احبائى
اقدم لكم من روائع محمد عبد الوهاب
انا والعذاب وهواك
طبعا زى مرات كتير وبالذات مع عبد الوهاب كل لحن بيبقى لو قصة او فيه إن
اى شخص عادى لما بياكل طبق جديد عليه ممكن مايعرفش اساره او معمول ازاى .. لكن لو طباخ شاطر واكل طبق ابانى مثلا ممكن يستكشف سره .. لكن مع عبد الوهاب حتى الطباخ الشاطر ممكن يستكشف جزء من السر لكن يبقى جزء كبير من السر طلسم ماحدش يعرفه..
انت لما تسمع اللحن ده هو كرد على النواه ( او على اليكاه ) طبعا عبد الوهاب عمل الحان كتير جدا نفس المقام لكن زى كل مرة لازم يعمل شىء غريب .. انا حسيته اول ما الكنجات دخلت فى المقدمة .. حسيت انهم مش الكمنجات بتوعنا ( اللى هم عازفى الفرقة الماسية او فرقة ام كلثوم ) حسيت انهم اجانب يعنى من نكهة الكمنجات حسيت انهم ظابطين الطكمنجات افرنجى ( او غربى ) حسيت على طول انى مع اوركسترا القاهرة السيمفونى واللى كان 90% من العازفين فيه اجانب زمان .. ومن المصاحبات حسيت بنكهة اندريا رايدر المتميزة .. ولما دخل بنات الكورال حسيت انهم مش الكورال بتاعنا اللى انا حافظ نكهة اصواتم ولكن دول كورال الاوبرا .. ولما جيت ادون الكوبليه الثانى اصطدمت بالسر الخطير اللى كان عند اندريا رايدر الردود فيها الطلاسم اللى ماحدش لا يقدر يدونها ولا يقدر يعزفها لأنو كان بيمعل لو الرد كمنجات .. بيقسم الكمنجات 3 مجموعات وبيحصل تداخل بينهم بحيث انك ماتقرش تميز كل مجموعة بتقول ايه يعنى بتبقى سامع خليط متجانس اوى اوى لدرجة انك من المستحيل تقدر تميز مكونات كل لون فيه على حده وده السر اللى بيخلى ماحدش لا يقدر يفهمه ولا يفكه من بعض .. لأن لو حصلت ( ومش حاتحصل ) لو حد فك الطلسم حايدونه ولو دونه اكيد ممكن يتعزف ... وزى ماقلت قبل ان اندريا رايدر كان بيلم الورق بتاعه وهو ماشى يعنى انا لو عازف كمان من المجموعة الاولى مش عارف بتاع المجموعتين التانية والثالثة كانوا بيعزفوا ايه .. وده التميز الخطير بتاع اندريا رايدر عالميا ... يعنى الكلاسيكيين امثال بيتهوفن وموتسارت فى معهد الكونسرفاتوار هناك خبراء متخصصين بيدرسوا الطبلة وبالذات اقسام التوزيع او التأليف الموسيقى المألفين العظام دول كانوا بيوزعوا ازاى وده مش بالفكاكة لكن من النوت الموجودة من 300 سنة .. فيه ملحوظة مهمة شوفوا اللحن زمنه اد ايه كام دقيقة وعبد الوهاب خلا اندريا رايدر يوزع منه كام ثانية .. وده للحفاظ على اللحن .. دلوقتى فيه موزعين ياخدوا اللحن من الوه لآخرة ويطلع حاجة الملحن اللى ملحن اللحن مايعرفوش لو سمعه .. من ضمن الحاجات المهمة اللى انا لاحظتها ان اى مغنى لما يغنى على الاوركسترا السيمفونى لازم يلتزم باللحن او النوتة االمكتوبة امام العازفين حرفياً
ولكن عبد الواب لو تلاحظ فى الكوبليه الاول بالذات انو كان بيعمل تصدير وتجويد ,, وخطورة الشىء ده ان فى الفرقة العربية العازف بيبقى عبنه على النوتة لكن جزء كبير من اذنه مع المطرب .. لكن فى السيمفونى العازف بيمشى على النوتة زى القطار مالوش دعوة بالمطرب لأن المطمغنى فى السيمفونى بيقول اللى فى النوتة وده امر مفروغ منو والكلام ده مش مجال للمناقشة اصلاً ... وبرضو دى من عبقريات عبد الوهاب والمايسترو اندريه رايدر ازاى تعمل ترويض للموسيقيين دول انهم مش متعودين على اللون ده ومايلخبطوش لما المغنى بيغير فى الايقاعتا داخل المازورة
اترككم مع اللحن مع اطيب تحياتى
ملحوظة مهمة : فى صفحة رقم 2 آخر سطرين اول مازورتين فيهم تفعيلة غريبة مش متداولة بس اللحن كده وماتتكبش غير كده
يعنى حتلاقى كروش منقوط بعدين 2 كروش بعدين كروش لو حسبتها حتلاقى المجموع اتنين نوار ولو عندك برنامج انكور او اى برنامج اكتب الجملة وامعها حتلاقى اللحن صح كده هى صعبة شوية فى القراءة بس انا بعمل تبسيط فى حدود عدم المساس باللحن
رد: طلبات نوتة أ / عادل صموئيل الجزء الثانى
حجم الملف : 13894.683 KB
العرض المتطور
