كــلـمــات أغانى مــحـمـد قــنـديــل

**M O H A M E D** · #1 28/06/2012, 05h48

ألحان : درويش الحريري

موشح :
حِبــي زورني ما تيســر

حِبـّـي زُورني ما تيسـَّـــر

و اسقِنـِـي مِـن فِيــكَ عنبر

و اعفُ عني يا ذا الاسْمر

إن ذلــي ليــــسَ يُنكـَـــــر

حِبي حُبي فيــــك نـــاري

فيك قـد عـــزَّ اصطبـاري

صِـرْتُ أشــكـو لا أداري

فـِـي هَــــواكَ .. الله أكبــر

**MOHAMED ALY** · #2 28/06/2012, 20h58

كلمات : صلاح جاهين
الحان : أحمد صدقى

أعمل لنا مفتاح

أعمل لنا مفتــــــاح
يا أبن العرب فتـــاح
على كل باب للخير

أسوان ملانة حديد
أنهض و مـــــد الأيد
مـــا تمدهاش للغير

يا أبن العـــــــــــــرب

أسوان بنت بنوت
المجد خـــــاطبها
ليها ميعـاد مثبوت

تـــــــوفى حبايبها
تبعت سـلام للقلب
ويا الحديد و الصلب

اعمل لنا مفتـــــــاح
يا أبن العـــــــــــرب

النيل ما بين أسوان و بين حلوان
سافر و غنى غنـــــــــوة المصنع
آهـ يا سمـــــــــا يا مغيمة دخان
مطرك عنيــــــــد منه الحديد زرّع

ده مش حديد فى النار
ده شعبنا الجـــــــــــبار
عدو الإستـــــــــــــعمار

ده مش حـــــديد مصهور
ده شــــــــــعبنا المنصور
بيســـــــــــــــــابق التيار

يبعت سلام م القلب
ويا الحديد و الصـــلب
أعمل لنا مفتـــــــــاح

يا أبن العـــــــــــــــرب

أســـــــوان نشوانة
و قـــــــــــلبها بيدق
بزنـــــــــــود عرقانة
بين الصخور بتشق

يبعت سلام م القلب
ويا الحـــديد و الصلب
أعمل لنا مفتــــــــــاح

يا أبن العـــــــــــــــرب

**MOHAMED ALY** · #3 29/06/2012, 20h22

كلمات : فؤاد حداد
الحان : إبراهيم رجب

ولا غنى و لا صيت

و لا غنى و لا صيت
و كــــــــأنى بسيط
و بسيط و معـــــــايا
الشمس مــــــــراية
الارض ســـــــــــراية
و اغنـــــــــى و اقول

... مهمـــــــــا تأخر
الفجــــــر بيطلع يتمخطر
راكب مهره و لابس أخضر
و يهــــــــز البيرق و الراية

... وعد قريب
عمر لجام الدنيا ما سيّب
أعرف حق الصبر الطيب
و تونس عينى السهراية

... و لا نتخلق
و لا نحـــــزن غير لو نتفرق
سمك اسمى و انا ياتشرّق
بنى آدم جـــــــرحى و دوايا

... ع اللى فتنى
أهوى من الطير اللى يغنى
و من الغــــــــــزلان المتأنى
اللى يعـــــــــدى قناية قناية

... ع اللى فتنها
و الشــمس بتضحك لودانها
و اللى تملك بــــره غيطانها
ما عرفش الرايحه من الجايه

**M O H A M E D** · #4 29/06/2012, 20h31

كلمات : نادر أبو الفتوح
ألحان : عبد العظيم محمد

و بقـــول انــــا

تسلم يا كتف الجدع يا شايل الشيلة
يا مفوّح الغنوة قوة ..
هوبا .. هيــلا هيــلا

من كل صخرة جبل
فجّــرت نجمـــة ليل
على كل طــاقة أمـل
نوّرتهـــا قــنــديــــل
يبـرق دليـل و الجبل
لا حيــل و لا حيلــة

و بقــول أنـــــا ..
يا ليلي .. يا عيني
يــا غُـنــــــا
يا ألف نجمة فرْح
هالّة من هنــا

الله يا ضـيّ الفرحة
في عيــون طفلتــي
الله يا نقـش الحنـــة
في إديــن أمنــــــا

و بقــول أنـــــا ..
يا ليلي .. يا عيني
يــا غُـنـــــا
**
الله على الشــاب العجب
يغوى التعــب
يغوى خضـــار الزرع
و افران اللهب
يرسم ، يقسم ، يبني يرفع للسما
يضحك ..
يشق ..
يفجّـر الخير م الحطب
الله على الشاب العجب
لا عمـره يغلب لا
و لا عمره اتغلب
طب صلوا صلوا ع النبي
أبداً و لا أعدى العدا
يقوَى على دي الجدعنة
**
هلا هلا ع الشعـــب العفِي
أبداً لا يمكـــــــــن يختفي
يوصــــــل مـا يوصــــل
يمشـي يمشـي ع المـدى
ينده يقول الشر لازم يختفي
بس انتوا صلوا أمال كده
أبداً و لا أعـــدى العِــدا
يقوَى على دي الجدعنة
و بقول أنا ..
يا ليلي .. يا عيني
يا غـُنا

**M O H A M E D** · #5 29/06/2012, 20h43

كلمات : عبد الفتاح مصطفى
ألحان : محمود الشريف

ســــواقـــي الهـــــــوى

دارت ســـواقي الهـــوى
على بحــــور الزمــــان
دارت تقــول مسكيـــــن
يا اللي تبــات عطشــان

و الحــب ليله و صباحـه
طــايـر و فـارد جناحــه
يجـرح قلــوب و يداويها
و نشوتــه من جـراحـــه

و انت يـا همــس الوعود
يا أحلــى ورد فــ عـــود
بتحــــاور الحـــب ليـــه
تحــت الرمــوش السـود

ســايق دلالك و خــايف
مــن الربيـــع و هــــواه
وردك دا أجمـل شفـايف
ضحكت لي بيهـا الحيـاة

و قول لي نهــرب فيــن
مــــن لهفــــــة القلبيــن
مهمــا تداريهـا الــروح
تفتـن عليهــــا العيـــــن

دي بسمتك فوق غصونك
مخلــوقة للــــي يصــونك
و للهـــــوى و الشبـــــاب

يـا ريت تــدوق المحبـــة
و تجــرّب الحـب حبّــــة
و تقـــاسي أحلـى عــذاب

**M O H A M E D** · #6 29/06/2012, 21h17

كلمات : محمد حلاوة

ألحان : محمد الموجي

الصبـــر راس مــالـي

قـــــولــــوا لعُــــذالــي
دا الصبـر راس مالــي

و مكسبـــي صبـــــري

على إيـــه يلــومـونـي
و الا يكيـدونــــــــــي

كـان ع المــلام بدري

**

عيـد الشبـــاب عيـدي
و همــومـي طـــاويها

و مـركبــي فـ إيــــدي
و اقـــــدر ارسّيهــــــا

و الصبــر لـو طــــوّل
مُــــــــره هايتحـــــوّل
و يبقـى شهـد فـ كــاس

يسقي اللي طال صبره
و لا اشتكــــى مُــــــره

و قــال عليــه النــــاس

**

عايــش بنــور الأمـــل
و اغنـــــي مـــوالــــه

و مسيـــره يــوم يكتمل
بــدر الهنـــــا بحــــاله

و اهـل الحسد يحتاروا

في الحـب و فـ أسراره

على إيـــه يلــومـونـي
و الا يكيـدونــــــــــي

كـان ع المــلام بدري
**

يــا لايم العاشــق على
جــرح الهوى .. كفاية

دا كـــل قلـب في دنيته
من الحـــب لـه حكـاية

الصــدفــة بيتحمّعنــــا
و الصـــدفــة بيفـــرّقنا

و اللــي شغــل بـــــالنا
قـــــــادر يصبّــرنـــــا

علــى إيـــه يلــومـونـي
و الا يكيـــــدونـــــــــي

كــان ع المــلام بــدري

**MOHAMED ALY** · #7 30/06/2012, 16h51

كلمات : فؤاد حداد
الحان : إبراهيم رجب

شاعر عباد الله

الله يا ولــــــد الله
انا شاعر عباد الله

مزمارى طويل الليل
تترقص عليه الخيل
و يوالى النهار الليل
من أيــــة لأيـــــــــة

الله يا ولــــــد الله
انا شاعر عباد الله

و خلق لى شمال و يمين
و هـــــــدانى أغنى لمين
و كتبنى من القايمــــــين
شاهدين البــــــــــــــــداية

الله يا ولـــــــد الله
انا شاعر عباد الله

**MOHAMED ALY** · #8 30/06/2012, 17h56

كلمات : فؤاد حداد
الحان : إبراهيم رجب

العتال العاشق
( نعمة )

نعمة زى العيش و الــــميه
بُست وش و ضهـــــر ايديه
مهما كان الأجــــــــر شويه
مهما اشقا و مهما أقاسى
لما حجـــــرك يسند راسى
اعرف إن الشقا كان أحسن

قالوا يا عتـــــــال
كام تشيل بالباره
قلت حبـــــه تقال
قد الــــــف خساره
والا قد الـــــــــحال
- قول يا عم بحق –
قلـــــــبى رق و دق
قلت هاتـــــوا شوال
هاتــوا فوقه شيكاره
هاتــــــوا فوقها جبال
من تــــــراب و حجاره
و اسبـــــــــق الخيال
لاجـــــــــــل ام عيال
نـــــــــورت لى الحارة
طيبت انــــــــــفاسى
لما حجرها يسند راســــى
اعرف إن الشقا كان احسن

قالــــــوا يا عتال
أنت كيــف بتغّنى
قــــــلت بالموال
الحـــــزين الفنى
حاجــــه قد الحال
- قول يا عم بحق –
قلبـــــى رق و دق
عمر قلبى ما شال
حاجــه غصب عنى
غنوتــــــــى غربال
زى ضحـــكة سنى
تفرس العــــــــــذال
لاجــــــــــل أم عيال
قبـــــــــل ما تجننى
طيبت أنـــــــفاسى
لما حــــــجرها يسند راسى
اعرف إن الشقا كان احسن

نعــمة زى العيش و الميه
بُست وش و ضــــهر ايديه
مهما كان الأجــــــــر شويه
مهما اشقا و ممها أقاسى
لما حــــجرك يسند راسى
اعرف ‘ن الشقا كان أحسن

**MOHAMED ALY** · #9 03/07/2012, 12h02

كلمات : سمير أحمد يوسف
الحان :عبد العظيم محمد

بهيــــــــة و يــــــاسيــــن

بهيــــــة ويـــــا ياسيـــــــن
ويـــــــا النجـــــوم قاعديـن
يحكـــــــوا حكـــــايتهـــــم

و الليــــــل معـــــاهم بقلبـه
هما صحـابه و حبـــــايبـــه
و لا ليــلـــــــة بيفـــــــوتهم

يشكــــوا لليـــــــل الهـــوى
حــــب انــزرع ما اتـــروى
إلا بـــدمـــــع العــيـــــــــن

الأهــــل بينهــم فتــــــــايــن
ماليــــــة قلـــوبهم ضغــاين
بتصيـــب هــــوى قلبيـــــن

شـــاربيــن مــــرار البعـــاد
يتــــلاقـــوا و الليـــل ســواد
خـــايفيـــن يشــوفهـم عــزول

و الأهـــــل ليــــه فـرقــــوهم
و لــدنيــــا ظــالمـة بــاعوهم
و الآه فـــي ليــــــلهم تطـــول

يــا نجـوم الليـــل يا سهارى
بتشــوفي كتيـــــر عاشقيــن
احكـي لنا ع اللــي اتقال لك
لـــ بهيـة ويا يــــاسيـــــــــن

أهـــــل الهـــــــوى قالـــــوا
سهـــم الهــــــــوى طــــايش
يصيـــب منيــن مـا يـــــريد

عينــــــي علـــى احبــــــاب
عــاشـــوا سنيـــن في عذاب
و العشــــــق مـش بــــــالإيد

يقـــول بهيــــــة عــاشقـــاه
و مــش هنســــــــــــــــــاه
و إيـــه فــي حبـــي غريب

قــولوا لــي إمتــى الغـــرام
فــــي يـــــوم مـن الأيــــام
عـــرف عــدو من حبيـــب

يـــاسين و صــوته حزيـــن
غــرقــان فـي شوق و حنين
سهـــران يقـــول مــواويـــل

سهــران يقـــول ع النـــــاي
قصـــــــة لقــــــا و فـــــراق
شـــــاهد عليهــــا الليــــــــل

و يـقول ...
دا انـــا قلبـــــي والله أســـــد
تحلـــف بعــــزمه البلـــــــــد
تحلـــف بقلـــب يـــاسيـــــــن
لكــــن قصــــــاد الحبـــــايب
و القلــــب ملهـــوف و غايب
حتــى الحـــديــــــد بيليـــــــن

مــن تحـــــــت جنـــاح الليـل
يتقـــابلـــوا اتنيـــن عــــاشقين
فــاكــرين الليــــل مــداريـــهم
و عيـــــون الليــــــل شــايفين

أهــــل البلـــــــد قـــامــــــــوا
لمــا العــــــدا قــالــــــــــــــوا
بهيـــة حبّـــت يــــــــاسيـــــن

لامــوا النجـــــــــوم و القمـــر
حتـــى الطيـــور و الشجــــــر
ليــه داروا ع المغـــرميـــــــن

و الحــــــب شـــاع فـي البلـــد
غـــرقـان في شــــوك الحســد
و عـــزول سعيـــد ، فرحـــان

لمـــا يـــاسيـــن اختفـــــــــــى
زاد العـــزول مـــا اكتفــــــــى
حطــم حيــــــــــاة ولهـــــــــان

بهيــــة آخــــــــر الحكــايـــــة
قـــاعــدة ما بيـــن الصبـــايــا
و الآه تقــــولهـــا آهــــــــــات

محتـــــارة والله الصبيـــــــــة
تبكتــي اللـيــــالي اللـي جــاية
و الا زمــانهــــا اللــي فــــات

و مــن حيـــرتها و جـــروحها
كتبـــــوا حكــايــة بدموعـــــها
و يــــــــاما قــــالــوا فـ كـــلام

اللـــي بيقـــــول قتلــــــــــــــوه
جـــــاروا العـــدا و ضـــربــوه
و بـــإيــــه يفيــــــد المـــــــلام

و صبيـــــة تــــانيــــة تقــــول
دا كـــــلام حســــود و عــزول
دا قتلــــــــــه والله محــــــــــال

ما يكــونشـــي ليـــه يا بهيــــة
من حيــــرته فـــي الدنيـا ديــا
هــاجـــر و شــد الرحـــــــــال

يــــا ليــــل يا شاهــــد عليهــم
فــــي الفــــرح أو فــي الأنيــن
إنــــت اللــي تــدرى النهــايــة
مـــا بيــن بهيـــة و يــاسيـــــن

**MOHAMED ALY** · #10 03/07/2012, 12h05

كلمات : سمير أحمد يوسف
الحان :حلمى بكر

النــــــاي و الأرغـــــــول

يــــاما علــى الأرغـــــول
حكــايــــات يا ليـل بتطول
تحكـي هـوى العشـــــــــاق

و انـت يــا نــاي سهـــران
صـوتك ، حـزين حيـــران
يشكــي من الأشــــــــــواق

بتعيشـــــوا ويـا قلــــــــوب
بتقـــــــاسي من المكتـــوب
و القسمـة و الأيـــــــــــــام

و تحنـُّـــوا ع الأحبـــــــــاب
ســاعة حنيــن غــــــــــلاب
و عيــون في ليـل ما تنــــام

الليـــل و النــاي و الأرغـول

..

ســــاعة مسـا يا ليـــــــل
عـــاشق ، و قلبه عليــــل
سهـــران بدمـع العيــــــن

و النـــاي معـــاه بيقـــــول
يشكــي حســود و عــزول
فــرّق مـــا بيــــن حبيبين

كـــانوا ســـــوا قلبيـــــــن
ع الحـــــب ، متعـــاهدين
و آه مــــــن الجبــــــــــار

فــــــرّق مــا بينهم ليــــه
بكــرة الـــزمن يعاديــــه
أصــل الـــزمن غــــــدار

و ان كــان في يومه معاه
بكــــرة هييجــي عليــــه
و يدوق مـــرار الكـــاس

ســاعتهـــا راح يفتكــــر
لحظــــــة ما قلبــــــه قدر
يكــوي قلــوب النــــــاس

و انـت يــا نـــاي خليـك
سهــــران بــدمع عينيـك
و اسمع قصص و كــلام

مــا انــت حبيب الاتنيـن
الخــــالي و العـــــاشقين
مكتـــوب عليك ما تنـــام

الليـل و النـاي و الأرغول

..

و بعيـــــد هنـــاك أرغول
عمّـــال يعيــــد و يقــــول
و كــــــلامه كلــــــه مرار

و صبيّــة قــــــاعدة معـاه
في الليــل تقــــول ويــــاه
و الليــــل أبــــو الأســـرار

حبيبهـــــــا مـــش طــايلاه
مش قـــادرة يـــوم تنســـاه
عــايشة في شوق و عـذاب

عــايزة تقــول له في يـــوم
لكــــن بتخشـــــى اللــــــوم
و ســـــؤال غريب و جواب

لــــو يـدرى يـــوم بيهـــــــا
ينظـــــــــــــر نــواحيهـــــا
و يحــــس هـــي فــي إيـــه

كـــان قلبهـــــــا يــرتـــــاح
يطلـــع عليهــــا صبــــــاح
تـــوهب حيــاتهـــا إليــــــه

يــــــاما علـــى الأرغــــــول
شـــرح الهـــوى بيطــــــــول
و الحــــب فيــــن أراضيــــه

لكـــــن بييجـــــي الأمــــــــل
و الشمــــــل يبقـــــــى اكتمل
لمــا القلــــــوب تلاقيــــــــــه

الليــل و النــاي و الأرغــول