصله لفوق
واخطر واهم شىء كان الجمهور زمان متذوق جدا جدا يعنى هو اللى بيرفع الفنان او بيخفس بيه الارض
والدليل انك النهاردة بعد 60 سنة لسه قيمة الفنان موجودة وبتزيد
لكن النجومية النهاردة ممكن اى واحد مالوش فى اى حاجة يبقى نجم اما بفلوسه او لعدم الوعى الجماهيرى ,, لكن عمره الافتراضى مش بيزيد عن سنة وبيطلع غيرو وغيرو وبيروحوا فى زوايا النسيان
الاغنية دى فيها تفائل يارب يكون وشها حلو علينا
مع اطيب تحياتى
SSSSSSSSSSSSSSSSSSSSSSSSSSSSSSSSSS
خلاص يا جماعة
أبشـــــــــــــــــــــــــروا
المنتدى ردت فيه الروح من جديـــــــــــــــد
وانكتب له عمــــــــــــــر تانى
مبروك عليك وعلينا عودتك يا عم
عـــــــــــــــــــــــــــــــــــــــادل صموئيـــــــــــــــــــــــــــــــــــــــــــــ ل
وشكررررررررررررررررررررررررررررررررررررا
أخوكم
نور الصباح

**salhi_haithem** · #6 18/09/2013, 07h51

سلام عليكم ورحمة الله
ألفين سلام على الحمام منورنا أستاذ عادل و منور كل المنتدى و عودة ميمونة مابين إخوانك و أحبابك و متابعيك اللي إشتاقولك و إنشاء الله يعود المنتدى لسالف نشاطه
هيثم

**mahmoud feteih** · #7 20/09/2013, 14h04

الاستاذ عادل ولا تزعل نفسك الحكومة عرفت الداء والدواء ولانه سرطان فالعلاج محتاج وقت وصبر المهم ان العلاج بدأ ومصر المتسامحه منارة الشرق ستعود حتما انشاء الله والمفروض بحسك الفنى تكون شايف كده وانت اللى تعطينا الامل

**عاصم المنشاوى** · #8 21/09/2013, 12h27

[SIZE="4"]الأصدقاء

طبعا هو مفيش غيره ...شمس حياتنا ...بيظهر ...الدنيا تبقى نوووور....ويهلّوا الحبايب...الأستاذ الفنان /هيثم الصالحى....وعمنا الجميل دايما /أ. أحمد عبد الله (نور الصباح) ...والموهوب المتألق /سيد محمود ...هى دى آخرتها ياسى سيد ؟؟؟....تجارة ؟...هههههههه...يابنى الفنانين مالهمش فى التجارة والحسابات ...الوحيد كان عبد الوهاب....طب فنون تطبيقية او فنون جميلة ....المهم ...سلامنا للصديق /عمرو الهنداوى ...وتقبلوا سلام الأستاذ /أحمد أرمندو....على فكرة انا لسه النت ماوصلشى عندى ...المهم
[COLOR="Navy"]
عايز أرحب بالصديقة الأفتراضية "أينوزا"...
وهى الحقيقة كانت كاتبة الطلب دة وانا بأنقله كوبى وبيست ..."

مساء الخير اولا احب اشكرك حضرتك على المجهود العظيم
تانيا كنت عوزة اغنية ( حببتى من ظفيرها طل القمر بس تكون( -1) اى موسيقى بدون كلام اوغناء واغنية احمد جمال احلف بسماها وبتربها اللى غنها فى البرنامج اعرب ايدل
وللك جزير الشكر"

أولا : يأستاذة " أذاكان المنتدى بيفرض أسم معين لظروف تكنيكال بحتة ...فياريت حضرتك تعرفينا بنفسك ...الفنانين الموجودين فى المنتدى ...قمة فى الأخلاق الرفيعة والراقية ومش بتوع معاكسة ....مهووسين بالفن وبس...فأنا آسف انى بقول أينوزا ...
ثانيا:ياأستاذة ...حضرتك بتقولى انك مدرسة موسيقى ...يعنى بتعلمى أجيال صاعدة ...فأنا صعقت من كمية الأخطاء الأملائية دى؟؟....
عوزة (عاوزة)حبيتى (حبيبتى) ظفيرها ( ضفايرها) بتربها ( بترابها) غنها (غناها) اعرب ايدل (عرب آيدول) جزير (جزيل) بس واضح ان حضرتك بتكتبى من الموبايل وواضح الكيبورد معاكس معاكى شوية....
ثالثا : يااستاذة ...الأغانى الوطنية أجملهم القديم واللى بتصلح لجميع الأوقات واللى بتتغنى فى حب مصر ...زى -ياجبيبتى يامصر- الباقى هو الشعب- تعيشى يابلدى -حلاوة شمسنا- ألخ ... لكن حضرتك شايفة اغنية الجسمى احسن !!!..أوكيه!!!...
رابعا : الأستاذ الفاضل : أحمد جمال مش هو اللى غنى "أحلف بسماها وبترابها "...حضرتك مدرسة موسيقى ...أذن حضرتك متخصصة ...محترفة مش هاوية ...ودى مهنتك ...وعيب تقولى اغنية احمد جمال.لأن حضرتك أنسانة مثقفة موسيقيا ومعلوماتيا..الأغنية أغنية عبد الحليم وكلمات الأبنودى والحان كمال الطويل....عمل ايه بقى احمد جمال؟؟؟؟......زى مافيه كتير من الجيل الحالى بيقول ان محمد منير هو اللى غنى حارة السقايين كمثال....
رابعا : من حسن حظنا أن معانا المعلم والأستاذ والكابير بتاعنا هنا استاذنا /عادل صمويل ...الفنان الذى عزف وعاصر عمالقة الفن من أول أم كلثوم ....لحد أصغر تلميذ فيكى يامصر وياريت تحاولى تستفيدى من علمه ...وهو كتب لنا نوت جبارة ورائعة ...ولو حضرتك قمتى بالبحث شوية حتلاقى اللى عايزاه ...بدليل ان نوتة الجسمى كانت فى نفس الصفحة ...آه والله فى نفس الصفحة وكاتبها أستاذنا الرائع "نزيه محمد"وانتى بتدورى عليها ...والأستاذ عادل بيقول دوروا كويس ...
أخيرا ...أذا لقيتى أسم الأستاذ /هيثم صالحى .... حتلاقى فى نفس البرواز نوتات الأستاذ عادل صمويل ...دوسى كليك حيتفتح ليكى كنز ...عبى وشيلى زى مانتى عايزة ياستى.....
أو فيه طريقة تانية ...خشى على جوجل واكتبى مثلا "أحلف بسماها وبترابها عادل صمويل نوتة موسيقية منتدى سماعى ..." حيطلعلك اللينك وبالهنا والشفا ...وأهلا بيكى صديقة معانا يافنانة ...

[/SI[/COLOR]ZE]

**فؤاد العلمي** · #9 18/09/2013, 10h39

أخي العزيز الأستاذ عادل
عندما كتبت لك رسالة خاصة، كنت قد وصلت إلى درجة كبيرة من القلق على حضرتك. وكم سررت لعودتك، وكأن بهذه العودة ابتلت عروق هذه الصفحة الغنية. لقد اشتقت لكل الإخوة وأتمنى عودة كل الغائبين.
أما عن أحوال مصر، أؤكد لك أنها بداية نهايتهم، لأنهم يفتقدون لأي شيء يستطيعون تقديمه لفائدة هذا البلد، ما عدا الجهل والخراب والكذب والتضليل... وليس عندي وقت كي أضيعه في ذكر باقي سيماتهم.
مع تحياتي الخالصة- فؤاد.