اقتباس:
المشاركة الأصلية كتبت بواسطة ehabalaaeldin
استاذ احمد
قرأت النهاردة موضوع الكونشرتو و كنت مبسوط جدا جدا .. انا احب جدا قالب الكونشرتو, و فهمت زيادة عليه يعني ايه كادينزا .. و انتظر شرح حضرتك للفارق بين السوناتة و قالب السوناتة ! انا محتار في النقطة دي ! انا اعرف ان السوناتة حسب فهمي البسيط هي موسيقي من 3 او 4 حركات و مكتوبة خصيصا لألة البيانو فقط .. و الامثلة كتير من موسيقي بيتهوفن و غيره ؟ هل معلوماتي غلط ؟ و لا منقوصة ؟ لو غلط او منقوصة ارجو التصحيح
بالنسبة لموضوع الموازين
الموضوع كبير جدا .. و انا فرحان بيه جدا
استوعبت حاجات , و حاجات تانية لأ , و لكن لما سمعت الامثلة الصوتية فهمت في الحال ايه قصدك
مثلا تغيير الميزان من نوع ل نوع و تأثيره علي الايقاع المصاحب , انا كنت سألت حضرتك قبل كدة , و حضرتك جاوبت مشكورا علي النقطة دي وفهمت ساعتها .. و لكن كان التركيز محور السؤال الاخطاء في الكتابة .. النهاردة اكتملت الصورة تماما عندي و تيقنت و الفضل يرجع ل حضرتك في شرحك الوافي
و نقاط تانية حضرتك غطتها بالكامل مدعمة بالنوتات و الامثلة الصوتية
انا فهمت موضوع الموازين تقريبا بالكامل بدون منغصات .. و لسه محتاج اقراه تاني و تالت و كذا مرة , بالنسبة لي مرجع مهم جدا
من اعماق قلبي
خالص تشكراتي و تحياتي و تقديري علي المجهود الوافر
و في انتظار موضوعاتك القادمة
تمنياتي بدوام الصحة و العافية
|
صديقي الحبيب أستاذ إيهاب المحترم
شكرا جزيلا لك، والحمد لله أن الموضوع أعجبك.
أرجو منك أن تضع سؤالك في موضوع الكونشيرتو والكادينزا لكي يكون الرد في المكان المناسب، لأنه سؤال مهم جدا.
فيه حاجات جاية كمان.
خالص محبتي
أحمد الجوادي
رد: أسئلة حول نظريات الموسيقى العالمية، يرد عليها أحمد الجوادي
العرض الشجري