الشاعر محمود العبدلى

[محمد بوشيبه]

داعيتهن للنوم ما بايجيهن

محمد صدقى

داعيتهن للنوم ما بايجيهن
ساهيتهن سالن على غاليهن

داعيتهن اريد النوم
ينسن معاه غاليهن بكن

داعيت فيهن يامه
وريتهن معنى الغلا ووهامه
عنيدات شايلهن حنين غرامه
يريدا غلا غالى بعيد عليهن

وريتهن سريب غلاه
انظارى عنيدات شالهن

ليلهن مانامن
وكل من على حبه نهاهن لامن
عاشن معا ذكرى الهوى مارامن
ولا يالفن غيره اللى امبكيهن

احلفن مايرومن زول
بعد عزيز لو صار كل شى

[محمد بوشيبه]

خودى جوابك ابعدى وانسينى
لا ندورك لا نجيك لانتى تجينى

خالد سعيد

وردي ليه
جوابى اللى وصلك ايام الغية
وعيشي بروحك دوري حنية
من قلب مش قلبي بعد بعتينى

لا تتجدى
ولا تفكرى في يوم لى تردى
خذى صورتك منى خلاص وعدى
ما عاد دمعك بيه تستجدينى

لاتشكيلى
لاتطلبي المحال لا تعوديلى
خلاص تركتك من خاطرى ودليلى
وصابر على فرقاك وطول سنيني

[محمد بوشيبه]

مشتاقلك قلبي عليك مرايف
لكن من الحساد راني خايف

الفنان فهيم حسين

لو شافونى
انجيك والله جيتينى ياعيونى
يلوموا علينا قربنا اينسونى
ونبعد ونا م البعد رانى صايف

كان بودى
نجيك فى خفا نسلم عليك بيدى
مشتاقلك م الشوق واصل حدى
غير بينا حالوا اعدانا شايف

موش بيديا
افراقنا لو بيديك غصب عليا
صبرنا وطال الصبر بيك وبيا
وخايف يعدى العمر غير حسايف