كلمات بعض أغاني كوكب الشرق

**علي سيف** · #1 11/07/2012, 16h13

ظلمنا الحب
انا وانت .. ظلمنا الحب ظلمنا الحب بايدينا
وجنينا عليه .. وجرحناه ما داب حوالينا
ما حدش منا كان عايز يكون ارحم من .. التاني
ولا يضحي عن .. التاني
وضاع الحب .. ما بين عند قلب وقلب
ضاع الحب .. ودلوقت لا انا بنساه
ولا بتنساه ولا بنلقاه .. انا وانت
انا وانت اللي كنا زمان احب اتنين واحن تنين
وكان اكبر خصام بينا يدوب في يومين يا دوب في يومين
خصامنا ليه النوبه دي زاد وخلّى الخطوه بينَّا بلاد
فرقنا على طريقين وضاع الحب ضاع
وضاع الحب ما بين عند قلب و قلب
ودي الوقت لانا بنساه ولا بتنساه ولا بنلقاه
انا وانت
انا وانت ظلمنا الحب بالغيره وجبنا للظنون سيره
وقطعنا الامل مرات ما بين الشك والحيره
وكان الحب بينّا كبير صغر لما ابتدينا نغير
وبردت نار وقادت نار وبرضه مشينا في التيار
انا وانت
انا وانت .. نسينا نتعاتب ونتصارح
وعز عليك تسيب العند وتسامح
وعز علي اكون البادي واتصالح
واصبح كل يوم بينا يفوت اصعب من امبارح
نسينا رقه العاشقين قسينا واحنا مش داريين
نسينا ازاي كده نسينا وايه ده اللي جرى لينا
انا وانت
انا وانت .. ظلمنا الحب ظلمنا الحب بايدينا
وجنينا عليه .. وجرحناه ما داب حوالينا
ما حدش منا كان عايز يكون ارحم من .. التاني
ولا يضحي عن .. التاني
وضاع الحب .. ما بين عند قلب وقلب
ضاع الحب .. ودلوقت لا انا بنساه
ولا بتنساه ولا بنلقاه .. انا وانت
انا وانت اللي كنا زمان احب اتنين واحن تنين
وكان اكبر خصام بينا يدوب في يومين يا دوب في يومين
خصامنا ليه النوبه دي زاد وخلّى الخطوه بينَّا بلاد
فرقنا على طريقين وضاع الحب ضاع
وضاع الحب ما بين عند قلب و قلب
ودي الوقت لانا بنساه ولا بتنساه ولا بنلقاه
انا وانت
انا وانت ظلمنا الحب بالغيره وجبنا للظنون سيره
وقطعنا الامل مرات ما بين الشك والحيره
وكان الحب بينّا كبير صغر لما ابتدينا نغير
وبردت نار وقادت نار وبرضه مشينا في التيار
انا وانت
انا وانت .. نسينا نتعاتب ونتصارح
وعز عليك تسيب العند وتسامح
وعز علي اكون البادي واتصالح
واصبح كل يوم بينا يفوت اصعب من امبارح
نسينا رقه العاشقين قسينا واحنا مش داريين
نسينا ازاي كده نسينا وايه ده اللي جرى لينا
انا وانت

كلمات: عبدالوهاب محمد
ألحان: بليغ حمدي
مقام: بياتي
تاريخ: 1962

**علي سيف** · #2 11/07/2012, 16h15

على بلد المحبوب
على بلد المحبوب ودبني
زاد وجدي والبعد كاويني
ياحبيبى انا قلبى معاك
طول ليلي سهران وياك
تتمنى عينى رؤياك
أشكي لك وأنت تواسينى
يا هنايا لما افرح بيك
واتهنى بقربك وانعيك
وعنيه تبقى في عنيك
احكيلك وانته تراعيني
يامسافر على بحر النيل
أنا ليه فى مصر خليل
من حبه مابنام الليل
على بلد المحبوب ودينى

كلمات: احمد رامي
ألحان: رياض السنباطي
مقام: بياتي
تاريخ: 1935

**علي سيف** · #3 11/07/2012, 16h19

انت عمري
رجعوني عنيك لأيامي اللي راحوا
علموني أندم على الماضي وجراحه

اللي شفته قبل ما تشوفك عنيه
عمر ضايع يحسبوه إزاي عليّ

انت عمري اللي ابتدي بنورك صباحه

---

قد ايه من عمري قبلك راح وعدّى
يا حبيبي قد ايه من عمري راح
ولا شاف القلب قبلك فرحة واحدة

ولا ذاق في الدنيا غير طعم الجراح
ابتديت دلوقت بس أحب عمري

ابتديت دلوقت اخاف لا العمر يجري
كل فرحه اشتاقها من قبلك خيالي

التقاها في نور عنيك قلبي وفكري
يا حياة قلبي يا أغلى من حياتي

ليه ما قابلتش هواك يا حبيبي بدري
اللي شفته قبل ما تشوفك عنيه

عمر ضايع يحسبوه إزاي عليّ
انت عمري اللي ابتدي بنورك صباحه

الليالي الحلوه والشوق والمحبة
من زمان والقلب شايلهم عشانك

ذوق معايا الحب ذوق حبه بحبه
من حنان قلبي اللي طال شوقه لحنانك

هات عنيك تسرح في دنيتهم عنيه
هات ايديك ترتاح للمستهم ايديه

يا حبيبي تعالى وكفاية اللي فاتنا
هو اللي فاتنا يا حبيب الروح شويه

اللي شفته قبل ما تشوفك عنيه
عمر ضايع يحسبوه إزاي عليّ

انت عمري اللي ابتدي بنورك صباحه

---

يا أغلى من أيامي
يا أحلى من أحلامي

خدني لحنانك خدني
من الوجود وابعدني

بعيد بعيد أنا وانت
بعيد بعيد وحدينا

ع الحب تصحى أيامنا
ع الشوق تنام ليالينا

صالحت بيك ايامي
سامحت بيك الزمن

نستني بيك آلامي
ونسيت معاك الشجن

رجعوني عنيك للأيامي اللي راحوا
علموني أندم على الماضي وجراحه

اللي شفته قبل ما تشوفك عنيه
عمر ضايع يحسبوه إزاي عليّ

كلمات: احمد شفيق كامل
ألحان: محمد عبد الوهاب
مقام: كرد
تاريخ: 1964

**علي سيف** · #4 16/07/2012, 08h22

الشك يحيي الغرام
الشك يحيي الغرام ويزيد فيه نار ولهيب
الهجر فيه والخصام يحلى في عين الحبيب
لو كنت دايماً أشوفه أو كنت املك فؤادي
ماكانش يسعدني طيفه لما يظن فؤادي
أغير ويكتمني ظني وازداد بالنار
واقبل كلام الناس عني ع العين والنار
يشيل فلبي واقعد اغني ويزيد حبي حرماني مني
هو القمر عنده خبر عن طول سهدي
هو البلبل لما يرتل يعرف وجدي
أنا بحبك لروحي والله بطول السلام
واحتار في حبك يا روحي والشك يحيي الغرام

كلمات: احمد رامي
ألحان: محمد القصبجي
مقام: اثر كرد
تاريخ: 1928

**علي سيف** · #5 16/07/2012, 08h23

يوم الهنا
يوم الهنا حبي صفالي
بعد الجفا والأسية
وكان مقدر لي زماني
يحن قلبك عليه
بان لك ودادي
وليه عنادي
وكنت شايف نار حبي
والوجد باين في عيني
أصل الدلال وألاّ الغيرة
تيهك يا هاجر عليه
وألاّ الفؤاد كان في حيرة
يحب يعرف له نية
يصفى الحبيب بعد الخصام
ما دام رضي به في دي الغرام
وألاّ يجافيه لما يبان له
هجر ودلع وألاّ أسية

كلمات: احمد رامي
ألحان: داود حسني
مقام: هزام
تاريخ: 1931

**علي سيف** · #6 16/07/2012, 08h25

ياللي كان يشجيك
ياللي كان يشجيك أنيني كل ماأشكي لك أسايَ
كان مناي يطول حنيني للبكا وانــــت مـــعايَ
حرمتني من نـــار حبك وأنا حرمتك من دمعي
ياما شكيت وارتاح قلبك أيام ماكنت أبكي وانعي
عـــزة جـــمـــالك فــين من غير دليل يهواك
وتجيب خضوعي منين ولــــوعتى في هواك
فضلت احافظ على عهدي واسقي الوداد دمع عينيَّ
لما الــــزمــان ضيع ودي وطـــول الــبعــد عـــليَّ
صبحت أحب الحب من بعد عشق الحبيب
اهني كـــــل قريب واواســــي كل غريب
اضحك مع الفرحان وابكي مـع الباكيين
وأبات وانــا حيران أضحك وابكي لمين
وفضلت أعيـش بــقلوب الناس وكل عاشــــق قلبي معاه
شربوا الهوى وفاتوا لى الكاس من غير نديم أشرب وياه
ياللي بكايَ شــــجاك وســـــمعت لحن الغزل
من طــول انيني
ياما بكيت من جفاك وضحك لى طيف الأمل
من بين جفوني
لما نسيني رضاك والبعد طول جفاك
عطف حالي عــلى قلبي وعـــزّاني في تــــلويعي
صبحت أبكي على حبي وتبكي انت على دموعي

كلمات: احمد رامي
ألحان: رياض السنباطي
مقام: كرد
تاريخ: 1954

**علي سيف** · #7 16/07/2012, 08h27

سيرة الحب

طول عمرى باخاف من الحب وسيرة الحب وظلم الحب لكل أصحابه
وأعرف حكايات مليانه آهات ودموع وأنين والعاشقين دابوا ما تابوا
طول عمرى بأقول لا أنا قد الشوق وليالى الشوق ولا قلبى قد عذابه
وقابلتك انت لقيتك بتغير كل حياتى
ما أعرفش إزاي انا حبيتك ما أعرفش إزاى ياحياتى
من همسة حب لقيتنى باحب وأدوب فى الحب وصبح وليل على بابه

****

فات من عمرى سنين وسنين شفت كتير و قليل عاشقين
اللى بيشكى حاله لحاله واللى بيبكى على مواله
أهل الحب صحيح مساكين
ياما الحب نده على قلبى ما ردش قلبى جواب
ياما الشوق حاول يحايلنى واقول له روح يا عذاب
ياما عيون شاغلونى لكن ولا شغلونى
إلا عيونك انت دول بس اللى خدونى وبحبك أمرونى
أمرونى احب لقيتنى باحب وأدوب فى الحب وصبح وليل على بابه

****

ياللى ظلمتوا الحب وقلتوا وعدتوا عليه قلتوا عليه مش عارف إيه
العيب فيكم يا فى حبايبكم أما الحب ياروحى عليه
فى الدنيا ما فيش أبدا أبدا أحلى من الحب
نتعب نغلب نشتكى منه لكن بنحب
ياسلام ع القلب وتنهيده فى وصال وفراق
وشموع الشوق لما يقيدوا ليل المشتاق
يا سلام ع الدنيا وحلاوتها فى عين العشاق
أنا خدنى الحب لقيتنى باحب وأدوب فى الحب وصبح وليل على بابه

****

يا اللى مليت بالحب حياتى أهدى حياتى إليك
روحى..قلبى..عقلى..حبى كلّى ملك ايديك
صوتك..نظراتك..همساتك شىء مش معقول
شىء خللى الدنيا زهور على طول وشموع على طول
الله ياحبيبى على حبك وهنايا معاك الله يا حبيبى يا حبيبى الله الله
ولا دمعة عين جرحت قلبى ولا قولة آه
ما بقولش فى حبك غير الله الله يا حبيبى على حبك الله الله
من كتر الحب لقيتنى باحب وأدوب فى الحب وصبح وليل على بابه

كلمات: مرسي جميل عزيز
ألحان: بليغ حمدي
مقام: سيكاه
تاريخ: 1964