رد: أحب أشوفك كل يوم (محمد عبد الوهاب)
حقك عليا لو ضايقتك من غير قصدي يا انور
شوف صديقي
هاتأكد من الكلام اللي بتقوله عشان يقبل اكثر من تفسير
و لكن مبدئيا وجدت التالي
بالنسبة ل مقام العشاق المصري
هو المفروض انه تصوير ل مقام النهاوند علي الري
دا اللي انا اعرفه
و في ناس ب تحسب العشاق المصري
انه جنس نهاوند علي ري و جنس بياتي علي لا
و في المقدمة بتاعتنا : نهاوند علي ري و كرد علي لا
و عشاق تركي هو بياتي عربي .. كلامك تمام
احيانا يقال حركة و يكون مقصود بيها جنس الفرع
يعني ( و اعتقد ليس اكيد ) ان مقصود ان حركة عجم علي العشاق انه تم عزف جنس الفرع من العجم ؟ و لكن انا استبعد الكلام دا , مش منطقي الصراحة .. لأن جنس الفرع في المقدمة كرد صريـــــح
احيانا يقال حركة عجم برضه اذا كان اسلوب العزف سريع ( مهما كان نوع المقام ) و لكن انا برضه مش مقتنع بالكلام دا
انا اتبادل معاك اللي قريته برضه ..
و هارفق نوتة ل حضرتك من 10 موازير .. هي المقدمة , و حللها حضرتك عشان تقتنع .. هتلاقي ان مفيش عجم في الموضوع و ان المقدمة زي ما قلت ل حضرتك قبل كدة
تسلم علي تشجيعك للونجا .. دا من ذوقك و كرم اخلاقك
انت فين في اوروبا ؟ يمكن تيجيلي حفلة , او ازورك اجيلك اعزفلك اللونجا ب نفسي
تحياتي ل حضرتك
|
العرض الشجري