طلبات نوتة أ / عادل صموئيل الجزء الثانى

**عادل صموئيل** · #1 31/10/2012, 01h53

احبائى
من روائع الفنان الحمد صدقى
للفنانة نجاح سلام

يا عينى فين قلبى

مع اطيب تحياتى

**عادل صموئيل** · #2 31/10/2012, 01h55

احبائى
من روائع الفنان الكبير احمد صدقى
للفنان محمد قنديل

رمش الغزال

مع اطيب تحياتى

**عادل صموئيل** · #3 31/10/2012, 02h08

احبائى
اقدم لكم من روائع الحان الفنان احمد صدقى
للفنان كارم محمود

امجاد ياعرب امجاد

واللحن ده بيتميز عن كل الألحان بحاجة
انه التتر بتاع اذاعة صوت العرب
يعنى انا وعيت على الدنيا كنت بسمعه واعتقد مفيش عربى من المحيط للخليج مايعرفوش بالذات لأن كان قبل الفضائيات والتليفزيون يعنى كانت العلاقة بين العرب من المحيط الى الخليج هى اذاعة صوت العرب
طبعا لزم التنويه لحاجة مهمة ... ممكن اى حد يشوف انى منزل 6 اغانى فى مرة واحدة ومعظمهم من العيار التقيل جدا ( جدا ) انو ممكن يتخيل انهم موجودين عندى فى الدرج .. ولكن زى ما قلت لكم قبل كده انا معنديش نوت موسيقية فى بيتى ولكن كل النوت اللى بقدمها هى من تدوينى حسب طلباتكم
وانا قمت بتدوين الكمية الكبيرة دى ( تسع اغانى ) فى خلال اسبوع ودى طبعا انا اعتبرها معجزة على الاقل ان ربنا ساعدنى على المجهود ده وماحصلش حاجة تعطلنى يعنى انتم طبعا عارفين انواع المشاكل الصحية او الحوادث او الكهربا تتقطع او الكمبيوتر يعطل هو الحاجة الوحيدة اللى حصلت كان ان النت قطع 3 ايام ولسه راجع حالا الساعة 4 الفجر ... لكن ما اثرش الحمد لله لأن ااالملفات الصوتية كلها منزلها من قبل وبشتغل مع نفسى
يعنى نظمت مخى انى اعمل اغنية صعبة ومن العيار التقيل واعمل بعدها اغنية سهلة زى امجاد يا عرب او رمش الغزال بس هو توفيق ربنا انا اعتقد عشان الراجل الطيب جدا جدا الموسيقار الكبير احمد صدقى واللى ربنا اكرمنى انى شفته او لحقته يعنى سجلت معاه عدد قليل جدا من الاغانى فى أواخر ايامه ... الله يرحمه كان اخلاق من النوع اللى مش موجود الايام دى والتواضع والذوق اسكنه الله فسيح جناته ... والى اللقاء
مع اطيب تحياتى

**armendo** · #4 31/10/2012, 07h58

استاذنا الأستاذ عادل صباح الفل

هذا هو عادل صموئيل الذى اعرفه منذ ان تشرفت بعضوية منتدى سماعى لإول مره منذ خمس سنوات سابقه,كل طلعة صبح افاجأ بخمس نوت من احلى الأغانى التى نحب ان نعزفها سواء من اختياره الشخصى او بناء على طلبات اصدقائه الأعضاء مما جعل صفحة طلبات النوته التى يشرف عليها هى الأعلى من حيث عدد الزائرين على مستوى كل المواقع الموسيقيه..وها هو اليوم يعيد الكره مرة اخرى وعلينا جميعا ان نمسك الخشب خوفا من الحسد يا حبايب.

مع ارق تحياتى

احمد (ارمندو)

**نور الصباح** · #5 31/10/2012, 08h09

الأخ الحبيب الأســـــــــــتاذ الموســـــــــــــيقار
عـــــــــــــــــــــــــــــــــــــــــــــــــ ــــــــــــادل باشـــــــــــــــــا صموئــــــــــــــــــــــيل
والإخـــــــــــــــــــــــــوة والأخوات الأعزاء
عضـــــــــــــــــــوات وأعضــــــــــــــــــــــــــــاء المنتــــــــــــــــــــــــــــــــــــــــــدى
سلام الله عليكم ورحمته وبركاته
بالنســــــــــــبة للفيديــــــــــــو - محل النقاش - هــــذا الفيديــــــــو بتاع تاريخ الأربعاء
11 / 7 / 2012 وحصل فعلا إن كان فيه نقاش سياسى حاد بين بعض الإخوة , لكــــن
العبد لله وعلشان أنا حديث العهد بالكومبيوتر - يعنى لسة فى سنة أولى حضانة كومبيوتر
- أنا ما أعرفش أعمل مونتاج وإللى رفع الشريط على اليوتيوب هو الأخ ( سيد محمود )
أما بالنسبة للفيديو بتاع 24 / 8 / 2012 وهو ده إللى ضاع منى بعد ما رفعته على اليوتيوب
وأنا سمعته كويس ومافيهش حاجة خارجة
وبعديـــــــــــن أنا زعـــــــــــلان منك يا أســـــــــــــــتاذ عادل ليه ؟ قول لى ليه ؟
وكمان ليه ؟؟؟
علشــــــــــان إنت سمعت أكثر من عدد 50 ألف وصلة مأمأة - طيب يا أخى كنت دونتهم
فى نوت مأمئية( نوت موسيقية ) علشان نعزفهم ونسمعهم بعد العيد ويفكرونا باللحمـــــــــة ومهرجانات
اللحـــــــــمة ولا إيــــــــــــه ؟؟
ههههــــــاها ها هههــــــــــههـــــــا
وشكرررررررررررررررررررررا
أخوكم
نور الصباح
اخى العزيز
هو موضوع الفيديو وتصوير الفيديو مشكلته
ان كان الاول بنصور بالكاميرات اللى بشرائط بجميع انواعها
يعنى الفى اتش اس والبيتاماكس
بعدين طلعت الكاميرات اللى زى بتاعتك وكانت اخطر مشكلة زمان لما طلع الكمبيوتر ان كان لما تنقل الفيلم على الكمبيوتر كان بيبقى حجمه فظيع وصورته رديئة
بعدين لما زاد استعمال الكمبيوتر
ظهرت برامج الضغط الاحترافية يعنى ممكن يتحط فيلم سينمائى طوله ساعتين وحجمه 200 ميجا
بس عشان توصل للنتيجة دى محتاجة اولا البرامج ودى مش عند اى حد وثانيا لازم واحد محترف يعلمك ازاى تستعملها ومن ضمنها اصلاح عيوب الفيلم يعنى الاضاءة وعلاج الصوت لو منخفض واهم مافيها المونتاج
بس هى اخطر مشكلة ازاى تاخد صورة نقية وحجم اصغر
والمشكلة كمان ان التكنولوجيا بتتطور كل يوم يعنى دلوقتى ظهرت كاميرات حديثة بتسجل الفيديو على الشريحة وكاميرات الشرائط دى خلاص بقت موضة قديمة
مع اطيب تحياتى عادل صموئيل