كــلـمــات أغانى مــحـمـد قــنـديــل

[M O H A M E D]

كلمات : محمد ريحان
ألحان : محمد الموجي

بحـــرين مـــن الفيـــــروز

يــــــــا عيـــن و صلـــي ع النبـي

شــوفي الجمـــــال و استغـــــربي

دا حبيبــــــي يقعـــد مطرحـــــــك

يـــــا شمــــس و انتـي تهربــــــي

عيــــــــــــون حبيبــي كنــــــــوز

بحـــــــــرين مـــــن الفيـــــــروز

أمـــــا الرمـــــــــوش شطيـــــــن

رسْيت مـــــا بينهــــم مــركبـــــي

قضيت حيــاتي كلهــــا مـــــــلاح

تــايه أنا فـ دنيا الجمــــــال سوّاح

بتمنى اشوف قلب اسكنه و ارتاح

و فـ لحظـــــة مـــش ع البـــــــال

سهّــــــــــاني قلبــــي و مــــــــال

ســاعة مـــــا شــــــاف الخــــــال

بيطــــــل تحــــــت الشــــــــــــال

و بنن يضوي ضي سحـره حــلال

غنى القمـــــــر على قصته مــــوال

أتـــــــاريه حبيبــــــي و النبــــــي

ارتـــاح يا قلبــي بين عيونه و نام

و مــن النهـــــاردة حقـق الأحـلام

ارتـــــاح و ودّع قســــوة الأيــــام

له بسمــــة رقـة .. و شفــايفه نبقة

و الحـب بينــا هايعيــش و يبقــى

و خدوده مش خدين دي غمازيتين

تفاحــة مقسومــة مــا بيـن الاتنيـن
أتـــــــاريه حبيبــــــي و النبــــــي

[M O H A M E D]

كلمات : علي التركي

ألحان : أحمد صدقي

مــن زمــان

من زمـان .. قلبي يحبك
من زمان
و انت عارف يا حبيبي
من زمان

فاكـر سنين العمـــر
و أيــــام الغـــــرام
كان ويا طيـر الفجر
ببعـت لـك ســـــلام
و استنــى سلامـــك
و اتمنـــى كلامــــك
عــن نصيب القلــب
مـن يـــوم الحنــــان
دا انـت غــــــالـــي
و الغــــــــــــلاوة ..
مـــــــن زمـــــــان

اســأل عيـون الحب
عـــن شوقــي إليـك
تلقـى شعـاع القـلـب
بينـــوَّر عليــــــــك
و يحــرس مكانـــك
و يغنـي عشـــــانك
هــــــو حبـــي لــك
نسيتــه والا هـــان

دا انت مش هاين عليا
مـــــــــن زمـــــــــان

لما يـــــوم الـــــود
يخطر لـك في بـال
يبقى يــوم السعـــد
و افـرح بالجمـــال
و اعـاتبك يا غايب
عتــــاب الحبــايب
هــــــو حبــي لــك
نسيتـــه والا هـــان

دا انت مش هاين عليا
مـــــــــن زمـــــــــان

[M O H A M E D]

كلمات : حسين السيد

ألحان : محمد الموجي

مقــدار ســواد الليــل

مقــدار ســــواد الليــل

أهــل الـــود عشقـوني

و نهــار ما فــات الليل

فــــاتوني و نسيـــوني

و شبكــوني و سابوني

مقــدار ســــواد الليــل

حلفـــوا علـــى عهدين

عهــد الهـوى و عهدي

مـا يخلوا دمعــة عيــن

تخطــر علــى خــــدي

و عــاهدتهم بالــــروح

عمــري مــا ابيـع ودي

و بعــد الفجـــر بشويــة

لاقيت الدنيـــــــا حواليا

لا ضحكة ترد روح فيا

و لا كلمــــــــــة بحنيـة

أتاري الكــــــل نسيوني

و شبكــوني و ســابوني

مقــــدار ســــواد الليــل

غنـــــــوا و انـــا غنيت

للحــــب و الأحبـــــاب

مـن كــــل معنــى بيـت

عـامل فــــرح ع الباب

صــــــدقتهم و نسيـــت

إن الهــــوى كـــــــداب

و بعــد الفجـــر بشويــة

لقيت الحـــــــب حواليا

كلام غنــوة ماهيش ليا

و حتى الغنـوة مش هيا

أتاري الكـــــل نسيوني

و شبكـوني و سابــوني

مقــدار ســــواد الليــــل

يــا مسهــــرين الليـــــل

على كلمـــــة أو ضحكة

عقــد النجـــــوم خـــدّاع

لا هو مهـــر و لا شبكة

و الليــل حبايبه ساعات

بيتوهوا فـــــي السكــــة

و بعــد الفجـــر بشويــة

هيجرَى مــــا جـرى ليا

حبيب ظالـــم غــدر بيا

و لسه دموعه في عينيا

أتاري الكـــــل نسيوني

و شبكـوني و سابــوني

مقــدار ســــواد الليــــل

[M O H A M E D]

كلمات : زين العابدين عبد الله
ألحان :محمد قنديل

آه م الحبايب

آه مـن الحبـــــايب كــلهم .. قاسيين تملـِّى فى حبهم
لا بينصفونا و لا يرحمونا .. و برضه نسأل عنـُّهم

رحت اشتكى لاهل الهوى ، لما التقيت قلبي انكوى
سـألت فيــن ألقـى الدوا .. قالــوا يا ريت نلقاه سوا
دول شافوا زي اللي جرالي
و حــال غرامهم من حـالي
و ليه حبايبنا لما الهوى يصيبنا
لا بينصفونا و لا يرحمونا .. و برضه نسأل عنـّهم

شفت الحبيب قلبى انشغل و فضلت أبنى لى فى أمل
و بعد ما الحلم اكتـــمل .. رجـعت اقـول إيــه العمل
و بين حبيبى و عزولي
أسمع حبايب يقولولي ..
و ليه حبايبنا لما الهوى يصيبنا
لا بينصفونا و لا يرحمونا .. و برضه نسأل عنـّهم

كان ظني أيـــام الهنـــا .. هاتدوم ونســـعد بالمنــــا
لكن لقيت قلبى انضنى .. و اللى انظلم فى الحب انا
و عوازلي بعد ما حسدوني
لما انكويت جُم يواســـوني
و ليه حبايبنا لما الهوى يصيبنا
لا بينصفونا و لا يرحمونا .. و برضه نسأل عنـّهم

[الألآتى]

الفرسان القناديلية

الباشمهندس محمد على

الدكتور محمد السلامونى

من فضلكم كلمات أغنية ( الصبح بدرى )

علشان أنا شغال فيها دلوقتى .. وفيه كلمة واحدة مش فاهمها ( مش سامعها كويس )

فى الكوبليه الأول

ده صبح نادى عليك ياجميل .. ياروح بلادى يانهر النيل

بنغنى ؟؟ جيل ورا جيل .. بنغنى فيك ونعيد ونقول

ده صبح نادى على بلادى .. عليك ياوادى النيل

( الكلمة المفقودة مكان علامات الإستفهام )

[د.حسن]

المشاركة الأصلية كتبت بواسطة الألآتى

الفرسان القناديلية
الباشمهندس محمد على
الدكتور محمد السلامونى
من فضلكم كلمات أغنية ( الصبح بدرى )
علشان أنا شغال فيها دلوقتى .. وفيه كلمة واحدة مش فاهمها ( مش سامعها كويس )
فى الكوبليه الأول
ده صبح نادى عليك ياجميل .. ياروح بلادى يانهر النيل
بنغنى ؟؟ جيل ورا جيل .. بنغنى فيك ونعيد ونقول
ده صبح نادى على بلادى .. عليك ياوادى النيل
( الكلمة المفقودة مكان علامات الإستفهام )

بعد إذن الفرسان القناديلية
الكلمة هى ( بإسمك )
بنغنى بإسمك جيل ورا جيل
أى خدمة أخى الغالى مايسترو المنتدى
مع تحياتى

[الألآتى]

المشاركة الأصلية كتبت بواسطة د.حسن

بعد إذن الفرسان القناديلية
الكلمة هى ( بإسمك )
بنغنى بإسمك جيل ورا جيل
أى خدمة أخى الغالى مايسترو المنتدى
مع تحياتى

يادى النيلة .. إيه الطرش ده إللى صابنى

تصور يابو مصطفى صح .. هى فعلاً ( بإسمك )

ربنا مايحرمنى من عطفك ولا من نفحاتك