كلمات أغاني وردة الجزائرية

[ليلى ابو مدين]

اشتروني

كلمات: عبد الرحيم منصور
ألحان :بليغ حمدي


*****


اشترونى واشتروا خاطر عيونى .. ريحونى
ياللى غاويين تتعبونى .. ريحونى
صدقونى دا النهارده انا بين اديكوا صدقونى
بس بكره هتدوروا موش هتلاقونى
صدقونى بكره هتدوروا موش هتلاقونى

اشترونى واسهروا على راحتى ياما
ياللى جوه قلبى علمته علامه
واسآلونى وديتى فين الابتسامه
قبل ما انسى وافتكر وتفكرونى
صدقونى دا النهارده انا بين اديكوا صدقونى
بس بكره هتدوروا موش هتلاقونى
صدقونى بكره هتدوروا موش هتلاقونى

اشترونى واعرفوا قيمه غلاوتى
واسمعونى ياللى مش عارفين حكايتى
بالكلام الحلو ترجعلى ابتسامتى
ده الزمان والحب ياما توهونى
صدقونى دا النهارده انا بين اديكوا صدقونى
بس بكره هتدوروا موش هتلاقونى
صدقونى بكره هتدوروا موش هتلاقونى

اشترونى وازرعوا بالحب ورده
اشترونى وغيروا حب الزمان ده
اشترونى خايفه لا تحيونى النهارده
وترجعوا من بكره تانى تموتونى
صدقونى دا النهارده انا بين اديكوا صدقونى
بس بكره هتدوروا موش هتلاقونى
صدقونى بكره هتدوروا موش هتلاقونى


******

[ليلى ابو مدين]

أحضنوا الأيام

***

كلمات :سيد مرسي
ألحان : بليغ حمدي
*
****

احضنوا الايام لتجري من ايدينا
احلى ايام الهوى راحت علينا

م الشهد دوقونا
بالسكر دوبونا
وبعد ما حبيناهم
وبعد ماهنيناهم
بالمر سقونا
بالرخص باعونا
آه وبايدينا
آه انكوينا
لما بالحب ابتلينا
ابتلينا واتنسينا وانتهينا
بس طول ماهو جاي بكره
ربنا يعوض علينا
يعوض الله يعوض الله يعوض الله
الدنيا لسه بخيرها والله يعوض الله

احلى كلام في الهوى قلناه
قد ما قلنا صدقناه
وعشقناه ودبنا معاه
ودبنا معاه ودوبناه
دبنا دبنا دبنا
حب بحب نعطش حب نشرب حب
غنت كل الدنيا معانا اغاني الحب
واما قلنا خلاص ارتحنا
والايام حست بفرحنا
ضاع الهوى بعد ما جرحنا
اه ع الدنيا لما بتدي
بس بتاخد قد ماتدي
واكتر ما بتدينا يا وعدي
استكترت الحب علينا
استكترت الفرح علينا
استكترت الحلم علينا
آه وبايدينا آه انكوينا
لما بالحب ابتلينا
ابتلينا واتنسينا وانتهينا
بس طول ماهو جاي بكره
ربنا يعوض علينا
يعوض الله يعوض الله يعوض الله
الدنيا لسه بخيرها والله يعوض الله

احلى ايام ياهوى انا بانتظارها
بابتسامتها وحلاوتها ونارهابانتظارها
بكره ايامنا اللي جايه تقول تعالوا
قلت اهلا بيها وبضحكه نهارها
ولياليها وسهرها والعشره اللي بينا
لو حد افتكرها
يالله بينا
نحضن الايام لترجع تجري بينا
قبل ما الدنيا تجرح تاني فينا
نودع النغمه الحزينه تشترينا
ندعي للايام تجينا والزمن هو يداوينا
ليه نشمت حد بينا ملي بينا
كل ده محسوب علينا
يا زمن حاسب علينا
بعد ما ضحكت عينينا
اه واترضينا....اه واتصافينا
لما رحنالهم وجينا
واما قلنا نحب بكره
ربنا يعوض علينا
يعوض الله يعوض الله يعوض الله
الدنيا لسه بخيرها والله يعوض الله


******

[ليلى ابو مدين]

العيون السود

كلمات : محمد حمزة
ألحان : بليغ حمدي


*****



وعملت ايه فينا السنين عملت ايه
فرقتنا لا غيرتنا لا ولا دوبت فينا الحنين
السنين
لا الزمان ولا المكان قدروا يخلو حبنا
ده يبقى كان يبقى كان الزمان
وبحبك والله بحبك والله والله والله بحبك
قد العيون السود احبك
وانت عارف منته عارف قد ايه كتيره وجميله
العيون السود في بلدنا يا حبيبي
احبك والله بحبك والله والله والله بحبك
قد اغاني الصبر بحبك
وانته عارف قلنا ايه فيها كل ليله
وقال معانا الناي في سهرنا يا حبيبي
احبك والله بحبك والله والله والله بحبك
قد اللي فات من عمري بحبك
قد اللي جاي من عمري بحبك
وشوف قد ايه شوف قد ايه بحبك
اللي كان هو اللي كان
قدر يغيروا في يوم الزمان
لا الزمان ولا المكان قدروا يخلوا حبنا
ده يبقى كان
كل ليله من ليالي البعد عدت عليه
وانت مش جمبي يا روحي يا نور عنيه
وحبي فيها كان بيكبر من ليله واكتر
والله من ليله واكتر
قد كل الليالي ديا واكتر شوي
بحبك
وقد عمري ونور عنيه يا نور عنيه
بحبك
كل غنوه عالفرح كانت عالجرح كانت
عالصبر كانت عالحب كانت
كتبها وقلتها كانت عشانك
كل دمعه دمعه دمعه
عالخد سالت عالرمش نامت فعيون ما نامت
من الدنيا عانت
وجرح الهوى ما لش دوى الا ف حنانك
قد كل كلام في الحب اتقال في الصبر اتقال
بحبك
ليلي وانا سهران سنين ما بنام وبقول موال
بحبك
قد اللي فات من عمري بحبك
قد اللي جاي من عمري بحبك
وشوف قد ايه بحبك


*****

[هشام ماهر]

شكرا علي المجهود كلمات رائعه من زمن الفن الجميل

[هاوي سيكا]

عمل رائع جدا واشعار واغنيات جمله من الزمن الجميل

طبعا احباب هل اجد لها تحليل موسيقي
المرحوم عمار الشريعي ابدع فيها وياليت احد يحلل لحنها موسيقياً

[إســـلام جـُـبـّـه]

الاستاذه الفاضلة ليلي .. تستحقين الثناء علي هذا واكثر وحبذا ولو كان البدء باغاني البدايات لوردة مثل ( اساْل دموع عينيا ) ( لعبة الايام ) ( روحي وروحك ) ( احبك فوق ماتتصور ) وباقي تلك التحف النادرة .. تحياتي

[ليلى ابو مدين]

المشاركة الأصلية كتبت بواسطة blossom

الاستاذه الفاضلة ليلي .. تستحقين الثناء علي هذا واكثر وحبذا ولو كان البدء باغاني البدايات لوردة مثل ( اساْل دموع عينيا ) ( لعبة الايام ) ( روحي وروحك ) ( احبك فوق ماتتصور ) وباقي تلك التحف النادرة .. تحياتي

أشكرك أخي الكريم على ثناءك لي وبناء على رغبة سيادتك
سأبدأ بأغنية (لعبة الأيام) والباقي تباعاً إن شاء الله
تحياتي
ليلى ابو مدين

[ليلى ابو مدين]

لعبة الأيـــــــــــــام

*****

كلمات علي مهدي
ألحان : رياض السنباطي
****


تضحك لك الايام ..تهجر وتنسانى
تغدر بك الايام ترجع لى .. من تانى
بتغيرك ايام .. وتبدلك ايام
وبتجينى تلاقينى مع الماضى
مع الذكرى مع الاحلام
عشان قلبى انا اوفى من الايام ..
يا لعبه الايام .. يا لعبه الايام .. يا لعبه الايام ..
يا لعبة الايام ارتاح وريحنى
ياما غلبت كلام ولا مره تسمعنى
بتخدك الايام اعيش بجرحك
وتجيبك الايام اعيش لجرحك
بتغيرك ايام .. وتبدلك ايام
وبتجينى تلاقينى مع الماضى
مع الذكرى مع الاحلام
عشان قلبى انا اوفى من الايام ..
يا لعبه الايام .. يا لعبه الايام .. يا لعبه الايام ..
فى يوم ما الدنيا تغدر بك
وايام الهنا تخونك
وايام الضنا تذلك
تجينى وتفتكر حبك
واشوف الذل فى عيونك
اقول نفسى فدى ذلك
يا اغلى عندى من نفسى
ما بين املى وبين يأسى
ضنانى الصبر وجروحى
ولولا بقيا من رسمي
وحرف وكلمه من اسمي
لتاهت عينى عن روحي
يا اللى هواك كاسين
احلى ما فيهم مر
والصبر ع الاتنين
داق العذاب والمر
بتاخذك الايام عيش بجرحك
وتجيبك الايام اعيش لجرحك
بتغيرك ايام .. وتبدلك ايام
وبتجينى تلاقينى مع الماضى
مع الذكرى مع الاحلام
عشان قلبى انا اوفى من الايام ..
يا لعبه الايام .. يا لعبه الايام .. يا لعبه الايام ..


******

[ليلى ابو مدين]

اسأل دموع عنيه

******

كلمات : صالح جودت
ألحان : محمد عبد الوهاب
*****

اسـال دمـوع عينيَ واسأل مخدتـي
كم دمعة رايـحة جايـة
تشكـي لك وحدتـي

كم دمعة رايحـة جايـة تحكـي لك ع اللي بيَ
وتقول لك مش شوية
ضنايا و لوعتي
دوبت قلبي دمعة ولعت روحي شمعة
وبكرى ح أعمل إيه
وانـور لك بإيـه

اسـال دمـوع عيني واسأل مخدتـي
كم دمعة رايـحة جايـة
تشكـي لك وحدتـي

يلي عشقتوا قبلي ورماكم الهوى ورماكم
حدش منكم يقولي
الحب له دوا يقولي
طول ليلـي سهرانة أسمع قلبي وأساه
ويقول وأقول له آه
من ناري وحرقتي

اسـال دمـوع عيني واسأل مخدتـي
كم دمعة رايـحة جايـة
تشكـي لك وحدتـي
اســـأل مــخـدتــــي

******

[ليلى ابو مدين]

وحشتوني

****

كلمات : سيد مرسي
الحان :بليغ حمدي


******


وحشتوني وحشتوني اهلا اهلا
باعز الحبايب اهلا اهلا بالقمر اللي غايب
يا قمره وحشتينا نورتي ليالينا واتلموا الحبايب

وحشتوني وحشتوني وحشتوا عيوني
وفكرتوني باللي كان
ورجعتوا يا حبايبي لايام فات عليها زمان
رجعتلكم هنا بينكم .. اغنيلكم
وحشتوني وحشتوني
وحشتني ليالي زمان

وحشتوني .. بقالكم زمان وحشتوني
وحشتوني .. ولسه ح توحشوني كمان
ياعشره عمر حبيتها
واموت فيها كمان وكمان
ومهما الدنيا تبعدنا ح نتقابل في كل مكان
ومهما العمر فرقنا حنرجع برضه زي زمان
رجعتلكم هنا بينكم اغنيلكم
وحشتوني وحشتوني
وحشتني ليالي زمان

خذوني حبايبي خذوني
حبايبي خذوني يا حبايبي
دي راحه قلبي وياكم
خدوني وريحوا قلبي
دنا مش ممكن انساكم

بحن لعشرتي معاكم
وايام فات عليها زمان
رجعت لأغلى ناس عندي
واحلى عمر عشته كمان
رجعتلكم هنا بينكم اغنيلكم
وحشتوني وحشتوني
وحشتني ليالي زمان

*****