طلبات نوتة أ / عادل صموئيل الجزء الثانى

[جوليانا]

السلام عليكم ورحمه الله وبركاته

الحمدلله الحمد لله
وبنشكررررك استاذ محمد على دورك المهم في السخافه اللى تعرض لها حبيبنا الاستاذ عادل وانهائها على اكمل وجه
ويااااااااااا جبل ما يهزك ريح

[salhi_haithem]

السلام عليكم ورحمه الله وبركاته
الى الامام استاذ عادل امتعنى بانتاجك الفني و العلمي و احنا معاك يا ريس و في انتظار جديدك... و جملتك الجميلة التى قلتها تكتب دموع العين حقيقة "انا راجل بتاع شغل يعنى بحب اشتغل اكتر مما اتكلم" .. و انا اتذكرت قصة لشيخ من المشايخ و العلماء حين ذهب الى المانيا للعلاج و هو كان يعاني من ذبحه قلبية و كان ذهابه خلسة الى المانيا بعيد عن الاعلام فحين وصوله كان الناس يتوافدون من كل مكان "من فرنسا و ايطاليا و اسبانيا" و كان الوفد الذي يصاحبه يعتذرون للناس لان صحة الشيخ لا تسمح و كان الشيخ حين يسمع صوت الناس يقول للمرافقيه استقبلوهم و كان يستقبلهم و يتحدث اليهم .. ثم اجرى العملية الجراحية و بقي اسبوعين في فترة نقاهة الى ان قال الى مرافقيه جملة عجيبة "انا لا اريد ان ابقى على هذه الحال بل اريد ان احياء" فأقاموا له عدة مؤتمرات و ندوات دعوية .. فكان يخطب لساعات و كأنه في صحة جيدة.. مختصر الحديث و العبرة ان حياته في الدعوة رغم المرض و كان يحس بالحياة في الدعوة و لا يكترث للمرض امام ما يحب فعله
هيثم
اشكرك يا هيثم
بالفعل انا كل يوم حتى لو مريض بموت لازم اكتب ولو كام سطر ولو تشوف على جهازى فيه نوت كتير من الاغانى اللى انا مش بفضلها اوى شغال فيها يعنى كل كذا يوم بكتب فيها حاجة لحد ما اخلصها
اما النوت اللى بفضلها دى خارج النطاق يعنى اغنية الويل الويل انا بحبها جدا اول ما قريت الطلب ابتديت فيها وخلصتها بعد ساعتين
والشىء الاهم ان فيه اغانى من الصعب ان حد يكتبها غيرى اولا عشان اشتغلت فيها وحافظ كل حرف وثانيا لو جبت افضل مدون فى العالم وقلت له اكتب اغنية 22 صفحة
بدون مقابل اكيد مش حيوافق لأنه حايقول فى الوقت اللى ادونها فيه اكون كسبت كذا الف جنيه ... وانا طول عمرى الفلوس مش فى مخى يعنى بكتب النوت واضعها فى المنتدى ومش عارف ممكن توصل لمين او فين ولكن اتمنى ان تصل الى كل الدنيا لأن فيه ناس اعتقد ممكن يستفيدوا منها ... وللعلم الاغانى اللى عدد صفحاتها كبير يعنى مجهدة جدا جدا وحتى لما انتهى من التدوين المراجعة بتكون محتاجة ذهن اكتر من التدوين يعنى فيه حاجات خطيرة جدا جدا زى الدليل اللى بيكون فيه علامة شرقية نصف بيمول بتتوضع بعد ما اللحن يخلص وانا اثناء التدوين بعمل لنفسى حاجة تبين ان المى نص بيمول مثلا تبدأ من كذا الى كذا وماينفعش اضع العلامة اثناء التدوين لأن لو عملت اى اختصار فى التدوين الشرطة بتتحرك وتلزق فى مكان مش مكانها واحيانا مش ممكن تنمحى تبقى النوتة فسدت كلها لننا بنتحايل على تصميم البرنامج نفسه لذلك لازم اكتب اللحن كله واستقر على الشكل والاخراج بعدين اضع العلامات الشرقة اللى فى الدليل
اما بالنسبة للإخراج برضو ده مشكلة يعنى فى لحن عسل وسكر مثلا هو طلع صفحتين وسطرين المفروض انى ممكن على الكمبيوتر ادخل او اسحب السطرين الزيادة على الصفحتيت عشان العمل يبقى صفحتين فقط ولكن حسيت ان شكل اللحن حايبقى مزنق شوية ... وللعلم انا بقرأ كل كلمة بيكتبها الاعضاء الاعزاء يعنى واحدة قالت لى من مميزات نوتى انها الموازير واسعة حلوة فى القراءة مش مزحومة وللعلم الزحمة ممكن تخليك تغلط مع السرعة يعنى لو تلاحظ لو انا ماشى كل مدرج 4 موازير لو جت مازورة زحمة يعنى فيها ايقاعات كتير بعمل طرد مازورة للسطر التالى ويبقى السطر 3 موازير
بس الموازير واسعة عشان تكون سهلة وواضحة يعنى المجهود مش تدوين فقط لكن حاجات تانية كتير ... ساعات بكتب لحن فى سرعة 100 بعدين اكتشف بعد خمس سطور ان شكلو صعب على المبتدئين بمسحه واكتبه تانى على سرعة 140 عشان تبقى لايقاعات اسهل اسا الموضوع انى بحب شغلى مش بشتغل عشان اى فائدة مادية
حتى فى الردود عليكم فيه ناس بنزل مواضيع وتستجدى الردود يعنى ينزل موضوع وكل ما واحد يرد عليه يرد هو عليه والتانى يرد تانى ونفضل موضوع واحد عليه 500 رد
انا هنا برد عليك لأنك فتحت موضوع ... لكن الردود العادية انا بقراها وحبكم فى قلبى لكن مش برد عشان ما ازودش عدد الصفحات والنوت تضيع وسط الزحمة
وعايز اقول حاجة طريفة جنب بيتى محل فول وطعمية بيشتغل فيه 3 اشقاء عندهم مرض الرغى والتوقف عن العمل يعنى لو هو بيعمل السندويتشات وواحد سأله سؤال يبطل شغل ويقف يرد ربع ساعة ونبهته كذا مرة انو يتكلم وهو بيشتغل بس مش نافع والمصيبة ان ال 3 اشقاء فيهم العادة دى المشكلة ان الصبح بيبقى فيه تلاميذ مستعجلين على الساندويتشات عشان يلحقوا ميعاد المدرسة
مع اطيب تحياتى عادل صموئيل

[عمرو الهنداوي]

أستاذ عادل
من فضلك لاتنسى موسيقا برنامج العلم والايمان
فقد طلبها الاخوة من مدة ولو مش عند حضرتك التسجيل لها
انا عندى تسجيل لها عالى الجودة اذا طلبت

كل التحية

[waleed.d]

شكرا جزيلا اخي العزيز عادل لعودتك الينا الله يديمك ويعطيك الصحه والعافيه ...
اذا ممكن نوتة ها حبيبي لكاظم الساهر ...
باحترام
وليد

[elarabi]

أخي الغالي الأستاذ عادل
اولا اهنؤ جميع الاعضاء بعودتكم لنا وعدولكم عن فكرة الاعتزال و اشكرهم على مدى التفاعل و الانضمام كرجل واحد ضد كل من يريد المساس بشخصكم الكريم.
ثانيا ابارك لكم العود المحمود لاحبابكم وتلامدتكم و هم امانة في عنقكم وبهدا تعانقوا المنطق العادل.و الموسيقى برمتها كلها منطق ترتكزعلى فكر سليم بعيد كل البعد عن التناقضات.
مع اطيب التحيات

[وائل علوي]

بارك الله فيك استاذي واخي عادل
والشكر والعرفان قليل بحقك على هذا السخاء
مع خالص تحياتيِ

[ahmad_alahlawy]

أستاذنا الفاضل عادل :
لا أجد ما أضيفه على كلام الاخوة و الأساتذة بالمنتدى سوى تذكرة لموقف و لحدث قديم
حتى عام 1967 كانت أم كلثوم مطربة كبيرة لها ثقلها فى الوسط الفنى...ولكن مجرد مطربة كبيرة لها بعض النفوذ و التأثير...تعرضت بالطبع للشائعات طوال مسيرتها منذ العشرينات و حتى ذلك التاريخ....وبعد النكسة تعرضت أم كلثوم لأسخف هجوم عليها طوال حياتها و اتهمت بانها احد اسباب النكسة وانها كانت تقوم بالهاء الناس الى آخر هذا الهراء
يشاء العلى القدير ان يكون هذا الهجوم هو نقطة تحول فى حياة ام كلثوم لتتحول من مجرد مطربة كبيرة الى رمز وطنى و ليست مجرد رمز فنى.....رمز وطنى غير قابل للمساس ولتصل الى مرحلة لا ابالغ اذا قلت انها لم يصل اليها اى فنان على مستوى العالم....يمكن الاستدلال على ذلك بالنظر الى طريقة استقبال ام كلثوم بالخارج مثلا....طريقة تكاد تكون شبه رئاسية
الخلاصة هى ان هذه السخافات و الترهات كلما زادت...فاعلم انها انما لعلو قامتك يوما بعد يوم....وان الطريقة المثالية للتعامل معها هى الرد العملى

[جوليانا]

السلام عليكم ورحمه الله وبركاته

الاستاذ الفاضل /عادل
الساده اعضاء المنتدى
ممكن اطلب طلب بس هو مش نوت هو انا محتاجه حد يرفعلى عزف بلادى بلادى وموسيقى رفع العلم والاغانى اللى بيطلع عليها الطابور لانى حاولت اسجلها على الموبيل طلعت وحشه في الصوت
اصلى انا بقيت موجه ابتدائى منتدب يعنى الموجه الاول لانى بستغل الحمد لله كويس فخدنى التوجيه المهم لافيت على المدارس لاقيت الدنيا سودا فى كحلى فاقترحت على مديرى المدارس انى هعمل الطابوروابعته لكل مدرسه عشان حتى يبقى فيه اختلاف في الطابور وبما انى مش محترفه خالص في الالكتونيات والتسجيل بيطلع وحش ومش مسموع فبعد اذنكم اللى يقدر يساعدنى يرفعلى الاعمال دى ويا ريت على الاورج او اكورديون
واسفه على التطويل وشكررررررا

الاخت العزيزة جوليانا
طبعا نورتى المنتدى
وانا اقول لك الف مبروك على التوجيه وزمان انا قلت لك انت المتميزين اللى زيك مكانهم التوجيه عشان يستفاد منهم اكبر عدد من المدرسين الجداد الللى محتاجين حد يقف جنبهم
ومشكلة الطابور دى مشكلة كبيرة لأن معظم المدرسين بيحصل عك او مش بيكون عندهم امكانيات يعنى لا الات او آلات خربانة .. او بيكونوا لسه ماكونوش تلاميذ ودربوهم على العزف لأن دى بتاخد وقت بالذات لو جداد مش متمرنين من السنة اللى فاتت وانا انصحك تخلى المدرسين يدربوا تلاميذ بالذات فى المرحلة الابتدائية للى جاى يعنى للسنوات القادمة يبقوا جاهزين
اما الحل السريع وهو التسجيلات انا ارجو من كل المدرسين اللى فى المنتدى واللى بيحبونى انهم يقدموا تسجيلات
المطلوبة بس يكون التسجيل نقى
بعدين الاخت العزيزة جوليانا تنزليها عندك وتاخديها على فلاشة وتخلى كل مدرسة تنقلها على الكمبيوتر ويذيعوها فى الطابور
مع اطيب تحياتى وشكرا مقدما لكل واحد حايساعدك

[فادي فيصل]

السلام عليكم ورحمة الله وبركاته

أنا أخوكم من الأردن وأعمل في الحقل الطبي في المملكة العربية السعودية، يتملكني حب الاطلاع والبحث العلمي كونه اختصاصي حيث أنني من الباحثين عن شتى أنواع العلوم بمافيها علم الموسيقى والعزف على الأورغ. سعدت جداً بمعرفة منتداكم الموقر وسعدت كثيراً بتفانيه وبتقديمه المعلومة بشكل منهجي وتعليمي. كما أشكر جميع القائمين على هذا الصرح العلمي الشامخ وأشكر جميع الأساتذة والدكاترة الأفاضل على مجهوداتهم المباركة في اثراء هذا المنتدى.

بكل فخر قمت بالانضمام حديثاً لداركم الكريمة لأستزيد من العلم والمعرفة ولأطلب النقاش والحوار المنهجي مع القديرين واصحاب الخبرة. لكني في حيرة من أمري من كثرة عدد المشاركات والمواضيع والأقسام والتي جعلتني أفكر أن مشاركاتي وأسئلتي قد لا يتم النظر اليها من كثرة غيرها. لذ أرجو التوجيه من المشرفين الأفاضل في احاطتي بالمكان الماسب لأضع اسئلتي واستفساراتي المنهجية عن علم الموسيقى والمقامات والاصطلاحات وعن الأسئلة المتعلقة بالنوتة العلمية والأهم من ذلك طلب النوتات.

أدرك انشغال الجميع بارك الله فيهم وبهم، وأرجو توجيهي عندما تسنح الفرصة أمام المشرفين الأكارم.

مودتي واحترامي للجميع.

أبو فيصل
الاخ العزيز ابو فيصل
يشرفنى ان اكون اول من يرحب بك فى المنتدى
اول حاجة نوعية الاسئلة اللى انت تحب تسألها عن ايه فى الموسيقى لأن الموسيقى مش بحر ولكن محيط
وانا احب اشجع كل الضيوف وكل محبى الموسيقى
اول حاجة ممكن تسألأ هنا سؤال او اتنين من اللى تحب تسأل عنهم ولو فى اختاصى انا تحت امرك اجاوبك ولو مش فى اختصاصى حا حولك على المختص
وبعدين انت لازم تدخل فى قسم العلوم والدروس تاخد فكرة اكيد حتلاقى مكان تستفيد منه او تلاقى اجوبة عن اسئلة فى ذهنك يكون حد سألها من قبل وحتلاقى اجابات واحنا هنا كلنا موجودين عشان نفيد كل الناس
مع اطيب تحياتى عادل صموئيل

[جوليانا]

السلام عليكم ورحمه الله وبركاته

استاذى الكبير عادل
شكررررررررا الف مره على ترحيب حضرتك الغالى عليا وبشكرك برده على اهتمامك بطلبى ربنا يخليك لينا
هوالمشكله عندنا في الاداره ان اساسا مدرسين ابتدائى مش موجودين اللى موجود هما الفرعى ومعظمهم كبر ومش عايز الموسيقى
فلاقيت ان ابتدائى معدوم على الاخر ففكرت اولا في الطابورازاى اساعد فيه المدارس
وهوكان الطلب تانى حاجه قررت انا الف على المدارس واحاول اطلع الموهوبين ولو ان ده صعب جدااااا بس انا بحاول عشان طبعا اولياء الامور واداره المدرسه ....الخ من كلكيع
لكنى بعمل اللى علياوربنا سبحانه وتعالى هو الموفق
وبشكررك تانى

الاخت العزيزة
انا كانت من اكتر المشاكل اللتى بتقرفنى وانا موجه وموجه اول مشكلة بتوع فرعى .. يعنى انا كنت زمان اول ما اتعينت مدرس كان فى معهد المعلمات وهم بياخدوا موسيقى فى سنة اولى وتانية وتالتة وفى رابعة وخامسة فرعى بياخدوا موسيقى برضو ولكن مخففة بس بإختصار يعنى واخدين شوية موسيقى لابأس بها
الكارثة انهم لما بيشتغلوا بيبقوا عايزن يبقوا مدرسين فصل او يتشعبطوا فى اى مادة عشان الدروس الخصوصية والمجاميع وبيستعبطوا يقولولا مانعرفش موسيقى وكذا مرة قلت لهم اتجمعوا مع بعض وانا اعلمكم ازاى تشتغلوا
او حتى تعملوا النصاب القانونى يعنى ثلث الجدول لكن المحاولات فشلت خافوا لا السبوبة تروح عليهم
علما احنا طلبنا من الخوة الاحباء اللى عنده تسجيلات وان شاء الله دى حاجة بسيطة ومش حيتأخروا
مع اطيب تحياتى عادل صموئيل