طلبات نوتة أ / عادل صموئيل الجزء الثانى

[وائل علوي]

استاذي الفاضل عادل صموئيل
الف حمدلله على سلامتك نورت بيتك وكل الشكر والعرفان لحضرتك على هذه التحف وبالاخص الاغنية التي طلبتها ومحدش تفاعل معايا وهي اسالك الرحيل واتاري حضرتك بتشتغل فيها بهدوء--فعلا مفاجأة رووووووعة كعادتك دائما تتحفنا باعمالك
وليا طلب بسيط جدا عند حضرتك وهو اخ هيثم طلب اسالك الرحيل من الدو وانا عاوزها على الصول زي ماهي مكتوبة في النوتة المرفقة اكون ممنون لحضرتك خالص لاني بحبها من الطبقة دي--معلشي هتعبك معايا بس الفايدة انه هتكون في اكثر من نسخة لمثل هذه التحف ويستمتع الاخوة بعزفها
وبتمنى عليك تحط رائعة السنباطي ذات يوم يا حبيبي ورائعة عبدالوهاب كيلو بترا في الجدول لانهما بالفعل من العيار التقيل قوي قوي قوي للصبح-- وطبعا بعد خبرتك الطويلة في كتابة الادليب مش هتصعب عليك كيلوبترا انا متأكد من ذلك
كل التحية والاحترام والتقدير لشخصك الكريم
اخوك وائل

[علي ثلاثة]

سيد عادل ألف شكر
على ما تقدمه بما عهدناه منك بكل اريحية
ونحن في انتظار تتمة الجندول مهما طال الزمن
وأضم صوتي إلى صوت وحيد فريد ونور الصباح
في الذي يخص
ختم الصبر بعدنا بالتلاقي
ودمت في صحة وعافية

[علي ثلاثة]

أقصد تتمة الحبيب المجهول
بدل الجندول
مع شكري واحترامي

[عادل صموئيل]

اقدم لأخى العزيز وائل علوى

اسألك الرحيل من درجة اليكاه صول

طبعا انا ما اقدرش اتاخر على الطلبات
هو بس المشكلة انا بخاف من الكوبليهات اللى فيها شرقى اللى بتيجى فى وسط الاغنية
لن التحويل من درجة لدرجة على البرنامج بيبقى ضغطة زر واحدة لكن العملية العلمية تغيير الدليل ودى مش مشكلة
لكن الخطورة فى الكوبليه الشرقى زى الكوبليه التانى هنا
وكمان العلامات الشرقية اللى بتيجى طول ما انت ماشى نقل الدرجة لازم امر عليهم افحصهم علامة علامة واغير المطلوب وطبعا اسا الموضوع انا كعازف كمان وبالذات لأنى عزفت فى الاغانى دى بدونها من الدرجة اللى احنا فى الفرقة عزفنا منها واللى بتكون بتريح الكمنجات ( وبالذات الكمنجات كانت على ايامنا هى عصب الغناء ) مش زى الخيبة اللى بتحصل دلوقتى الغوا الكمنجات والمطرب بيغنى فى الهواء الطلق وبيطلع غناه فى الطراوة ....
وللعلم عبد الحليم وام كلثوم وكلهم من غير الكمنجات بتعزف بوضوح تحت صوته ممكن يخرج عن التون
انا بخاف بس من الهفوات الخفيفة فى العلامات الشرقية لأن انا مش ممكن كعازف كمان اعزف الاغنية من الطبقات اللى انتم بتطلبوها دى وكمان لأن البرنامج مش بيغنى الشرقى يعنى بقراها بعينى فقط
ولو لقيتم اى هفوة طبعا بلغونى بس بعد ماتتأكدوا منها ( وحتى كمان توفروا لو وقت ادون حاجة جديدة )
لأن الدقة التناهية فى المراجعة ممكن تاخد منى وقت طويل لكن اى واحد منكم طالما طلب التدوين من طبقة محددة اكيديبقى بتريحو فى العزف ( ومش ع الكمنجة طبعا ) وسهل ممكن يكتشف اى هفوة بسهولة
مع اطيب تحياتى

[piano_piano_d]

اقدم لأخى العزيز وائل علوى

اسألك الرحيل من درجة اليكاه صول

طبعا انا ما اقدرش اتاخر على الطلبات
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ

تسلم الأيادي أستاذنا وربنا يبارك في حضرتك .

[وائل علوي]

المشاركة الأصلية كتبت بواسطة عادل صموئيل

اقدم لأخى العزيز وائل علوى

اسألك الرحيل من درجة اليكاه صول

طبعا انا ما اقدرش اتاخر على الطلبات
هو بس المشكلة انا بخاف من الكوبليهات اللى فيها شرقى اللى بتيجى فى وسط الاغنية
لن التحويل من درجة لدرجة على البرنامج بيبقى ضغطة زر واحدة لكن العملية العلمية تغيير الدليل ودى مش مشكلة
لكن الخطورة فى الكوبليه الشرقى زى الكوبليه التانى هنا
وكمان العلامات الشرقية اللى بتيجى طول ما انت ماشى نقل الدرجة لازم امر عليهم افحصهم علامة علامة واغير المطلوب وطبعا اسا الموضوع انا كعازف كمان وبالذات لأنى عزفت فى الاغانى دى بدونها من الدرجة اللى احنا فى الفرقة عزفنا منها واللى بتكون بتريح الكمنجات ( وبالذات الكمنجات كانت على ايامنا هى عصب الغناء ) مش زى الخيبة اللى بتحصل دلوقتى الغوا الكمنجات والمطرب بيغنى فى الهواء الطلق وبيطلع غناه فى الطراوة ....
وللعلم عبد الحليم وام كلثوم وكلهم من غير الكمنجات بتعزف بوضوح تحت صوته ممكن يخرج عن التون
انا بخاف بس من الهفوات الخفيفة فى العلامات الشرقية لأن انا مش ممكن كعازف كمان اعزف الاغنية من الطبقات اللى انتم بتطلبوها دى وكمان لأن البرنامج مش بيغنى الشرقى يعنى بقراها بعينى فقط
ولو لقيتم اى هفوة طبعا بلغونى بس بعد ماتتأكدوا منها ( وحتى كمان توفروا لو وقت ادون حاجة جديدة )
لأن الدقة التناهية فى المراجعة ممكن تاخد منى وقت طويل لكن اى واحد منكم طالما طلب التدوين من طبقة محددة اكيديبقى بتريحو فى العزف ( ومش ع الكمنجة طبعا ) وسهل ممكن يكتشف اى هفوة بسهولة
مع اطيب تحياتى

تسلم ايدك يا كبير وانا الطبقة دي نوتتها موجودة عندي بس طبعا حابب اعزفها من شغلك وسوف اراجعها وفور الانتهاء منها لو في اي ملاحظة ساقول لك عليها
الف شكر--وياريت نعرف انتو عزفتوها على اي طبقة مع الفرقة ؟؟ الدو ولا اللا ولا الصول؟
مع خالص تحياتي

اخى العزيز
بالنسبة للطبقة ايامنا كان فيه حاجتين فى منتهى الاهمية والخطورة اول شىء الطبقة اللى تريح المطرب وتانى شىء الطبقة اللى تريح الكمنجات لأن كان اهم شىء فى الفرقة الكمنجات لأنها عصب الفرقة الاساسى اما باقى الآلات يعنى الاكوريون او الناى مثلا كانوا لما بيختاروا لهم صولو لازم يكون الصولو ده مناسب للآلة من ناحية نوعية صوتها وثانيا يريح العازف عشان يبدع اما الاوج مفيش مشكلة لأنه بضغطة زر ممكن ينزل من اى طبقة ويعزف النوتة عادى
اما عزفناها منين دايما مش فى اللحن ده فقط ولكن خد بالك من الطبقة اللى انا بكتب منها مش اللى انتم بتطلبوها وصلت ؟
مع اطيب تحياتى عادل صموئيل