طلبات نوتة أ / عادل صموئيل الجزء الثانى

[عادل صموئيل]

الاخوة الاحباء
اولا كل عام وانتم بخير
هو الموضوع بتاع الفيديو زى ما انا فهمت من كلام الاخ العزيز محمد الآلاتى انه اثناء المكالمة التليفونية واللى طلبنى الاخ العزيز هيثم الصالحى من تونس .. واثناء ما انا بكلمه حصل حوار جانبى بين حد من الاخوة الاعزاء الموجودين
انا طبعا كنت مركز مع الاخ هيثم ماسمعتش كانوا بيتكلموا فى ايه
بس هو فيه ملحوظة يعنى اى لقاء والكل بيصور ويسجل لازم قبل اللقاء ده مايتعرض على الملاْ انو يتشاف ويتسمع كويس ويتعمل له مونتاج يعنى يتحذف منه الحاجات الزيادة ودى حتى ممكن تكون فترة صمت او الجرسون بينزل المشروبات ومن اهم فوائد عملية التنقيح دى انها بتقلل زمن الفيديو وبالتالى بيقل حجمه .. بمعنى انك لو سجلت 500 ميجا وسايب الكاميرا تسجل لو شلت الزيادات دى حتلاقى الملف بقى 200 ميجا وده بالطبع يديك صورة وصوت افضل وبيبقى سهل انو لما تنزله على النت ...
بعدين فيه اسرار سياسية يعنى مثلا لو حد سألنى عن كيفية صنع الملوحة .. ده سر من ايام قدماء المصريين لما الفيديو ينزل على النت والناس كلها تعرفه ما ينفعش لأن الاسرار دى الناس مش بتطلعهل ببلاش كده ولكن بتبقى داخل التبادل الثقافى بين الدول يعنى واحدة بواحدة يعنى احنا مثلا نعلم تونس الملوحة وهم يعلمونا ازاى بيعملوا الهريسة مش كده ولا ايه ؟
وبعدين يا اخى العزيز نور الصباح انا مش فاهم ازاى قعدت 7 ساعات قدام النت تنزل الملف ؟؟؟
يعنى الملف لو اخد اكتر من ساعة او ساعة ونصف مانزلش يبقى مش حاينزل اصلا
وناتى لموضوع اجازة العيد واللحمة ... انا عادل صموئيل ما اكلتش لحمة يعنى عشان ما اكذبش انا اكلت حتة من صينية رقاق محشى لحمة مفرومة يعنى قول فيها خمسة جرام لحمة .. بس دى ماتعتبرش اكلت لحمة
هو صحيح انا طول ما انا ماشى فى الشارع الاقى خرفان بتقول ماء ماء .. يعنى قول سمعت اكتر خمسة الاف وصلة مأمأة فى جميع المقامات لكن ما تعتبرش اكلت لحمة
اما كنت بعمل ايه ف العيد كنت حابس نفسى وبدون الاغانى اللى طالبها الاخ العزيز اشرف صدقى عشان الحفلة
اما باقى طلباتكم من الحان الموسيقار الكبير احمد صدقى ان شاء الله قريبا وللعلم انا الاسبوع ده فرحان بنفسى جدا لأنى عملت رقم قياسى غير مسبوق انى فى اسبوع دونت كمية كبيرة من الحان من العيار التقيل جدا جدا
وحانزلهم حالا ورا بعض
مع اكيب تحياتى