احبائى
اقدم لكم من اغانى صباح
مش فاكرة شفتك فين
واهديها للأخ العزيز نور الصباح وابنته العزيزة الاميرة سوسن
طبعا انا منزل من ساعتين اغنية مال الهوى ودلوقتى انزل الاغنية دى اوعوا حد يفتكر ان الاغنية دى كتبتها فى ساعة , انا مخلص اغنية مال الهوى من 3 ايام وكانت منتظرة التشطيب اللى بياخد وقت قليل لما تكون الاغنية قصيرة ووقت طويل شوية واحيانا كتير لما تكون طويلة ,, يعنى الاغنية دى بكتب فيها من يومين ... فيه ظاهرة او طريقة واحب اقولها لأخوتى الاعزاء المدونين فى المنتدى انا عندى مصطلح واتعلمته من اكاديمة الفرقة الماسية
هو نوتة موسيقية فى الدولاب , يعنى دايما بيكون عندى اغنية انا مخلصها وجاهزة للرفع بس بركنها شوية يعنى ممكن تحصل اى ظروف ( والظروف كتير ) واتأخر عليكم بروح بعد خمس ايام مثلا انزل الاغنية الجاهزة دى .. واحينا تكون الظروف اغنية طويلة من العيار التقيل اوى بتحتاج تفرغ شوية , لكن انا دايما كل يوم فى اى ظروف على الاقل لازم اكتب سطرين ... وكلمة نوتة فى الدولاب دى اقتبستها من طريقة الفرقة الماسية وكانت هناك اسمها الفرقة فى الدولاب يعنى اى وقت تفتح الدولاب تلاقى الفرقة ... والمعنى الصحيح ان الفرقة الماسية كانت الفرقة الوحيدة اللى العازفين ثابتين هم هم طول الوقت وحافظين الشغل .. يعنى الحفلات العامة كانت بيتفق عليها قبلها ب 3 شهور ع الاقل طبعا عشان المتعهد يجهز المكان ويلحق يبيع التذاكر وخلافه .. اما الطوارىء يعنى فجأة ييجة مطرب وملحن من اى بلد تانية معندوش وقت وعايز فى خلال يومين يسجل 3 اغانى مثلا .. هنا الفرقة الموجودة طول الوقت وحافظين بعض .. بالتليفون ممكن فى نص ساعة تكون اتصلت بيهم وبلغتهم بالمكان والميعاد وتلاقيهم موجودين ,, او خفلة خاصة يعنى كان يبحصل كتير واحد مهم عامل قعدة عنده فى البيت وعايز المطرب الفلانى وطلعت فى دماغة النهاردة عايز الحفلة على طول بيتصلوا بكل اعضاء الفرقة وهكذا
اما من اهم واخطر عيوب الفرق الاخرى ان لو عملوا حفلة مثلا كل شهر وصورتهم وقارنت الصور ببعض حتلاقى العازفين الاساسيين هم هم لكن معظم الكمنجات بيتغيروا .. لذلك مايقدروش ينطلبوا النهاردة ويعملوا الحفلة لأن معظمهم مش حافظين واكيد مش مترابطين مع بعض .. فى الاغنية دى فيها لمحة من الاعيب زمن الفن الجميل .. المقام الاساسى راست وتلاقى فيها بيانو ( والمعروف ان البيانو مافيهوش ربع تون ( وكان الجيتار ايامها )
كان الملحن بيتحايل انو فى الجملة الراست بيمعل الجزء اللى مافهوش سى ومى نصف بيمول على البيانو ويخلى الكمنجات تكمل الجملة , لأن الملحن المعروف والمطرب الكبير والللى اغانيهم بتتذاع على طول كان لازم يبقى فيه تنويع فى آلات الصولو
الاغنية دى فيها حاجة صغيرة يعنى ارجو قبل العزف انك تتبع السينيو والدوبل سينيو عشان ماتتوهش فيها
مع اطيب تحياتى
رد: طلبات نوتة أ / عادل صموئيل الجزء الثانى
العرض المتطور
