طلبات نوتة أ / عادل صموئيل الجزء الثانى

**salhi_haithem** · #1 03/01/2013, 17h40

اقتباس:

المشاركة الأصلية كتبت بواسطة عادل صموئيل

احبائى

اقدم لكم من روائع ام كلثوم

انا فى انتظارك

مع اطيب تحياتى

السلام عليكم و رحمة الله
شكرا استاذ عادل على هذه الاغنية الخفيفة و الجميلة و كالعادة ابدعت
و ياريت نسخة على درجة الدو اكون ممنون و شاكر لفضلك
و انا شفت الاغنية هي رائعة
و في انتظار جديدك
هيثم

بس كده يا هيثم
انت تؤمر
مع اطيب تحياتى عادل صموئيل

**adib aburuman** · #2 05/01/2013, 03h59

أستاذ عادل صموئيل المحترم صباح الخير
الليله تدربنا على أغنيه زي الهوى كما أخبرتك في مشاركه سابقه, بعد ما وجدت مغني لسه شاب صغير ولكن أعجبني صوته واحساسه, وشايف له مستقبل في الغناء.
طبعا أنت أخبر مني بكثير, والرئي رأيك وأنا بنتظار نصائحك وارشاداتك بالنسبه للمغني وعازف الأورج. شارك في العزف معي عازف كمان وعازف أورج فقط والايقاع من الاورج.
بالنسبه للكورال أنا شاركته شويه الغناء.
وقد أخترت تقريب 7 دقائق فقط من التسجيل, صعب كثير خلال كم ساعه أسجل أغنيه كامله للعندليب.
وأرجوك اذا في مجال ما تنسى تدونلنا للست رباعيات الخيام, وأغنيه القمح لعبد الوهاب, طبعا حسب وقتك وظروفك اذا سمحت وترغب بذلك.

وتقبل مني كل الأحترام والتقدير
المخلص لك
اديب.

**عادل صموئيل** · #3 05/01/2013, 12h11

احبائى
اقدم للأخ العزيز وائل علوى
افتتاحية موسيقى حياتى لعبد الوهاب

هى المفروض مش محددة اوى كده زمنيا زى ما انا كاتبها
ولكن اللى يعزفها لاز الاول يحفظ الاحساس بتاع عبد الوهاب اللى فى التسجيل

مع اطيب تحياتى

**عادل صموئيل** · #4 05/01/2013, 12h14

احبائى
اقدم لكم من تراث عبد الوهاب القديم

مين عذبك

طبعا اللحن ده صعب جدا انا حاولت ابسط النوتة على قد ما اقدر لكن مشكلته انه كان زمان قبل التدوين وعبد الوهاب بيغنى براحته يعنى مش محدد 100% زى ما عبد الوهااب ماغناه يالتحديد
يعنى المفروض انك تحفظ اداء عبد الوهاب اوى بعدين تشتغل من النوتة
مع اطيب تحياتى

**نور الصباح** · #5 05/01/2013, 16h49

[QUOTE=عادل صموئيل;617443]

احبائى

اقدم لكم من تراث عبد الوهاب القديم
مين عذبك
مع تحياتى
عادل صموئيل
sssssssssssssssssssssssssssssssssssss
أســـــــــــــــــتاذنـــــــــــا الكبــــــــــــــــير الموسيقار القدير
عــــــــــــــــــــــــــــــــــــــــــــــادل باشـــــــــــــــــــــــــا صموئــــــــــــــــــــــيل
سلام الله عليكم ورحمته وبركاته
وبعـــــــــــــــــــــــــــــــد :
أولا : شكرا على نوتة عبدالوهاب ( مين عذبك بتخلص منى )
فهى من أجمل ما لحن وغنى عبد الوهاب
ثانيا : يوجد فى بداية النوتة دليل مقام الراست وفى نهاية
الصفحة الأولى تغير الدليل إلى دليل مقام الكورد ثم بداية الصفحة الثانية دليل مقام الراست
و أنا أعلم يقينا بأنه خطأ غير مقصود وحدث سهوا - وجل من
لا ينسى
أرجو منكم سرعة التصحيح - علما بأنى لا أعدل عليكم ولكن
أذكركم فقط
وشكررررررررررررررررررررررا
أخوكم
نور الصباح

اخى العزيز شكرا وتم التصليح
انا كنت فى الصفحة الثانية عايز اعمل الدليل 4 بيمول لكن اكتشفت ان عبد الوهاب مش غير المقام ولكن عمل حركة خبيثة والكمبيوتر مافهمهاش
مع اطيب تحياتى عادل صموئيل

**Dr.Fouad** · #6 05/01/2013, 12h24

استاذنا الفاضل عادل صموئيل معلش انا تقلت عليك فى طلباتى
كان نفسي فى نوت لتقاسيم صبا و بياتى و نهاوند و ياريت ياريت تقاسيم الاكورديون للراحل الفنان حسن ابو السعود
اعزرنى فى كثر طلباتى الواحد ما بيصدق يلاقى محترف مخضرم زى حضرتك علشان يستفيد من خبراته
و الف مليون شكر على المجهود الرائع فى التدوين
مشكور

اخى العزيز
التقاسيم دى ما ينفعش تتكتب
لأنها بتبقى ارؤتجال من العازف مش فى اللحن اصلا يعنى العزف بيستعرض شطارته فى الانتقال بين المقامات والعلامات الايقاعية بتاعتها بتبقى مش محددة زى الموسيقى اللى على ميزان يعنى صعب جدا كتابتها وحتى لو اتكتبت لو انت قريتها حاتطلع حاجة تانية غير اللى اتعزف اصلا
مع اطيب تحياتى عادل صموئيل

**Dr.Fouad** · #7 05/01/2013, 23h18

اقتباس:

المشاركة الأصلية كتبت بواسطة Dr.Fouad

استاذنا الفاضل عادل صموئيل معلش انا تقلت عليك فى طلباتى
كان نفسي فى نوت لتقاسيم صبا و بياتى و نهاوند و ياريت ياريت تقاسيم الاكورديون للراحل الفنان حسن ابو السعود
اعزرنى فى كثر طلباتى الواحد ما بيصدق يلاقى محترف مخضرم زى حضرتك علشان يستفيد من خبراته
و الف مليون شكر على المجهود الرائع فى التدوين
مشكور

اخى العزيز
التقاسيم دى ما ينفعش تتكتب
لأنها بتبقى ارؤتجال من العازف مش فى اللحن اصلا يعنى العزف بيستعرض شطارته فى الانتقال بين المقامات والعلامات الايقاعية بتاعتها بتبقى مش محددة زى الموسيقى اللى على ميزان يعنى صعب جدا كتابتها وحتى لو اتكتبت لو انت قريتها حاتطلع حاجة تانية غير اللى اتعزف اصلا
مع اطيب تحياتى عادل صموئيل

الف شكر على الرد
انا قصدى على التقاسيم الطويلة مش تقاسيم زخرفة الاغانى
ممكن حضرتك تشوف اول الفيديو ده
‫ط¹ط²ظپ ظ†ط§ظ‰ ظˆظƒظ…ط§ظ† ط§ظ„ظ…ط§ظ„ ظˆط§ظ„ط¨ظ†ظˆظ†‬&lrm; - YouTube
فيه جمل موسيقية كاملة اتعزفت فى اول العزف
هل ديه كلها اجتهاد ؟ يعنى كلها حاجات مش مكتوب قبل كده او اتعملت بخبرة محلنين و الناس بتتناوبها عنهم ؟
و لك منى جزيل الشكر و الاحترام
اخى العزيز
اولا لاحظ هنا وظيفة اليد اليسرى يعنى بتعمل حاجات وبتكون من ارتجال العازف يعنى اول شىء لمس نغمة عملت ارضية للتقسيمة وبعد كده ادخل منها اليقاع والمصاحبات
اما القسيمة هنا هى ارتجال من الازف انه بيبتدى بمقام ويروح لمقامات تانية او يلمس نغمة غريبة عن المقام بس هنا مطلوب ذوق عالى وخبرة يعنى لازم اولا دراسة المقامات بحيث لما تكون فى مقام تخرج منه تروح على فين وفين وهكذا
اما اللحن الاساسى وهو اللى بيبدأ من اول الايقاع
كمان زى ماقلت لك التقسيمة مش بتتحفظ يعنى لو نفس اللحن الللى فيه تقاسيم فى مكان معين عزفه عشر عازفين شطار لازم حتكون التقسيمة مختلفة لأنها بتعبر عن نكهة العازف نفسه
مع اطيب تحياتى عادل صموئيل

**Dr.Fouad** · #8 08/01/2013, 12h29

اقتباس:

المشاركة الأصلية كتبت بواسطة Dr.Fouad

الف شكر على الرد
انا قصدى على التقاسيم الطويلة مش تقاسيم زخرفة الاغانى
ممكن حضرتك تشوف اول الفيديو ده
‫ط¹ط²ظپ ظ†ط§ظ‰ ظˆظƒظ…ط§ظ† ط§ظ„ظ…ط§ظ„ ظˆط§ظ„ط¨ظ†ظˆظ†‬&lrm; - YouTube
فيه جمل موسيقية كاملة اتعزفت فى اول العزف
هل ديه كلها اجتهاد ؟ يعنى كلها حاجات مش مكتوب قبل كده او اتعملت بخبرة محلنين و الناس بتتناوبها عنهم ؟
و لك منى جزيل الشكر و الاحترام
اخى العزيز
اولا لاحظ هنا وظيفة اليد اليسرى يعنى بتعمل حاجات وبتكون من ارتجال العازف يعنى اول شىء لمس نغمة عملت ارضية للتقسيمة وبعد كده ادخل منها اليقاع والمصاحبات
اما القسيمة هنا هى ارتجال من الازف انه بيبتدى بمقام ويروح لمقامات تانية او يلمس نغمة غريبة عن المقام بس هنا مطلوب ذوق عالى وخبرة يعنى لازم اولا دراسة المقامات بحيث لما تكون فى مقام تخرج منه تروح على فين وفين وهكذا
اما اللحن الاساسى وهو اللى بيبدأ من اول الايقاع
كمان زى ماقلت لك التقسيمة مش بتتحفظ يعنى لو نفس اللحن الللى فيه تقاسيم فى مكان معين عزفه عشر عازفين شطار لازم حتكون التقسيمة مختلفة لأنها بتعبر عن نكهة العازف نفسه
مع اطيب تحياتى عادل صموئيل

الف شكر على ردك الوافى الجميل
اصلى بصراحة متعلم مش بقالى كتير و مستصعب الموضوع اوى
انا مش بقالى 6 شهور مثلا يعنى لسه نونو
روحت الكونسيفتوار و المدرس اللى هناك كان بينام منى فى الجلسة و مش بيعلمنى اكتر من النوتة اللى انا اساسا اتعلمتها عن طريق الانترنت
انا بقرى كل نوت حضرتك دلوقتى اللى انت مدونها ..
مش بقرها ببراعة طبعا يعنى زى التلميذ الخبيان اللى بيستهجا الكلمة حرف حرف بس بقرها كلها و بنفذها فى الاخر
هو انا معا كلام حضرتك طبعا فى موضوع اليد الشمال انها بتبقى على البيتش او بيغر اصوات و يشغل ستايلات و كده لكن فيه كتير بيعزفوا نغم بايديهم اليسر و ده اللى خلانى اسال حضرتك فى اول رد عن اليد اليسرى
اما بالنسبة لموضوع التقسيم فانا مستصعب الموضوع جدا جدا
يعنى بيتهيألى لو كل واحد قدر يقول جمل موسيقية كاملة فيها نغم و بدون نشاز طب ما ممكن كلهم يلحنوا بقى ..
انا افتكرت ان ممكن يكون فيه قواعد و اسس للموضوع ده ممكن ادرسها و اطبقها عملى او مثلا حاجات من العباقرة الكبار لكن للاسف خاب ظنى
تانى بكرر شكرى لحضرتك على تعبك و مجهودك الفوق رائع ..
وكل عام و انت بالف صحة وسلامة يارب ..
لك منى جزيل الشكر و الامتنان مشكور جزيلا

اخى العزيز
انا عايز اقول لك كلام كتير ( والكلام موجه طبعا للجميع ) فيه مدرس بيعلمك المنهج فى 90 حصة وماتفهمش حاجة ومدرس بيعلمك بطريقة تفهم اوى .... انا مدرس الحمد لله كنت شاطر اوى .. انا قريت فى بياناتك انك مبرمج كمبيوتر واكلمك من ناحية الكمبيوتر .. عندك مثلا برنامج الوورد اوفيس انا لما حبيت اتعمه كما ينبغى واحد من اصدقائى اهدانى كتاب ييجى 400 صفحة قعدت اذاكر فيه اتعقدت من كتر الرغى لكن ما جربت مع نفسى يعنى اجرب مع الاستعانة بالكتاب لما اتزنق اكتشفت انك شان تقرا لازم تبتدى من صفحة 75 يعنى اللى قبلها هرش مخ .. ومن هنا اخترعت لنفسى طريقة وبقيت اجرب واسأل كل المستويات لحد ما وصلت لردة عاية جدا والحمد لله يعنى مدرسين كمبيوتر كتير حسيت انهم مايعرفوش 10% من اللى انا بعمله ... يعنى مثلا حاجة منهم لما تحب تعمل مراجع والرقم داخل قوس دى ما يعرفش يعملها غير اللى بين السؤايات فقط والمحترفين اوى اوى منهم مش كلهم
لما نتكلم عن التقاسيم بالذات انت بتقول انك لسه مبتدىء والتقاسيم دى دلوقتى انت المفروض تسمعها فقطلكن عشان تعزف تقسيمة لازم تكون بتعزف سماعى من كذا سنة ... يعنى تسمع اى لحن تعزفه صح 100% بعدين تتخيل نغمة فى ودنك وتعزفها وهو بالطبع درجة ما من التلحين بس اسهل طبعا من التلحين ومش مقيد ... اما بالنسبة للنوتة .. النوتة مشكلتها انها محتاجة تقرأ بسرعة وصح اسرع شوية من لما تقرأ عربى ودى بتيجى بالتدريج
يعنى من غير الاورج الاول نزل النوت اللى انا مدونها ولو عندك طابعة الاول اختار النوتات السهلة واقرأ فيها شوية وحاول انك على الاقل ماتعطلش اثناء الجملة الواحدة .. بعدين طلع ع الاورج وبالتدريج حاتتيجى
ويهمك جدا جدا جدا فى قسم الدروس انا منزل برنامج الانكور اللى انا شخصيا بدون عليه ومنزل له شرح انا عامله سهل ومنج يعنى ممكن تشتغل عليه ببسرعة جدا ..
من البرنامج ده ممكن اول حاجة تنقل النوت بتاعتى عليه وتسمعها هو حايقراها لك وبالتدريج مستواك حايرتفع جرب وانا معاك
وعلى فكرة انا شاطر اوى فى الكمبيوتر لكن بحب اتعلم لأن الكمبيوتر بحره واسع اوى واكيد حسألك فى حاجات وجرب وانا تحت امرك
مع اطيب تحياتى عادل صموئيل

**عادل صموئيل** · #9 08/01/2013, 19h20

احبائى
اقدم لكم اغنية من بدايات فريد الاطرش

يا ريتنى طير

مع اطيب تحياتى

**سليم العباس** · #10 11/01/2013, 19h40

الأستاذ عادل صموئيل بعد التحية الموسيقية لشخصك الكريم :
أود أن أستفسر عن هذه الموسيقى ، هل هي للأستاذ محمد عبد الوهاب ولك جزيل الشكر .

‫ظ‡ظ†ط§ ط¯ظ…ط´ظ‚ ط¥ط°ط§ط¹ط© ط§ظ„ط¬ظ…ظ‡ظˆط±ظٹط© ط§ظ„ط¹ط±ط¨ظٹط© ط§ظ„ط³ظˆط±ظٹط©‬&lrm; - YouTube

اخى العزيز
طبعا دى من اشهر اناشيد عبد الوهاب الوطنية واسمه اقسمت باسمك يابلادى او : نشيد القسم
مع اطيب تحياتى عادل صموئيل