الشاعر الشعبي عادل الغزالي

[عادل الغزالي]

العيب بعيب والزينه بزينه
نرضوفيك ما ترضاه فينه

في شرعة العالم
العيب بعيب والبادي الضالم
كان تريد نوطو راك حالم
مامن زول قبلك ناضرينه

والزله بزله
كيف تريد نرضو بالمذله
لوبالصوب قلبك ما تمله
ما نبوك في الحومه تجينه

والسيه بسيه
شرع الله ما فيشي خطيه
تجي بقدار تاخذهن وفيه
نزهو بيك وتوالف علينا

[عادل الغزالي]

نلقانــــي أنظريـــت
يرزن عيونك سود ومفاليــت
نلقانــــي في حالــي
يم الحجاجي دايرات هــــلال
عدي الدليل وشــــــــال
وفي جرّتا نلقاني خفيـــــت
نلقاني ملتــــــاع
ورا خزرتــك يم العيون أوساع
ليلي كمل بوجــــــــاع
حارم علي النوم ماغفيــــت
يرزن أتقول أرمـــاح
شقن دليلــي دابرات أجـراح
يانا اللــــــي منـــزاح
ارموشك عجيبا كيفهــا ماريت

[عادل الغزالي]

جيتي اصدافه ( بورجيله )

جيتي اصدافه جرجرك مكتوبك
وياعين هونتي سريبه دوبك


جميل اوصافه
يادوب هونتي سريب اريافه
ياعين مكتوبك رماك اصدافه
جدن مخاطيرك تحايا صوبك


جرجرك قدامه
نين ما انسيتي لوعته وايامه
واليوم ياهو عاودك لوهاما
عليه اذرفي كبي غزير شبوبك

اصدافه جيتي
ماهوش في نيتك ولا في نيتي
منعاتبك ياعين كان بكيتي
هو شوق لوعاتك هو محبوبك

[عادل الغزالي]

بما طولك يا ليل شقـــاي
أتحــن معـــاي
أنريـدك تبقالي عـزاي


تـعــزي بالنــــوم
أنريـدك نا فـفراقــه دوم
بما طـولك ياليـل همــوم
وزاد بـلاي
عليه واخـذ كان دوم معـاي


يا ليــل كـــدر
أمبدلـي بالنـوم جضـر
بروحي فـي ليلك ساهـر
ويــش خطـاي
أعهــودي نا ماني نساي

[عادل الغزالي]

انراجو ياعيني لقــسام
اللا الغــــرام
ربيع وصيوره ينظـام

كي كـل ربيــع ايجي وآنه يذبل ويضيــــع
حلف قلبي ماعاد ايطيــــع
وما يلتام
القي الصــوب مشـيـد بوهام

اللا غاليـــك
تبيــع وصيوره ناسيـــك
أنراجو نين القسم ايجيـــك
ايقــول كـــلام
أيـــدوم معانا لاقـــدام


لقسام ايجن
انراجــو نيـن الله ايحـــن
ايجيـب اللي رايـــــد لكن
معا ليــــام
ايقوم اللي عمرا ما قــــام

[عادل الغزالي]

حلمك عليّـا ياحبيبـي

وصبـرك اشــــوي

يادوب والفـت الغــلا مازال عـودي نــي

سوال النبي حلمك عليّا ياحبيبي صبرك أشوي

ماسهرت قبلـك ليــل ولا قدت عـمري شمعه

ولاضقت طعم الويــل ولاباه سالت دمعـــه

الخوف كايدنـــــي

بالله ساعدنــــــي

حلمك عليّـــــــا ياحبي وصبرك اشــوي

نلقاني ماحمـــــلت نظـرة العين فالعـيـن

مازال ما والفــــت بدري علـــي يازين

أصـبر وسايرنـي

وعالقرب عودنــــــــــــي

حلمك عليّا ياحبيبـي وصبرك أشــــوي

حلمـك اشويــا والعلل إيجي بالمهــل

ونقول مافالبـــال

صبرك عليّـا خوفي اتـكـل ومنـي اتـمل

وماعاد في أتـسـا ل

وماعــاد توعدنـي وعنــك تباعـــدني

حلمك عليّـــا ياحبي وصبرك اشــوي

[عادل الغزالي]

حساد شيّالة خبر متصدقيهم يوم

واللي عيونه فالقمر ما تشغله لنجوم

****************

حساد قالولك كـــــلام يحكو عليك وعني

ياما حكولي من مـــلام وما فيك خيب ضني

إيريدو ابعادي عنك

زرعوا السو فضنك

والعيب ونجا منك

ما عاد ينفع لـــــــــــــــــــــــــــــــــــوم

****************

حساد شــاغلهم وفــــــــا وسيــــرة غلا بيناتنا

والجــــمر صيوره هبــــا القايد ورا ملقـــاتنـا

ياما سعـو بالحــــــيله

مغـيبوش وسيله

واللي أمطاول ليله

يصعب عليـه النـــــــــوم

وحــــــــــســــــــــــــاد