طلبات نوتة أ / عادل صموئيل الجزء الثانى

[علي ثلاثة]

<div align="center">الأخ أرمندو
شكرا على مدونة
ايه فايدة قلبي
وتجد أسفله رابطا للأغنية
&#x202b;ط¥ظٹظ‡ ظپط§ظٹط¯ط© ظ‚ظ„ط¨ظ‰ - ظپط±ظٹط¯ ط§ظ„ط£ط·ط±ط´ ظ…ظ† ظپظٹظ„ظ… ط¥ط²ط§ظ‰ ط£ظ†ط³ط§ظƒ&#x202c;&lrm; - YouTube
وهي من فيلم إزاي أنساك

أود أن أستفيد من إخوتي الأعزاء
أعضاء منتدى سماعي
فهم يعرفون أو يجدّون في أن يعرفوا

ما اسم القطعة الموسيقية
التي تجدونها في فيلم
بحبوح أفندي بطولة اسماعيل يس
بعد بدايته
ب24 دقيقة
وشكرا جزيلا

[armendo]

المشاركة الأصلية كتبت بواسطة علي ثلاثة

<div align="center">الأخ أرمندو
شكرا على مدونة
ايه فايدة قلبي
وتجد أسفله رابطا للأغنية
&#x202b;ط¥ظٹظ‡ ظپط§ظٹط¯ط© ظ‚ظ„ط¨ظ‰ - ظپط±ظٹط¯ ط§ظ„ط£ط·ط±ط´ ظ…ظ† ظپظٹظ„ظ… ط¥ط²ط§ظ‰ ط£ظ†ط³ط§ظƒ&#x202c;&lrm; - YouTube
وهي من فيلم إزاي أنساك

أود أن أستفيد من إخوتي الأعزاء
أعضاء منتدى سماعي
فهم يعرفون أو يجدّون في أن يعرفوا

ما اسم القطعة الموسيقية
التي تجدونها في فيلم
بحبوح أفندي بطولة اسماعيل يس
بعد بدايته
ب24 دقيقة
وشكرا جزيلا

اخى الكريم على ثلاثه...اشكرك على التعليق وانا اعلم مدى ما تتمتع به من ثقافه موسيقيه وذلك من خلال مشاركاتك الجميله ونحن من جيل واحد ومشاركتى هذه موجهه بالأساس الى اصدقائى الشباب الذين ربما لا يعلمون ان هؤلاء الكبار امثال عبد الوهاب واسنباطى والقصبجى وفريد قد مروا على كل القوالب الموسيقيه المختلفه وهو ما يجب ان يطلعوا عليه.

مع ارق تحياتى

احمد (ارمندو)

[عاصم المنشاوى]

الأستاذ .....عادل

والله العظيم تلاتة ...كان نفسى أطلب من حضرتك نوتة أغنية "صندوق النقد"...ل ياسر المناوهلى
ولكن كنت خايف ماتعجبش حضرتك....لكن مش صحيح ان احنا بنرفض الجديد وخلاص...بالعكس الحاجة الكويسة بتفرض تفسها ....وانا زى ماقولت ....فيه مطربين ح يظهروا بعد ثورة يناير ومطربين ح يختفوا..... التاريخ بيقول كده......وكانت مفاجأة حضرتك من أروع المفاجآت....شكرا لأبداعك ياعمنا ....

ملحوظات أحب أقولهم ....فى مغنيين ومؤديين مابعد ثورة 25 يناير ...
الأولى : معظمهم هواة وعازفين على الجيتار -نادرا ماتجد العود- على سبيل المثال وليس الحصر فرقة وسط البلد "فى كل شارع فى بلادى"..."يالميدان كنت فين من زمان" لحمزة نمرة وصاحبنا "ياسر المناوهلى "...والصوت لايتمتع بقدرات تطريبية عالية ...فالمطلوب ان يغنى الشعب ويشارك بالغناء وليس مطلوبا منه ان يجلس ويستمع وبس.....فهى ثورته وشارك فيها وآن اللأوان ان يتكلم بعد سنين من الخرس....

الثانية : أنهم هم من يكتبون الكلمات والألحان والغناء ....فهل أنتهى عصر يختفى ...ويأتى على أستحياء عصر جديد فيه ...كلمات وألحان وغناء :فلان الفلانى ؟...طبعا بليغ هو الوحيد اللى كان سابق عصره ....وهذا لاتجده فى مصر ...خارج مصر نعم ....
التالتة : الدور الخطير للأذاعات البديلة ...هل أنتهى عصر احمد سعيد وصوت العرب واحتكار الأذاعة ...ف اليوتيوب قايم بالدور وزيادة ....مثلا والد على الحجار صاحب اللحن المميز لأغنية "عزيز على القلب"...انطوى فى غياهب النسيان ...حينما غضب عليه الشجاعى ...فليس هناك بديل للأذاعة...لكن مع ظهور الكاسيت ...أشتهر أحمد عدوية برغم محاربته من من الأعلام الرسمى..والآن اليوتيوب ....وهذا ماأنصح به صديقنا "سيد محمود "...والصديق "تامر عامر ".ووالصديق"عزت شحاتة "...بأن ينزلوا ألحانه عليه ...بس من غير باذنجان مقلى ..مين عارف ..؟


دلوقتى مع كلمت الأغنية وتاريخ غناءها أكتوبر 2012
صندوق النقد يا صندوقه
سمه في الشهد .. مين هايدوقه
يا باني لي بيتي .. يا صندوقه
يا زارع لي غيطي .. يا صندوقه
من غيرك انت عيشة كحيتي
صندوق النقد يا صندوقه
علمني اصنع وازرع واركع .. لصندوقه
وريني فين مصلحتي برطع .. يا صندوقه
الحقني ف عرضك .. كلبشني بقرضك .. ارتع في بلادنا واعتبرها ارضك
صندوق النقد يا صندوقه
لو عندي نيل .. كان قال مواويل .. عن زرعة ماتت .. عن امة تاهت
مين يزرعهالنا .. غير صندوقه
لو عندي ايد .. كان قمحي يزيد .. واعيش بكرامة .. مرفوع الهامة
مين يرفعهالنا .. غير صندوقه
يا معلي داري .. يا شريكي في افكاري .. يا مخطط مستقبلنا ومصادر قراري
يا شايف مصلحتي .. يا سايبني آكل براحتي .. يا جابر ايدي المكسورة
يا جايب لبن العصفورة .. مين يسقيهولنا .. غير صندوقه
امال الثورة ده قامت ليه .. واللي ماتو كانو ماتو ليه
فهمنا معنى الكرامة ايه .. يا صندوقه
ارفع راسك فوق دي تبقى ايه .. يا صندوقه
وكنا بنهتف يسقط يسقط ليه .. يا صندوقه
فهمنا الحره بتاكل بايه .. ايه ايه ايه
يا ماحي ماضينا .. يا مجبي علينا
يا حاطط ايدك في جيوبنا .. ومعلم علينا
يا شريك حياتي .. يا مظبط ميزانياتي
واقعين وانت اللي شايلنا .. ومحقق لي امنياتي
مين هايحققها .. غير صندوقه
صندوق النقد يا صندوقه

[SIZE="4"]
اخى العزيز
اهم حاجة اكرر احنا مش بنرفض الجديد لكن بنرفض حاجتين
اولا الفن المنحط وثانيا الفن التافه ( بمعنى ان كلمة فن يعنى شىء جميل ماحدش عادى يقدر يعمله ) وانت لو شفت اى مطرب من اللى بيغنوا دلوقتى ( وبالذات المشاهير ) يعنى انا ممكن انزل اى تجمع شباب او مدرسة ثانوى فيها 2000 طالب اجيب لكن زيه واحسن منو 1200 واحد
وعشان تعمل المقارنة العادلة انا بعتبر عبد الحليم هو المقياس يعنى اى واحد عايز يغنى لازم يبقى بنسبة من عبد الحليم وانا اقبل لو تطلع النسبة 20%
لكن اقلمن كده بكتير وكمان كلمات ولحن طبعا .....
وانا اخدت بالى من ان ياسر المناهلى هو اللى اولا بيألف الكلام
واشكرك لنك كتبت الكلام ولو نمسكه ونحلله جملة جملة حتلاقى الكلام جامد جامد جامد وهادف وده اخطر شىء فقدناه فى ال 30 سنة الاخيرة
يعنى بقعد على القهدوة اشرب حجرين شيشة وقهوة .. وتيجى الصدفة ( واضطريت اغير ميعادى ) يعنى اكتشفت القهوة عندهم طقوس الاول ساعتين بيشغلوا المحطات الدينية .. بعدها بيشغلوا محطات الاغانى الشبابية ويا هول ماتسمع من كلام كوكتيل خليط من الهيافة والتفاهة والانحطاط وماليس له معنى بمعنى ان المؤلف كتب جملة
ووقف فى آخرها عايز كلمتين والقريحة ماجابتهمش كمل الجملة : والفول والطعمية
حتى لو ربنا فتح عليه بكلمتين حلوين تلاقيهم اتكتبوا واتغنوا قبل كده 500 مرة
بس فيه حاجة احب اوضحها
الاذاعة زمان كانت مش بتقف فى وش المطربين ولكن كان فيه لجنة استماع على اعلى مستوى من الخبرة ولازم يبقى فيها ملحنين كمن الكبار وقتها ( وللعلم الملحنين دول عايزين يلاقوا مطربين كويسين على الاقل عشان يشتغلوا ) يعنى لو الملحن ده وافق على مطرب كويس على طول الاذاعة بتعمل معاه عقد بتلحين خمس اغانى فوراً
اما بالنسبة ساعتها كان عصر اقبل الليل واراك عصى الدمع مش معقول يدخل الاذاعة واحد يقول السح الدح امبو .. والفرق الخطير بين العود زى ما انت اخدت بالك والجيتار .. ان الجيتار ممكن اللى مايعرفش يمسكه يقول عليه اى كوردات تهبيل وممكن تمشى فى الميدان .. لكن العود ما ينفعش يعنى لازم تعزف جملة موسيقية
وهنا المناهلى عمل لحن جميل وبسيط ومع ان طول اللحن الجمل روح متقاربة
بس الكلام اولا بيشد وثانيا الكورال دمه خفيف يعنى اما البنات بتقول آه دمهم زى العسل ... وطربيين والشعب المصرى اشتاق للطرب واشتاق للأيقاع الشرقى مش الدرامز وانا سعيد جدا ان ذوقى عجبكم
مع اطيب تحياتى عادل صموئيل

[عاصم المنشاوى]

الصديق /على ثلاثة

الموسيقى التى تقصدها فى فيلم "بحبوح أفندى"...هى أحدى روائع موسيقار الأجيال " محمد عبد الوهاب"...أسمها ( ليالى لبنان)مقام هزام سنة 1957 ...تسمعها فى هذا الفيلم وفيلم "اسماعييل يس فى مستشفى المجانين"لنفس المخرج...وموجودة ع اليوتيوب ...وطبعا فى منتدانا الدسم فى ...تحت اسم "مؤلفات محمد عبد الوهاب الموسيقية"...تلاقيهاhttp://www.sama3y.net/forum/attachme...4&d=1133646676
ولوعايز النوتة ...النوتة موجودة...بس لو من أيد المبدع /عادل صويل يبقى أحسن بكتييييييييير