كلمات أغاني فايزة أحمد

[ملاك الليل]

اختى الغاليه ليلى ابومدين مساء الخير اشكرك على المجهود المتواصل للمنتدى . تحياتى

[ليلى ابو مدين]

المشاركة الأصلية كتبت بواسطة ملاك الليل

اختى الغاليه ليلى ابومدين مساء الخير اشكرك على المجهود المتواصل للمنتدى . تحياتى

شكراً لك غاليتي يا أجمل ملاك
على حضورك الراقي الجميل مثلك
دمت بكل الود والخير والسعادة
تحياتي
اختك ليلى ابو مدين

[ليلى ابو مدين]

بالي معاك


*********
بالي معاك بالي يابو الهوا العالي ياالاسمر
طول مانت في العالي ياالاسمر طول مانته في العالي
مش رح تشوف حالي ياالاسمر طول مانته في العالي
ياالاسمر


يا معدي ع السكه لا لوم ولا ضحكه
من يوم على بيتنا عديت وورتنا
كيف النجوم الليل تسهر طول مانته في العالي
مش رح تشوف حالي ياالاسمر طول مانته في العالي


صوتك قمر وناس دايب في ليل الناس
لكن يضوي لناس يا ساكن العالي
يا ساكن العالي ساكن هنا في بالي
بحر المحبه ح يطعطر طول مانته في العالي
مش رح تشوف حالي ياالاسمر طول مانته في العالي


يابو صوت ملالي فوق احنا قتلنا الشوق
الضي لو سلم انا كنت اتعلم
اطلع لك اتكلم لو حتى حاتألم
وارجع وقلبي متكسر طول مانته في العالي
مش رح تشوف حالي ياالاسمر طول مانته في العالي




كلمات: عبد الرحمن الأبنودي
ألحان: محمد سلطان

[ليلى ابو مدين]

تعالى شوف


******
وتعالى شوف....تعالي شوف إزاي بحبك
وتعالى شوف ..شوف ازاي في بعدك
ومهما العمر عدا بحبك النهار ده وبكره ياحبيبي اكتر م النهار ده
وتعالى شوف .. وتعالى شوف .. وتعالى شوف


ياحبيبي يا هواه يا بلاش الدمعه والحزن بلاش
ان قالوا ده حبيبي ماجاش راح احبك اكتر ياحبيبي
بيقولوا مابقتش امان الدنيا مابقتش امان
بناديلك في كل مكان وح احبك اكتر ياحبيبي
لفينا لفينا بلاد ودعنا الأفراح في بلاد
وانا بحلم القاك في معاد واحبك اكتر ياحبيبي
وبكره .. بكره جاي يضحك لنا يضحك لنا
بكره .. وبكره جاي ينده لنا ينده لنا بكره
وحبنا حيضمنا يملا الوجود وفرحنا في عمرنا مالوش حدود
ومهما العمر عدا بحبك النهار ده وبكره ياحبيبي اكتر م النهار ده
وتعالى شوف .. وتعالى شوف .. وتعالى شوف


ومعايا .. وانت معايا باقول ليلاتي أنا طول حياتي معرفشي غيرك
يتقال كلام وكتير كلام مسمعشي غيرك
ومعايا .. وانت معايا
يضحك لي غيرك ينده لي غيرك ما بشوفشي غيرك
وإن قالوا غيرك ما أحب غيرك مرضاش بغيرك
بيقولوا إيه الناس جرالهم يا حبيبي إيه
يا حياتي إيه مستغربين وحيْرانين
ده كله ليه يا حبيبي ليه
لو يجونا حيشوفونا قد إيه فرحان هوانا
يعرفونا ويلاقونا كل شوق سهران معانا
ومهما العمر عدا بحبك النهار ده وبكره ياحبيبي اكتر م النهار ده
وتعالى شوف .. وتعالى شوف .. وتعالى شوف
قول لكل الناس إحنا حبِينا




كلمات: مجدي نجيب
ألحان: محمد سلطان

[ليلى ابو مدين]

هان الود

.**********


قالوا لى هان الود عليه ونسيك و فات قلبك وحداني
رديت و قلت بتشمتوا ليه هو إفتكرنى عشان ينســاني
أنا بحبه و أراعي وده إن كان فى قربه و لا فى بعده
وأفضل أمني الروح برضاه ألقاه جفاني وزاد حرماني
هو اللى حالي كده وياه كان إفتكرني عشان ينســــــاني


ليه ليه ليه ليه ليه
بيلومونى وياه فى حبى والا يلومونى على صبر قلبى
هو اللى شفت فى حبه الويل ولا رحمنى يوم ورعانى
وسهرت وحدي ونام الليل كان إفتكرنى عشان ينســــــاني
خلوني أحبه على هواي و أشوف فى حبه سعدى و شقاي
ده مهما طول شوقى إليه ومهما زاد هجره و بكاني
بكرا يعز الود عليه و يفتكرنى عشــان ينســــــاني





كلمات: احمد رامي
ألحان: محمد عبد الوهاب
مقام: بياتي
تاريخ: 1963

[ليلى ابو مدين]

ايوه تعبني هواك

**********
أيوة تعبني هواك وياك ياللي ظلمت الحب معاك
أيوة تعبت تعبت تعبت زي ما بتقول اتغيرت
اتغيرت من الحرمان مش باتحمل زي زمان
وانا هاتغير انا هاتغير
الا في حبك
طمن قلبك لسه باحبك
زي زمان واكتر بزمان
ياللي بتسأل عن أحوالي وبتستغرب ع اللي جرى لي
اتمنيتك تسأل عني قبل بعادك ما يغيرني
سبت الدنيا تلعب بيَّ تطفي بريق الشوق في عينيَّ
حتى البسمة ساعات باناديها تهرب مني وتعصى عليَّ
مين كان يتصور مين يبقى اللي ما بينا سنين
واحنا ما كناش نتحمل بعدنا لوطال ساعتين
وهاجيب الضحكة منين وان جت ، هاضحكها لمين ؟
مع غيرك طعم الفرحة بيكون يا حبيبي حزين
توحشني انادي لك
لا تجيني ولا اجي لك
والاقيني على حالي
باتمنى تناديني
واستنى اتاريني
بانادي لك في خيالي
والاسم باحب وليَّ حبيب
اما ده حب عجيب وغريب
أيوة تعبني هواك
يا حبيب أيامي يا منى أحلامي
يا أجمل اسم على لساني
لوكنت مكاني أكيد تنساني
ويمكن تعشق من تاني
لكن مع ان هواك حيرني ليالي معاك
راجعين للحب انا وانت نقول له الناس ظلماك
الحب حلو الحب جميل
ملوش في كل الدنيا مثيل
لولا حلاوته ما كان في هواه
في كل ليلة قلوب بتميل
ليه الحبايب يختاروا ليه
من الهوا سهره وناره
ويعيشوا ليه الحب عذاب
وما يعيشوش فرح نهاره
وأنا وأنت في الحب نسينا نعيش حلاوة ليالينا
واهي رجعت الايام وياك بالفرحة بتنادي علينا
ده أنا من شوقي باشوف الدنيا بعينيك انت مش بعينيَّ
حتى الضحكة وحتى الدمعة أمرها بايديك مش بايديَّ
في ايدينا نبقى فرحتين عايشين في دنيا العاشقين
يا منور أيامي يا مصور احلامي
يا واخدني فوق في العالي
يا عاجبني وتاعبني
يا شاغلني وسايبني
قول مين غيرك على بالي
عمر الزمان ما يغيرني طول ما انت جنبي
طول ما انت جنبي مطمني طول ما انت جنبي
ياللي انت اقرب لي مني طول ما انت جنبي



كلمات: عمر بطيشه
ألحان: محمد سلطان

[ليلى ابو مدين]

احلى طريق في دنيتي

*********

يا اللي الزمان بعتك ليَّ تملى الحياة حب عليَّ
لا قبل منك قابلني قلب ارق من قلبك ما الاقي
ولا بعد منك شغلني شئ في الدنيا عنك ولو ثواني
يا اللى بقيت فرحتي..همستي..دمعتي
احلى طريق في دنيتي
شفت كل الدنيا فيك وخدتني حنية عينيك
على دنيا جديدة عليَّ دنيا ما شافتها عيني
جايه وياك تناديني يا ارق ما شافت عيني
ليلة من ليالي عمري بس ليلة بكل عمري
لما شفتك بين الوجوه وقلبي شـــاور عليك
لقيت كل الزحام بيتوه ولا شايفة الا عينيك
وبقيت انا وانت لوحدينا
ولا حاسة بالناس حوالينا
كلمتك وكلمتني دوبنا الكلام في ثواني
وسألتك وسألتني مافضلش أي سؤال تاني
وقربنا وكل لحظه تفوت علينا تقربنا
ودوبنا حلاوة الحب نسقي منها قلوبنا
كان كل ده كله بعنينا يا حبيبى بعنينا
والوقت فات علينا وعدا عدا ولا حسينا
وفــ عز الـحلم صحينا
وأتاري الناس حوالينا
زحام وهـمس وكلام
لقا ووداع وسلام
خوفنا من نظرات عيونا ليشفوها
خوفنا من دقات قلوبنا ليسمعوها
وقبل ما يبان علينا وقبل ما يحسوا بينا
مشيت انا ومشيت انت
ولا عارفه راح اشوفك امتى
يا اللى بقيت فرحتي
همستي
دمعتي
احلى طريق في دنيتي
شفت كل الدنيا فيك وخدتني حنية عينيك
على دنيا جديدة عليَّ دنيا ما شافتها عيني
جايه وياك تناديني يا ارق ما شافت عيني
يا دنيا الحيرانين يا شوق العاشقين
قولوا لي ريحوني
اشتاقت ليه عيوني
اشوفه ازاي وفين وأسال عنه مين
يا هل ترى مشغول عني وشاغلني بس بيه
ياهل ترى يوم ما قابلني قالت لي ايه عينيه
وعدتني لا
لا ما وعدتنيش
خدعتني لا
لا ما خدعتنيش
رحت المكان اللي شفته فيه
لقيت خياله هناك ماليه
شافت عينيه ضحكة ربيع ورديه
ناديت عليه ما رد صوته عليه
رجعت بالشوق والحنين
سؤال فى قلبي انت فين
يا اللى بقيت فرحتي
همستي
دمعتي
احلى طريق في دنيتي
شفت كل الدنيا فيك وخدتني حنية عينيك
على دنيا جديدة عليَّ دنيا ما شافتها عيني
جايه وياك تناديني ارق ما شافت عيني
نهاري وليلي شاغلني وحيرتى عليك بتشغلني
حايلت الشوق وحايلني وبين ده كله قابلني
حبيبي قابلني
وأقبل ما أقول له وأحكي له أتاريه جى بيحكي لي
وأقبل حتى ما اشكي له سبقني هو بيشكي لي
عن الحيرة وعن نارها وعن قلبه اللي كان جارها
أتاريه جرى له اللي جرى لي
وأتاري حاله زي حالي
خوفنا ليكون العتاب
يصحى من تاني العذاب
وقولنا نعيش لدنيتنا
وتكبر فيها فرحتنا
إن كان فيه خوف جوه قلوبنا هيكون عالحب وحبايبنا
إنساه يا حبيبي
يا اللى بقيت فرحتي
همستي
دمعتي
احلى طريق في دنيتي
شفت كل الدنيا فيك وخدتني حنية عينيك
على دنيا جديدة عليَّ دنيا ما شافتها عيني
جايه وياك تناديني يا ارق ما شافت عيني



كلمات: محمد حمزه
ألحان: محمد سلطان
*******

[/COLOR]