طلبات نوتة أ / عادل صموئيل الجزء الثانى

[elarabi]

استادي الفاضل عادل صموئيل.
الشكر الجزبل لكم على كل ما تقدمونه من التحف الراقية فضلا عن الذوق الرفيع .
لدي سؤال صغير استاذي فيما يخص القطعة الجميلة للمسلسل التركي سيدة المزرعة والتي دليل مقامها سي بيمول هل يمكن اعتبار المقام هو ري الصغير ام الفا الكبير.
مع ارق تحياتي الخالصة.
اخى العزيز
فى الموسيقى الغربية انت تنظر ألى آخر حرف فى المقطوعة يعنى لو قفلت على فا يكون السلم فا ولو قفلت على رى يكون السلم رى
والدليل هو اللى بيحدد نوع السلم كبير ام صغير
لكن هنا الدليل سى بيمول واللحن بيقفل على لا
يبقى السلام مش فا ومش رى
وهذا الشىء تجده فى المقامات الشرقية
هنا اللحن بيقفل على لا والدليل سى بيمول
يبقى السلم او المقام كرد على الحسينى
مع اطيب تحياتى عادل صموئيل

[عاصم المنشاوى]

الأستاذ الكبير /عادل

شكرا ل "عيش معايا"....وواضح فيها لمسات وبصمات وحرفية الفرقة الماسية ...شغل بالمسطرة وع الشعرة ...وواضح فيها ضربات الكمنجات انها الفرقة الماسية من أول داخلة فى المقدمة الموسيقية ...برغم اللحن الجميل لكمال الطويل لكننى عندى مشكلة مع الموضة السخيفة اللى طلعت فى أواخر السبعينات وبداية التمانينات وهى تركيب صوت الجماهير على تسجيل الستديو فى طريقة سخيفة لاتليق بمطربين كبار تحس انهم بيتسولوا تصفيق الجمهور ومنه لله مهندس الصوت اللى أفتكس الحركة دى بعد وفاة أساطين الطرب..وأنصراف الجمهور عن الحفلات وتقاعس المطربين بسبب تغير المناخ عن عمل حفلات ماعدا "وردة"

وانا كان لى طلب سابق ل "كمال الطويل ايضا ونجاة ...وهو أغنية ( الشوق والحب)...وهى كلمات حسين السيد ...أصدق من عبر عن أحاسيس المرأة بعمق......أرجو أن تشملها بعطفك وكرمك....

الصديق / هيثم الصالحى
والله انا مش عارف اقول لك ايه ...على المجهودات الخرافية اللى بتبذلها فى عمل الفهرس ...بجد شابو مكسيكى كبييييير قوى قوى ....وتستحق بجدارة شهادة التقدير من سماعى

عندى سؤال ليك ياأستاذ /هيثم

المطرب الجزائرى ...رشيد طه ...له أغنية أسمها "ياريح وين مسافر تروح تعيا وتولى"...طبعا هى مشهورة هنا فى مصر عشان كان بيتلحن عليها أعلان دريم لاند....المهم ...عندك فكرة ...هل حد كتب النوتة بتاعتها ...هل الدكتور طارق مثلا كتبها؟....شكرا ياجميل

اخى العزيز
هى مشكلة كانت تقرف فى وقتها ... يعنى الاغنية دى بالذات كان الملحن احس من وجهة نظره ( هو فقط يعنى ) ان التسجيل احلى من الحفلة لذلك ركب عليه التصفيق المضروب ده ... والعملية مش الاداء ولكن تفاعل المطرب مع الجمهور
يعنى ام كلثوم مثلا ماتتسمعش ابدا تسجيل استوديو ..
مع اطيب تحياتى عادل صموئيل

[piano_piano_d]

ألف شكر أستاذي المُحترم أ/ عادل صموئيل على سرعة تلبية طلبي ، وربنا يعين حضرتك على تلبية طلباتنا .

انا اللى اشكرك اختى العزيزة لأن اللحن ده سهل اوى
يعنى هو اخد منى نصف ساعة تفكير عشان اضبط الكام سطر الاولين يتكتبوا ازاى بس عشان يبقوا سهلين عليكم
لكن فى التدوين ما اخدش نصف ساعة
وعلى فكرة سمير الاسكندرانى ده زميل متخرج من نفس كليتنا كلية التربية الموسيقية الزمالك بس من دفعة اسبق منى شوية
وللعلم هو صوت خطير جدا جدا جدا ... بس ما اعرفش ايه اللى خيبه كده بمعن انو مالوش غير الاغنية دى بعدها سافر الخارج فترة طويلة بعدين رجع وعمل شوية حاجات كلام فارغ مش على قد امكانياته
مع اطيب تحياتى عادل صموئيل

[نور الصباح]

[QUOTE=piano_piano_d;610230]ألف شكر أستاذي المُحترم أ/ عادل صموئيل على سرعة تلبية طلبي ، وربنا يعين حضرتك على تلبية طلباتنا .

xxxxxxxxxxxxxxxxxxxxxxxxxxxxxxxxxxxxxxxxxxxxxx
آمــــــــــــين اللهـــــــــــــــم آمـــــــــــــــــين
ربـــــــــــــــنا يعــــــــــــــــــين حضــــــــــــــرتكم
عـــــــــــــــلى طلباتـــــــــــــــــــنا
وشكرررررررررررررررررررررررررررا
أخوكم
نور الصباح

[احمد علي البدري]

مُتشكر جداً مستر عادل لتدوين "عيش معايا "<3 ، فى اغانى مش موجودة فى طلبات الاستاذ هيثم افضل من كده زي دار يادار وديع الصافى و انا لحبيبى فيروز و الجواب ويامركبى سيرى لحليم و ع الرملة محمد رُشدى و عودت عيني لام كلثوم ......؟؟

[swaifi73]

استاذ عادل أشكرك على الأغنية
جميلة وتحمل معاني كثيرة حتى في تصويرها ورها معاني كثيرة
عندما أنقطعت الكهرباء والماء والغاز وعندما أنشغلو بنشر الغسيل وجاء الماء والكهرباء والغاز وفاض الماء في الحوض
وطارت الأوراق ومعها ال 10 جنيه
بس أسوء حاجة في الأغنية
للأسف البذنجان أتحرق
وأنا مثلك من عشاق البذنجان
حتى أصدقائنا وأفراد عائلتي يستغربون لحبي للبذنجان مرات أترك الطبيخ واللحم والدجاج وأكل بذنجان
تسلم أيدك
على العمل المعبر الجميل
تحايتي
محمد السويفي

[armendo]

احبائى واصدفائى الأعزاء

وانا ابحث فى ملفاتى القديمه وجدت تانجو من تانجوهات فريد الأطرش الجميله وهو تانجو ايه فايدة قلبى والتى اشك ان كثير منكم قد سمع عنها من قبل ورأيت ان اعرضها عليكم لتستمتعوا بعزفها.

مع ارق تحياتى

احمد (ارمندو)

[علي ثلاثة]

<div align="center">الأخ أرمندو
شكرا على مدونة
ايه فايدة قلبي
وتجد أسفله رابطا للأغنية
&#x202b;ط¥ظٹظ‡ ظپط§ظٹط¯ط© ظ‚ظ„ط¨ظ‰ - ظپط±ظٹط¯ ط§ظ„ط£ط·ط±ط´ ظ…ظ† ظپظٹظ„ظ… ط¥ط²ط§ظ‰ ط£ظ†ط³ط§ظƒ&#x202c;&lrm; - YouTube
وهي من فيلم إزاي أنساك

أود أن أستفيد من إخوتي الأعزاء
أعضاء منتدى سماعي
فهم يعرفون أو يجدّون في أن يعرفوا

ما اسم القطعة الموسيقية
التي تجدونها في فيلم
بحبوح أفندي بطولة اسماعيل يس
بعد بدايته
ب24 دقيقة
وشكرا جزيلا

[عزت شحاته]

استاذى الجميل / عادل صموئيل
حبايبى كل الاعضاء
احييكم تحية حارة جدا مغاغه وضواحيها
( صندوق النقد )
جميلة اختياراتك يا استاذ ومن الآخر ف الجون
وموضوع البادنجان
عايز اسئل - هوه ليه علاقة بالفن ولا ايه ؟
انا كمان بحبه جدا ولي اصحابى فنانين نفس الكلام
على فكرة ممكن نفكر فيها
حدانا ( عندنا يعنى ) يقولوا ع الفنان بدنجان لاسع شويه
واللى عقله يخف حبه برضه يقولوا عليه بدنجان لاسع
طيب البدنجان نفسه ايه علاقته باللسعان
- صباح الفل -

[عادل صموئيل]

احبائى
اقدم لكم من روائع عبد الحليم

فوق الشوك

واول حاجة اشكر اخى العزيز هيثم الصالحى انو فكرنى بيها
انا كنت مدونها من فترة وبعد ماخلصت تدوين جاءت طلبات الاخ العزيز اشرف احمد صدقى لتدوين عدد كبير ما اغنى الفنان الحمد صدقى عشان حفلة
طبعا تركت كل شىء وتفرغت تفرغ كامل لتدوين الاغانى لن معظمها صعب جدا
ونسيت فوق الشوق ... انا كنت مخلصها تدوين لكن لسه مرحلة التشطيب النهائى
انا فى الزحمة بنسى اللى عملته ... وانا كل اللى بدونه بيكون على my documents لكن بعد ما يوصلوا لعشر ملفات بنقلهم واضعهم فى ملوف اسمه نوت موسيقية يعنى ملحقات الاغنية وهى ملف الانكور وملف ال pdf المشكلة انى ما اخدتش بالى وانا بنقل ملفات اغانى احمد صدقى للملف اللى بقول عليه انى شفت فوق الشوق وافتكرت انى نزلتها لكم وسحبتها عليه .. ومن اهم مشكلاتى ان ملف نوت موسيقية ده كل ما اشيل الويندوز بنقله فى مكان تانى لذلك عندى ييجى عشر ملفات اسمها نوت موسيقية فى اماكن متفرقة وده اللى بيخلينى اعتمد على فهرس هيثم فى الحاجات اللى دونتها واللى مادونتهاش
المهم اترككم مع الاغنية ... والاغنية دى انا بعتبرها علامة هامة فى غرس جذور عبد الحليم فى وجدان المستمع المصرى والعربى
مع اطيب تحياتى