كلمات أغاني وردة الجزائرية

[إســـلام جـُـبـّـه]

الاستاذه الفاضلة ليلي .. تستحقين الثناء علي هذا واكثر وحبذا ولو كان البدء باغاني البدايات لوردة مثل ( اساْل دموع عينيا ) ( لعبة الايام ) ( روحي وروحك ) ( احبك فوق ماتتصور ) وباقي تلك التحف النادرة .. تحياتي

[ليلى ابو مدين]

المشاركة الأصلية كتبت بواسطة blossom

الاستاذه الفاضلة ليلي .. تستحقين الثناء علي هذا واكثر وحبذا ولو كان البدء باغاني البدايات لوردة مثل ( اساْل دموع عينيا ) ( لعبة الايام ) ( روحي وروحك ) ( احبك فوق ماتتصور ) وباقي تلك التحف النادرة .. تحياتي

أشكرك أخي الكريم على ثناءك لي وبناء على رغبة سيادتك
سأبدأ بأغنية (لعبة الأيام) والباقي تباعاً إن شاء الله
تحياتي
ليلى ابو مدين

[ليلى ابو مدين]

لعبة الأيـــــــــــــام

*****

كلمات علي مهدي
ألحان : رياض السنباطي
****


تضحك لك الايام ..تهجر وتنسانى
تغدر بك الايام ترجع لى .. من تانى
بتغيرك ايام .. وتبدلك ايام
وبتجينى تلاقينى مع الماضى
مع الذكرى مع الاحلام
عشان قلبى انا اوفى من الايام ..
يا لعبه الايام .. يا لعبه الايام .. يا لعبه الايام ..
يا لعبة الايام ارتاح وريحنى
ياما غلبت كلام ولا مره تسمعنى
بتخدك الايام اعيش بجرحك
وتجيبك الايام اعيش لجرحك
بتغيرك ايام .. وتبدلك ايام
وبتجينى تلاقينى مع الماضى
مع الذكرى مع الاحلام
عشان قلبى انا اوفى من الايام ..
يا لعبه الايام .. يا لعبه الايام .. يا لعبه الايام ..
فى يوم ما الدنيا تغدر بك
وايام الهنا تخونك
وايام الضنا تذلك
تجينى وتفتكر حبك
واشوف الذل فى عيونك
اقول نفسى فدى ذلك
يا اغلى عندى من نفسى
ما بين املى وبين يأسى
ضنانى الصبر وجروحى
ولولا بقيا من رسمي
وحرف وكلمه من اسمي
لتاهت عينى عن روحي
يا اللى هواك كاسين
احلى ما فيهم مر
والصبر ع الاتنين
داق العذاب والمر
بتاخذك الايام عيش بجرحك
وتجيبك الايام اعيش لجرحك
بتغيرك ايام .. وتبدلك ايام
وبتجينى تلاقينى مع الماضى
مع الذكرى مع الاحلام
عشان قلبى انا اوفى من الايام ..
يا لعبه الايام .. يا لعبه الايام .. يا لعبه الايام ..


******

[ليلى ابو مدين]

اسأل دموع عنيه

******

كلمات : صالح جودت
ألحان : محمد عبد الوهاب
*****

اسـال دمـوع عينيَ واسأل مخدتـي
كم دمعة رايـحة جايـة
تشكـي لك وحدتـي

كم دمعة رايحـة جايـة تحكـي لك ع اللي بيَ
وتقول لك مش شوية
ضنايا و لوعتي
دوبت قلبي دمعة ولعت روحي شمعة
وبكرى ح أعمل إيه
وانـور لك بإيـه

اسـال دمـوع عيني واسأل مخدتـي
كم دمعة رايـحة جايـة
تشكـي لك وحدتـي

يلي عشقتوا قبلي ورماكم الهوى ورماكم
حدش منكم يقولي
الحب له دوا يقولي
طول ليلـي سهرانة أسمع قلبي وأساه
ويقول وأقول له آه
من ناري وحرقتي

اسـال دمـوع عيني واسأل مخدتـي
كم دمعة رايـحة جايـة
تشكـي لك وحدتـي
اســـأل مــخـدتــــي

******

[ليلى ابو مدين]

وحشتوني

****

كلمات : سيد مرسي
الحان :بليغ حمدي


******


وحشتوني وحشتوني اهلا اهلا
باعز الحبايب اهلا اهلا بالقمر اللي غايب
يا قمره وحشتينا نورتي ليالينا واتلموا الحبايب

وحشتوني وحشتوني وحشتوا عيوني
وفكرتوني باللي كان
ورجعتوا يا حبايبي لايام فات عليها زمان
رجعتلكم هنا بينكم .. اغنيلكم
وحشتوني وحشتوني
وحشتني ليالي زمان

وحشتوني .. بقالكم زمان وحشتوني
وحشتوني .. ولسه ح توحشوني كمان
ياعشره عمر حبيتها
واموت فيها كمان وكمان
ومهما الدنيا تبعدنا ح نتقابل في كل مكان
ومهما العمر فرقنا حنرجع برضه زي زمان
رجعتلكم هنا بينكم اغنيلكم
وحشتوني وحشتوني
وحشتني ليالي زمان

خذوني حبايبي خذوني
حبايبي خذوني يا حبايبي
دي راحه قلبي وياكم
خدوني وريحوا قلبي
دنا مش ممكن انساكم

بحن لعشرتي معاكم
وايام فات عليها زمان
رجعت لأغلى ناس عندي
واحلى عمر عشته كمان
رجعتلكم هنا بينكم اغنيلكم
وحشتوني وحشتوني
وحشتني ليالي زمان

*****

[ليلى ابو مدين]

ولو انك يا حبيبي بعيد


كلمات : عصمت الحبروك
ألحان : سيّد مكاوي

ولو انك يا حبيبي بعيد .. انا لي مع الشوق مواعيد
ولو انك يا حبيبي بعيد .. انا لي مع الشوق مواعيد
لو قال لي عن البعد وناره .. وانا اقول له عن ليله العيد
عن طعم الايام الحلوه .. وحنيني .. الموال والغنوه
والقلب يلي في حبه سعيد .. والقلب يلي في حبه سعيد
ولو انك ياحبيبي .. ياحبيبي .. ياحبيبي بعيد بعيد
انا وانت الروح بالروح .. يبي طب فين ح نروح
انا وانت ..انا وانت
الروح بالروح ياحبيبي ياحبيبي
طب فين ح نروح
انا وانت الدنيا يلي بتضحك
وانا وانت .. القلب المجروح
انا وانت الحب واحبابه
وحكايه كل العاشقين .. من فينا ح يحن لمين
ياحبيبي هو نحن اتنين
ياحبيبي هو نحن اتنين
بحبك حب مخليني .. مش لاقيه نفسي في حنيني
وياعيني علي ياعين .. تبعد وتغيب عن عيني
وخيالي يروح ويجيني .. لا يجيبني ولا يوديني
فين طعم الايام الحلوه .. وحنين الموال والغنوه

والقلب يلي في حبه سعيد
والقلب يلي في حبه سعيد
ولو انك ياحبيبي ياحبيبي بعيد بعيد بعيد ياحبيبي
احلفلك والحب يمين .. وشهودي عينيك الحلوين
والكلمه من قبل ماقولها بتفهما
شوف شوق العاشقين
واحكيلك ..طيب ماانت حكايتي
اوصفلك ..طب ماانت مرايتي
واتكلم عن حبي لمين .. طب ماانت سيد العارفين
سيدي سيدي ياسيدي

---

آه منك ياحبيبي وآه
من الشوق يلي احتر ت معاه
توعدني بالقرب اتمنى .. واستنى وعدك ماالقاه
من غيرك مش حا سه الناس .. ايام بتعدي وخلاص
كان قربك هو الحنيه .. ووجودك هو الاحساس
ولو انك ياحبيبي بعيد بعيد بعيد
آه ياحبيبي
*********

[ليلى ابو مدين]

لولا الملامة

كلمات : مرسي جميل
ألحان : بليغ حمدي


*****

لولا الملامه يا هوى لولا الملامه
لافرد جناحي عالهوا زي اليمامه

واطير وارفرف بالفضا
واهرب من الدنيا الفضا
وكفايه عمري .. كفايه عمري اللي انقضى
وانا بخاف الملامه .. وانا بخاف الملامه
وآه من الملامه

---

سالوني كتير .. سالوني كتير سالوني سالوني عليه
بتحبيه .. ايوا ايو وهنكر ليه .. ليه
بصولي ملام .. وقالولي كلام جراح
فرشولي الارض .. فرشولي الارض دموع .. والشمس جراح

كل دا كله عاشان حبيت
ولا عاشان قلت انا حبيت
لولا الملامه يا هوى .. وآه من الملامه

لولا الملامه يا هوى لولا الملامه
لافرد جناحي عالهوا زي اليمامه

واطير وارفرف بالفضا
واهرب من الدنيا الفضا
وكفايه عمري .. كفايه عمري اللي انقضى
وانا بخاف الملامه .. وانا بخاف الملامه
وآه من الملامه

---

ياعيون عطشانه سهر .. ياقلوب تعبانه .. تعبانه سفر
كتروا من الحب تلاقوا .. تلاقوا في الظلمه الف قمر

بنحب ياناس نكدب لو قلنا مابنحبش
بنحب ياناس ولا حدش في الدنيا ماحبش
والدنيا ياناس من غير الحب ماتنحبش
والدنيا ياناس من غير الحب ماتنحبش

حتى اللايمين .. زينا عاشقين
لاكن خايفين لايمين تانيين

لولا الملامه يا هوى لولا الملامه
لافرد جناحي عالهوا زي اليمامه

واطير وارفرف بالفضا
واهرب من الدنيا الفضا
وكفايه عمري .. كفايه عمري اللي انقضى
وانا بخاف الملامه .. وانا بخاف الملامه
وآه من الملامه

******