طلبات نوتة أ / عادل صموئيل الجزء الثانى

**عادل صموئيل** · #1 05/04/2013, 12h59

احبائى

اعتذر لكم عن الغياب لعطل الم بجهاز الكمبيوتر وبالذات فى برنامج انكور

اقدم لكم من روائع عبد الحليم

كامل الاوصاف

مع اطيب تحياتى

**mohamed khalil** · #2 05/04/2013, 13h13

[

الاستاذ المحترم
عادل صموئيل
شكرا علي النوتة ويا ريت تجرب برنامج سبيليوس 6 رائع في استخدامه ومتوافق مع ويندوز7 واعطاله قليله

[/QUOTE]

**عادل صموئيل** · #3 05/04/2013, 18h02

اقتباس:

المشاركة الأصلية كتبت بواسطة mohamed khalil

[

الاستاذ المحترم
عادل صموئيل
شكرا علي النوتة ويا ريت تجرب برنامج سبيليوس 6 رائع في استخدامه ومتوافق مع ويندوز7 واعطاله قليله

[/QUOTE]

الاخ العزيز
اشكرك على اهتمامك .. انا بستعمل برنامج انكور من اكتر من 8 سنوات وعامل عليه ابحاث وبقومبتدريسه فى كذا مكان وعامل لو كتيب فيه شرح وافى فى منتهى الدقة لأنى زمان جربت جميع البرامج الممكنة وهى عندى تقريبا كلها
انا بالنسبة لى طريقة تدوينى يعنى عشان عزفت فى الفرقة الماسية زمن طويل اوى ... وكانت بتتميز باحسن طرق للتدوين لن كان فيها عباقرة التدوين امثال الاستاذ نصر عبد المنصف والاستاذ ميشيل المصرى يعنى دلوقت لما احب ادون لازم ادون بنفس الشكل ... المشكلة مش فى النغمات فقط ( يعنى الموجود اصلا على برنامج انكور او اى برنامج ) ولكن المشكلة فى الشرقى وااالحاجات اللى بتشوفها فوق الموسيقى زى علامات اللزم والادليب وحاجات كتير لو راجعت النوتات بتاعتى حتلاحظها واهم شىء عندى انى بحب كل شىء تشوفه امامك يبقى على الكمبيوتر ما اضطرش انى اطبع النوتة واضيف الناقص على الورقة بالقلم ... وفى البادية كان ناقص حاجات كتير مش موجودة فى البرامج وتعلمت الاستعانة بالفونتات الخارجية اللى فيها فونتات موسيقية بس برضو لما استعملتها لقيت ناقصة حاجات كتير ... انا دايما احب البحث والتنقيب والتعلم ... بمعنى انك لو زرتنى يوم وعرفت معلوماتى وزرتنى بعد اسبوع حتلاقى المعلومات زادت كتير ... حددت طلباتى يعنى انا عايز ايه ورسمتهم فى ورقة وبالطبع مالقيتهومش فى اى فونت من الموجوزدين والمتداولين ومنهم او اشهرهم فونت اسمه bach وده بيتكون من عشر فونتات مختلفين بالإضافة الى الفونتات الموجودة على البرامد الموسيقية الاخرى زى سبيليوس وفينال مثلا يعنى اخدت كل فونت منهم وشرحته حرف حرف مالقيتش كل احتياجاتى ... بالبحث اكتشفت ان فيه برنامج اسمه Font Creator وده برنامج ممكن انت تصمم عليه فونت خاص بيك .. وفضلت شهرين اجرب عليه ميزته انك ممكن تحط عليه حروف تاخدها من فونتات اخرى وممكن تصمم بنفسك اى حرف يعنى ترسمه وتنقله وتعمل عليه اى تعديلات تخطر على بالك وفعلا عملت فونت عليه كل اللى بحتاجه وكمان ميزة خطيرة مش موجودة فى اى فونت انى حطيت العلامات بتاعتى على الحروف اللى انا اختارها بنفسى ( والملحوظ ان الفونتات الاجنبية بيرمو الحروف فى اى حتة وانت تقعد تدور عليها لما تتعذب ) بمعنى انى مثلا وضعت علة البيمول على حرف b والنصف بيمول على حرف شيفت + b وهكذا بحيث انى ممكن احفظهم بسهولة واطلعهم وانا بشتغل بمنتهى السرعة لأن مخى طبعا مركز فى التدوين نفسه المهم ان الفونت ده بالمقاييس العالمية السابقة يعتبر اعجوبة وسميته adelmusic
المشكلة الخطيرة اللى حصلت ان فجأة الفونت ده مش عايز يشتغل يعنى اكتب يشتغل عادى اقفل وافتح تطلع لى نافذة ان الفونت مش مقروء وطبعا دى كارثة لن كل شغلى شرقى يعنى من غير الفونت مش حعرف ادون تانى
او على الاقل مش حاتطلع شكل نوتاتى بنفس الشكل او الكفاءة وبعد ماقلبت ادنيا لمدة اسبوع اكتشفت السر
وآسف للإطالة ولكنه درس مهم لكل المدونين على برامج موسيقية انت لما بتستعمل اى فونت الفونت لو اقسام
يعنى اللى عليه حروف انجليزى اسمه western واللى عليه حروف عربى اسمو arabic اما اللى عليه رسومات اسمو symbul فى انكور لما تيجى تكتب على فونت بيفتح لك نافذة تلاقى فيها الاسماء دى
ربنا هدانى واكتشفت ان الفونت بتاعى انا كنت عامله western يعنى ما اخدتش بالى ساعتها وانا بعمل الفونت من ان لازم انك تعمل التصنيف ده وانت بتنشىء الفونت الجديد لأن البرنامج ده صعب جدا جدا تلاقى حد يعلمك او يشرح لك ازاى تشتغل عليه المهم مع الخطأ ده كان البرنامج شغال الظاهر حصل تطوير فى الشبكات فى حاجة كشفت العيب ... المهم ابتديت اعمل تجارب تانى على برنامج فونت كرييتور بعد ما اكتشفت العيب والتجارب نجحت
ورحت عامل فونت جديد ومن اول خطوة خليته سيمبول ونقلت عليه محتويات الفونت بتاعى والحمد لله اتحلت المشكلة ... واشكر ؤبنا انو هدانى للحل لأنى حاليا بكتب النوت مش بأحتراف يعنى بقبض عليها فلوس زى زمان ولكن بقدمها مجانا لوجه الله حبا فى الموسيقى ولمحبى الموسيقى اللى معرفهمش شخصيا فى كل العالم
اهم شىء فى الموضوع ان برنامج انكور من اهم مميزاته انو بيقبل التعديلات يعنى انك ممكن تلعب فيه زى ما انت عايز يعنى لو انا جبت مجموعة من النوت بتاعتى ووريتها للمصممين بتوع انكور نفسهم حايتجننوا لأن فيها اضافات مش فى البرنامج نفسه .. ومش غريب علينا احنا احفاد الفراعنة اللى بنطور كل حاجة لبسط حاجة لو تروح الارياف تلاقى عربيات امريكانى موديلات الاربعينات والخمسينات مالهاش لا مواتير ولا قطع غيار المصريين عدلوها وبيركبوا عليها مواتير وعفشة عربيات من الحديثة وشغالة زى الفل والعربية حمولتها خمسة راكب بيركب عليها 16 وماشية زى الغول
مع اطيب تحياتى عادل صموئيل

**شاهين** · #4 05/04/2013, 23h53

انت خبير متمرس في برنامج التدوين انكور
تجربتك الطويلة في التدوين افادتك كثيرا . و قابليتك للتعلم و مسايرة التطور التكنولوجي زادتك براعة في تطويع برامج التدوين
لقد ذكرت انك وضعت كتيبا و افيا يشرح كيفية التعامل مع برنامج انكور . اتمنى لو تنزل ليستفيد منه تلاميذتك في ربوع الوطن العربي

ليلة سعيدة

**mohamed khalil** · #5 06/04/2013, 03h14

الاخ العزيز
اشكرك على اهتمامك .. انا بستعمل برنامج انكور من اكتر من 8 سنوات وعامل عليه ابحاث وبقومبتدريسه فى كذا مكان وعامل لو كتيب فيه شرح وافى فى منتهى الدقة لأنى زمان جربت جميع البرامج الممكنة وهى عندى تقريبا كلها

الحمد لله ان المشكلة اتحلت بس حضرتك مش معايا ان احنا اتاخرنا قوي في اننا نعمل برنامج خاص بينا كشرقيين مفيش ولا واحد من الناس خبراء البرمجة قادر يعمل ده !!!!!

اخى العزيز
الموضوع ده كبير اوى اوى محتاج واحد غلبان زى حالاتى يعنى فاهم ايه الاحتياج فى البرنامج واللى مش موجود فى البرامج الغربية واخطر شىء انها تشتغل بسلاسة ودون مشاكل
نمرة اتنين انو يقعد مع واحد خبير فى البرمجة يعنى واد بالمصرى ما جابتوش ولادة وللعلم موجود بس انا معرفش طريقهم
وانا على اتم استعداد لو اتوجد المبرمج ده اقعد معاه واشرح لو الاحتياجات يعنى اشرح لو يعمل ايه بالضبط وكلمة ايه دى معناها ايه ؟
اول حاجة واحد يقدر يدخل على برنامج زى انكور مثلا يدخلو من جوا يعرف المكونات بتاعتو دى بتشتغل ازاى يعنى النغمات الاصلية بتتحط فين وازاى والبيمولات والدييزات والدوبل بيمول والدوبلدييز دى اخطر واول حاجة
لن لو واحد دخل وشرح البرنامج من جوا تشريح دقيق وعرف اللى بقول عليها ممكن يخترع النغمات الشرقية ويعمل لها ايقونات انا بينى وبينك نفسى اعملها فى انكور بس اهم حاجة فى الموضوع ان البرنامج يكون فى متناول الجميع بمعنى ان المخترع ده يعمل البرنامج يشتغل على اى جهاز زى ماهو يعنى انا فى سبيليوس بسمع اللى بيستعملوه بيقولوا كلام يخض المبتدئين يعنى يقوولا لازم يكون عندك كارت صوت مش اقل من كذا او خزينة نغمات او خزينة ايقاعات
وللعلم اى واحد فيكم بيعزف اورج حديث الفضل بيرجع لعمار الشريعى انهم اخدوه فى اليابان وقالوا له : انت كعازف شرقى قول لنا كل احتياجاتك فى الاورج وهو بقى يقول والمصممين بتوع الاورج ينفذوا اللى بيقوله يعنى العملية محتاجى خبيرين واحد موسيقى وواحد فى البرمجة
وبالطبع ربنا يكرمنى والاقى حد كده
بس يكون هاوى مش يطلب مليون جنيه
مع اطيب تحياتى عادل صموئيل

**عادل صموئيل** · #6 06/04/2013, 15h21

احبائى
اقدم لكم شرح برنامج انكور من اعدادى المتواضع على ملفين
الاول شرح برنامج انكور
الثانى مهارات متقدمة فى برنامج انكور
انا منزل الكلام ده من قبل فى قسم الدروس لكن عشان ما اتعبكمش اقدمه تانى
انا عامل ملف مضغوط فيه نسخة وورد اوفيس ونسخة بى دى اف من الملفين

وطبعا نجرب ونسأل وانا تحت امركم
البرنامج انا مقدمه فى قسم البرامج وانا بفضل استعمال نسخة اربعة ونصف لمستخدمى الاكس بى

مع اطيب تحياتى

**وائل علوي** · #7 06/04/2013, 23h18

مرحبا استاذ عادل
حمدلله على السلامة
كان لي طلب وهو لا مش انا اللي ابكي من درجة (لا)
اتمنى تقدر تحوله لو كان بالامكان
مع خالص تحياتي

اخى العزيز
الطلب ده حاليا صعب لأن ملف الانكور بتاع الاغنية اتمسح من عندى السبب ان كنت حاطط مجموعة النوت اللى عملتها خلال الشهر الماضى على درايف E ولما الكمبيوتر عطل واحد وهو بيستكشف الاعطل مسح الدرايف ده باللى عليه
انا طبعا اسهل حاجة انقل النوتة من اى درجة لأخرى فى دقيقتين بس لو ملف الانكور موجود لكن كده الملف موجود على المنتدى بى دى اف وعشان احوله لأنكور لازم اكتبه على الانكور تانى
هو الموضوع خسارة لشوية نوت بس المهم انها نزلت لكم ع المنتدى يعنى تغبى ماراحش ع الفاضى بس انا دايما بتعلم من الخسارة واللى اتعلمته انى عايز اشترى هارد جديد نازل السوق هو حاجة حديثة يعنى مش زى الهارد التقليدى ولكنه زى فلاشة بس كبيرة يعنى فيه مساحات 500 او 1000 جيجا
اشيل عليه كل اللى على الجهاز عندى وقبل ما اعمل اى عمليات جراحية فى الجهاز انزل عليه آخر شغل عملته
مع اطيب تحياتى عادل صموئيل

**عادل صموئيل** · #8 06/04/2013, 18h07

احبائى
اقدم لأخى العزيز هيثم الصالحى

كامل الاوصاف

من درجة لا حسب طلبه مع اطيب تحياتى

**المنير** · #9 06/04/2013, 18h17

برنامج font creator الذي ذكره الأستاذ عادل.
تحياتي

اخى العزيز
اشكرك الف شكر على البرنامج يعنى ده من اهم البرامج اللى انا بحتاجها وعندى منو كذا اصدار لكن اللى انت منزله احدث من اللى عندى طبعا ممكن يكون فيه امكانيات زيادة واكرر شكرى
مع اطيب تحياتى عادل صموئيل

**المنير** · #10 07/04/2013, 21h45

اقتباس:

المشاركة الأصلية كتبت بواسطة المنير

برنامج font creator الذي ذكره الأستاذ عادل.
تحياتي

اخى العزيز
اشكرك الف شكر على البرنامج يعنى ده من اهم البرامج اللى انا بحتاجها وعندى منو كذا اصدار لكن اللى انت منزله احدث من اللى عندى طبعا ممكن يكون فيه امكانيات زيادة واكرر شكرى
مع اطيب تحياتى عادل صموئيل

السلام عليكم
هذا واجب يا أستاذي المحترم.
أرجو أن توضح أكثر المشاكل التي ذكرتها بخصوص تصنيف fonts بعد التعديل عليها بالبرنامج.
تحياتي.
توجد نسخة رائعة من الويندوز Windows 7 Pro Duo SP1 v2-Orion لا تحذف الملفات بعد "الفورمات" بحيث ستجد كل الملفات للقرص c الذي يوجد به نظام الويندوز في ملف يسميه old windows .و بالتالي سيجنبك فقدان الملفات المهمة في حالة عطل الجهاز. اتصل بي على الخاص لأعطيك التفاصيل إذا احتجت إلى ذلك.

اخى العزيز
اشكرك على محبتك لكن انا بستعمل ويندوز اكس بى sp3 لسبب ان كل البرامج اللى بستعملها فى شغلى اصدارات قديمة يعنى من 2003 واى ويندوز 7 او 8 اوفيستا كل البرامج دى تتعطل علما بأن الاصدارات الاحدث فى بعضها بتعمل مشاكل يعنى القديم احسن
بالإضافة ان فيه ناس بتاخد منى ملفات على الانكور ولو عندى ويندوز 7 لازم اشتغل على انكور اصدار خمسة ونصف والمفات مش حاتشتغل عندهم
بس انا عايز اسألك انت خبير فى برنامج فونت كرييتور ؟ يعنى فيه حاجة عايز اسأل فيها
لو حبيت اعمل فونت جديد سيمبول هو بيسميه font 1 ولو حبيت اخلى اسم الفونت adel مش بيرضى يشتغل مش عارف ليه

مع اطيب تحياتى عادل صموئيل