الطقاطيق والمونولوجات القديمة مكتوبة وروابط لها

**Islam Eidrisha** · #1 25/10/2012, 13h56

أخي الكريم elazf
الله يسلمك يا فنان ولا شكر على واجب
بين الأحباب مفيش جمايل

**Islam Eidrisha** · #2 25/10/2012, 14h05

291
علموني العشق بنات اليوم
محمد أفندي نديم

اسطوانات بوليفون
محمد أفندي نديم

علموني العشق بنات اليوم
من بدعهم حرمت النوم
دول علموني

كل يوم يلبسوا أشكال والوان
وكل ساعة دلع وخصام
دول علموني

مغرم يا حبيبي وزاد بي هيام
كتر وجدي يا ناس ما بنام
دول علموني

ده الحب ف فكري عمل أوهام
كتر وجدي يا ناس ما بنام
دول علموني

ده انا شوفت حبيبي واقف قدام
فرح فؤادي ياريت أنام
دول علموني

آنسني حبيبي وفرحنا قوام
ملا المدام وسكرنا تمام
دول علموني

الروابط

**auditt05** · #3 26/10/2012, 08h09

تسلملنا ودانك يا إسلام

**Islam Eidrisha** · #4 29/10/2012, 07h57

292
ده وقتك ده يومك
يا بنت اليوم

الست بديعة صادق
لحن الشيخ سيد درويش

ده وقتك ده يومكيا بنت اليوم
قومي اصحي من نومكبزياداكي نوم
وطالبي بحقوقك واخلصي من اللوم

ليه مانكونشي زي الغربية
ونجاهد في حياتنا بحرية
شطارة شاطرين قدارة قادرين
مين في خفتنا ودردحتنا مين

معانا شهادات ودبلومات
ونعرف بولوتيكا بالسبع لغات
ليه مانكونشي ليه زي الراجل ليه
قولولنا هو زايد عننا ايه

ليه جوزي اللي يتعب تملي
ليه يشقى وانا قاعدة في محلي
أتعاون في حياتي وحياته
وتروق له العيشة وتروق لي
إشمعنى في أوروبا الستات
لهم صوت في الانتخابات

إحنا كمان لازم نفوقهم
هنا في بلادنا ونبقى فوقهم
دي المصرية من نشأتها
مفيش زيها ست في بيتها
إن كان في محبة بلادها
واللا في تربية أولادها

الروابط
بديعة صادق

**Islam Eidrisha** · #5 29/10/2012, 07h59

اقتباس:

المشاركة الأصلية كتبت بواسطة auditt05

تسلملنا ودانك يا إسلام

وتسلم لنا نوادرك
ويبارك لنا في كنوزك يا دكتور محمد
لولاك ما سمعنا وما كتبنا

**Islam Eidrisha** · #6 29/10/2012, 08h06

293
على خده يا ناس 100 وردة

صالح أفندي عبد الحي

على خده يا ناس ميت وردة
قاعدين حراس دي مناهدة
و منين ينباس يا اخي ده ايه ده

يسمح لي قال نقعد سوا
أشكي له من نار الهوا
يتمنع ويقول لي يا ريت
يتدلع من دلعه بكيت
ما هوش عارف بلوتي
ما داقش حب ولا انكوى
يا اخي ده ايه ده

أنا قولت أحبك والنبي
والحب ديني ومذهبي
يستعجب من دي الأقوال
ويتيّه ده كله دلال
مش قادر احكم مهجتي
هو هوايا ومشربي
يا اخي ده ايه ده

يقول لي حاسب وجنتي
وإوعى تقطف وردتي
يتباعد عني وأدوب
و المهجه مش قادرة تتوب
يحرمني من نور طلعته
لكن بحبه يا قسمتي
يا اخي ده ايه ده

الروابط

**Islam Eidrisha** · #7 03/03/2013, 08h17

294
حبيبي فتني بحسن القوام

محمد أفندي أنور

حبيبي فتني بحسن القوام
وميل عليا سقاني المدام

ده انا يا روحي في حبك أميل
ليه التجافي؟! أسيرك عليل

خليت فؤادي لحسنك أسير
احفظ ودادي مالك نظير

قضيت زماني في عشق الجمال
ارحم يا قلبي وجود بالوصال

الروابط

**Islam Eidrisha** · #8 03/03/2013, 08h18

295
الربيع
هلت بشايرك يا هنا

فتحية أحمد

هلت بشايرك يا هنا
لما الربيع جه عندنا

الزهور فوق الغصون
فتحت ويا الربيع
والقمر قال للعيون
كل شئ حلو وبديع

والنسيم من بهجته
في الحياة زاد رقته
وانت وانا نلنا المنى
لما الربيع جه عندنا
هلت هلت

هلت بشايرك يا هنا
لما الربيع جه عندنا

ع الشجر كل الطيور
رددت لحن الجمال
والوجود سابح في نور
تاه في أوصافه الخيال

والنعيم لما اكتمل
في القلوب أحيا الأمل
واللي انضنا شاف الهنا
لما الربيع جه عندنا
هلت هلت

هلت بشايرك يا هنا
لما الربيع جه عندنا

الربيع دايما معاه
تلقى بدر الحسن لاح
والفؤاد شاف الحياة
لما عطر الزهر فاح

والكواكب في السما
للجمال متبسمة
واحنا هنا زاد بهجنا
لما الربيع جه عندنا
هلت هلت

الروابط