اولا اشكر الاستاذ القباج على هذه التحف الاطرشية الجميلة والنادرة
ثانيا احب ان ارد على الاستاذ محمد دياب بعد اذن الاستاذ الالاتي
هذه مشاركة من الاستاذ عادل صموئيل توضح السبب ..يقول فيها :
اقول لك على سر كمان بس ماتقولش لحد
فيه حاجة فنية خطيرة فى وضع الاغنية فى الفيلم انهم بينقصوا زمنها دقيقة ( وبالذات الكلام ده فى الافلام المحترمة )
يعنى تكون الاغنية فى الاصل خمس دقائق ونوفر منها دقيقة اثناء العمليات اللى بتحصل فى تحميض وطبع الفيلم وفيه حاجة اسمها فيلم الصوت وده بيبقى الصورة على فيلم والصوت على شريط تانى 35مللى شبه شريط الفيلم والاتنين بيمشوا مع بعض بالتوازى بعدين فى العملية النهائية بينطبع فيلمالصوت على فيلم الصورة يعنى لما تمسك شريط السينما تلاقى الصورة على الجنب الشمال وعلى اليمين شخابيط منتظمة دى هى الصوت
اثناء العملية دى بيتسرع سرعة الاغنية عشان نجيب الدقيقة دى
دى بتخليك لما تسمع شادية وليلى مراد كتير اوى فى الافلام لما تسمعها فى الحفلة تحس صوتها مطفى , لأن الاغنية انت لو سمعتها فى الحفلة من سلم رى مثلا بتكون انت سامعها فى الفيلم من سلم مى بيبقى الصوت لامع وارفع اكتر
لكن الحكاية دى ماتلاحظهاش اوى لما تسمع فريد مثلاً , لأنك سمعته 500 مرة من حفلات و500 مرة من افلام ومش حاتحس بالفرق , ونفس المشكلة مع فروز متعودين فى تسجيلات الاستوديو بيعملوا لها صدى صوت بطريقة معينة وتسريع للحن وده مش بيحصل فى الحفلت لذلك برضه تلاقى صوت فيروز احلى كتير فى التسجيلات عن الحفلات
تحيتي
رد: أسطوانات كايرفون
العرض الشجري