طلبات نوتة أ / عادل صموئيل الجزء الثانى

[الألآتى]

الإبنة جوليانا

فى المرفقات .. ستجدين المطلوب .. أرجو إبداء ملاحظاتك إن وجدت

[جوليانا]

الاستاذ محمد ...........ابوحسام
الف الف الف شكر لحضرتك وانا اسفه عاى تعب حضرتك وتلبيته بسرعه كمان حقيقى شكرررررررررررررررررررررررررا
واحب اقول لحضرتك انك هاتسعد ناس كتير بالعمل البسيط من وجهه نظرك لكنه امنيه في كل مدرسه محرومه من الفن والجمال
لك منى الف
اولا اشكر الاخ العزيز المايسترو محمود الآلاتى على مجهوده
الاخت جوليانا بعد ماتستقرى على الاعامل ترتبييها وتاخديها على فلاشة وفى كل مدرسة تخلى حد مسؤول عن الموضوع تنزلى لهم المواد على كمبيوتر وتخلى حد مسؤول عن الموضوع فى الطابور توريه ايه الاول وايه بعدين وهكذا حاتتعبى شوية بس بعدين الطوابير ان شاء الله حاتبقى 100%
مع اطيب تحياتى عادل صموئيل

[عادل صموئيل]

الاخ العزيز وائل
انت طلبت منى اعادة كتابة نوتة
سماعى حجاز جوكسيل التركى
انا طبعا مش بحب انقل نوت معمولة من قبل بالذات لما تكون الصورة مش واضحة لن عينى بتتعبنى
وعادة بدونها تانى لأن فيه فرق كمان طفيفة بين التسجيل وبين النوتة
انا قمت بتدوينها ومرفق النوتة ومرفق التسجيل الصوتى عشان اللى يحب يسمعها ويشوف النوتة

بس فيه حاجة انت فى نفس الوقت طلبتها من الاخ العزيز احمد الجوادى واعتقد انه بيفهم اكتر منى فى الموسيقى التركية لأنى ذهبت الى الموضوع وشاهدت انو منزل كذا نوتة وكذا تسجيل

يعنى ان لو شفت الموضوع ماكنتش حاكتب النوتة تانى
بس خلاص انا كتبتها وحانزلها
مع اطيب تحياتى

[ahmad_alahlawy]

أستاذنا الفاضل :
أتمنى لو وضعت أغنية فوق الشوك لعبد الحليم فى الخطة
بالاضافة الى الأغانى سابقة الطلب وهى :
1-بلاش عتاب لعبد الحليم
2-لست قلبى لعبد الحليم
3-الثلاثية المقدسة لام كلثوم
4-نجوى لعبد الوهاب
5-بكرة يا حبيبى لوردة
وشكرا

[وائل علوي]

المشاركة الأصلية كتبت بواسطة عادل صموئيل

الاخ العزيز وائل
انت طلبت منى اعادة كتابة نوتة
سماعى حجاز جوكسيل التركى
انا طبعا مش بحب انقل نوت معمولة من قبل بالذات لما تكون الصورة مش واضحة لن عينى بتتعبنى
وعادة بدونها تانى لأن فيه فرق كمان طفيفة بين التسجيل وبين النوتة
انا قمت بتدوينها ومرفق النوتة ومرفق التسجيل الصوتى عشان اللى يحب يسمعها ويشوف النوتة

بس فيه حاجة انت فى نفس الوقت طلبتها من الاخ العزيز احمد الجوادى واعتقد انه بيفهم اكتر منى فى الموسيقى التركية لأنى ذهبت الى الموضوع وشاهدت انو منزل كذا نوتة وكذا تسجيل

يعنى ان لو شفت الموضوع ماكنتش حاكتب النوتة تانى
بس خلاص انا كتبتها وحانزلها
مع اطيب تحياتى

حبيب قلبي واستاذي الغالي عادل صموئيل اشكرك من اعماق قلبي على النوتة وهي واضحة وسهلة جدا تسلم ايدك وعينك--بالفعل الاستاذ احمد الجوادي مشكورا كتبها ونزلها وصادف انه كتبها بعد ماطلبتها من حضرتك معلش زيادة الخير خيرين
ملاحظة مهمة في عزف السماعيات لابد ان يكون العازف متمكن جدااا وسامع العمل وعايش داخله حتى يستطيع ابراز جماليات وخلفيات كل نغمه وحرف فيه.. وتبقى النوتة استرشادية فقط ايضا هذا الكلام ينطبق على نوتات الاغاني بس السماعيات تحتاج جهد كبير لان جملها لايفهمها المستمع العادي وتحليلها يبدو معقد له
الف شكر مرة اخرى يا استاذي العزيز
مع خالص تحياتي
اشكرك يا وائل
انا حبيت ابسط النوتة على قد ما اقدر برضو عشان اهم حاجة بفكر فيها ان عدد اكبر من الناس يعزفها وانو يشوفها سهلة ويبتدى فيها هى بس حاجة مهمة فى الشماعيات بالذات او ميزان 10/8 انك بتشوف فيها دوبل كروشات كتير بس لو اخدنا فى الاعتبار انها بتتعزف بطيئة جدا هنا اعتقد تبقى سهلة لو ناخدها واحدة واحدة
هو اللى عطلنى شوية فى التدوين حاجتين اولهم العفق التركى
يعنى العازفين الاتراك فى الوتريات بالذات لما بيكونوا شاطرين اوى بيبقى حلياتهم صعبة شوية على اذن المستمع العربى
والتسجيل ينقصه حاجة خطيرة ينقصه كان عازف ايقاع يعنى اهم حاجة فى السماعى الايقاع وبالذات ال 2 تك فى آخر الموازير عادة لأنه بيوزن العزف ... يعنى انا مثلا لما بعزف سماعى من غير مايكون معايا عازف ايقاع بعمل تركيز انى بقول فى سرى التكوك اللى فى آخر الضرب دى بس ممكن الهاوى يقع فيهم ... المهم اتمنى تكون النوتة حلوة
مع اطيب تحياتى عادل صموئيل

[salhi_haithem]

السلام عليكم ورحمة الله
اخي وائل هذا سماعي اخر من تدوين الاستاذ عادل

☚ ** سماعى راست الاستاذ شربل روحانة ** ♪

استاذ عادل شكرا جزيلا على النوتة الحلوة
هيثم

[وائل علوي]

شكرا اخي هيثم موجود عندي مش ممكن يفوتني اي عمل لاستاذ عادل طبعا-- الملف الصوتي تبعها موجود لدي ايضا
مع خالص تحياتي

[salhi_haithem]

المشاركة الأصلية كتبت بواسطة وائل علوي

شكرا اخي هيثم موجود عندي مش ممكن يفوتني اي عمل لاستاذ عادل طبعا
مع خالص تحياتي

اخي وائل الملف الصوتي موجود في المشاركة في علامة الكروش ♪