طلبات نوتة أ / عادل صموئيل الجزء الثانى

[عادل صموئيل]

لكن يا مصـر أنتي .. يا حبيبتي زي ما أنتي
جميلة زي ما أنتي .. وأصيلة زي ما أنتي

احبائى
اقل كلام ممكن نقوله عن الفقيد العزيز عمار الشريعى
انى اقدم لكم اللحن ده

اقوى من الزمان
للفنانة شادية

لما تسمع اللحن ده تحس اد ايه الوطنية عند الفنان .. يعنى مفيش اى مكسب او مادة ممكن تدى الاحساس القوى ده الا الحب
وهنا عمار قدم شادية فى لون جديد غير شادية قبل
طبعا انا ما كتبتش التوزيع .. لما تسمع عمار دايما تلاقى شفرة لازم حد يفكها وهى علامات التحويل الجميلة اللى بتدخل فجأة ... لكن الحمد لله انا هنا فكيت الشفرة واقدم لكم اللحن فى منتهى السهولة

مع اطيب تحياتى

[salhi_haithem]

المشاركة الأصلية كتبت بواسطة عادل صموئيل

احبائى
اقل كلام ممكن نقوله عن الفقيد العزيز عمار الشريعى
انى اقدم لكم اللحن ده

اقوى من الزمان
للفنانة شادية

مع اطيب تحياتى

السلام عليكم جميعا
الاخوة الاعزاء استاذ عادل شكرا لتدوين تحفة شادية "اقوى من الزمان" وأردت ان اتكلم على اللحن فهو غريب جدا حيث من اول ما تسمع اللحن تقول انه لجمال سلامه و ليس لعمار الشريعي لانه الستايل متاع الاغنية نسبيا يشبه ستايل جمال سلامه مثل اغنية ال جاني بعد يومين, و حقيقة فيه مفارقات غريبة في الموسيقى ...
هيثم

[armendo]

الأخت العزيزه ياسمين سمير ... نظرا لشدة احتياجك لنوتة لفى البلاد ياصبيه اليك النوته ارجو ان تفيدك الى ان يدونها الأستاذ عادل قريبا ان شاء الله.
مع ارق تحياتى

احمد (ارمندو)

اشكرك اخى العزيز ارمندو
هو انا ابتديت ادون فيها ويمكن تخلص على بكره ان شاء الله
انا الاول دونتها على السرعة 100 زى النوتة اللى انت منزلها بس لقيتها حاتبقى مكلكعة يعنى عايزة محترفين اوى واعدت تدوين الجزء اللى كتبته تانى على سرعة 150 وطلعت اسهل كتير .. وهو كويس ان يبقى نسختين من النوتة وكل واحد يختار اللى تمشى معاه اسهل
مع اطيب تحياتى عادل صموئيل

[زينة الغريبي]

شكرا استاذ عادل على كل ما تقدمه
زينه

الاخت العزيزة زينة
انا مش ناسيكى
انا دونت لك حاجتين حلوين اوى من طلباتك حنزلهم انشاء الله خلال اليومين الجايين بعد التشطيب والمراجعة يعنى ماتغيبيش عن المنتدى
مع اطيب تحياتى عادل صموئيل

[عادل صموئيل]

الأخ العزيز احمد

اقدم لك رسم كروكى لماكن الاصابع على لاوتار فى الكمان الغربى اتمنى ان تستفيد منه ويستفيد منه كل من يحب ان ياخد فكرة عن الكمان الغربى

اولا لاحظ حاجات مهمة
اولا زى ماقلنا النغمات اللى بينهم نصف تون وهم السى و الدو وال مى وال فا تلاحظ ان الاصابع ملزوقين جنب بعض
اما النغمات الباقية والتى بينهم تون كامل تلاحظ ان بينهم مسافة صباع
ولاحظ ايضا الاصبع الاول بيعزف ايه عل كل الاوتار يعنى ايه النغمات اللى جنب بعضها بنفس الاصبع
اما وتر ملا حتلاقى ان نغمة فا موجودة فى اول الوتر ليه مش نازلة جزء زى لاوتار الثانية
لأن بين المى والفا نصف تون اما باقى الاوتار بين نغمة الوتر المطلق والنغمة الاولى عليه بينهم تون كامل
زى ال لا والسى مثلا
اتمنى تكون المعلومة وصلت مع اطيب تحياتى

[عادل صموئيل]

احبائى
اعيد تقديم نوتة رائعة ام كلثوم

ليلى ونهارى

انا كنت منزلها من فترة لكن الاخ العزيز فؤاد العلمى اكتشف فيها حاجة
ان صفحة رقم 6 انا مدونها نازلة اتنين تون ونصف لكن صفحة رقم 7 سليمة
انا بصراحة عشان مشغول اوى والملف كان مش تحت ايدى مباشرة خليت الاخ العزيز وائل علوى يشوف الموضوع قال كلام فؤاد اللمى صح
وانا صلحتها واشكر الاخ العزيز فؤاد العلمى انه نبهنى ... وياريت اى حد منكم لو يلاحظ اى ملحوظة جوهرية فى اى نوتة ينبهنى وانا اصلحها
هى الغلطة جت منين ؟ وده درس للمدونين
انا دونت من اول صفحة الى صفحة خمسة بعدين تركتها فترة
بعدين لما حبيت ادون صفحة 6 دندنتها وانا ماشى فى الشارع وجيت كتبتها فورا والمشكلة انى دندنتها من تون تانى غير اللى كاتب منه اللحن
ارجو الاخ العزيز هيثم انه فى الفهرس يحط النوتة دى مطرح القديمة وله جزيل الشكر
مع اطيب تحياتى

[عادل صموئيل]

احيائى
اقدم لكم

لفى البلاد يا صبية


ربنا اكرمنا وخلصت بسرعة

مع اطيب تحياتى

[فؤاد العلمي]

احبائى
... وياريت اى حد منكم لو يلاحظ اى ملحوظة جوهرية فى اى نوتة ينبهنى وانا اصلحها
هى الغلطة جت منين ؟ وده درس للمدونين

مع اطيب تحياتى-عادل صموئيل

أخي العزيز الأستاذ عادل
أشكرك على عطائك الفياض، وأشكر أيضا الأخ العزيز وائل علوي على كلماته اللطيفة.
أنا أتفق مع حضرتك في كل آرائك ووجهات نظرك، حتى أحيانا يتهيأ لي أنك تتحدث بلساني. وتلبية لطلبك المرفوع أعلاه، أقول لحضرتك أن هناك شيء واحد لا نتفق عليه، ألا وهو مقام السيكا المصورة. فيا إما حضرتك لا تستوعبه بما فيه الكفاية، أو أنك لا تحبه ولا تحب حتى ذكر إسمه، مع أنه مقام قائم الذات وموجود في كل الدراسات.
هناك أشياء لا زالت معلقة. ذكرتَ في مشاركتك حول مقام المقطع الثاني لأروح لمين، اسم الأستاذ الآلاتي والمرحوم عمار الشريعي. دعني أصحح لأقول هما تكلما عن شمس الأصيل وليس عن أروح لمين.

شمس الأصيل:
حضرتك دونت المقطع الثالث من السيكا المصورة على الفا نصف دييز، والمرحوم عمار الشريعي قال بأن هذا المقطع هو سيكا مصورة على الفا، أي تدوينك يزيد بربع تون. وكذلك الأستاذ الآلاتي قال أيضا إن المقام هو السيكا المصورة على الفا. وأنا قبله بسنة أي بتاريخ 23/11/2011 قلت نفس الكلام في صفحة 488 من طلبات النوتة، حيث طلبت منك أن تخفض التدوين ربع تون، وحضرتك طلبت مني أن أدون لك مازورتين أو ثلاثة لتعرف ما أقصده، وفعلتُ، وحضرتك لم تستجب لطلبي.
الأستاذ الآلاتي، رغم احترامي الشديد له، فإنه تناقض في تدخله، لأنه قال أن النوتة صحيحة وفي نفس الوقت قال بالحرف: "اللي عايز يعزفها زي أم كلثوم، يرجع ربع تون لورا".
مداخلة الأستاذ الآلاتي فيها الكثير من الاحترام والمجاملة لحضرتك، وأنا أرد وأقول إن هذا النوع من المجاملة فيه شيء من الضرر، لأن الكثير من المشاركين يستشهدون بما يقال في هذا المنتدى، لذا أطلب وأرجو من الأستاذ الآلاتي أن يتدخل في الموضوع بكل أمانة وبكل صدق وأيضا بكل وضوح. لأن هدفنا هو تبادل المعرفة، وله مني جزيل الشكر.

أهواك مقطع ولاقيك:
حضرتك دونته على الصبا، وقلت عبد الوهاب عمل "فزلكة". فعلا هو عمل فزلكة، وهذه الفزلكة هي شيء مضبوط وله إسم، أي السيكا المصورة على الدوكا (الري)، لا أقل ولا أكثر.
وأنا قمت بعزفه، وكذلك الأخ العزيز وائل علوي، والإخوان في المنتدى أبدوا برأيهم، لكن حضرتك فضلت الصمت والحياد، ولستُ أدري لماذا، مع أن الأخ وائل وأنا كان هدفنا شريفا ألا وهو إظهار الصواب من الخطأ.

أروح لمين:
حتى لا تكون مشاركتي كلها كلام، يسعدني أن أقدم لكم من عزفي المتواضع، المقطع الذي سئل عنه. إنه وبكل تأكيد، مقام السيكا المصورة على الراست (الدو). وهو بالضبط نفس مقام الكرنك في مقطعه أين يا أطلال للكبيرعبد الوهاب.

أستاذي عادل، آسف على الإطالة وأرجو ألا تغضب مني، فأنا استفدت وأستفيد وسأستفيد من كثيرا، وأتمنى أن تلقى ملاحظاتي آذانا صاغية من حضرتك.
أخوك فؤاد الذي يقدرك ويحترمك.

اخى العزيز
انا لا اتجاهل اى ملحوظة
ولكن انا احب ان ابتعد عن الجدال فى المقامات التى يختلف عليها اتنين يعنى بكتب النوتة بطريقة علامات التحويل بمعنى بكتب التحويل اللى انا سامعه
اما عن المقاطع الصعبة والتى فيها فزلكة تلحينية احيانا وبينى وبينك دى ما يقدرش يعزفها غير المحترفين جدا جدا انا بكتب وهم يعزفوها زى ماهم حاسينها
لسبب خطير جدا ان حتى لو النوتة مكتوبة قدامك زى ما انت عايز بالمللى فى العزف حتلاقى حاجة .. وهى ان النغمات مش هى اللى على الاورج بمعنى مش اللى محسوبة بدقة ... يعنى حتلاقى نغمة زايدة شعرة او خاسة شعرة .. والعازف القدير جدا جدا هو اللى يقدر يعزفها ... والفنان المرحوم عمار الشريعى قال ممكن تكون حاجة بس احنا بنعزفها كده ... وانا بتعامل مع محترفين ومع مبتدئين ... وانت لو حسبتها حتلاقى المحترفين بيعزفوا سماعى مش محتاجين النوتة فى الاغانى القديمة اللى هم حافظينها
وبالعكس ممكن انا ادونها وهو له فى مقطع او جملة رؤيا معينة وانا احترمها ... لكن الهواة هنا حايروحوا فى الرجلين ... يعنى حصل مثلا كتير جدا ان نوت مكتوبة من قبللكن مكتوبة صعبة جدا وناس كتير ماعرفوش يقروها لما طلبوا منى اكتبها تانى قمت بكتابتها نفس اللحن بس اسهل ومن هنا ناس كتير عزفوها ومانش فى الحلم انهم يعزفوها ده غايتى
وانا لا اغضب من النقد ابدا .. لكن اللبس بيحصل فى المقمات او التحويلات اللى بيختلف عليها اتنين دائما .. ومن هنا لو اتكتبت بطريقة الطرف الثانى حايحس انها خطأ
وفيه هنا ملحوظة خطيرة المقطع الجميل اللى انت عازفه مايقدرش يعزفه عازف هاوى او مبتدىء لأن الهاوى عادى بيحسس على النغمات ومختاج نغمات مستقرة لكن المقاطع الصعبة دى بتحتاج واحد متمرس جدا فاهم هو بيقول ايه
فيه كمان ملحوظة خطيرة المقاطع اللى انت اتكلمت عنها دى اتعزفت ايامها بدون نوتة
يعنى كان الملحن بيمسك العود ويسمع الفرقة احساس والفرقة بتقول مثله وكذا مرة السنباطى اماى قال انه مش بيحب النوتة يعنى كان بيفضل ايام زمان قبل النوتة
لذلك كان فى كل البروفات فى الفرقة الماسية مع ان النوتة مكتوبة امامنا كان بيجيب معاه العود ويعزف امامنا عشان ناخد الاحساس اللى مش موجود فى النوتة
وحاجة تانى ان فى السنوات لاخيرة وبعد وفاة ام كلثوم تلاقى كل الالحان ما بقاش فيها الفزلكة دى لأن المقمات الغريبة دى بتتعزف سماعى والنوتة بتقلل من الجودة
بمعنى ان النوتة بيطلع منها المقمات الصريحة اكتر
حاجة تانية انت قلت فى شمس الاصيل نرجع ربع تون مين العازف اللى يقدر فى وسط لحن يعزف جملة يؤجع ربع تون ممكن عازف القانون فقط يعنى يضبط العرب بسرعة لكن المكنجات مثلا صعب جدا وحتمشى معاه تحسس على النغمات
مع اطيب تحياتى عادل صموئيل

[عادل صموئيل]

احبائى
اقدم لكم من روائع الفنان عبد اللطيف التلبانى

ايه الحلاوة دى

هى صعبة شوية لكن لو عزفت منها جزء حتلاقيها مشيت معاك

مع اطيب تحياتى

[نور الصباح]

وعلشان خاطر المايسترو والحبايب وأنا وأنتم

كلمات أغنية إيــــــــه الحلاوة دى

إيــــــــــــه الحـــــــــــــلاوة دى

كلمات : عبد الســـلام أمين

ألحان : حــــــــــــلمى أمين

غناء : عبد اللطيف التلبانى

*********

إيـــــــــه الحـــــــــــــلاوة دى إيــــــــــه الطعامــــــــــــــــه دى

أنــــــا قلـــــــــبى عنده حـــق لمـــــــــــا شــــــــــــــــافك ودق

دلوقت إن قـــــــــــال باحـبك ما أقــــــــدرش أقــــــول لــــه لا

*********

افتــــح لى الجــــــــــنة افتح خـــــــــلينى أتــــــهنى وأفــرح

دا أنـــــــــا عشــت العمر كله ماليش فى الفــــــرح مطـــــرح

دلوقت الدنــــــــيا فرحــــــــة فى عنـــــيك بتقولى اصــــــــحى

شـــــــــــــوف الحـــــــلاوة دى شـــــــــــــــوف الطعامـــــــة دى

إيـــــــــه الحـــــــــــــلاوة دى

*********

يــــــا مســـــــــهرنى ليــــلاتى يـــــا محـــــــــــيرنى يومــــاتى

يـــــــا مــــــنور لى حيـــــــاتى بعــــــــــنيك الحــــــــــــــلوة دى

حبيت الدنـــــــــــــيا أكـــــــــتر والرمش الحـــــــــلو الأســـــمر

عــــــــلمنى أســــهر وأفــــــكر بعنـــــــــــــيك الحــــــــــلوة دى

ولقيت قـــــــــــــدامى فرحــــة فى عنـــــيك بتقولى اصــــــــحى

شـــــــــــــوف الحـــــــلاوة دى شـــــــــــــــوف الطعامـــــــة دى

إيـــــــــه الحـــــــــــــلاوة دى

*********

الشـــــــوق من بــدرى جــابنى قـــــــــــــــــدام بابك وســـــابنى

ولــما جـــيت لعــــــــــــــــــندك ما اقـــــــدرتش أقول له سيبنى

حا يســـــــــــــيبنى بعـــــد إيــه ما خــــــــلاص دوبــــــــنى فيــه

واشـــــــــتقت لكل فرحــــــــــــة فى عــــــنيك بتقول لى اصــــحى

شـــــــــــــوف الحـــــــلاوة دى شـــــــــــــــوف الطعامـــــــة دى

شوف الحلاوة دى شوف الطعامة دى

وشكررررررررررررررررررا

أخوكم

نور الصباح