اغنية مسير الشمس

**جابر المراغي** · #1 17/08/2012, 09h18

استاذ/ الاتى بداية قبول المعذره لدخولى لاننى وجدت باب دعوه على أغنيه مغلق ايا كانت اسباب الغلق ارجوك سيدى القاضل عندما يسمح وقتك تحليل اغنية بينى وبين قلبى حكايه مالهاش فى العمر نهايه تأليف الشاعر السكندرى / محمد على أحمد وتلحين السكندرى/ خليل المصرى ( وكيل معهد الموسيقى الاسبق وخال / قائد الجناح وعضو مجلس الثوره ونائب رئيس الجمهوريه الاسبق والسكندرى / حسن ابراهيم وهى من بواكيرغناء العندليب وتقول كلماتها بينى وبين قلبى حكايه مالهاش فى العمر نهايه بينى / يشاركنى فى صفو غرامى يسعدنى فى وقت آلامى ويجيب سيرتك فى منامى ورضاك عالقلب كفايه بينى وبين قلبى .......... الخ /وان جانى الليل يحكى لى عنك ويطول ليلى أسهر وأسبح فى خيالى ويبات سهران ويايا بينى وبين قلبى ...........الخ / وان طال بعدك عن عينى يحلف لى انك هاتجينى وان شافك بتهنينى الاقيه بيغنى معايا بينى وبين قلبى .................الخ / وان كان غيرك يشاغلنى يخاصمنى ويبعد عنى ويروح يشكى لك منى وأناديه مايفيدشى ندايا بينى وبين قلبى .........الخ الاغنيه دى ياأستاذ محمد مجننانى بجد ساعات احس ان الكلمات متفوقه على اللحن والغناء وساعات احس ان اللحن متفوق على الكلمات والغناء وساعات احس ان الغناء متفوق على الكلمات واللحن وساعات احس ان عبد الحليم بيقول للكل انا اهوه على العموم ابوحسام ان كان دخولى هنا مخالف فارجو ان تجعل تلك الاغنيه فى قائمة الانتظار وتحللها وقتما تشاء مع جزيل شكرى سلفا

**الألآتى** · #2 17/08/2012, 10h18

اقتباس:

المشاركة الأصلية كتبت بواسطة جابر المراغي

استاذ/ الاتى بداية قبول المعذره لدخولى لاننى وجدت باب دعوه على أغنيه مغلق ايا كانت اسباب الغلق ارجوك سيدى القاضل عندما يسمح وقتك تحليل اغنية بينى وبين قلبى حكايه مالهاش فى العمر نهايه

طلباتك أوامر ياأستاذ جابر .. ودعوة موسيقية غير مغلقة ولم تغلق من قبل فى وجه الحبايب

إن شاء الله أعمل على تحليل ماطلبت .. فى القريب

**حسن كشك** · #3 19/08/2012, 02h30

يا محمد باشا يا الاتى
كل عام وانت بخير وعيد سعيد
عليك وكل اسرتك واحبابك

.....

انا حاجز دورى .... الاول بعد العيد
فى اغنيه حلوه
عشان تفصصهالى

بس بعد العيد يامعلم

انا حاجز اهو ... ما تركننيشِ

**الألآتى** · #4 19/08/2012, 11h14

اقتباس:

المشاركة الأصلية كتبت بواسطة حسن كشك

يا محمد باشا يا الاتى

كل عام وانت بخير وعيد سعيد
عليك وكل اسرتك واحبابك

.....

انا حاجز دورى .... الاول بعد العيد
فى اغنيه حلوه
عشان تفصصهالى

بس بعد العيد يامعلم

انا حاجز اهو ... ما تركننيشِ

ماعاش إللى يركنك يابو ميدو .. ده إنت من الحرس القديم