كــلـمــات أغانى مــحـمـد قــنـديــل

[MOHAMED ALY]

كلمات : مجدى نجيب
الحان : عبد العظيم محمد

مركب حبيبى

فى بحور الهوى
عاشق أنا حيران
شايف الفرحة قدامي
و ابات عطشان
يا هل ترى أخرة العشق نار
و لا جناين حب مليانة حنان
حبيبي عمل ضحكته مركب و عدّانى
لكن فى وسط البحر ميّل و رمانى
ماليش أنا فى العوم
و موج البحر تاعبني
و فين أروح من اللوم
و شوقي غالبني
و اللى رماني فى بحور هواه
ما افتكرش فى يوم و ناداني
لكن عمل ضحكته مركب و عدانى

حبيبى عمل ضحكته مركب بلا مقداف
رمانى وسط الموج لا دري بي و لا سوم شاف
يا مركب الصياد يا فايتة
ح توصلى للبر و لا فى الطريق فايتة
إن وصلتي بالسلامة الليلة
إبقى فوتي قرب بيت العيلة
و بلغيهم كلمتين مني
يقولوا لاهل الهوى إني
ميـّلت ويا الشراع .. و لكل واحد فى الهوى ميلة
حبيبي عمل ضحكته مركب و عداني

أمانة
يا مركب الهوى يا اللى .. فى البحور عايمة
قولى لحبايبنا .. محبتكم فى القلوب دايمة
نتألم .. نتعب .. نسهر يا عيوننا
ما فى غيرهم أبداً لا يقدر يهاودنا
و فكروه يا ناس إنه سرح و نساني
لكن عمل ضحكته مركب و عدانى

[MOHAMED ALY]

كلمات : عبد الفتاح مصطفى
الحان : أمين عبد الحميد

الزعبوط ( الشتا القاسى )

انا فى الزعبوط و الدفية
و البرد شديد و الله عليا
امال اش حال
جارى عبد العال
اللى ما جاب هدمة الشتوية
يللا يا عطعوط
خد له الزعبوط
و كفاية عليا الدفية
***
فى دك الليلة
انا و العيلة
قاعدين لمة
ماليين الدار
حوالين النار
و الدفا نعمة
جه فى بالى
قال لى يا خالى
اش حال ناسى
قاعد دافيان
ناسى العريان
و الشتا قاسى
ده انا فى الزعبوط و الدفية
و البرد شديد والله عليا
***
ربنا اعطاك
و النبى وصاك
على سابع جار
الشتا جه له
ما كسى عياله
و عياله صغار
و بدل ما تجيب
اربع جلاليب
اتنين يكفوا
و ادى الباقيين
لولاد تانيين
و قول ادفوا
ده انا فى الزعبوط و الدفية
و البرد شديد والله عليا
***
ده زمن خوان
و ملهوش امان
و معاك و عليك
قدم لغريب
فى الضيق و قريب
خيرك بايديك
شئ فاض و ناسيه
ولا مخبيه
خليه هدية
دى الهدمة الصوف
احسن معروف
فى الشتوية
ده انا فى الزعبوط و الدفية
و البرد شديد والله عليا
***
انا فى الزعبوط و الدفية
و البرد شديد و الله عليا
امال اش حال
جارى عبد العال
اللى ما جاب هدمة الشتوية
يللا يا عطعوط
خد له الزعبوط
و كفاية عليا الدفية
*****

[MOHAMED ALY]

كلمات : محمد الفيومى
الحان : شفيق السيد

يا ساهر الليل

ما دام خدك على ايدك
منين الصبر ها يفيدك

****

يا ساهر الليل و راح نومك
وتطوى فى الشجن يومك
و فكرك كله فى همومك
و ناس ترحم و بتلومك
سهاد و شجون
و دمع عيون
و ايه بعد العذاب
ده يهون
ما دام خدك على ايدك
منين الصبر ها يفيدك

****
قاسيت و تخبى اسرارك
و قافل ع الهموم دارك
و عشت اسير لافكارك
و كتر الفكر زاد نارك
و حاير ليه
وفادك ايه
و ماضى راح
و باقى عليه
ما دام خدك على ايدك
منين الصبر ها يفيدك

****

[MOHAMED ALY]

أشعار : محمود ابو الوفا
الحان : أحمد صدقى

أحببتها

أحببتــها ... أحببتــها... أحببــتها
و أحب فى الأيــــــــام يوم رأيتها
و وددت لو أنى جمعت لها المنى
و أتيت بالدنيـــــــــا لها و وهبتها


تمشى مفاتنها تلحن خطــــــــــوها
الله فى ما لحنت خطـــــــــــــواتها
لم تكذب الـــــــرؤيــا و قد فسرتها
و عن أسم هذا اللحن رحت سألتها


لم أدرى ما قـــــــــالته الا بعد ما
كانــت بعصمها يــــدى و رفقتها
كل المنى فى لحظة أنا نلـــــــتها
لما شعرت بأننى كلمـــــــــــــتها
و كلامها ان قلت إن كلامــــــــها
نغم القيثارة فقد اكــــــون ظلمتها

[MOHAMED ALY]

كلمات : عبد الفتاح مصطفى
الحان : أحمد صدقى

همسة الود

همسة الود الــــــرقيقة
علمت قلبى الحقيـــــقة
الجمال مش ورد خدك
مش عيونــك و لا قدك
الجمال عطـفك و ودك
يا حبيبى

كنت أفكر فيك بعيـــــــــنى مش بقلبى
و اسمعك يشغلنى صوتك عن كلامك
كنت افكر
كنت أفكر إن شــــــــــــوقى هو حبى
و إن قربك هو غايتى من غـــــرامك
كل يوم تهــــــــــدينى من قلبك هدية
كل يوم المح فى حبك شـــــــئ جديد
تبقى جنبى و ابقى شايفك بين ايـــديا
و انت عالى و السمــا دايما بعــــــيد
همسة الود الــــــرقيقة
علمت قلبى الحقيــــقة
الجمال عطفك و ودك
يا حبيبى

كان غرامى للعــــــيون الحــــــــلوة ديه
و لرمــــــــوشها لما تسجد ع الخـــــدود
شفت اجمل من الجمال عطفك علـــــــيا
شفت ودك اغلى عندى من الوجــــــــود
يا دارى بى و قلبى يمكن مش دارى بى
قول لى اعمل ايه لو انت قسيت علـــــيا
الزمان مش وافى زيك يا حــبــيـــــــبى
نفسى تقسى شوية و اتــــــألم شـــــــوية
همسة الود الــــــرقيقة
علمت قلبى الحقيــــقة
الجمال عطفك و ودك
يا حبيبى

همسة الود الــــــرقيقة
علمت قلبى الحقيـــــقة
الجمال مش ورد خدك
مش عيونــك و لا قدك
الجمال عطـفك و ودك
يا حبيبى

[MOHAMED ALY]

كلمات : أحمد شفيق كامل
الحان : محمد الموجى

يا دي العجب

يا دي العجب .. رخص الدهب .. في السوق يا ناس
يا دي العجب .. رخــص الدهب و غِلي النحــــــاس
إزاي .. إزاي .. إزاي يـــا نــاس ؟!

***

يا حــب هانـــت ع النـــاس غلاوتك
في الليـــل و تــــاهت منهم حــلاوتك
نزل المجيــدي في الســــوق و خانك
تقـــــل ميــــــزانه و شال ميـــــزانك

***

يا حــب سيبــــك م النـــاس و مـالهم
يا حـــب مالنـــــــــا إحنـــــا و مالهم
المــــال دا قشـــــرة و انت الجواهـر
كـتـر في إيــدهم و انـت اللي نــــادر

***

الله علينــــا الله يــــــا حـــــــــــــب
الله علينـــــــا يـا روح و قلـــــــــب
خــداع يا مــــــالهم خــــداع يا مال
خــداع يا زايــــل في إيديـــن زوال
تطــــول يا عمـــري إن دق قلبــــي
و فـ كــــل دقــــــة حيــــــــاة بتغلى
و إيه ح تعمــل يا مـــال و تسـوى ؟

[MOHAMED ALY]

كلمات : محمد على أحمد
الحان : عبد العظيم محمد

خلينى ع البال

خلينى ع الـــبال
يا خلى البــــــال
وكفاية بـــــــعاد
و خصام و دلال

أيام و سنـــــين
انا لك يا ضنين
على قد الشـــوق
ما يطــــــول بيا
بين الأفكــــــــار
ليــــل ويا ونهار
و ظنونى بتتحكم فيا
و الشوق حــيرنى
و بعدك طــــــــال
خلينى ع الـــبال
يا خلى البــــــال
وكفاية بـــــــعاد
و خصام و دلال
خلينى ع الـــبال

الدمع يـــــبوح
و النسمة تروح
و بشـــوقى اليك
رايحة و جـــاية
لا بعثت ســـلام
ولا قلت كــــلام
و لا قلبك يـــوم
رد عليـــــــــــا
و قاسيت فى البعد
ليالى طـــــــوال
خلينى ع الـــبال
يا خلى البــــــال
وكفاية بـــــــعاد
و خصام و دلال
خلينى ع الـــبال

قلبى بيهـــواك
و انا كلى معاك
و لقـــــــــــــــاك
فى الخاطر و النية
و الفرح يبــــان
ويا الحـــــرمان
و دموع العين متخبية
من فكرتى و حيرتى
صبحت فى حال
خلينى ع الـــبال
يا خلى البــــــال
وكفاية بـــــــعاد
و خصام و دلال
خلينى ع الـــبال

خلينى ع الـــبال
يا خلى البــــــال
وكفاية بـــــــعاد
و خصام و دلال
خلينى ع الـــبال

[MOHAMED ALY]

كلمات : محمد حلاوة
الحان : أحمد صدقى

سمــــاح

سمــــاح
يا اهل السمـــــاح
لوم الهوي جارح

اصــل السمــــــاح
طبــع المــــــــلاح
يا بخت من سامح

كتر الملامة عليــــــــــــــــه
والله ما خلت فيـــــــــــــــه
والعين شكت لي دموعها

صبحت وحــــــــدى وياما
سمعت منكــــــــــوا ملامة
ما حد غيــــــــري سمعها

انسوا اللى فات وانقضى
مادام زمـــــــــان ومضي
نظرة بعيــــــن الرضـــــا

داووا الجــــــــــــراح
وانســــــوا اللى راح
يا بخت من سامـــــح

شوق الهوى في عنية
ما يستاهلش آسيـــــــة
ومادام صارحته وسلم
دمع الندم قدمتـــــــــــه
والماضي راح وعرفته
والقلب منه اتعلـــــــــــم

انسوا اللى فات وانقضى
مادام زمـــــــــان ومضي
نظرة بعيــــــن الرضـــــا

داوو الجــــــــــــراح
وانســــــوا اللى راح
يا بخت من سامـــــح

سمــــاح سمـــــاح
يا اهل السمـــــاح
لوم الهوي جارح

اصــل السمــــــاح
طبــع المــــــــلاح
يا بخت من سامح

[MOHAMED ALY]

كلمات : عبد الحميد عبد الفتاح
الحان : محمد صادق

يا ناسي

جمـال الدنيــــا في وجودك
يا ناســـي الود و عهـــودك
فيـن الأيـــــام و فيـن انــت
و شوف البعـــد من إمتـــى

جمــــال الدنيـــــا في بعدك
مالوش معنــى و انا وحدي
و ليه تحرمنـــي مــن ودك
و انـا دايمـاً علــى عهـــدي

في ضي البدر و نسيم الليل
تطــوف ذكــراك أنــــاديلك
و الاقي القلــب إليـك بيميل
و فكري معــاك بيحكـي لك

[MOHAMED ALY]

كلمات : نبيل الفكهاني
الحان: فتحي حجازي

المدد الإلهي

لمــا يـــدور بيــــا الزمــــن
و القلب يغرق فــي الشجـن
ارفع إيديا للسمــا و اقـــول
يا رب مــــــــدد مــــــــدد

أشعـــر براحـــــة و بأمــان
و بنوره يسري في الكيـــان
و القلــب يعمر بالإيمــــــان

و القـــــاه معايا في وحدتي
ياخـــد بإيدي في شدتـــــي
و تعـــود لي تاني بسمتــي
و اقــول يــا رب المـــــــدد

القــــاه سميع القاه مجيــب
و برحمتـــــه منـــي قريـب
و الجـــرح مهما كان يطيب

و القــــى في كلامه سلوتي
و القـاه ونيسي في غـربتي
و بنـــوره يملـــى مهجتــي

و اقــــول يـــا رب المــــدد
الله الله .. مـــــــدد مــــــدد