طلبات نوتة أ / عادل صموئيل الجزء الثانى

[عادل صموئيل]

احبائى
اشكر لكم شعوركم الجميل
هى المشكلة ان الفنان بيبقى حساس اوى ساعات ممكن واحد يضايقه بكلمة صغيرة يعنى واحد دخل على صفحتنا المتميزة والصفحة دى انا بقدم لكم فيها نوت بطريقة متميزة ماحدش بيقدم زيها او على الاقل انها مدرسة للمدونين الجدد يتعلموا منها التدوين كما يجي ان يكون سيقى ازاى عشان انا مش حافضل على طول وزى ما انا كنت امتداد لعظماء قبلى علمونى
والأعضاء اللى بيدخلوا الصفحة دى منهم محترفين والنوت بتاعتى افادتهم ومنهم مبتدئبن ومنهم متوسطين ومنهم مدرسين
يعنى ناس كتير جدا استفادوا من النوت ... وفيه اعضاء هواة للفن الجميل وممكن سميعة من الدرجة الاولى لكن مش بيعزفوا وبيحبوا يتواجدوا معانا ويشتركوا فى الحوار يسعنى بيسعدوا بالصحبة الجميلة او بيحبوا يقروا الدروس او المعلومات عن الفنانين اللى بيحبوهم ... وانا طبعا بخبرتى بعرف كل عضو ... زى مايكون عندك محل وبتعرف نوعية كل زبون بيدخل ... لما يدخل شخص فى طلبات النوت واعتقد عمره ماتعب نفسه وشاف اى نوتة من اللى انا مقمدمهم لأنو لو كان شاف اى نوتة كان على الاقل قال اى انطباع ... يعنى من كام شهر لما دخل الاخ اللى انتم سميتوه ملوخسيت وقال ان النوت بتاعتى كلها غلط ولازم حد يصلحها ... وتعجب انى كاتب جمل موسيقية من غير ميزان
وهو قال عن نفسه انو دكتور فى الموسيقى وانا ساعتها قلت مش ممكن اكيد واحد دكتور فى الموسيقى مايعرفش ان فيه حاجة اسمها ادليب ودى مش بتتكتب على ميزان اما بالنسبة للأخطاء اللى فى كل النوت دى انا تركتها لكم
يعنى مثلا الاخ العزيز وائل علوى كل نوتة بكتبها هو بيجسها حرف حرف وكتير بيكتب لى ان فى اغنية كذا
فى الصفحة كذا السطر كذا المازرة كذا انا نسيت اعمل علامة بيمول على حرف كذا طبعا كلمه بيسعدنى اولا لأنها مش غلطة من التدوين ولكنها بتبقى حاجة من الكمبيوتر ... الخلاصة انو عمره ماحس ان فيه تدوين غلط
حتى الاجزاء اللى بيحصل عليها خلاف زى مثلا فاكرين اهواك والكوبليه بتاع والاقيك مشغول وشاغلنى بيك
وهى مقام ايه وحوارات لاتنتهى انا حسمت الامر وقلت لكم البروفة لما كان عبد الحليم طلبها وطان عبد الوهاب موجود وقلت لكم ماحدش اتكلم فى المقام وقالولنا اعزفوا زى ماعبد الحليم بيغنيها .. واعتقد ناس كتير منكم عزفوها وخلصت ... لأن عبد الوهاب والسنباطى ممكن يعملوا حلية او حركة بتكون حاجة مش موجودة فى المقامات والحوار فى المقامات اللى مش محددة زى المقامات الاصلية فى درجاتها الاصلية زى الراست على دو البياتى على رى والنهاوند على دو وهكذا ... الحوار ده ممكن بيدخل فى رغى كتير واحيانا سفسطة واحيانا خناق مالوش لازمة ... يعنى هو ليه مدلولات عند الخبراء اوى ( زى المايسترو محمد الالاتى مثلا ) لكن مع المبتدىء يستحسن انك تعزفها زى وا انا كاتبها من غير ماتوجع مخك لأنك اصلا عايز تعزفها مش تدخل فى متاهة
لما نيجى للأخ التانى دخل الصفحة ومن غير ما يشوف حتى اى نوتة قال كلام كتير منهم كلمة ضايقتنى : انه خريج موسيقى وانه من عائلة كلها موسيقيين اباً عن جد وانه عمره ماسمع عن عادل صموئيل الكلمة دى وجعتنى اوى ... يعنى حتى لو واحد من موزمبيق وعمره ماسمع عن عادل صموئيل يبقى العيب عنده او يكون مش بتاع موسيقى اصلا ... يعنى انت لو مشيت فى الشارع وسألأت اى واحد يقابلك عن عادل صموئيل طبعا انا مش عبد الحليم حافظ مش اى حد سمع عنى غير اللى ليهم علاقة بالموسيقى وبالذات النوت الموسيقية
يعنى اكيد اللى بيعزفوا ربابة ومزمار بلدى فى الموالد مايعرفوش مين عادل صموئيل .... لكن على الاقل شوفوا انا منزل هنا كام نوتة متميزة ( زى ما انتم بتقولوا ) والنوت دى اعضاء كتير بيعتزوا بيها وبيحاولوا يقدموها للى مايعرفونيش فى منتديات تانية يعنى انا النوت بتاعتى بتنزل فى يمكن 100 منتدى فى جميع انحاء العالم
يعنى كتير وانا بقلب فى النت الاقى نوت ليا فى منتديات انا معرفهاش اصلا ... وبعدين الاخوة الاعزاء اللى قابلونى مرتين فى الاوبرا هل اللى قابلتوه ده كان شبح مالوش وجود اصلا ؟
حلوة حكاية شبح الاوبرا دى انا قريتها فى رواية فرنسية زمان على فكرة
يعنى وزارة التربية والتعليم خلال ال 30 سنة الماضية على الاقل ما اعتقدش فيها مدرس او موجه موسيقى ماسمعش عن عادل صموئيل إلا اللى مش بيستعملوا النوت الموسيقية
عموما اعتبرونى فى اجازة عشان مخنوق شوية ( كتير )
بس احلى حاجة عودة الابنة العزيزة جوليانا والف مبروك ل الابنة ميما هيما التخرج
واشكركم جميعا فرداً فرداً
مع اطيب تحياتى شبح الاوبرا

[dorame]

يا أستاذنا الفاضل عادل صموئيل
دع الكلاب تنبح والقافلة تسير فانت مدرسة تسير بتلاميذ كثر فلا تجعل كلام زي المطب يعيقك ويقنا معاك

[نور الصباح]

وإن كان عــــــــــــــلى قــــــــــــــول العزال ****
خللى اللى يقـــــــــــــــــــــول يقـــــــــــــــول
**********************
*****************
************
*******
***
*
وشكرررررررررررررررررررررا
أخوكم
نور الصباح

[نور الصباح]

يــــــــــا عــــــــــــــم سيبكـ من ده كـــــــــــــــله
ولا تعطــــــــــــــــــل ما بدأتــــــــــه وما بنيـــــــــــــــته
من ســـــــــــــــنين
ولا يهــــــــــــــمكـ يــــاريـــــــــــــــس
وإلى الأمــــــــــــــــــام دائـــــــــــــــــــــــــما
وشكررررررررررررررررررا
أخوكم
نور الصباح

[عزت شحاته]

استاذىالجميل / عادل صموئيل
تحية تقدير واجلال من احد تلاميذ مدرستك الذى يجلك ويعزك ويحمل لك اسمى معانى الحب
استاذى
لى مدة بعض الظروف منعتنى من دخول المنتدى بشكل منضبط . وعندما عدت اجد هذه المفاجأة؟
استاذى
هل تعلم ما فعلته بنا بتدويناتك ؟
انا مثل كثيرون يعشقون عملهم كمدرس موسيقى ولكن كان ينقصنا اشياء كثيرة انت فقط من قام بتوفيرها لناوقدمت العطاء من فكرك وابداعك بلا مقابل ولم تطلب شىء غير ان نطلع ونذاكر ونعزف ونسألك وتجيب وتحلل وتحكى
استاذى
انا اتذكر جيدا عندما شاركت بأول مشاركه لى
عندما دخلت المنتدى ووجدت هذا الجو المضى الممتع وهؤلاء الاصدقاء الذين جمعتهم حولك
قلت وكتبت بشكل هيستيرى
( انا صح - وان المبادئ لا تتجزأ - وانى عشت طول عمرى اظن ان الموسيقى فن ورسالة- وصدق ظنى )
استاذى
انت من علمنا العطاء - انت من عرفنى ان هناك من هو فنان بارع نضيف ابن ناس استاذ سخى معطاء
استاذى
لم اكن اتصور مرة ان اكتب لك كلمة ( لا )
ولكنى ساكتبها
لا لالالالالالالالالالالالالالالالالالالالالالالالالا لالالا
لقرارك - نحن نرفضه - نحن ابناءك وتلاميذك ف كل القطر العربى
ونرجوك ان ترجع عن هذا القرار

[الألآتى]

أصدقائى الأعزاء

لا أحد يزايد على محبة الأستاذ عادل صموئيل فى قلوبنا جميعاً

ولا أحد ينكر جهده وفضله على قسم النوت ..

ولا أحد ينكر مدرسته التى إفتتحها هنا وأفرزت أجيال من المدونين

أصدقائى .. تابعت منذ البداية الأزمة التى حدثت وعرفت أسبابها وقرأت كل ما قيل وما كُتب

من المدعو إيهاب .. ولقد كانت لى صولات معه فى قسم الإستفسارات الموسيقية .. وتحملته طبعاً

لأنى صادفت هذه النوعية كثيراً .. هذه النوعية من الأعضاء اللذين يسجلون فى المنتديات خصيصاً لزرع الفتنة وإستفزاز الأعضاء والمشرفين

لذا فقد قمت بالإتصال بالأستاذ عادل صموئيل .. وطيبت خاطره .. وتفهم الأمر

ولم يكن ليتحمل أن يترككم .. أو يستغنى عنكم .. لكنها طبيعته الفنانة .. التى لم تتحمل هذا الإستفزاز

وبعد .. فقد قمت بحظر العضو إيهاب .. وإذا دخل بعضوية أخرى فإننا سنتابعه

لأننا لا ولن نستطيع أن نستغنى عن أحد أعمدة المنتدى وقسم النوت

فلطالما حدثت مثل هذه المشاكل .. ولم نتوانى عن حظر من هم أكبر قدراً من المدعو إيهاب وأمثاله

وسيظل منتدى سماعى أكبر من الجميع

[mahmoud feteih]

الاستاذ محمد الالاتى انت كده عملت الواجب نيابة عنا جميعا وانا باشكرك شكر خاص