اشرف محفوظ

**باندس** · #1 16/07/2013, 02h03

خفاء لا همس جديد صوبها ماهو خفاء لا همس

غلاء من سطع ع الكون كيف الشمس

******

لفالي جاني

غلاء بنت وطني موغلاء براني

اللي جدودها حاضرين يوم الهاني

علي خيل سبق ما يطيقن لمس

******

لفى بالجية

غلاء بنت شال العقل عدى بيا

اللي ناسها حاضرين القرضابية

حضروا المرقب في تراب الخمس

***

لفالي درقة

غلاء بنت ناره في الجواجي ترقى

اللي ناسها حاضرين معارك شرقة

طمسوا الغازي في المعارك طمس

******

لفى بدليله

اللي ناسها حاضرين يوم عقيلة

و خاضوا معارك صاعبة و طويلة

فداء وطنهم ضحوا بمال و نفس

ماهو خفاء لاهو خفاء لا همس

**باندس** · #2 17/07/2013, 01h04

وجيتك لافى على نبع الحنان نطوى المسافه طي

ولقيتك لافى علي نبع الحنان

مر العطش ياخي

فى وين ما لاقيتنى مديتلك بيدي

يانا للى غاليتنى كل شى فيك اغلي

حسينا بنهر المحبة يبوح سرهï»؟ فينا

حسينا بورد المحبة يفوح بين ايدينا

طيرين وعش الحب قوى كيف صخره

مانخاف عطش ونهر الحب يغــرق صحراء

**abuaseem** · #3 20/07/2013, 13h26

ميعاد مانك فيه ما نمشيلة
اشرف محفوظ و مريم السعفي
الفيديو الاصلي

‫ظ…ظٹط¹ط§ط¯ ظ…ط§ ظ†ظƒ ظپظٹظ‡ - ط§ط´ط±ظپ ط*ظپظˆط¸ ظˆ ظ…ط±ظٹظ… ط§ظ„ط³ط¹ظپظٹ‬â€ژ - YouTube[/URL]

**باندس** · #4 21/07/2013, 01h17

القاطــر

ونيت والسيل انخرم
تكدرانضاق الخاطر
صبيت على الوادى لطم
الهيت وعقبنى القاطر
رديت باطل من التعب
ناديت غير تنجى الكرب
والغيم ناوى الماطر
ناديت غير تنجى الكرب
ماتشفقو للقاطر
،،، ،،، ،،،
وللى يتفرج شاطر
ينشد منين القاطر
رديت بلتنهيده نا شارق
من رعد يعقد فى مشل البارق
قتله اومافى بالتى نحكيله
اولا وقت نشده غير هو متشمت
اللى ينظرك بالعين ماتوميله
يابال قدامك النو يعمت .

**باندس** · #5 24/07/2013, 01h48

المسوح

عيون المسوح تقول درى حارم . دابين فى مراح الشوايل ظالم تقول افهمنى حلل كلامى قبل لاتظلمنى ... تقول مراح البل اتجيه الخيل والخيل ما تجينا الاغزايه أتفك اللعقل وتغير عقب الليل تصبحو متقطمرين ورايا، ونا ناقله اثقال والخيل ناقله رجال . نا من حوافرها جنينى رايح على عشربيه واردين اللغابى ونتو علي ناصبين منايح وبكرى ضناكم رايحه بسبابي قالت المسوحه الزرقاء اوهى حانه اوميقادره على الفرقه انعطف على أيديكم أنسيت جنيني ونعيش ضناكم فى صغاء ليام ماعونكم نملاه وين ايجينى يروى معاكم ضيفكم يكرام وندر مسوح مافي روح توا عيونى بلكلام ملايه ودمعى قواطر نين غالب درى كل يوم نكمى فى الكنين سوايا وندام هذا الحال يظهر سرى ونا ناقله اثقال والخير ناقله الرجال علي عينكم المراح ماهو مامن تبونى انعطف واللقداحه نملاء حرمة درى قبل لا نطامن واللى شرب درى ينوض ابحمله ادر مسموح مافيها روح.تقول الزرقاء .اندر مسوح مافى روح

نقلها OMARJWEDA