الطقاطيق والمونولوجات القديمة مكتوبة وروابط لها

[Islam Eidrisha]

297
أرض بلادي

بديعة صادق

كلمات : كمال منصور
لحن : أحمد علي

أرض بلادي بعد جهادي
صبحت حرة
يا نهار نادي على أولادي
وسنين خضرة

علمي الأخضر هل هلاله
بعد سنين
والمستعمر شد رحاله
ف غمضة عين
قول لولادي المولى الهادي
رب القدرة
خلى بلادي بعد جهادي
صبحت حرة

أرضي الخضرة صبحت حرة
ونلت أمالي
ياما رواها ياما سقاها
دم الغالي
دم اجدادي ودم اولادي
لاخر قطرة
أرض بلادي بعد جهادي
صبحت حرة

يالله يا بنا نبني
وطنا ونعليه
بكرة مداين بكرة جناين
تطلع فيه
لف الوادي يالله ونادي
تحيا الثورة
أرض بلادي بعد جهادي
صبحت حرة


الروابط

[Islam Eidrisha]

298
ما اقدرشي على بعدك
الست ودودة بدر

اسطوانات أوديون

ما اقدرشي يا سيدي ما أقدرشي

ما اقدرشي يا روحي ما اقدرشي

على بعدك ليه ما اعرفشي

خليت الناس ظلموني

في هواك والأصل عيوني

لو كانوا امال طاوعوني

ماكونتش كده ولا كانشي

صبحت القلب أسيرك

وفؤادي ما يعشق غيرك

ما تقول لي ان كان كده خيرك

على كده حبك ما يدومشي

كم مرة يا روحي توعدني

بعدك يا حبيبي جنني

وان كان قصدك تشغلني

ده حرام عليك ما بنامشي

والقلب إيه اعمل له

هو السبب في ده كله

خليه يستاهل ذله

لكن يا حبيبي ما تهونشي


الروابط

[Islam Eidrisha]

299
مع حماتي أنا ما اقعدشي
الست سنية حسنين

اسطوانات بوليفون
الست سنية رشدي المصرية

مع حماتي أنا ما اقعدشي
ده انا خلقي ضيق ولا اطيقشي
والنبي ولا اطيقشي


كل يوم غلب وعذاب

وخناق كده من غير أسباب

هي عجوزة وانا شباب

عصبية جدا أنا ما احملشي

والنبي ولا اطيقشي


أمك معاشرتها دي أذية

تملي كده قاسية عليا

عيشة نكد العيشة دية

ريحني أنا قبل ما تمشي

والنبي ولا اطيقشي


ما بيتنا ف ليلة مش متخانقين

هي المضايقة ف شرع مين

ساعة مافيش نقعد ساكتين

وسببه إيه أنا ما اعرفشي

والنبي ولا اطيقشي


إسمع بقى إن كان غرضك

أقعد معاك أنا واعاشرك

فيه كلمة اسمعها بودنك

مع حماتي أنا ما اقعدشي

والنبي ولا اطيقشي

الروابط

[Islam Eidrisha]

طقطوقة
300
بتتقل ليه يا واد انت؟!
الست نعيمة المصرية

اسطوانات ميشيان
دور مسجل
الست نعيمة المصرية

بتتقل ليه يا واد انت

وانا بدي العب وياك

لعبك خفة بيعجبني

ولإمتي بتكايدني

علشانك بابا ضربني

وانا قلبي لم يسلاك

تعالى لي في الجنينة

نلعب عشرة كوتشينة

هالله هالله يا روحي

تعالى لي يا حبيبي دلعني

غني لي وسمعني

مين في حبك يمنعني

وانا قلبي لهواك

تعالى لي في الجزيرة

نشرب كونياك على بيرة

قلبي يحبك يا نعيمة

الروابط

[Islam Eidrisha]

300 طقطوقة وطقطوقة
301
شوفوا بدع الديك
الست أمينة العراقية

يا ديك يا ديك آآآه
يا حلاوة الديك آآآه
شوفوا بدع الديك آآآه

مين قال لك تدن بالليل
يا صغير يا كحيل العين
والباشا شيع جوابين
عشان بوسة ما ارضيتش اديه
والنبي ما اديك
شوفوا بدع الديك
شوفوا قصم الديك
ربك يهديك آآآه
يا ديك يا ديك آآآه
شوفوا بدع الديك آآآه

مين قال لك تدن وتعيط
وهدومك عندي بتتخيط
والباشا شيع يقول لك
على بوسة ما ارضيتش اديه
والنبي ما اديك
شوفوا بدع الديك
شوفوا قصم الديك
عيط وانا اجيك آآآه
يا ديك يا ديك آآآه
شوفوا بدع الديك آآآه

مين قال لك تدن في الحارة
يا صغير وعامل لك غارة
والباشا شيع أمارة
على بوسة ما ارضيتش اديه
والنبي ما اديك
شوفوا بدع الديك
شوفوا قصم الديك
عيط وانا اجيك آآآه
يا ديك يا ديك آآآه
شوفوا بدع الديك آآآه




الروابط