كلمات الأغاني

**ليلى ابو مدين** · #1 16/03/2013, 16h39

البحر بيضحك

**********

البحر بيضحك والله للخفة وهي نازلة
تتدلع تملا القلل
واشمعنا امال يتخلق ع المراكبي وتغرق
مركبه دي وجعته زحل
يخلي الموج يشخلعها تبص لفوق على قلوعها
تلقاها ترقص تركي وهندي بطننا تمغص وانا اجول بدي
ياعزيز عيني أروّح بلدي
دا الوابور واقف حاله والمراكبي زاد ماله
مابقاش غيرنا يابو عمه
الجنيهات نازلة علينا بهوات بيبوسوا إيدينا
تيجي تطردهم يتلموا
نوقفهم طابور في طابور
ونقول صفدن سلام حازدور
شوفوا كويس بتكلموا مين
ده انا الريس شعبان حسنين
اللي ف قفصو بيضاله
هب جزم هات الأجرة برفكس ماعنديش بكرا
مستعجل جدا جدا
أنا ما اعرفش كلام غير ده ولاانقص عشرين خرده
والنبي لو كنت تدن
ماكنا زمان بنتمحلس والافندي كان بيتمجلس
شوف بجى خيرنا ولا خيرك حتاخد زمنك وزمن غيرك
ماتظنش أبدا أبدا
****
كلمات بديع خيري
الحان سيد درويش
مقام حجاز كار
1919

**ليلى ابو مدين** · #2 16/03/2013, 16h45

قوم يا مصري

***********

قوم يا مصري، مصر دايما بتناديك
خد بنصري، نصري دين واجب عليك
يوم ما سعدي راح هدر قدام عينيك
عد لي مجدي اللي ضيعته بإيديك
شوف جدودك في قبورهم ليل نهار
من جمودك كل عظمة بتستجار
فين آثارك ياللى دنست الآثار
دول فاتوا لك مجد وانت فوت عار

شفت اي بلاد يا مصري في الجمال
تيجي زي بلادك اللي ترابها مال
نيلها جي السعد منه حلال بلال
كل حي يفوز برزقه عيشته عال
يوم مبارك تم لك فيه السعود
حب جارك قبل ما تحب الوجود
من نصارى ومسلمين لازم نسود
دي العبارة نسل واحد م الجدود

ليه يا مصري كل أحوالك عجب
تشكى فقرك وانت ماشى فوق دهب
مصر جنة طول ما فيها انت يا نيل
عمر إبنك لم يعيش أبدا ذليل
يوم مبارك تم لك فيه السعود
حب جارك قبل ما تحب الوجود
من نصارى ومسلمين لازم نسود
دي العبارة نسل واحد م الجدود

*********
كلمات بديع خيري
الحان سيد درويش
1919

**ليلى ابو مدين** · #3 16/03/2013, 16h48

ع النسوان يا سلام سلم

***********

ع الستات ياسلام سلم مافيش كده أبدا بهجة
دا احنا الوارثين يافندم ضاربين الدنيا طبنجة
ياحبيبتي دي ثروتي طارت إيه اللي جرالي ماعرفشي
ودي ساعة الحظ إن راحت أبدا ماتتعوضشي
كل الأطيان لو ضاعت في نظرة مانستخسرشي

نعرف جغرافيا ونحوي وحساب وحاجات ترالاللي
خمسة في تسعة بستاشر وباريس في الوجه القبلي
بونجورنو فعل مضارع مفتوح ع البحري تملي
ودي صنعة هنري التاسع شيخ حارة في المتولي
أبجد هوز معناها بالتركي ابقى قابلني

كده ولا بلاش يامدارس دي بلدنا بقت مناخوليا
يكفانا بس نعيرها قال إيه عاملين بكالوريا
والواحدة في طبخة نابت عايزالها سبعين ...
مابدال الفسيولوجيا يدوهم طبخة لوجيا
وكلها لهجة لوجيا وأمور أونطة لوجيا

*********

**ليلى ابو مدين** · #4 16/03/2013, 16h50

أم إسماعيل

***********

ياحلاوة أم اسماعيل في وسط عيالها
زي النجفة عم بتلعلط في جمــالها
تزرع وتقلع في الغيط ويا راجـلها
وتعاود تاني لعجينها وغسيلــــها
تحلب جاموســــتها حلاوة كتاكــــــيتها
ع الملوخية ياختي عليها وعلى بطــــتها
بنات البندر دول لا بتوع ال آن دي ترواه
يكفانا اللي شفناه من فات قديمه تـــاه زيي أنا شفت كتير وسنه بسنه ولادي الكبير
لا فاتولي بيت ولا غيط
قسمة ومكتوبة توبة من الــــنوبة
لو يقطعوا رقبتي ماخدش غير زنوبة
مانمدش رجلينا ليه على قد لحافنا يابيه
دا المصري مازادش عليه غير ماله وضاع بإيديه
وده من يوم ما مد إيديه خلوه نسي عوايد أبوه وصبح يقول ياريت ياريت
******

**ليلى ابو مدين** · #5 16/03/2013, 16h52

الحلوة دي

*********

الحلوة دى قامت تعجن فى البدرية
والديك بيــدن كوكو كوكو فى الفجـرية
يالله بنا على باب الله يا صـنايعية
يجعل صباحك صباح الخير ياسطى عطيـة

طلـع النهار فتــاح يا عليــم
والجيـب مافهشى ولا مليــم
مين فى اليومين دول شاف تلطيـم
زى الصـنايعية المظاليـم
الصبر أمره طـال
من بعد وقف الحال
ياللى معاك المال
برضه الفقيـر له رب كريم

أولاد أوربا ما بيناموش
عن الصـنايع ما يونوش
الافرنجى دايما حلق حوش
والمصرى جنبه بيطلع بوش
ســبع صـنايع فى إيدينـا
والهــم جايـر عليـنا
ياما شــكينا وبكينا
يا أغنيـا ليه ما تساعدوش

ما تشد حيلك يا بو صلاح
إضربها صرمة تعيش مرتاح
خلى تكالك ع الفتاح
يالله با يالله بينا الوقـت اهو راح
الشمس طلعــت والمــــــلك لله
ما تشيل قدومك والعـــدة ويالله
اجــرى لرزقك خليها على الله

*********
كلمات بديع خيري
الحان سيد درويش

**ليلى ابو مدين** · #6 16/03/2013, 16h54

أهو ده اللي صار

*********

أهو دا اللي صار و أدي اللي كان
مالكش حق
مالكش حق تلوم عليا

تلوم عليا ازاي يا سيدنا
و خير بلادنا ماهوش في ادنا
قولي عن أشيا تفدنا
و بعدها بقى لوم عليا

مصر يا أم العجايب
شعبك أصيل و الخصم عايب
خلي بالك م الحبايب
دول أنصار القضية

بدال ما يشمت فينا حاسد
إيدك في إيدي نقوم نجاهد
احنا نبقى الكل واحد
والأيادي تكون قويه

******

**ليلى ابو مدين** · #7 16/03/2013, 16h57

ضيعت مستقبل حياتي

********

ضيعت مستقبل حياتي في هواك
وازداد عــلي اللوم وكثر البغددة
حتى الــعوازل قصدهم دايماً جفاك
وانا ضعيف ما اقدرش أحمل كل ده
إن كان جفاك يرضي عداك وانا في حماك
عفو الحبيب ما يكونـــش أحسن من كده
علمتني يا نور عيوني الامتثال
واحتار دليلي بين تيهك والجوا
كنت افتكر حبك يزودني كمال
خيبت ظنّي والهوا ما جاش سوا
تبقى ســـــــبب كل التعب وتزيد غضب
ده اللي انكتب فوق الجبين ما الهوش دوا

******

كلمات يونس القاضي
سيد درويش
بياتي شورى